關於 竹蒸籠價錢 ，我們在網路上蒐集到這些相關的討論、資訊與評價

【#灣仔美食｜名廚Ricky實試名人飯堂 $650原煲海南雞飯 $1,680/條油浸筍殼 年賣百幾萬：肉好似蒸出嚟咁滑】 👉🏻 https://bit.ly/3bZOaBW

城中消費高昂嘅餐廳唔少，但貴還貴，又係咪物有超值？今集Ricky就嚟到灣仔呢間吸引無數高官名人幫襯嘅富豪飯堂。人稱Billy哥嘅行政總廚鍾樹棠相當傳奇，煮嘅菜式亦不拘一格。餐廳午餐$78起，打工仔都食得起，但晚市嘅散叫菜式，價錢就非同小可......

#飲食男女 #灣仔 #Ricky食貴嘢 #名人飯堂 #海南雞飯 #筍殼魚 Chef Ricky Cheung 大廚張錦祥
============================
用眼睛「品嘗」飲食故事，立即訂閱YouTube： 👉🏻 https://bit.ly/3eYT1nH
=============================
嚴選9大香港製造醬料，齊撐Made in Hong Kong，於「你的優惠」網上獨家發售 👉🏻 https://bit.ly/3wnAokm
=============================
為你的住家飯帶來一點不平凡，即上《三餸一湯》： bit.ly/2OWx8va
==============================
【香港匠人｜全港最老92歲蒸籠師傅 日日手製$15個竹籠】👉🏻👉🏻 https://bit.ly/3br2WRU
【好好運重開｜沙嗲牛麵名店重開 每碗$33水準依然】👉🏻👉🏻 https://bit.ly/3f7Fuve

世界各地嘅蒜頭到底有咩唔同？

【蒜頭比拼】法國蒜后價錢驚人 韓國人鍾情大隻西班牙品種 港產蒜瓣小蒜味濃
免login一click即睇：https://bit.ly/2Y21q0O

#飲食男女 #蒜頭 #蒜 #蒜瓣 #冷知識
============================
用眼睛「品嘗」飲食故事，立即訂閱YouTube：  https://bit.ly/3eYT1nH
=============================
嚴選9大香港製造醬料，齊撐Made in Hong Kong，於「你的優惠」網上獨家發售  https://bit.ly/3wnAokm
=============================
為你的住家飯帶來一點不平凡，即上《三餸一湯》： bit.ly/2OWx8va
==============================
【香港匠人｜全港最老92歲蒸籠師傅 日日手製$15個竹籠】 https://bit.ly/3br2WRU
【好好運重開｜沙嗲牛麵名店重開 每碗$33水準依然】 https://bit.ly/3f7Fuve

✨✨2021一田 x Staub 孖人春季開倉速報✨✨

廚具真是一種很奇妙的東西，買來買去總是覺得不夠用...然後總會忍不住繼續去開倉，繼續再買...（笑）

可惜去年長時間閉關，真的很久沒有買過廚具了。適逢Staub近日在北角匯開倉，超近Jan老師和Ophe的家，看到她倆蠢蠢欲動想去買些好貨，然後一起快樂午茶，我當然也不敵引誘，立即舉手參加。

這次的會場很寬敞，逛得很舒服。而且會場越大，展示的貨品就越多。看到很多便宜的好貨向自己招手，真想統統都帶回家。不過我此行最想買一個Ballarini煎鍋來取代家中那個已經有點刮痕的TNS煎pan，所以先集中火力尋找Ballarini了。

如此金睛火眼地逛了一個圈，發現了以下的便宜的心動好貨。

⭐Staub 白色24cm鍋/南瓜鍋 👉🏻$980
由於外盒有點損毁，所以才用如此割喉的價錢出售，其實鍋身很新淨，這個價錢真是便宜到不可思議。喜歡白色的要快快手去問～～～

⭐World Kitchen低糖電飯煲👉🏻$699
市面上的低糖飯煲大多超巨型，而且價值不菲。這架康寧出品的World Kitchen低糖電飯煲小巧可愛，整個白雪雪超級漂亮✨✨而且價錢超實惠，很適合送給老人家呢！

⭐康寧透明玻璃蒸籠 24cm👉🏻換購價$269
很多谷友喜歡用康寧玻璃蒸籠來襯鑄鐵鍋，視覺效果超級漂亮可愛～ 但平日很難遇上，就算有價錢亦很貴。今次在場內竟然讓我遇上，換購價還要是$269！超級超級驚喜～～～

⭐ Staub綠色亞枝竹鑄鐵鍋 👉🏻$1599
這個我還是第一次遇上！！一直以為是普通的深綠色 ，沒想過真身竟然是有漸層的深綠，整個閃亮亮的簡直漂亮到不能形容～～ 如果想儲蔬菜鍋/綠色控真的要趕過去望望真身，絕對不會讓你失望。

