又係呢D無良客，呢Ｄ咁既地產ＭＫ仔自己都搵唔到食啦！真係慘！1K一分鐘片都俾唔起...仲要幾百蚊一條...懶係大生意..百零條大人..剪哂咪得5皮野..百零條要剪幾耐呀大佬...
#所以我一向唔接剪面JOB #窮生訓多陣好過 #請廣傳
【中原地產經紀請畢業生剪片拒找數】
事主用影片和文字詳盡地講述了事件經過，
經紀叫何XX Chrxx (男，34歲)，此人打完齋唔要和尚，
本來說好$1000/1 min(應付deposit$3000)，
中途睇過demo表示過大致滿意，
後來卻指「唔再需要」打算用$300打發走事主，
這是嚴重破壞合作單位雙方互信的事情，
希望大家推po(上一個po係share事主)，更希望該名經紀盡快解釋原因或找數！
-\-\-\-\-\-\-\-\-\-\-\-\-\-\-\-\-以下為事主所寫的詳細事件經過-\-\-\-\-\-\-\-\-\-\-\-\-\-\-\-\-\-\-\-\
《無良中原經紀明呃畢業生》
本來我糾結左好耐公唔公開呢件事，但係我一次又一次俾機會對方都唔理！
對方恃著多我十年社會經驗，就擺明欺騙初出茅廬嘅畢業生，
唯有選擇去揭發呢個人嘅惡行！
事緣今個月4號，呢位名為何XX Chrxx (男，34歲， 任職中原XY區Y區左岸第Z分行) 嘅前同事無故以whatsapp邀約我幫佢剪片。
咁我知做剪片freelancer呢啲靠口頭承諾嘅工作，唔單止風險大，又好易俾人搵笨，又冇保障。
不過見佢係我舊同事，搵得我點都要俾個面幫下手。
咁我地約左後日(6號)見面，本身我就改左約佢晏就一點半喺西營盤水街間starbucks見面，
點知等到佢兩點先打黎改地方，枉費左我半個鐘時間都算，
去到之後佢即刻長話短說，俾左兩、三條佢之前剪嘅片我睇，
又話知我大學「讀剪片」，想用我啲知識同技術去整比佢更好嘅片。
佢就俾左一個idea我，叫我試下整。
然後我就提出收費為$1000/1 min*，
佢從來都無話要檢驗過我嘅剪接實力先應承呢個價，而當時佢都無表示唔滿意，代表佢都同樣默認呢個價錢準則。
佢仲好豪氣咁同我講話如果我唔信佢，佢可以先俾$3000我，咁初出茅廬嘅我梗係唔敢收啦……
最後佢吩咐我15號交條片俾佢睇下，又叫我搵下資料，睇下唔同片，咁我咪照辦。
對方仲同我吹水，話如果今次做得好嘅話會俾十條甚至一百條嘅片俾我剪，講到前面有「大把生意等緊我」咁 ……
個陣萬萬估唔到佢嘅惡行陸續有來——
咁我接左job一定要以認真嘅態度對待！
果晚我返到屋企即刻搵下唔同介紹樓盤嘅片黎睇下作參考，
睇完仲即刻整左一條demo俾佢試睇，證明我係整到佢想要嘅效果呀嘛！咁第二日佢睇完都大致滿意。
我又重新send左我嘅分析結果俾佢，仲提出左啲新嘅建議，亦都有問過佢會唔會想試下新效果呢？
點知——
一啲回覆都無！
唔單止咁，我催左佢兩、三日佢先肯upload啲片源給我，亦都希望佢提供一啲樓盤資料俾我，
但係佢都係敷衍我，甚至叫我是但作住先……
仲有，佢無端端用"sample"黎稱呼呢條片，
我個陣覺得好怪，佢當初都從來無講過呢條係"sample"，
不過礙於要保持雙方嘅友好關係，以及我對佢嘅信任，
所以我繼續喺一個充滿不明朗因素嘅環境下，用心完成工作，亦相信對方會為我的工作付出應得的酬勞。
點知，當我15號幾點見面個陣，
