【超獵奇：筆仙大戰貞子！】
同大家介紹過好多次，內地有筆仙、有碟仙，連上極都上唔到嘅《筷仙》終於都排期上映，嚟緊仲有套《筆仙撞碟仙》。估唔到《貞子對伽椰子》未上映前，網絡電影率先有套《筆仙大戰貞子》！
故事大致講一餅神秘錄影帶出嚟搞事，貞子當然周街走殺人，於是一班主角無計可施下，決定，請筆仙出嚟幫拖，點知請完之後竟然「筆仙纏身」！
原來，貞子係日本鬼王代表，筆仙就係中國鬼王代表！無它嘅，《筆仙》拍咗3集、《筆仙驚魂》又有3集，之後又出多套《筆仙詭影》同《筆仙歸來》，絕對仲亂過當年叫你分《午夜凶鈴續集》同《午夜凶鈴之貞子纏身》有乜分別，然後仲有多套《筆仙撞碟仙》，咁都唔算中國鬼王代表？
睇內地試片會個騎呢度，絕不比貞子同伽椰子做開球禮娛樂性低，網友熱烈改圖一堆"sheshe"畫面都幾有趣XD