很久沒有買過廚具的我，這天也忍不住大破慳囊，快樂地帶走幾件心愛的好物，滿載而歸。這種和朋友一起愜意地逛街掃貨的Shopping Therapy，真是久違了。

------------------------------------------------
🛍Shopping Tips

今次開倉除了法國Staub外，還有德國孖人牌，意大利Ballarini, 美國康寧餐具，比利時GreenPan，韓國CUCKOO和日本Kyocera等，全都是廚具界頗有名氣的品牌，質素不俗，價錢折扣也吸引。如果想換新廚具可以過來逛逛，應該會有不少斬獲呢！

日期：2021年3月2日-3月15日
時間：11:00 - 20:00
地點：北角匯2期地下G03號鋪

------------------------------------------------
🔪ZWILLING J.A. Henckels HK 德國孖人牌

寧做小生意不批貨 西灣河老麵廠誓保質素：要維持客源唔可以偷工減料（足本版）： http://bit.ly/2RvZvhl

山竹走了，香港仍然颳大風；股市不能停，搵路趕返工，賺錢「重要」過天災。西灣河有間老麵廠叫春記，口碑載道，老闆偏偏將生意愈縮愈小，每日打麵兩三種，只做零售，門市中午12點就拉閘。
行家笑春記人懶不進取；「咁辛苦做咩啫？第一，交畀人嘅貨價可能係現在賣嘅三分二；仲有，我質量可以提升多啲，做好啲；如果交畀人要淋淋聲做完淋淋聲起貨。」第二代掌門五哥樊容強心水清，腆着大肚腩哈哈哈，十足一尊笑佛。

「禾稈冚珍珠！」慕名首次來到春記麵廠的人，可能有此一嘆。幾百呎小廠躲在靜靜的興民街，附近佔了一半是車房；門面殘舊，小趟門僅夠一人通過。但見不時有客擠進來五包十包的買麵：四位老太太似小學生在起哄，「我哋平日帶車仔嚟；今日無準備，行到呢頭又忍唔住。」金蘭姊妹分別住北角、將軍澳、何文田和元朗，你買我又買。有靚女長居法國，離港之前來買麵，他朝解鄉愁。
曾經有個在美國開旅行社的熟客，叫春記做一個貨櫃的麵，拍心口有本事賣晒。「一個貨櫃？我一年都做唔到喇！一個星期我都只係做幾百斤麵。一包麵粉50磅，一個貨櫃放麵粉800包，放幾多麵我就唔知。」五哥耍手擰頭笑騎騎。


時間　磨出來的細緻
春記貨種不多，蝦子、瑤柱、魚蓉……乾麵類六七款，濕的有生麵（雲吞麵）、上海麵、雲吞皮等，每日只做兩三款補貨。五哥指出，每星期做三兩包麵粉的生麵、三兩包麵粉的上海麵，蝦子麵做到七八包麵粉，「如果你唔係自己鋪，咁樣根本唔夠皮。」
雖然貨量少，他依舊每朝凌晨五點回來打麵。為何不多睡兩句鐘才開工？「麵呢，做嘅時候要等佢（成分）去混和，我哋行內叫做『行吓佢』，放一放先轆，放一放先執，咁係最好嘅。」他晨早打好麵，弟弟樊容坤（七哥）七點多現身，順道速遞早餐，去門市開檔回來正好執麵。
身處橫街，門面欠奉，七哥明言全靠「老主顧」支持，「人哋話你嘅麵好食，證明你嘅出品受人欣賞。（做麵）回報你嘅，唔係一包麵嘅價錢。」七哥滿足道。
五哥強調：「維持到客源，就係不偷工減料。就算有靚材料，你偷咗工都一樣死。」譬如他做掛麵，人家「夾」麵一次、轆（壓）兩次；他就夾兩次，轆四次五次六次，「如果一次過壓得夠薄，條麵唔好食嘅。轆多一兩次，麵會滑溜啲。」慢工不一定出細貨，但要細貨，不得不磨時間。當中沒秘訣，行家也知，但知不等於做，尤其趕急大量出貨的。「我不是經常做，時間耐啲，無問題，慢慢做。」工序在意，客人評價五哥一樣在乎：「你賣一樣嘢出去，個客返嚟一句說話：你啲麵唔得噃上次咁樣，你就成晚瞓唔着。」


