#戶外好去處 #影燈塔秘位超靚
剛過去嘅復活節假期,我哋除咗去流水響+鶴藪,仲去咗 #鶴咀。今次係第三次去😆,路線同以前冇分別,但帶住細佬B,反而行少咗某 d 景點,所以我補咗 d 舊相比各位參考👀。
筲箕灣港鐵站外,坐9號巴士🚌,大約半小時內到達鶴咀道落車,沿石屎車路行45分鐘至1小時,到達鶴咀電台位置,繼續向海邊方向行。多人嘅時候要小心行❗,崖邊位置有點兒窄。
接住返出石屎路,行前多少少,左邊有條樓梯,行到最頂轉左,會見到一間類似破屋,果度就係 #遙望燈塔嘅靚位,燈塔旁有橙色頂建築物,加上䇄立崖邊,影幾多次相都勁靚📸。雖然路徑容易,樓梯亦短,小朋友都行到,但上到最頂冇圍欄,千祈唔好比小朋友自己周圍跑🚫。
影完相,落番黎,繼續向海岸進發。仍然都係寛闊石屎路,好快見到一大片海,心曠神怡。正常情況下,行畢石屎路可直達鯨魚骨,不過道路維修關係,要繞道落石灘,先可以到達最盡頭嘅岸邊及 #蟹洞,帶住細佬B,怕跣腳危險,今次就唔行到最盡頭了,留喺石灘摸摸石仔就算。
另外,仲有必到點 #雷音洞,大浪從洞隙中打入,驚濤拍岸,值得一睇。遊完幾個景點,時間差唔多,從原路行番出去,#今次冇上燈塔,可以參考舊相,沿斜路行上去,亦係打卡熱點。來回共行 9公里,用咗 2.5小時。
⭐路線易行,但注意岸邊/崖邊位置要小心
⭐遇正假日,筲箕灣9號巴士會多人搭,因為佢嘅總站係石澳,及途經龍脊起步點。預多少少時間等車,走嘅時間都係,可能需要等幾班車先上到。
⭐一路上冇遮蔭,黎緊夏天陽光猛烈時記得擔把遮,冇咁辛苦。
#行山 #戶外活動 #親子好去處 #假日好去處 #海岸保護區 #kidshiking #hiking
筲箕灣去大浪灣巴士 在 Grassrootseaters • 草根食堂 Facebook 的最佳解答
《草根去郊遊系列-龍脊 🐉 Dragon Back 》
龍脊 🐉可能係最易入門行山嘅路線!咁又點少得草根嘅身影!3-4年前已經開始行,最鍾意係行完可以去到大浪灣🌊,成身熱辣辣跳落水浸一浸即刻啹返晒。
.
多人行梗係有佢嘅原因,呢度勝在唔難行,但有靚景睇🏞,上到山脊景觀開揚,睇到石澳、大浪灣同赤柱。行到終點又可以喺大浪灣游番陣水🏊♂️,成個package都好正。
.
路線: 土地灣、打爛埕頂山、龍脊、馬塘坳、大浪灣。
.
挑戰度:🌝/🌚🌚🌚🌚🌚
.
交通:筲箕灣巴士站9號或搭石澳小巴係土地灣落車。走嗰陣都好方便,大浪灣有紅Van去返筲箕灣
.
時間:3小時
全長: 8.5K
.
注意事項:
1.有好大部份嘅路程都無遮無掩,如果天氣好熱嘅話,真係要帶多啲水做足防晒措施😎!
2.呢條路線真係好好行,所以假日真係多人到好似旺角咁,亦都係呢個原因草根都真係好耐冇再行啦🤷🏻♀️。 @ 龍脊郊遊徑
筲箕灣去大浪灣巴士 在 李懂媽 Facebook 的最佳貼文
《 阿希 》
(長篇故事)
筲箕灣明華大廈,係阿希長大嘅地方。
小二嗰年,阿希識咗住隔離屋嘅阿節,大家係鄰居兼基督教基灣小學同學,年齡一樣志趣相投,十幾年嚟形影不離,真正係赴湯蹈火兩脅插刀嘅好兄弟。
佢哋一齊響筲箕灣住到中學畢業之後,明華大廈拆卸重建,阿希同單親嘅媽咪搬咗去西灣河,阿節就入咗CU住hall,嗰陣時,應該係梁振英做咗特首冇幾耐。
中學嗰陣時,每逢放假佢兩個都會約埋去游水,買一罐可樂幾串魚蛋響筲箕灣巴士總站排隊,搭9號巴士入石澳。
記得有次,應該係中四嗰年,天文台掛3號風球,佢兩個約埋一齊去大浪灣,起初無乜嘢,阿節游緊出去浮台嗰陣,突然間風雲變色狂風暴雨,佢氣力不繼雙腳抽筋、嚟唔切嗌救命身體已經向下沉,阿希喺冇幾遠,見到佢雙手亂拍心知不妙,即刻以飛魚速度游水埋去箍起佢,好辛苦先至救返佢去近岸邊畀救生員,阿希自己都飲咗十幾啖海水...
