有D朋友話睇完個第十幕想睇番之前既，今日就post第一至第十幕比大家睇啦
上星期五，大市殺好友一個措手不及，週四才用一分鐘爆升四百點到23100(期指)，週五已到22000以下，好友慶祝還來不及，已被綁個正著，開市22600，大家估會悶住結算，我估兩日內跌穿22420，誰知我的『大膽』假設也顯得保守，大市只用兩小時就跌穿22420，兼且再下試，可以講市場現階段跟足我們的劇本行，要猜好友淡友行軍博奕及手上籌碼，必須重溫劇本。才知下一步點做，太詳細的大家未必能一下子吸收，現試用較簡單的量度幅度及黃金比率去分析給大家看，主要劇情如下:
第一幕 31/7/2015 (B)
判斷熊二來臨，預示大市將會創新低，創新低後卻會醞釀一個超級大反彈。
第二幕 20/8/2015
終創新低，即係由A 31/7(B)至19/8(C)買貨的將會被綁，還要綁得頗嚴重，唔到牛市都無得翻身。加CALL，熊二反彈是反彈中最利害的，在牛證獲利中，第一個上升裂口通常都不會短期內回補，所以值得搏CALL， 2/10/2015(X)搏call
第三幕 19/8/2015(C)—29/9/2015(D)
醞讓這個大反彈很久了，由A點，7月8日大跌市之後的最高收市價25516，到7月8日股災日的最低價22714，相差了22516-22714=2802點，如果照完美演繹，要跌2802點才是量度跌幅，結果跌到(D)，跌了22714-20249=2465，即係相差 2802-2465
2802 ，12%
跌了量度跌幅的88%，就開始反彈。
第四幕 26/10/2015(E)
從我們的軟件『極速先機』看到真正形成質變的數量不足，質變數字連100隻都不到，與牛市初期相距甚遠，加上大反彈由弱勢股帶動，所以反彈完成機會高，所以平所有好倉，並轉為做淡。
第五幕:做淡過程中，19/11/2015(F)出現島型底利好形態應先行反彈，平掉所有即月put，但島型底未能影響中線淡倉，所以12月, 1月put不變;島型底短線走強，改沽即月put作對沖。
第六幕 23/11/2015(G)
島型底未能再創新高，並做出陰燭，平即月sell put獲利，以免突然大跌，看岩市反蝕錢。
第七幕 26/11/2015(H)
由於無即月put，大挾倉一分鐘升四百點，無乜心理負擔，無被嚇走。
第八幕 27/11/2015(I)
估計會回補先前上升裂口，故買12月put spread即時獲利。
按量度升幅 (9/9)(J) 22176- 20451(9月最低收市位) =1725點 100%量度升幅底升1725點至23901
就算用第三幕幅度一樣只反彈88%，也應彈1725X0.88=1518點，即彈至22176+1518=23694
結果最高只彈至23419，當然唔排隊，會再挑戰23694，但自從26/10/2015(E)，陰陽燭比例為16:9，相信要再向下試才有機會回升，而以D至E的50%，回吐是21850附近，相信這水平只可略為令跌勢放綬，由於第三幕及第八幕不到量度幅度，可見波幅正在收窄中，但反彈幅度為23419，突破位22176，只反彈了1243點，是1518點的81%，比第三幕的回調88%更低，連升幅最勁的熊二反彈也不及跌幅，反彈幅度低於調週整，是形態市特徵，所以試穿20249的機會比較大，就算猜錯了，29/9果然是底，是牛一開始，一段牛一都要回調升幅的61.8%，方能攀升，即23419-20249的回調61.8%，即21264-21655(通常預正負波幅10%)
方有可能出現反彈。
第九幕：上幕講到，就算睇好，都要回調到21264-21655，心中諗既係215XX，今日就到左了，咁後市係點，我好少無立場，今次就覺得八成機會試202XX，但第七幕都有寫就算睇好，都要回，所以當日咁大信心，但現在已回左，若然睇淡，梗係唔洗理，然若大市真係好，係可以好似2011年咁，回整整61.8%，到達17568 ，然後升到24,000 ，呢個機會有幾多，老實講一成都冇，但並唔係無機會。所以我走三份一就算，其他照keep，甚至一見陽燭，會買三個月後嘅23,000 debit call spread，未買住，遲啲先，幾時？遲啲SMS
第十幕：昨日個市倒水開市，其後反彈，這枝陽燭是近期最像樣的一枝陽燭，猜19468是近期底，非常正路，如果只係博短線，睇回補一月十日的裂口20258，係成功機會大的一注，由其昨晚美股180度 逆轉由跌轉升，所以今日下注買上非常吸引，但係我沒有下注，因為在未有確切訊號下注前，好易杯弓蛇影，自己睇得較淡，貨幣行先的陰影，根深柢固，升幾百， 跌番幾百，都無乜升跌，我就會覺得升完跌，期貨信心不足，好易自己嚇自己，我暫時選擇放棄買上這一注，反而希望佢能三兩下功夫彈上21000，因為我睇19394必穿，但挨近沽，無值博率，但彈上21000後，有1600點，咁就有水位再做淡。咁唔係一定唔做好既，第一，即市會諗，第二，如果再多D確切既訊號肯定D可以睇到21000既，咁就算得六七百點，都可以博，等下星期二左右吧，真係唔賭唔舒服，就情願，SELL 19400 PUT，博佢升兩日或升完跌番都有少少時間值同引伸波幅賺，風險細些少，開市再通知大家啦。
