「沒有歌怎敢說心事…受了傷始終怕別人知。」
男人真係一種好奇怪既生物,平時睇佢就無乜野,
當夜蘭人靜果陣,就等同一隻無哂箭既箭豬,
變左容易受傷的女人。但講真,你估做男人
咁易呀,忍得唔辛苦咖大佬,你估你問我係咪
有唔開心,我真係想答冇野咩,要面咖麻!
算啦,唔好死頂啦,今晚一埸黎到銅鑼灣
新開Chill爆既「Lounge Hakuba」,
有咩心事一野呻哂黎出黎啦喂!👇
-
📌Signature · Cocktail -
▪ アルプスの朝食 - $118
▫ 第一次感覺到一間好認真做酒既Lounge,
佢地成個cocktail menu設計都花盡心思,
而on list既所有cocktail都有佢獨特既意思。
好似呢杯「Breakfast in the Alps」,
由餐廳獨家研製,先用冷泡製成既Coffee Rum,
再加入煎茶味既Liqueur,另外加左蕎麥味
syrup同埋朱古力醬,旁邊仲有杯奶,
混合一齊飲,真係有種食緊早餐果杯咖啡既
感覺,甜度十足,非常易入口。
-
▪ 初露 - $138
▫ 另一亮點就係呢杯「Morning Dew」,
由著名調酒師Kit Cheung創立,用上白蘭樹下既
Gin base,加左意大利出產既Rosolio、紫蘇味既
Liqueur、最後倒埋Tonic混合而成。入口紫蘇味
突出,後勁有陣陣既彿手柑香味,好特別;
另外décor係杯邊擺左檸檬皮同紫蘇葉做裝飾,
成件事變得更加有層次感。
-
▪ 晚秋 - $108
▫ 秋天完之後,就到冬天既來臨,著名
調酒師Nokoy Mak將呢杯「End of Autumn」
證證將晚秋呢個寫照完美演釋出黎。
同樣以Gin based為主,加入紫蘇味既
Liqueur、蕁麻酒、檸檬汁、菠蘿汁混製而成,
所以入口整體有淡淡既草本香。最令我印象
深刻既係Bartender係杯邊加左雪凍左既糖霜,
令成個感覺真係開始落雪咁,同時呢個甜度
同酒味相當夾,Blance左成個酒味,唔錯。
-
▪ 紫のスキー - $128
▫ 輪到最後呢杯亦係我最愛既由餐廳店主
Wing chan研發,以獨特既櫻花Gin做based,
比普通既Gin入口有種清幽既香味;再加左
日本清酒、自家製既薰衣草玫瑰syrup、
檸檬汁而成。而重點係最後會有層蛋白做既
foam,令整個口感變得更加輕盈更firm,
而味道帶清甜為主,非常特別!
-
📍 Lounge Hakuba
🎈銅鑼灣謝斐道535號Tower 535 3樓302號舖
同時也有1部Youtube影片,追蹤數超過60萬的網紅飲食男女,也在其Youtube影片中提到,時間,魔力無邊。 醬料雜貨店正和隆,主打自家豉油、麵豉、甜醋,在上水石湖墟65年,如長流細水陪伴街坊每餐家常飯:蘸豉油魚更鮮,兩磚腐乳夠佐粥下飯;逢時過節爆薑下醬炆豬肉煮雞,豐腴滋味比得上酒樓大菜。 街坊就是鍾情這家醬料;但此情,差點成追憶! 想當年,老闆陳璧堃十足指腹為婚,不情不願從父親手上接...
箭豬 食 咩 在 利世民 Facebook 的最佳貼文
一,近來雖然多咗做啲 Youtube 節目。其實,我冇乜好講,又或者好多幾都係講完又講。
二,其實每一年半載,我就有一個新課題,新興趣。 節目主持,可能跟唔切我呢種興趣嘅轉變;成日要我講咩港元地位。
三,「我冇嘢講。」係呀,我真係冇嘢講。
四,實情,自從成為 #Ketonian,又加上全球爆發武漢肺炎;我最新嘅興趣係環境、生物同物種演進等課題。
五,另,主流論述,通常都唔係我杯茶。我覺得,要學一門知識,應該從佢 Genealogy ,然後搵啲非主流嘅觀點去欣賞下。
六,其實,用同樣方法,好快可以從自己嘅價值觀,發展出對唔同事情嘅判斷。我估,呢個係本來開設所謂通識科嘅原意。
七,正如希臘寓言小故事 The hedgehog and the fox - "The fox knows many things, but the hedgehog knows one big thing."
