冇寫新嘢,又Po舊嘢~
————————————
【你的鼻環是如此的難以忘記~】
兩個問題:1.梁朝偉唱歌好唔好聽?2.梁朝偉戴鼻環好唔好睇?
1.瀟瀟灑灑的給我瀟灑的相機——吓?相機?相機點瀟灑法?
2.Oh I’m so sorry,不是「相機」是「上機」。這一句來自梁朝偉名曲《一生一心》。
3.唔知點解地,梁朝偉唱歌總是令我感到怪怪哋。像他第一首名曲《朦朧夜雨裡》,每逢唱Live,硬係覺得他入慢了半拍或四分一拍——總之就慢咗啲啦,但聽得多,又覺得,入慢咗又點啫?好大問題咩?冇計,因為唱的是偉仔。我自細就鍾意偉仔——全因《新紮師兄》的杰仔。我不知怎樣形容當年《新紮師兄》給我的震撼,而我萬料不到,梁朝偉唱歌給我的震撼,竟然是《新紮師兄》的十二萬倍。
4.嗱嗱嗱我唔似其他人咁,覺得梁朝偉唱歌難聽,我只是覺得怪,一種好難形容的怪,一種愈聽下去會慢慢習慣甚至迷上的怪。
5.怎樣才算唱歌好聽?曾幾何時,有人把喉核好似有靈性咁識得郁上郁落,視為唱歌好聽的附帶表象;也有人認為,唱歌稱得上好聽的歌手,就是無論聽錄音帶 / 黑膠 / CD抑或現場,佢把聲都要一樣。以上,一概被統稱為唱功。
6.那麼梁朝偉肯定冇乜唱功。我好似從未見過他唱歌時喉核會生性地郁上郁落。而聽他唱現場,又同錄音室版本唔多同(例如唱《朦朧夜雨裡》硬係好似入慢咗)。
7.離奇是他在上世紀90年代出過多張專輯。不計1993年的粵語精選《難以忘記的你》,同年就先有張國語大碟《一天一點愛戀》(係呀,一個被認為唱廣東歌都唱不好的人竟然挑戰國語歌);跟住,1994年,《重慶森林》上映那一年,直情出夠三隻你歎,《一生一心》、《為情所困》、《日與夜》(《一生一心》是EP)。而自小就鍾意偉仔的我,自然三隻買晒!尤其愛《一生一心》和《為情所困》——歌暫且不說,單是封套已經無可抗拒!《一生一心》上的朝偉大頭,幾執頭髮在有點偏色的情況下,有意無意間垂在他雙眼之間,心心眼!《為情所困》,不玩大頭,玩一格格電影菲林,格內除了他,還有周嘉玲——兩位就像在重演《重慶》中的激情,心心心心眼!我可以好大膽咁講:即使以今時今日目光去看,這兩個封套依然經典,依然贏晒市面上九成廣東專輯封套(嗰九成簡直完全喪失美學觀念的核突嘔心示範)。
8.咁,啲歌呢?Well,歌曲本身,其實都是很典型的中慢板情歌套路,但全仗朝偉的深情和深情及深情,每一首,都被Add了無盡的深情Value,明明再直白再冇嘢的一句歌詞,由他去唱,定必化成情深的一句:《為情所困》的「這一生為情所困 / 只為當初妳的心太真」(你睇,強如朝偉都會為情所困!);《一天一點愛戀》的「一天一點愛戀 / 一夜一點思念 / 給我一句真的誓言 / 讓我可以期待永遠」——把聲已夠深情,睇埋個MV,全程就咁影住朝偉獨坐木凳,Keep住把不羈的髮Fing來Fing去,有時又含吓條頸鏈……最後,望住你,甜笑,完。連性好AV的我也被打動。
9.要唱Live時,朝偉就以一身當年的我難以名狀的時裝風格示人(後來才知道源自Grunge),而最最最最最最最最最最最最勁的是:他.戴.鼻.環。今天回看,你或者會笑,但在當年,是多麼的出類拔萃驚世駭俗——連四大天王都冇個敢戴。可以說,90年代的朝偉以歌聲和衣著(別忘記他還有著裙!),創造了一個只有他自己才Carry到Handle到的歌手形象。前無古人,也應該後無來者。
10.回到一開頭兩個問題。1.好聽。好聽不基於喉核識唔識郁呢啲門面嘢,而在於看不見的感情,我們是聽人唱歌而不是聽Machine唱歌。2.好睇——肯定比你同我以及大部分男歌手戴得好睇。
(戴鼻環相在留言。)
同時也有62部Youtube影片,追蹤數超過10萬的網紅MPWeekly明周,也在其Youtube影片中提到,【#星期五樂城】有沒有一首歌,能帶你走過傷痛的時候,然後抱着破碎的心,繼續下一個夢? 「在YouTube發佈《失落沮喪歌》的翻唱後,得到一位聽眾留言說,我的聲音讓她難過不安時、如釋重負。非常感謝她,令我意識到,原來我一直在唱,除了自high,還可以有不一樣的意義。」就這樣唱進別人心房,蓋出了獨屬C...
