#有感而發系列 #咁長篇有時間先睇啦
#大家都係唔好睇下面篇野
#篇文章可能會喚醒你沈睡嘅記憶
#開始啦 #唔好後悔 🤣🤣
—————————————✨
我記憶中做學生既時候,
我根本就係一舊飯😂
人地講乜、做乜,我都完全無分析過就會相信,
原因係我覺得所有都係好人,善意,世間唔會存在’嘲笑、’欺騙、甚至’欺凌,我是舉例這三件小事件💁🏻♀️💁🏻♀️
當年出左新10蚊紙幣,我好記得當日有早讀堂,忽然有位同學跟我講,出咗三角形既3蚊,叫我搵返利俾佢,佢好想要呢個新出既三角形3蚊,然後當場我就問個老師係咪真㗎!真係出左三角形既3蚊?!有呢個需要咩? 點知...個老師都答係,所以我就完全相信咗啦😂 然後大家都笑到停唔到。
又有一次,有個同學採摘左係學校後花園種既提子,PE堂既時候,同學拎住個粒採摘落嚟嘅青提子,起勢話好甜好好食,叫我試下,我又係完全冇分析過就放落口,因為我相信,點知酸到媽都唔認得😂嗰位同學即刻同我講:「其實本身應該係紅提子,但應該因為未熟所以係青色,我哋都唔敢試,等你試咗我哋先知食唔食得,依家知道啦!😂」 所有同學都笑我係一個講乜都會信既人,我令所有既同學都帶來不少歡樂。
又記得有一年,剛開學1個月,點知我患上了紅眼睛,睇所有野都不停流眼水,就連電視都睇唔到,所以成個星期都返唔到學,以免傳染比其他同學。學校打電話來要家長帶我回校簽一張紙證明因病而請假,先交醫生紙(通常等康復後回校先補交返醫生紙)。
返到學校做完手續,見完班主任之後,想返自己班房攞返成個星期都未做嘅功課,去到門口忽然聽到所有同學大笑,我心諗唔知講起咩話題咁開心呢,然後老師同同學講: 我見到徐同學隻眼好似喪屍咁血紅色,好驚俾佢傳染囉 ,跟住老師仲同啲同學扮起喪屍嚟玩互咬,最後我怕媽咪係樓下等我太耐,吸一口氣衝入去好快咁拎曬櫃桶啲功課就走。
經過太多次的低B事件之後,令我學習到每次人地同我講乜嘢,做乜嘢都好,我都會用心用眼用腦去分析,就算錯左都係自找的,亦係代表我學習了唔再容易相信人,先能夠保護得到自己。
早幾日忽然回想,原來在讀書時期所發生過的種種事情,我一直都冇記恨過任何人,當然曾經唔開心過 係有既。正正係因為有當日,才能組成今日的我,所以我同自己講過最緊要「己所不欲勿施于人」係我既宗旨,因為每個人都唔一定可以做得到正面既心態,我只係幸運嘅一個,能夠走得返出嚟,如果換轉其他人,可能會造成很大的傷害,而享樂的人可能根本冇諗咁多後果。
人都要經歷先會成長、進步,跌低唔緊要,最緊要識得企返起身,今日我以歌手既身份回到校園,都會忍不住深呼吸一口,鬆一口氣。
Search