八,曾幾何時,知識就係知識,亦都冇所謂嘅專家。當然,深入同博大,兩個維度,都係需要嘅。好坦白講,我係個種「不求甚解」嘅人,所以做唔成專家,亦讀唔成書。
九,但係呢個社會好推崇「專家」,尤其係傳媒。我都見過唔少專家,the hedgehogs,被迫要踩過界,出晒個 comfort zone,結果好唔自在。
十,又,唔熟我嘅記者訪問我,總會想幫我搵個「利世民係XXXX嘅專家」。以前,我會反眼。
十一,狐狸同刺猬(之前寫箭豬,有錯,咪改囉),唔係敵人,只係兩種人生態度。我唔係專家,你係,但唔代表你一定對事事無知,你亦唔可以當我對你個範一無所知。
十二,資訊,你真係肯去搵,一定搵到。你要 fact check,都係用時間。好多人選擇相信專家,因為專家好似識好多嘢;但其實簡單嘅邏輯唔難掌握,點解唔自己去做決斷?其實學多啲新嘢,唔係更多樂趣咩?
十三,「我邊有咁多時間?」明嘅,咁都唔代表你要信專家。See?呢個就係人主觀思維非理智嘅例子。冇時間去諗去 fact check,你最理智嘅預設立場係:「我唔知。」
十四,其實,我所講嘅,所寫嘅,都有可能係錯嘅,and I stand to be corrected;重點係,對與錯,係講緊事實。
十五,觀點,就只有「我同意」同埋「我唔同意」。任何人對任何觀點,都有權同意又或者唔同意,亦有權表達自己嘅立場。不過,但其他人都有權「唔同意你個唔同意」,咁,我哋唯有 agree to disagree。
十六,寫專欄,要寫啲大家覺得啱睇啱聽嘅說話,有幾難吖。要大家睇得過癮,咪響修詞同 delivery 落啲功夫囉。
十七,真係高難度,係講啲大家冇諗過,又或者本來唔接受嘅觀點。例如,食高脂低碳可以減到肥?無錯,我就係最鍾意呢類明明好有道理但大多數人都唔會理性思考嘅課題。
十八,每次聽到有人話:「Keto 唔啱我。」我都會話:「試一個星期,你咪知啱唔啱囉。」通常,佢哋都唔會試,又或者話試過,例如每日一餐 Keto 之類。咁,我通常都唔會講落去,因為,時間係寶貴嘅。
箭豬 食 咩 在 Travelholic Facebook 的最讚貼文
#beckyyy_travel
[矯情文]
在馬爾代夫看過的星空是unbeatable的
正如我身邊所有unforgettable的你們
每當我失意時 總會有些人 不經意地出現 為我空虛的心靈填滿了一絲絲的愛意
喺碼頭返工嗰時 有時早餐想食大家樂 午餐想食炸豬排 姨媽永遠好似有讀心術咁準備好我期待嘅嘢 我每次都好驚喜 因為我覺得姨媽真係依個世界上最了解我脾性嘅人
因為尋晚發燒唔舒服 我好掛住以前可以日日見 日日一齊返學放學食lunch 晚晚落自修室 放學又一齊補習嘅男盆友 今朝仲打比佢留咗言話我病咗好掛住佢 點不知晏晝佢打比我 叫我開門 我真係好開心 喺我需要嘅時候 你總係及時出現 拯救咗我
到夜晚 見到好耐無見嘅肥妹 大家一齊有講有笑 好快就過咗兩個鐘 最驚喜係雍雍嚟咗接我收工😭😭😭佢話知我唔開心 所以嚟陪我 雖然我唔似好開心 但我真係完全無諗過你會嚟接我哋😭
仲有你啊賴馬車 最開心就係同你喺line講是非 同埋錄啲奪命錄音比你聽 好想快啲帶我兩隻箭豬/老鼠去你度同春春挑機😈
