贏在起跑線都係要用生命去跑先會成功
世上總有d人看不得別人成功，用盡任何方法去搵藉口解釋別人成功嘅原因。
無論是學霸入神科，體育達人奧運奪獎都好，總有人會話人地要不就出生富裕家庭有樓有車接送，讀名校再加N個補習班同興趣班，甚至有私人泳池，豐富嘅資源令佢地嘅成功易於常人，乜乜柒柒。
風光背後，成功人士用咗幾多血汗、心機同時間去創造屬於佢地自己嘅傳奇，又有無人諗過？台上一分鐘，台下十年功，你以為有天份有資源就唔洗努力？
的確唔少運動需要富裕嘅資源同金錢，但呢個只係入場券。世界各地入得奧運嘅大多都係建基於有資源培訓嘅前題下，大家背景資源相似嘅時候，剩下嘅就係天份同努力。
每個成功運動員嘅背後都係日以繼夜夜以繼日不斷重複沉悶嘅練習，1年365日不斷重複做體能、練習揮拍、練劍、練水、練波etc etc，直至踏上國際比賽的台上向世人展示一路以來努力嘅成果。
說穿了，唔少瘋狂搵理由去解釋人地成功嘅人，只不過係渴望搵一個藉口去掩飾其未曾成功平凡嘅人生。
成功人士同佢地分別，就係當你班人花時間搵理由去disprove人地嘅努力同成功時，人地將呢d時間用係增值自己，令自己成為一個更好嘅人。
其實平凡無問題，但如果你不甘平凡，就STFU從今日開始努力，用生命去跑你輸在起跑線嘅人生，有朝一日你會發現，原來起跑線嘅距離無想像中咁遠。
Photo: 立場
#香港人加油
#香港運動員加油
私人 興趣班 在 成人興趣班！活動，課程交流資訊 的推薦與評價
作為成人都可以參加興趣班,以下群組歡迎分享課程資訊及推廣活動“這就是【成人興趣班！活動，課程交流資訊】培訓成員官方的Facebook 私人群組。 ... <看更多>