［今日寫呢啲］拿，大跌市就啱啦。雖然賭仔嘅嘢，贏錢畀貼士荷官就手爽，輸錢就叉燒飯船飛都同你計。但大家都知，順境波使鬼人教咩（雖然都有啲人可以輸錢），跌市先見真章嘛！
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
天地良心，我又唔係啲同你講咩末日呀歸零之類嘅友，超，都冇skin in the game，你問佢敢唔敢瞓身沽空？根本亂講冇後果，口不對心。同樣地，我亦唔係冇貨然後係咁話跌嘅花生友。本人一路都100% invested（其實係超過100%，因為層樓未供晒，雖然我在台灣舊錢夠我聽日贖咗層樓），同你共同進退。咁港股當然輸錢，但，貼過你睇啦，升市時我升得多過大市，跌嗰時又少過三大指數，你估咁易？唔係好叻，但就好過好多人。
賣埋廣告，星期六同HomeBlogger搞個講座，當然收費（我時間好值錢的），但見到真人，教你跌市點好，下半年點部署，MPF點搞，甚至各種奇難雜症。你可以send定兩條問題，唔得閒嚟都有重溫，但當然一樣價錢。詳情呢度（https://bityl.co/83O7），報名呢度（https://bityl.co/83OA）
講咁多嘢，今日寫乜？講最唔重要嘅先，LVMH出咗業績（冇錯係賣LV同賣M賣H嗰間LVMH），星期一，我都冇為意，但都照搞返，有埋個Excel，搵次週末專題全面講。另外，剛剛見到Apple Google Microsoft 出咗業績，篇文未評（星期三日頭或夜晚會有），但之前已經週末寫咗preview
咁講返正題，梗係跌乜，跌到幾時，同埋跌到乜位。跌到幾時呢個問題，係廢的，你一日跌100點同1000點完全唔同，所以跌到乜位就可以討論下。
不過，講咗跌乜先，都話德國股神科斯托蘭尼嘅名句：我唔使知聽日發生乜，我知今日發生乜同昨日發生乜就夠，因為好多人連呢啲都唔知。
到底跌乜？例牌跌市就假消息滿天飛。本人教你分真假，但，好重要嘅一點：VIE。係乜？咪自己Google．一向都有呢個問題，只係今次就動真格了。係咪唔畀人賺錢要打晒啲賺錢行業？當然唔係，但如有需要亦絶不手軟。
VIE，「咪好似搵人頭買樓咁」，「其實紅籌都差不多」，「有冇人話你知中國移動係香港公司？」「我講941喎，唔係你開台嘅中國移動（香港）」。VIE呢類已古已有之，根本「紅籌之父」咪抄VIE，繞過規定，「海外」東西控制國內嘢。但點解紅籌冇事，VIE就有事？咪就係香港同開曼群島嘅分別。Patreon會細講。
既然係咁，我就覺得個情況唔係差，當然總有啲人日日都話核爆，唔知發咗達未。但Anyway，我就梗係同你量化。
當然你次撚次話今次唔同，咁就唔使討論的。但，2020年3月，我寫嘅文，一樣用同樣方式，大約（大約啦下）都估到恒指大約咩位見底。真係大約架咋，一兩千點偏差好正常—大跌市見底嘅日子，美股港股都實係單日幾千點的，點捉？
咁，教埋你又點話？咪睇Price to book，上次都係咁上下方法。但，點知恒指Book Value per share？可能你搵到，但即係畀你搵到條魚都好，你都未必識整。畀你識整，都未必整得好食，讓專業的來啦
況且，我當你搵到恒指Book Value per share，但用邊一個？年頭定年尾呀？好多學問的。你估我白出糧的？就當你搵到，咁應該用幾多倍？全部都係學問。
幸好，我篇文全部有講，你仲可以拎埋個Excel返屋企自己玩。
不過費事你話咁hard sell，咁循例講你知：而家梗係未係跳樓價！呢幾日先10%，高位先20%—哦，又「熊市」呀可？係喎，跌多一千幾百點，分分鐘今日就「入熊」。但有乜啟示？即係舊年美股高位跌20%我就應該撈底？定追沽？咁如果跌到30%呢？又瞓身沽空？
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
