逃離人山人海嘅鬧市區，兩個小時車程後，會有一片全新天地？
一到星期六日，無論喺香港定係澳門，都會出現人潮洶湧嘅情況。即便喺香港隔離嘅深圳，雖然人口面積比會同香港差很多，但只要一到公園或shopping mall，依舊到處都係人。
以前想享受下大自然環境，浸下溫泉relax番身心，一般都會揀去廣州從化或者珠海嘅溫泉酒店。不過路程都會相對遙遠，開車都要起碼3個鐘以上。
上個禮拜同大陸啲frd去佐東莞嘅東莞塘廈三正半山酒店，同大家share番測評結果。
住嘅方面，房型有親水房、湖景房、親子房、別墅房等，價錢由閒日800hkd——假期2000hkd左右不等。個人比較推薦親水房，因為而家臨近熱天，呢鐘房型可以打開窗門即可跳入泳池。
食嘅方面，無論係中餐廳同自助西餐廳，我都覺得性價比極高。比較推薦中午食中餐，因為有點心等可以叫，一份都係10-30hkd左右。晚市自助餐會比較豐富，而且仲會有cocktail 、雞尾酒、烤生蠔、片皮鴨、東南亞風味佳餚、刺身料理、牛扒等公認，售價係300幾港紙，款式豐富真係幾抵食。
玩嘅方面，酒店各式設施都係非常完善。有各式各樣唔同口味嘅溫泉泡池；兩個好大嘅私人網球場（150蚊一個鐘度）；CS真人戰場；皮划艇挑戰；SPA按摩服務（500蚊一個鐘左右）等。簡直可以一次過滿足曬你唔止三個願望。
時間方面：從香港機場、旺角、觀塘等地有巴士可以直達酒店，全程約兩個幾鐘，自己扎車個幾鐘便可抵達，可以鏗唔少。
所以整體嚟講，呢間resort真係幾適合週末度假，值得過嚟試一試！