第二日,呢件事傳咗返學校,兩個人仲畀訓導主任叫入校長室訓話。
從嗰次開始,阿節開口埋口就對阿希話:「唔使講嘢,我爭你一條命」
* * * * * * * * * *
故事,而家正式開始。
時光飛逝,轉眼幾年...
阿希飲咗一啖凍啡,望一望手錶,已經十二點三。
佢約咗阿節十二點響糖街翠華一齊食晏。
離遠見到阿節推門入嚟,阿希兩眉不經意顫動咗半秒。
「Sorry遲咗,等我介紹」,阿節畀個女仔先坐入卡位,「 我女朋友Agnes, Agnes 周」
「你好嘢,保密功夫做到咁好」 阿希用好奇怪嘅眼神望住Agnes,「識咗女朋友都唔話畀我知...」
佢哋三個,兩男一女,就係咁一邊食嘢一邊天南地北傾咗個幾鐘。
「咦... 原來兩點嗱,」阿希攞住張單準備埋,「我去維園遊行喎,一齊啦。」
「唔啦,晏啲仲要返工」,阿節同Agnes五指緊扣,另一隻手拍一拍阿希膊頭,「你小心啲呀,因住沙塵滾滾殺錯良民。」
20萬人....40萬人...60萬人...80萬人...
兩個鐘頭....四個鐘頭....六個鐘頭....
香港人完成咗歷史創舉,接近100萬人上街遊行。
嗰晚將近十一點,阿希成件白色T卹濕到幾乎透明,佢響灣仔是但搵間茶餐廳坐低醫肚。
阿希叫咗碟星洲炒米加凍檸茶。
幾個老夥記抬頭望住電視,新聞不停播出人山人海嘅遊行片段....
突然間,右邊有一行字幕不停滾動,「政府宣佈星期三恢復二讀」。
「何必呢?」 一個頭頂半禿,帶住殘舊眼鏡嘅老夥記,不斷搖頭嘆息,「點解要喺呢個時候,講埋啲咁嘅嘢去侮辱百幾萬人,唔通真係希望官逼民反?」
夥記攞住星洲炒米同凍檸茶周圍望,張枱已經冇咗人...
* * * * * * * * * *
午夜過後,政府總部。
天昏地暗兵荒馬亂,好似 Judgement Day 嗰種詭秘奇異,四周圍都係催淚煙霧,鐵支橫飛警棍亂舞...
為咗一個聲稱「自己都有兩個兒子」嘅毒婦人私心,一批年青嘅市民,同一批年青嘅警察,莫名其妙咁互相追打,互相攻擊。
凌晨一點,阿希血流披面,係咁跑係咁跑,成件白色T卹已經變咗紅色,後面速龍小隊一直追住佢...
佢跑到添美道尾段,因為流血過多體力不支,匿咗入去黑暗嘅草叢裏面。
兩分鐘後,一束強光照住阿希塊面。
阿希勉強睜大對眼向上望,見到一個帶住防毒面具嘅速龍隊警察。
呢個差人熄咗手電筒,慢慢踎低,除低防毒面罩...
係阿節,響翠華話晏啲要上班嘅阿節。
佢雙手一路震一路慢慢扶起阿希,「頂住,我call白車,頂住呀...」。
「唔...好..」阿希一邊喘氣、一邊用血淋淋嘅雙手撳住阿希部對講機,「唔好...call白..車...」
「你流咁多血,再唔call白車你會死㗎 !」阿節開始激動。
「...唔...得...亅 阿希已經變得氣若遊絲,「我唔想...坐監...亅
阿節唔理,企咗起身準備搵其他人幫手。
阿希用佢最後嘅力氣,拉一拉阿節褲腳,阿節踎返低,將耳仔靠近阿希。
「你..仲記唔記得...爭我...一條命...」
阿節淚流滿面,不停點頭。
「 你今日...還返...畀我...唔好...call白...車...」 阿希滿口鮮血,露出微笑「應承...我,我...唔要坐監...」
阿節不停搖頭,泣不成聲。
「記...唔記得....嗰次...你游水浸親...校長...教訓我哋...乜嘢...」 阿希奄奄一息,「對唔住...我要...走先一步...」
「我記得,你頂住呀,我記得呀..」阿節變得有啲歇斯底里。
「應承我...幫我...話畀我媽聽...我...做到咗啦...」阿希雙手一垂,頭顱就跌咗入阿節懷中。
阿節全身抖震,用盡畢生氣力,好緊好緊咁攬實阿希,仰天狂嚎。
我從來未聽過,一個男人,可以喊得咁淒厲,從來都未聽過...
李懂媽