今年去咗好多地方 實現咗好多願望 我講過要同最愛嘅人去Santorini💙要去荷蘭聞下🌿係咩味 要試下去土耳其soaking in Pamukkale🏊🏻♀️要去德國食德國腸🇩🇪要喺巴黎總店買C字頭袋🇳🇱要喺鐵塔下面過我20歲嘅最後一日同21歲嘅第一日🗼要喺意大利餐餐食pasta🍝要喺英國食好多好多fish and chips🤤要去我慕名已久嘅蛋糕店買cupcakes同訂生日蛋糕🎂要去馬爾代夫睇🌌🦈要同男盆友爸爸媽媽返大阪👨👩👧👦
希望下一年 我繼續可以做自己喜歡嘅事 活成自己想要變成嘅人 be a better me
becky愛你們
❤️❤️❤️❤️❤️❤️❤️❤️❤️❤️❤️❤️❤️
20170824
#veligandu #maldives #milkyway #stars #starrynight #canon #canon70d #canonphotography #nofilter #lightroom #picoftheday #photooftheday #travel #travelling #travelphotography #vacation #throwback #throwbackthursday #tbt #tb #星夜 #カメラ女子 #写真 #写真部 #写真好きな人と繋がりたい #写真撮ってる人と繋がりたい #写真撮るの好きな人と繋がりたい #hkig #旅行 #旅行写真
箭豬 食 咩 在 飲食男女 Youtube 的最佳解答
時間,魔力無邊。
醬料雜貨店正和隆,主打自家豉油、麵豉、甜醋,在上水石湖墟65年,如長流細水陪伴街坊每餐家常飯:蘸豉油魚更鮮,兩磚腐乳夠佐粥下飯;逢時過節爆薑下醬炆豬肉煮雞,豐腴滋味比得上酒樓大菜。
街坊就是鍾情這家醬料;但此情,差點成追憶!
想當年,老闆陳璧堃十足指腹為婚,不情不願從父親手上接過正和隆。做醬煮醋幾十年,沒有仇,卻賺得一身痛、半點恨;捱到65歲,把心一橫,擬於去年12月31日退休結業「脫苦海」。
怎料日月發酵,恨愛相生;準備離開,竟是徹底的歸來。
上水石湖墟巡撫街,水喉五金、紙紮、文具……生活小店當中有正和隆。店前西斜,老闆陳璧堃掛起紙皮遮光擋熱,裏外互相看不見,街坊是識途老馬,熟練地撥簾進出。小店不夠百呎,鮮有地整齊:樽樽罐罐不見有塵,豆類、雜穀一格格井然有序。所賣醬醋各有三五個品牌,店家出品的生抽老抽、原曬豉磨豉、甜醋和腐乳,售價貴幾元,卻最多人要。
「麵豉嗰日炆豬手炆得好靚,好食。」老街坊陳太一屁股坐在片糖缸改成的櫈子上,又告訴陳老闆:「我起碼一個月之後先行出嚟喇,因為腳痛要入院做手術。」今天她特意來入貨,買麵豉、豉油。
豉油,又恨又愛
陳璧堃,街坊都叫他「豉油佬」,皆因正和隆做豉油起家,他是第二代。上世紀40年代,父親陳根秀由南海來港,投靠開醬園的親戚做豉油;50年代初自設小工場做豉油、麵豉和甜醋,並在石湖墟開鋪。1955、56年間石湖墟被兩次大火吞噬,57年逐步重建,正和隆也在巡撫街現址重新啟業。
陳璧堃有四個姊妹,他是老三、排中間。「細細個住木屋,又是工場又是住家。兩個家姐睇鋪,我就周圍走,好百厭。」他怕父親,從來沒問過店名由來,只記得過年家中總掛一對對聯:「正直好生意 和氣定興隆」。
「老竇無咩讀過書,點作到咁好嘅對聯呢?」他哈哈大笑,轉瞬又皺眉:「做豉油做醬好辛苦,畀我揀我唔會做,但我讀書唔成,無得走!」他是唯一的兒子,二十多歲結婚後即接手店鋪;太太負責鋪面,他負責生產。
「做豉油會有一陣罨味,以前真係要用手去攪,一攪,陣味就出嚟,我都接受唔到;不過,呢啲係錢嚟㗎!」