第 一首 廣東歌 在 Facebook 的最佳貼文
Posted @withregram • @stupidmusichk
[ 論盡樂評:9.5/10 ] J.Arie《判官之印》
MV: https://www.youtube.com/watch?v=WDD72nyOSrA
.
SMART review: 豁到盡處了?
.
今年到目前為止,最驚喜、最驚嚇 (我真係被個 MV 嚇親)、最意外嘅派台歌,應該都係呢首。
.
好多時一個歌手做咗一首精彩嘅作品,我嘅分數都會先放響九分。一來,留個空間比以後嘅作品,因為我嘅分數係歌手同自己過去作品比較嘅分數,所以萬一以後有更精彩作品,但上一首又已經去到滿分,咁下一首點算呢?唔通個分數冇上限咁提高咩?但今次實在冇辦法唔俾到 9.5 分甚至我覺得比 10 分都不為過,因為呢首歌實在太有驚喜以及意外,精彩到我都唔知應該點樣讚,或者從邊一度開始讚。
.
一首歌要融合唔同曲風,當然諗吓都知道唔簡單。但要有唔同曲風之時,歌詞之間要轉變而又要 make sense 其實更加難,以往鍾舒漫鍾舒褀有《SS14》,已經係一個相當唔錯嘅示範,尤其係 Remix 版本。但我覺得 J.Arie 今次呢一首《判官之印》,實在有過之而無不及,甚至呢個 project 由第一首《雙面哈菲》,經過《陰陽道具》去到今次呢首,係一次比一次俾到更大驚喜我。
.
可能你會覺得,驚喜係來自於歌曲題材上嘅直接,但我覺得係整個 project 入面,每一個參與嘅音樂人,都落力地突破香港樂壇現有界限,尤其響主流之上,好多想探討嘅話題,大家都唔夠膽寫得過於直接,又或者曲風想玩又未夠膽玩得太過盡,變咗雖然有創新,同時又感覺到有掣肘。J.Arie 今次完全無視呢啲事情,我諗都算係豁出去兼豁到盡處一樣,要憤怒佢搵 BennyKing 用 screaming 去加強效果;要白癡可以將歌詞寫到最淺白甚至配上唔啱音嘅和音去表達;要甜又可以跳躍,好似少女歌曲一樣;仲有一開始自大得神聖不可侵犯嘅 opening 等等,總之毫無保留地將每一種情感都表現到100%,再將咁多種情感集合,先可以真正表達到分裂嘅感覺。
.
如果你問我,呢一隻歌有咩要彈,或者有乜嘢地方需要改進。Sorry,我真係諗唔到,或者響部分人心中,呢首歌唔係完美嘅歌曲,但呢一刻我認為,呢首歌冇咩要去挑剔,尤其從佢嘅題材出發點,去考慮創作原因以及聽完製成品之後,除咗佩服呢一首歌所有製作單位外,我都唔知應該仲可以講啲咩,唯有講一句,呢首就玩到咁盡,下首仲可以點玩呢?一句講晒:非常期待。
.
.
《判官之印》主唱:J.Arie @jarielui feat. BennyKing @bennykingscream
作曲:雷深如 J.Arie
填詞:梁栢堅 @leungpakkin
編曲:Perry Lau @_perrylau / 留香瓊 @lauheungking
監製:Perry Lau / 雷深如 J.Arie
.
