小小豬餓左迪士尼太耐了，所以上星期六我地入去玩嘅時候係可以就由開門玩到關門，絕對係超盡興而歸。
入到園第一時間就當然係去靚靚新城堡影相打卡，同埋用手機SCAN係城堡嘅8個QR Code，咁就可以嚟一個「奇妙夢想城堡導賞之旅」，知多啲城堡嘅故事同設計。之後我地就去「奇妙夢想城堡故事展」了解城堡背後創建故事，雖然係講公主，不過小小豬都睇得好專心睇，唔覺唔覺佢係入面都睇左大半個鐘。
雖然要保持社交距離冇得攬住影，不過第一次同《優獸大都會》嘅朱迪影相都係開心嘅，我地仲見到《愛麗絲夢遊仙境》白兔先生，仲有StellaLou同埋15周年服飾嘅Donald同Mickey。
我地午餐就去左探險世界的嘅利布尼巿集食「魔海奇緣凱旋慶典燒烤」，即叫即燒，唔止夠風味仲幾好食，小小豬話強烈推介牛肉串同燒蟹棒呀！另外，玩都又攰又熱就係小鎮雪糕店買左杯15周年巨鋒提子雪糕俾小小豬，我就嚟杯珍珠奶茶啦！
可能我地早入場，所以初時玩幾個遊戲都唔洗點排隊，不過一到兩點就開始多人，Ironman同小小世界都要排30分鐘左右，但整體上感覺都OK嘅。我地仲係城堡前睇左「15周年奇妙快閃派對」、「米奇與好友歡聚15周年巡遊」同埋係小鎮大街火車站睇左「生日歡聚奇妙時刻」添。
由朝玩到晚雖然就攰到冇朋友，不過小小豬玩得超開心都係值嘅(唯一美中不足就係人太多，三次行到去動畫藝術教室都Full晒，所以畫唔到復活節版嘅Duffy同StellaLou)。
BTW...夜晚亮晒燈嘅城堡真係好靚呀~
香港迪士尼樂園 | Hong Kong Disneyland
#香港迪士尼樂園 #HKDisneyland #15MagicalDreams #MomentsofHappiness #DisneyMomentsHK #奇妙同慶 #CelebrateTogether
米奇與好友歡聚慶典 在 【4K】LinaBell 首度加入「米奇與好友歡聚慶典 ... - YouTube 的推薦與評價
【4K】LinaBell 首度加入「 米奇與好友歡聚慶典 」（ "Mickey and Friends Celebration"）｜Hong Kong Disneyland｜Sept 9, 2022. ... <看更多>