他的工場在上水搬過幾次,90年代初因為業主收地被迫結束,自此在古洞一間豉油廠掛單租場,只做半加工。譬如豉油,已交給豉油廠師傅做,仍用自家招紙。
「做豉油最緊要用料靚用料足,夏天有熱頭曬就香啲。」他說。當年他試過十幾間豉油廠,找到一間的味和香跟自己做的相似。「我知道佢哋用加拿大非基因改造黃豆,發璜(按:煮好的黃豆混入麴菌、麵粉)撈美國麵粉,比日本麵粉膠質重啲、好啲;我自己一個人做太辛苦喇!雖然利潤無咁高,我寧願用佢嘅豉油。」
現在店中賣兩款自家頭抽和一款老抽,其中一款頭抽名為「鮮味生抽」,用豆比一般的多三分之一,濃稠如漿,鮮而豉味極重,可算鎮店之作。
麵豉甜醋,親手做
豉油外判了,只有麵豉和甜醋,他至今堅持親手做。
麵豉,一般貨色是發酵豉油剩餘的豆渣,鮮味盡去,很多時需加味精增味。但他做的賣的兩款麵豉:原曬豉和磨豉醬(前者仍見豆狀,後者是磨爛幼滑版)都沒抽製過豉油,保持原汁原味。「以前我啲磨豉係出咗豉油嘅,價錢平啲,主要交畀酒樓整叉燒;後來我只做零售,銷量少,乾脆用原曬豉攪磨,一樣係靚。」
市面常見的麵豉都是啡黃色,他的麵豉卻深啡色,驟眼看黑糊糊。他解畫:「麵豉好似人一樣,曬得愈耐會愈黑,愈黑就愈香。生曬啲豆喺豉油缸入面,上面曬到黑,下面嘅較黃,所以要成日翻佢,將底下嘅翻上面,不斷循環。」
他65歲了,依然記得父親當年的話:「醬,做就好易,打理好難。」
「你做,用料十足,曬得夠,一定做得好。不過擺耐咗就會有罨味,你點可以調番正呀?所以,唔係整好之後就冚埋,你要時不時拎出嚟曬,畀啲醬見下陽光會香啲。」
醬沒加防腐劑,放不久,所以他每次只做一小批。現在天時暑熱,醬賣少了,他也做少一些,「過咗中秋慢慢好,麵豉賣得最好,啲人有番胃口,多咗炆嘢;我都做得密啲,每次過千斤豆,一個月多啲就要做一次。」
講到做醬,最辛苦的步驟還數煮醬消毒。「唉!我做一次,就痛一次。」 他摸摸腰部,肌肉已成硬塊,隱隱作痛。
「啲醬容易黐底容易燶,要不斷剷,隻鑊又大,你要伸手彎住腰剷。室溫又高,得把牛角扇吹吹下,我一個人連續煮幾個鐘頭,不停流汗,煮一次起碼要飲4公升水。」最後洗鑊更辛苦,因為腰彎得更低。幸好十多年前起,煮醬有機器輔助,輕鬆了,但幾十年積下的舊患,纏身不去。
煮甜醋,相對沒那麼費勁,但一樣要忍。他採用本地酒房出產的白醋,加薑、桂皮、陳皮、丁香等等藥材做成甜醋。「煮呢個醋,一大鑊,嗰種藥材味好犀利,十足催淚彈,醃眼!咳!」
甜醋,他賣自家的,也賣其他品牌,「各有各鍾意啦,人哋要八珍,你無,佢會走咗去;我哋自家牌子就賣貴五六蚊。」
這日街坊王太帶了手拉車來買醋,「我孫仔啱啱出世,買去觀塘畀個新抱。」她嫌其他牌子太甜,「呢間鋪頭出嘅特別香,舊年冬天隔籬個事頭婆用佢煲薑,成條街都香晒。」
有人記住,陳璧堃笑瞇瞇,說:「到天時冷,啲人鍾意煲薑醋食下;事實上年尾多人結婚,到第二年10月、11月就有BB出世,甜醋特別好賣。」
以前煮完甜醋,五六桶藥材他當垃圾倒了,後來有朋友老遠從跑馬地來上水要「下欄」甜醋陳皮,他才識寶,現在煮完醋會挑回陳皮,但為非賣品,「而家?下人,有熟客寒咳唔係好囉!」
老店,差點結業
做醬煮甜醋,入缸,搬貨,幾十年陳璧堃獨力做,「我哋小型生產,唔請人。無辦法!為咗……我唔知點講呀!」他瞄瞄跟前在幫手的大女兒和二女兒,苦笑:「賺到痛,之外都係痛!近十幾年,我個個禮拜日就好似返學咁,要去做推拿。」