機器　取代不了經驗
有50年，春記都用蒸籠明火蒸麵、焗麵。大約十年前傳出發展商意欲收購興民街的舊樓，所以兩兄弟一直沒有更改生產設備；然而，五年前去到討價還價的階段，收購重建無疾而終。兩年前，乘着配合屋宇署的要求，他們花了三四十萬重新鋪水鋪電，廚房改了電的蒸櫃和焗爐，走進「現代化」。
「現在蒸一車麵23分鐘。以前朝早蒸到夜晚五點，執一次麵就要去蒸，之後要焗，將啲麵調嚟調去，一日搬到黑。」五哥說。
那次大裝修，舊物只剩一紮古董竹片，父親用過，今天韌性依然，好晾掛麵。竹昇和蒸籠都沒留下來，倒是夾麵機壓麵機從父親年代服役至今，一開動就嚓嚓投訴，零件換了好幾次，就是捨不得丟掉換上先進的。
機器省了力氣，但做麵仍要靠經驗，例如大部分麵款都要落鹼水，多少有別，醒鹼時間也不同，五哥製作七哥出貨都了然於胸。水分也要掌握得好，例如做掛麵只有麵粉和水，太濕麵不好吃；太硬，麵就易斷易碎。所以，打麵前，要磅準水量，「如果你斷估倒水下去，多時加粉，少時又加水，加來加去，打麵桶愈打愈熱，麵就放唔耐。」
打瑤柱麵剛相反，成分有瑤柱汁、瑤柱蓉、蛋、麵粉、鹼水等比較複雜，最初未知濕度硬度，所以要慢慢加水，一邊打麵一邊去用指頭感受判斷，「倒水太多就死喇，你再加麵粉就稀釋咗裏面嘅材料，瑤柱味淡口咗。」
蝦子麵瑤柱麵比較受歡迎，他們每個星期都做；但掛麵就得看天時，「如果大北風嘅時候做，呢刻掛上去已經攣晒，賣相唔好；如果南風天，掛兩三日都唔乾又驚佢發毛。」打麵，並沒有一條方程式，唯有歲月造就的敏銳。

追數慘過借
春記在1965年由父親樊春創辦，1975年前搬來現址，一度是東區雲吞麵鋪、酒樓的供麵大戶，遠至灣仔也交貨；單是打麵師傅就請了五六個。五哥有八兄弟妹，除了萬千寵愛的小妹，七兄弟自小就在麵廠幫手，但繼承衣缽的只有老五和孿生細佬老六以及老七。「中學讀唔到書就跟老竇做囉！」五哥笑。
「老竇等師傅收工就教我哋坐竹昇、打麵。」七哥邊說邊回味怎樣將一塊厚厚的麵糰「坐」成薄得透光的雲吞皮。
97年老六移民波士頓，老師傅一個個告老還鄉，最後只剩下五哥和七哥兩個人。五哥回憶：「以前做生意比較困難，人哋幫襯你係好事，但數期長，周轉比較困難，你要找數畀人，夥計又要出糧。後期都係唔好喇，索性做少啲。」
「追數慘過借！」七哥搭訕。
98年五哥正式接手後，只交貨給準時出數的兩三家；四年前乾脆停止做批發，「自己賣算數」。門市就在百步之遙的西灣河市政大廈，正午12點便收鋪，客人要買麵就得移步興民街麵廠。「下晝唔開檔，因為粉麵客人通常上晝買，夜晚食飯煮餸；下晝生意額都唔夠請一個女工睇檔。」七哥道來原委。

簡單　也美
兄弟倆只差兩歲，五哥滿頭灰白，七哥無染髮也烏卒卒，完全不似59歲。
「佢以前多嘢諗。」哥哥是麵廠持牌人，打頭陣，傷腦筋。哥看弟「漏氣」，弟看哥「心急」；不過二人拍檔幾十年，早明白「如果人似我除非兩個我」，「一人少句就無事。記住，你一嗌交就散檔。」五哥笑得瞇起眼。兩兄弟都是健談之人，可是在麵廠各有專注，大多靜靜地做，任由收音機大聲播。
「我14歲開始做，現在兩個膝頭痛，痛咗幾年啦。」61歲的五哥看了醫生，說是勞損。幾十年來他日日搬麵粉、抬又濕又重麵糰走來走去，不離開崗位關節炎難緩解。七哥一樣腳痛，因為「坐喺度執唔到麵」，每日執麵，一站就是七句鐘。
「我希望65歲可以退休。」哥說。「佢四年後退休我都要退，一個左手一個右手，佢做前半部，我做後半部。」弟應。麵廠少一人都不能運作。
春記有歷史有口碑，可產量少。行家都說他兩兄弟懶，不思進取。七哥一笑置之：「錢，使到嘅就係你嘅財產；你唔用嘅就係你嘅遺產。搵到兩餐，唔係夠囉！」收工和朋友打一場波，或者在家搞吓電腦又一個晚上。
五哥點頭同意：「以前做批發一年最多休兩日，現在可以休十日八日。」自給自足，沒有交貨壓力，他整個人輕鬆了，回家飲杯冰凍啤酒，睇日劇、藍光影碟，有時煎一塊靚牛扒，已經樂透。
開心，可以好簡單。

採訪：韓潔瑤 拍攝：梁偉德

春記食品製麵廠
門市地址：西灣河市政大廈一樓D126號鋪
麵廠地址：筲箕灣興民街30號
電話：2560 5144

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)