《🥁音樂美食完美融合。威靈頓牛柳🥩龍蝦意粉🦞》
呢間大角咀嘅人氣紅店我哋都食過好幾次，始終覺得夜晚啲氣氛最好✨，星期五六日仲有live Band🎵🎶。今次特登嚟試上次見過好吸引嘅威靈頓牛柳😍🐃，香港本身有提供呢款菜式嘅餐廳已經唔多，而且要做得好更加係少之又少。我哋食過好多間都好失望😮💨，今次就嚟試一試呢間究竟係點。
.
其中一樣我哋好鍾意呢間餐廳嘅係服務態度真係非常好，而且店員都好細心，真係值得讚嫁！
.
📍Lost Star特選小食拼盤（$268）
Lost Star Snacks Platter
拼盤一共有4款小食，當中我哋認為自家製金文畢芝士球最出色，外面滿佈蜜糖🍯，非常香甜，芝士軟滑🧀，配上果仁同乾果非常好食😍。另外棒棒雞炸得香脆熱辣辣♨️，而且雞肉嫰滑多汁🐣，好食。 另外仲有手工白啤酒醬炸牛油果條🥑同自家製蟹餅，呢2款相對起嚟冇咁突出，而蟹餅感覺麵粉太多，食唔出蟹嘅鮮味🦀，麻麻哋。
.
📍米蘭烤龍蝦手製寬條麵伴12小時淆製赤米蟹膏龍蝦汁（$368）
Homemade Fettuccine with Milan Style Roasted Whole Lobster in 12 Hours Slow Cook Dried Shrimp & Crab Paste Lobster Sauce
原隻龍蝦🦞上面淋上芝士汁，賣商唔單止夠晒澎湃，而且食落龍蝦味非常濃郁😍，口感鮮嫩彈牙，可以話係我哋喺西餐廳食過最好嘅龍蝦❤️。手製闊條麵食落有咬口，唔會煮得過腍，配上蕃茄汁味道唔會過酸。好欣賞佢落咗野菌🍄同乾蕃茄🍅同香葉🌿做配料，食落更具風味。
.
📍威靈頓牛柳配法式伯那西醬佐意大利鮮香芹及甜醋初榨橄欖油（$788）
Beef Wellington in Balsamic Vinegar (Fresh Parsley & Mixed Extra Virgin Olive Oil & Balsamic Vinegar)
*必須半日前預訂，2人用
特登嚟食呢個傳說中嘅威靈頓牛柳，顏色嫩紅❤️，望落去夠晒睇頭仲好吸引🤩。酥皮夠酥脆，切開會見到除咗牛肉仲夾有鴨肝同Ham🦆🍖。牛柳唔會過硬而且冇筋🥩，不過我哋接受到如果生少少可能會更啱我哋口味。單食牛柳味道可能比較單調，但係加埋鹹香嘅火腿🥓，濃郁香滑嘅鴨肝🦆同酥皮真係完美嘅配搭。旁邊仲有南瓜🎃同蕃薯🍠做配料，分量夠晒飽肚。
記得威靈頓牛柳要早半日前預訂👨🏻🍳，雖然餐牌寫2人用，不過草根認為份量好多，絕對足夠4個女仔一齊食。
.
📍意大利傳統提拉米蘇（$138）
Tiramis
Tiramisu 非常好食😆，口感香滑creamy，味道濃郁，唔會過濕或者過乾，而且食到有咖啡香☕️，都算喺我地食過其中一間最出色嘅Tiramisu。不過份量較少，計埋個價錢的確比較貴。
.
呢間西餐廳味道真係唔錯，尤其晚餐最出色。環境氣氛都好好，五六日有live Band🥁，而平日都會播啲好有feel嘅音樂🤟🏻，不過價錢係偏貴啲，如果要搵餐廳去慶祝呢個都係個唔錯嘅選擇。
.
大角咀利得街11號利奥坊一期地下506號舖
@loststars.livehouse
#loststarslivehouse #loststars #livemusic #livehouse #hklivehouse #hkmusic #livehouserestaurant #taikoktsui
#大角咀 #西餐 #音樂 #relax
米蘭烤龍蝦手製寬條麵伴12小時淆製赤米蟹膏龍蝦汁 在 Homemade Fettuccine... - Lost Stars Livehouse Bar ... - Facebook 的推薦與評價
「 米蘭烤龍蝦手製寬條麵伴12小時淆製赤米蟹膏龍蝦汁(全隻) 」. 以龍蝦、赤米及日本松葉蟹膏12小時淆製濃湯配上手製闊麵及香烤龍蝦的質感，為你帶來味覺上的刺激。 ... <看更多>