【肥皂泡】
喺夜空默默閃耀廿一年,我曾見過無數嘅肥皂泡!
十四年前,我喺一間認知障礙症機構工作.....
陳婆婆,78歲,中度認知障礙,失去溝通說話能力;四肢活動能力尚可,能拖住佢隻手一齊慢慢行。
婆婆同囡囡同住,但因囡囡要返工,所以請咗個外傭照顧佢。
婆婆逢星期一、三、五早上九點由外傭湊返到嚟中心,傍晚四點由外傭接返屋企。
一日,同事帶婆婆去厠所時發現,婆婆大髀有兩撻瘀青嘅地方!
同事通知我,我即時入厠所幫婆婆檢查;發現佢除咗大髀之外,手臂同樣有兩撻瘀青;因婆婆當時著長袖衫,唔刻意檢查係唔會發現!
我問婆婆痛唔痛?佢如常凝神望住我,完全冇任何反應!
我即時致電告知囡囡有關婆婆身體有瘀傷一事,叫佢留意婆婆喺屋企有冇撞親?同時留意外傭照顧婆婆嘅情況!
兩星期後,囡囡打俾我,話炒咗個外傭!
原來外傭承認因婆婆動作太慢,有時唔耐煩用手搣佢!
婆婆身體瘀青嘅原因終於真相大白!慶幸能及早發現,否則佢只能繼續默默承受痛楚,因為佢根本完全唔識講!
2009年9月7日,我加入宜家呢間機構工作,擔任外展隊隊長。
事情發生喺五年前嘅冬天.....
星期六,返工同事唔多,我朝早負責當值。
下晝四點幾,距離放工時間尚餘半個鐘,一位中年女士突然神色慌張上嚟中心求助,帶住個十六七歲嘅男仔。
「我奶奶俾佢個大女禁錮咗喺屋企,發緊燒、食唔到嘢,但佢大女唔俾佢去睇醫生,你哋可唔可以幫吓我?」
接待處同事:「妳打電話叫白車送佢去醫院啦!」
女士十分焦急:「佢大女唔俾!佢大女有精神病!我頭先同我個仔一齊上去,佢只係不停喺度鬧,連門都唔肯開,話自己攪得掂!」
我,立即出去介入!
經了解後,原來婆婆住喺我哋服務範圍!
眼見情況危急,我同同事講,我宜家會即時出去家訪!
黃婆婆,80歲,同未婚嘅大女同住,彼此相依為命。
婆婆於兩年多前中風,自此行動不便,大小便失禁,由大女照顧。
大女,58歲,以前喺醫院做護士,自十年前開始患上精神病再冇返工,近呢兩年變得越嚟越多疑煩躁,經常對家人(包括同住媽媽)破口大罵!
婆婆幾日前開始發燒唔舒服,但大女話只係小事,唔需要睇醫生!
噚日,新抱跟佢老公(婆婆個細仔)一齊上去探奶奶,發現婆婆情況好差,燒到102度,但勸咗大女好耐,大女依然唔肯俾婆婆去醫院!
廿分鐘後,我跟住新抱,去到婆婆屋企。
我同大女隔住鐵閘傾咗近十分鐘,先氹到佢開門俾我。
入到屋,雜物好多;全屋閂哂窗,一啲新鮮空氣都冇;空氣中彌漫住一股難聞嘅排泄物氣味!
我入到房,見婆婆側身瞓喺床,下身只包住尿片,並冇著褲。
屁股同腳跟有幾個傷口,用紗布片冚住,紗布片有滲液!
原本白色嘅紗布片啡啡黃黃,明顯好唔乾淨;大女手中正拎住一卷紗布,應該幫婆婆處理緊傷口!
前護士、精神病、過去嘅專業、此刻嘅堅持、同媽媽相依為命嘅感情、多疑倔強煩躁嘅性格.....
我同大女講每一句說話,都要十分小心謹慎!
婆婆側身瞓喺床上,發緊燒嘅佢,不停喺度痛苦呻吟!
我彎低身向婆婆自我介紹:「婆婆,我係阿肥姑娘,我特登上嚟探妳,妳宜家係咪好辛苦?」
婆婆無力地點點頭.....