#JArie #雷深如 #判官之印 #梁栢堅 #PerryLau #留香瓊 #派台歌 #新歌 #廣東歌 #SMARTreview #論盡樂評
第 一首 廣東歌 在 Kobbie Cai 蔡港評 Facebook 的最讚貼文
好多人以為我2021年第一首派台歌Anymore(國語) 係我第一個作品,但係其實係2019年推出嘅Proud Of Me(英文) 先係我第一首推出嘅作品。因為疫情嘅關係,所以proud of me好似少左機會同大家見面。而家回顧番,真係好掛住係美國造歌同拍MV嘅日子,好想快啲可以再番去!黎緊都繼續推出更多唔同嘅作品,當然一定有大家期待已久嘅廣東歌,我極之期待呢首廣東歌嘅出世🙌🏻 #ProudOfMe #Anymore
#kobbiecai
#蔡港評
#postarasia
#星藝亞洲
Hair by @harrylau_
@michaellam_hairwork
@beijinghairculturehk
#beijinghairculturecwb
#petrolstation #losangeles #musicvideo #USA #america
第 一首 廣東歌 在 MPWeekly明周 Youtube 的最讚貼文
【#星期五樂城】有沒有一首歌,能帶你走過傷痛的時候,然後抱着破碎的心,繼續下一個夢?
「在YouTube發佈《失落沮喪歌》的翻唱後,得到一位聽眾留言說,我的聲音讓她難過不安時、如釋重負。非常感謝她,令我意識到,原來我一直在唱,除了自high,還可以有不一樣的意義。」就這樣唱進別人心房,蓋出了獨屬Cha Cha的甜美夢想。
Cha Cha從小到大,都特別愛唱,但不知為何,總害怕音樂夢遭人嘲笑。「慶幸幾年前,勇敢開了IG channel」分享多了,她發現it's okay to be not okay,因為每人都會在茫茫人生海洋裏,抓住至少一闕由歌化成的浮木。
《#你叫我譯一首德國歌詞》蘊含的,對故土之愛恨交纏,今天,被她輕盈哼出。Cha Cha期望,她的音樂能成為微光,溫柔融化黑夜。
更多Cha Cha的作品♪
IG:@singingchacha
YouTube:Singingchacha
• — — • • — —•
「星期五樂城」第二季啦!如有興趣在本節目亮相,歡迎隨時inbox聯絡,了解詳情!
Channel:https://bit.ly/34h4w65
-----------------------------------------------------------------------------------------
立即訂閱《明周》電子版:
https://bit.ly/3t1Jmmx
明周娛樂 Web/ https://www.mpweekly.com/entertainment/
Instagram/ https://www.instagram.com/entertainment.mpw
Mewe / https://bit.ly/39s8vgS
明周文化 https://www.mpweekly.com/culture/
想食明周 https://www.facebook.com/foodiempw/
INNER https://www.facebook.com/innermpw/
https://www.instagram.com/in__ner
![post-title](https://i.ytimg.com/vi/divzjA5rKpg/hqdefault.jpg)
第 一首 廣東歌 在 小肥Siufay Youtube 的最讚貼文
小肥將於今年推出全新專輯「Siufay Modern Classic 2010 – 2020」,這是一張關於香港樂壇近十年間充滿具代表性的音樂史詩(Music Epic)專集,全碟由陳輝陽監製及重新編曲,透過小肥在2021年這個時刻重新演繹當中由2010年至2020年間的11首經典廣東歌及1首全新作品,以歌曲娓娓道來香港過去十年的始末。當中裡頭存在很多不同意思,舊作品在某一個時刻誕生及走紅時正是代表著某種意志。但到了這個2021年的新時刻,由陳輝陽及小肥從另一種角度、另一種感受去重新演繹所產生了新的化學作用及新的共鳴。
第一首主打歌曲〈青春頌〉由 小肥 x Serrini 重新演繹,詮釋歌曲中的無奈、憂愁、光輝和燦爛。
---------------------------------------------------------------------------------------------------------------
各大音樂平台收聽:
iTunes: https://apple.co/3ylaGPg
Apple Music: https://apple.co/3ylaGPg
JOOX: https://bit.ly/3hqfvkk