去年他和太太邁向65歲,本擬12月31日退休結束正和隆;就在12月中煮甜醋時,從不在工場拍攝的他,忍不住拿手機拍下那鑊滾滾冒煙的甜醋,題記:「人生最後一次」。
「唔捨得㗎!」說着,他眼圈紅起來,思緒飛回去年底:「瞓唔着囉!直情神經衰弱。」有個星期天,他試不去推拿留在家,「電視睇完又睇睇完又睇,無地方去。」以前他想像退休「呢度去嗰度去」,事實上英國朋友早邀他去歐洲玩,他又買了「200蚊深圳通」,偏偏成行在即已失去興趣,一副心神無處安放。
決心分手,原來放不下。他三個女兒,十多年前已表明不想接手家業,臨別秋波,也發現情難捨。
店一直由他和太太合力支撑,沒請人。二女兒陳敏怡(Agnes)說,每逢過年店就最忙,三姊妹必定預留整個星期的假回來幫手,想不到自己成為了第三代傳人。陳璧堃笑言,由1月1日起店轉了她名下,自己變做顧問兼打雜。
70後的Agnes在銀行做了十多年,連MBA也讀了,兩年前工作太辛苦辭了職,「嗰時爸爸媽媽正計劃退休,我哋三姊妹都好開心,因為新年終於唔使返鋪頭喇!」
去年年底,他們通知熟客和包租婆不做,「啲客人同爸爸講:『你退休,咁我哋去邊呀?我由做女食到而家喇!』我聽到,突然之間好唔捨得。呢個招牌六十幾年喇!」
她問爸爸取帳簿算了一番,「都ok嘅!我想留住個招牌。」又游說從事文職的大家姐陳敏慧回來幫手看鋪,自己負責市場推廣。姊妹同心,盼可斷金,帶着正和隆走進2017年。
十年如一日
陳璧堃搖搖頭說:「我準備退休,以為可以脫苦海啦!結果有啲抑鬱,百無聊賴,個女話做番,我又好似開心啲。」
不過,他認為做醬這行式微了,尤其新界東北發展如箭在弦,古洞的豉油廠分分鐘無得做。「一收地,你一係返大陸做,但水準、原料難控制,而且豆都係外國嘅靚啲。」女兒正在搶時間,找新貨源、拓客路,像早前便去了樂富街市擺車仔檔,臚列自家品牌豉油、醬醋和腐乳。
幾十年來,陳璧堃和朋友合作生產腐乳。十多年前朋友搬廠上深圳,招紙也「均真」地印着「Made in China」,同屬正和隆招牌貨,輕柔鬆化而不死鹹。
醬料之外,40多年前陳璧堃接手時已兼賣雜貨。今天雜貨不多也不雜,而每種乾貨他只賣一款,都是精挑細選,譬如蝦子麵,找到第四五個供應商才敲定。
「搭下貨囉,要維持到租金嘛,而家都要1000蚊一日㗎!」陳璧堃說。
除了鋪租,過去半世紀上水翻天覆地,但對正和隆和陳璧堃而言,只是微細的漣漪,就像醬醋味道,始終如一。
「雖然間中都有自由行嚟幫襯,我哋主要做街坊熟客。有人搬咗出九龍、港島、大嶼山都返嚟買醬,甚至移民去外國,都會帶啲醬過去。附近有圍村,新年依舊會煮盆菜,用好多醬。」
七八十年代,他的豉油、麵豉曾交給酒樓,但經常被人拖數、走數,「好多次喇!千幾蚊都彈票,嗰個年代唔算少數目。咪搞啦!我寧願淨做門市,收一蚊就係一蚊。」弱水三千,他只取一瓢。知足,常樂。
夏日炎炎,酸梅麵豉蒸排骨夠醒胃,有街坊要炆肉,大喊一聲「混醬,唔該!」只見陳老闆從五個醬缸輪流舀出小半勺倒入透明膠袋,用繩一紮,遞與客人,叮囑道:「返去放雪櫃,呢幾日好用喇!唔係會變酸。混醬鹹㗎,加啲冰糖,炆鴨炆腩肉都快啲腍。」這混醬,有自家磨豉、黑赭油(類似星馬的黑豉油)、甜醬、麻醬和南乳,即叫即混,也是父親傳下來的基本味道,就在日月蒸煮當中,摻着陳璧堃幾十年調出來的小變奏。
正和隆
地址: 新界上水石湖墟巡撫街2號A
電話: 2670 3486