對方以忙為理由，唔願意定實一個準確嘅時間；
而當我send左條片俾佢之後，
對方再以工作忙碌推搪，話「研究完之後過兩日搵我」；
當我主動提出要佢俾左錢先，
佢就開始三番四次唔覆我Whatsapp，
甚至唔睇我message！
直至我三番四次不斷搵佢，21號佢終於肯打電話俾我。
點知佢唔單止ban晒我加個啲新效果，
仲話唔再需要我繼續幫佢，
最離譜嘅係佢竟然諗著用$300就打發我走！
個下聽到我眼都突埋！
即刻同佢講話就算佢唔滿意條片，都要根據當初定落嘅價錢準則俾錢！
大家理論完一輪之後，佢就Hea著咁應承我會俾$3000，之後就即刻cut線。
我Whatsapp左我個銀行account number俾佢，
仲叫佢第二日中午12點前過數給我，
點知等到第二日1點半我都未收到錢！
咁我就即刻就打俾佢，
點知今次對方竟然連一毫子都唔想俾！
仲用啲咩「試衫論」黎撻我！
佢話試完衫唔滿意嘅話可以唔駛俾錢喎！
我真係O晒咀！
首先，剪接呢啲創意行業，不嬲都係僱主提供資源，僱員再進行創作，
當中花費的心機同時間都係有價有市！
如果對方一開始講明唔滿意係唔會俾錢嘅話，
我根本就唔會接呢個job！
而家唔啱佢心水就「打完齋唔要和尚」，根本就係踐踏我嘅心機同時間！
同埋對方提出呢個試衫謬論根本就不適合於創意行業！
因為件衫都唔係間鋪頭出品，所以顧客唔滿意當然可以選擇不買，但呢件衣服可能會有其他人買架嘛！
但係剪完一條片，你唔滿意嘅話係無可能會再被其他人買架嘛！
道理就好似餐廳食完飯，唔通你話唔餐飯唔啱你胃口就唔駛俾錢？！
所以佢個「試衫論」根本係想走我數嘅藉口！
其次，佢話$1000/1 min係「天價」，話我係妙想天開！？
佢覺得一段幾分鐘片只係值幾百蚊！？
試下出面隨便搵一間廣告公司問，可能比我個價仲要多個零呀！
佢淨係將啲片剪接埋一齊再加返條音樂落去就搞掂以為好易，
調色、光暗、字幕個啲就唔駛理？
如果佢一條片淨係俾$300，粗略估算一條片我需要約20 hrs完成，咁我時薪咪得返($300/20=)$15/1 hr！？
連最低工資一半都無呀！
佢仲諗住之後俾幾十、幾百條我整，完全當我係平價勞工咁用！
最後仲諗住$300都唔想俾我！
呢啲人唔單止唔尊重我地創意工作者嘅心機，
仲剝削我地最基本嘅權益！
簡直就係剝削員工嘅典範！
除此之外，就算對方屢次唔覆，態度敷衍又唔合作，
但我從一而終都是認真同用心咁進行剪接，
亦從一而終堅持對方需要喺當初定下$1000/ 1 min嘅準則下支付費用。
但係對方卻一而再，再而三咁壓低價錢，甚至走數！
唔單止欺騙左我對佢嘅信任，仲扼殺左我嘅創意、時間和精神！實在係欺人太甚！
中原地產咁大間公司，竟然連呢啲咁缺乏誠信嘅人都請，
證明佢們管理員工不善，亦都不注重佢地嘅人品同操守問題。
明明成功製作一條銷售樓盤嘅影片可以為佢地公司帶黎無限生意，
而家一個無良經紀卻因為一個小數目而欺壓畢業生，
實在無理同不公！
以上我所有說話，絕無一句謊言！
就算錢追唔追得返都好，我相信公道自在人心！
*未畢業學生的市價為剪接一條片長1分鐘左右的影片，價位約$1,000
詳情可參考：https://www.hellotoby.com/zh-hk/blog/【搵外快必讀】2017香港10大-freelance-工作，可以搵幾多錢？/
