好多朋友成日話雷大囡咁乖考試又咁叻，仲識自動自覺溫書唔洗我粗心...其實我勞氣果陣冇人知姐！唔信？睇片咪知囉！
所以話身教的確非常重要！雷小囡係我面鏡，佢今日無啦啦攞起家姐本書係度咦咦哦哦⋯⋯啲語氣同態度衰到一個點....個樣仲勁乞人憎！（咦？乜原來我叫個囡溫書果刻係咁衰架🧐🧐真係要檢討下先）
小朋友就係一張白紙，你教乜佢做乜，但唔係你教佢abc佢就只學abc..佢最易學到嘅，就係父母嘅一舉一動...呢啲就係我認知嘅 #身教 喇..
我成日都叫人唔好係bb面前講粗口。更加討厭人地係我囡面對講粗口，就算係長輩，我都會馬上溫馨提示。
因為我曾經見過一位舊同事個小朋友得2歲，未識叫人但已經識講粗口。佢父母當時覺得好叻好好笑。但講完後就一把打落爸爸塊面度...咁人地點教人地嘅事我冇資格批評。所以有版我睇，我大囡出世後我一句粗口都未係佢面前講過。（英文縮寫2個字就間中出現嘅😅😅)
你可能覺得講粗口冇咩大不了，仲可能係潮流嘅一種，人地阿ben sir都教粗口教到紅左又發左啦..咁人地係上流社會,大學高級講師有名有利，放個屁都有人話香架。我自己都好鐘意睇佢。同老公係佢粉絲tim😆😆但我個囡未到呢個層次之前，我都唔希望佢咁快講呢樣。唔識又唔會死嘅😆
有個朋友佢教仔仔唔好講粗口，佢同個仔解釋得好好。佢話：「粗口人人都識講，識講唔代表佢叻！因為忍得住唔講先最難。你忍到唔講先係最叻！」 我覺得佢講得好好。所以借分享😆😆
另外有幾個身教嘅好例子。
#食住煙教個女唔好學人食煙
#一邊打仔一邊鬧佢做乜打人
#你學乜x人地講粗口呀！
唔係講笑。以上對話情景經常係街見到...
而且想當年我爸都係食住煙教我女仔唔好學人食煙。講住粗口教我唔好學人講粗口....果啲年代教仔女冇咁講究，我估好多人都親身經歷過。但到左呢個年代仲係咁？人要進步嘅...
正所謂好嘅唔學壞嘅學晒，身教真係影響深遠...
今日有感而發，只為警惕自己。如果大家認同都歡迎分享轉貼。
大家聽得明雷小囡係度講咩嗎？🤣🤣
（雖然佢個樣好乞人憎，但當時笑到我同家姐傻左）🤣
粗口 英文 縮寫 在 潮語錄- 【TMD】粗口「他媽的」的英文縮寫。 當突然發覺有不平 ... 的推薦與評價
【TMD】粗口「他媽的」的英文縮寫。 當突然發覺有不平事時而用來憤怒地控訴。 在内地網點相當普遍。 ... <看更多>