KKBOX: https://bit.ly/3eLrN4P
MOOV: https://s.moov.hk/r?s=IlM6GG
YouTube Music: https://bit.ly/3bqKg4G
Spotify: https://spoti.fi/2R8SjMJ
Tidal: https://bit.ly/2RPrtZS
Amazon Music: https://amzn.to/3hvRrMZ
---------------------------------------------------------------------------------------------------------------
《青春頌》
曲:藍奕邦
詞:藍奕邦
編:陳輝陽、倫偉傑
監:陳輝陽
(男) 若然現時士氣高昂 即管放肆任性
(女) 當你感到無力軟弱 切記不怪宿命
(男) 若然做人未算聰明 更要賣力亡命
(合) 還未要負責之際切記盡興
(男) 誰亦會隨年變老 方懂得童年多好
(女) 等不到來年變老 才懷念 那種悠然腳步
(男) 來吧趁毫無控訴 快釋穿沿途的污糟
(合) 這段少年時間 既然昂貴 大好青春要盡耗
(男) 記住要共最美的人 (合) 分享每個夜晚
(合) 別忘掉原是靠堅持醫好每個傷患
(男) 既是有力挺起胸膛 (合) 即管好好作反
(合) 無懼雨水沾濕兩眼
(男) 無用聽誰來勸告 一街的人言滔滔
(合) 不需坐下來計數 前行吧 你想做 全意做
(男) 如沒有無窮氣數 也可跟神明賭一鋪
(合) 這段少年時間 有誰無悔 大好青春要消耗
(合) 記住要共最美的人分享每個夜晚
(合) 別忘掉原是靠堅持醫好每個傷患
(合) 記住趁尚有些本錢簽多一些帳單
(合) 如若你還淘氣 你還強壯
(合) 盡管出走別折返
(合) 無需定立時限 如風一般往返
(女) 人未老 (男) 還未晚 (合) 還未到盡頭記住來放心荒旦
(合) 若生命是無限 何必自定界限
(合) 大好青春就要多貪
(男) 記住要共最美的人分享每個夜晚
(女) 別忘掉原是靠堅持醫好每個傷患
(男) 記住趁尚有些本錢簽多一些帳單
(合) 如若你還淘氣 你還強壯 盡管出走別折返
(男) 記住每日盡興歡騰 (合) 通宵至到達旦
(合) 別忘掉原是以單純 (合) 體恤每個災難
(合) 既是有力挺起胸膛即管好好作反
(合) 無懼雨水沾濕兩眼 年月燦爛
---------------------------------------------------------------------------------------------------------------
Connect with 小肥 Siufay :
Facebook: https://www.facebook.com/siufay613
Instagram: https://www.instagram.com/siufay613/?hl=zh-hk
#小肥 #Serrini #青春頌
![post-title](https://i.ytimg.com/vi/rbg06o7pWpY/hqdefault.jpg)
第 一首 廣東歌 在 MPWeekly明周 Youtube 的精選貼文
#谷婭溦年紀小小已參加過不少歌唱比賽,十三歲那年曾被日本的唱片公司賞識,選中成為早安少女組唯一一個中國成員,但因為年紀太小,父親不批准而告吹,之後又有台灣唱片公司邀約,卻因為讀書關係而放棄,直至一四年的一次大學假期來港探親,改變了她的命運。「當時我在美國讀書,放假來香港探阿姨,當時《 #超級巨聲4 》找踢館的參加者,他們找了我表哥和表妹,表哥問可否帶多一個人來?導演說沒問題,他就帶了我一起去,結果他們落選,而我就入圍了。」全文:https://bit.ly/33rWRQB
-----------------------------------------------------------------------------------------
立即訂閱《明周》電子版:
https://bit.ly/3t1Jmmx
明周娛樂 Web/ https://www.mpweekly.com/entertainment/
Instagram/ https://www.instagram.com/entertainment.mpw
Mewe / https://bit.ly/39s8vgS
明周文化 https://www.mpweekly.com/culture/
想食明周 https://www.facebook.com/foodiempw/
INNER https://www.facebook.com/innermpw/
https://www.instagram.com/in__ner
![post-title](https://i.ytimg.com/vi/Uk9siS1M3xM/hqdefault.jpg)