鬼鬼又考考大家，知唔知現時海洋中塑膠垃圾有幾多？係重1億5000萬公噸啊😱！！！係魚類嘅五分之一！更有專家表示，去到2050年塑膠垃圾將會比魚仲要多🤒！而且研究亦顯示，絕大部分嘅海洋垃圾，都係嚟自近岸嘅活動，好似燒野食、沙灘野餐等！
各位可想像到整個海洋都充斥住垃圾係咩感覺？因此，「關愛海洋🌊」以及「走塑🍴」真係絕對不容忽視！呢個夏天☀️，去沙灘曬太陽、玩水時，記得要「走塑」，垃圾都記得要自己帶走啊！
【童軍×牛牛×地產代理】
佢哋嘅共通點係乜 ？咪就係大家都不約而同上星期六喺大嶼山水口出現。搞乜東東呢？
落咗成個禮拜雨，牛牛就梗係趁好天，一家大細出嚟食吓草，享受陽光與海灘 啦！而我哋「粵港海洋環境管理專題小組」（專題小組）就聯同地產代理監管局（地監局）及香港童軍總會分別響大嶼山水口同大浪灣同時舉行海岸清潔活動。
講返少少背景先！為支持今年的「世界海洋日」，粵港兩地透過專題小組聯合以“關愛海洋，還海灘一片潔淨”為主題，喺5月25日至6月8日期間各自舉辦海岸清潔活動，今次嘅活動就係其中之兩場喇！環保署副署長區偉光先生更親自到場參與及支持，衷心多謝由地監局主席梁永祥教授同行政總裁韓婉萍女士率領嘅百人義工團隊，仲有30多個童軍一齊參與活動。而我哋亦都好感謝專題小組既代表，環保署、漁護署、海事處、食環署，同埋渠務署跨部門同事一齊淨灘。
其實海岸清潔活動真係無分界別架！如果大家都想出一分力去支持海岸清潔，除左密切留意我哋網站同專頁參加活動外，夏天去海灘玩嘅時候，走個陣記住「自己垃圾自己帶走」！咁簡單既舉動就可以保護海洋喇，你同我都一定做到 ！
#鳴謝地產代理監管局 #鳴謝香港童軍總會 #特別鳴謝食環署協助運走及處置清潔活動收集到的垃圾 #CleanShorelines #粵港海洋環境管理專題小組 #海岸清潔日 #齊心協力保持海岸清潔