我游說大女送婆婆去醫院,大女情緒開始高漲,立即堅決反對!
於是,我改變策略,話只叫救護員上嚟幫婆婆檢查,但大女仍然反對,仲叫我哋盡快離開!
眼見再糾纏落去唔係辦法,為咗婆婆生命安全,我得到新抱同意,即時電召白車;同時通知救護call台,我可能需要警察幫忙!
十多分鐘後,救護員同警察一齊上嚟!
我喺升降機口迎接救援同事,同佢哋講述內裡情況;大女見到警察,竟然變得異常鎮靜;警察同大女傾談,我就陪同救護員一齊入屋,成功將婆婆抬上白車。
星期一,新抱打嚟中心,多謝我前日仗義相助!
醫生話:婆婆肺炎、傷口嚴重潰爛,如果再遲少少送嚟,送到嚟都冇用!
我同新抱講:唔需要客氣!我,只係盡一個有心人嘅本份;我,只係盡一個社工嘅職責,正因為婆婆唔能夠保護自己,我哋更加需要盡能力保護佢!
最終,婆婆喺醫院留醫三個多星期,我同仔仔同新抱商議後,同醫務社工合作,送咗佢去一間私營護老院!
肥皂泡,可以好漂亮,但亦好脆弱!
可以吹到好大,映照四周繽紛嘅景色!
但亦可以好快爆破,連飄浮一秒嘅機會都冇!
我,希望能夠見到好多肥皂泡喺空中飄浮;而每個肥皂泡,都能映照唔同人同動物燦爛嘅笑臉!
呢個係我做人嘅宗旨,亦係我做社工嘅願望!
願與大家共勉之~
同時也有2部Youtube影片,追蹤數超過80萬的網紅果籽,也在其Youtube影片中提到,適應障礙症 — 壓力大唔想返工係症狀之一? 醫生:非單純看病徵決定 每天返工上學面對種種壓力,似乎是香港人的生活日常,但原來因壓力而影響情緒,以致不想上班都可能是患有精神病? 精神科專科醫生歐陽國樑指因為壓力而引致的情緒反應,影響生活功能,可能是患上適應障礙症,雖然其在精神病列表中,但都屬於比...
精神病 返工 在 Facebook 的最佳貼文
看電影電視劇的結局,衰人壞人一定無好下場,除非打算拍續集。
例如,超人一定打敗壞人;犯罪的一定被抓,甚至死得血浴模糊、五馬分屍;善良又窮的女生一定嫁到好男人;寒窗苦讀的必出人頭地;正直傻氣的又會得到人賞識;公主病的大小姐最終會改過;攻心計之人餘生都在精神病院渡過……
但現實呢?好人多數不夠壞人鬥,例如抄歌、抄劇本、抄食譜的大紅;犯罪的一句精神病又脫身;窮人多數窮一世,多努力都要住劏房;大小姐不知人間疾苦,大老爺還會在疫症下,勸你上班時減少坐公共交通工具,所以我想大家應當走路上班,屯門行去中環好小事啫!
說好的戲如人生呢?現實中,何來人生如戲?
我想,大概是現實中的好人,在遇事後都不會反抗,多數只拋下一句「啋你都傻,做好自己」便繼續生活。但戲中的好人呢?往往會在中段突然自強,有仇不報非君子地做齊跟蹤、大搜查、反間計、練功夫,最終得以反敗為勝,吐氣揚眉。
那麼大家作為好人,是否要反抗?這就要看你有沒有「為衰人改變人生」的能耐,但我都幾肯定多數沒有,不是因為好人無力,而是大家都無時間,白天要上班餬口,若公餘還要花時間練這、查那地報仇,實在太辛苦,倒不如留點力賺多一兩百,自己開心家人又放心。
所以,在戲中突然自強的好人,多數唔使返工😂
精神病 返工 在 鎖匙 KEY Facebook 的精選貼文
感謝仲有好多有心嘅社工手足!
- - -
【走出創傷支援計劃】
近期韓國有一套熱門的劇集「 #雖然是精神病但沒有關係」,劇中談到的精神、情緒,對情緒支援工作者,以至每一個擁有情感的你,其實都是極大的提醒。
劇中,每個角色都有或多或少的情緒困難。有哥哥對「蝴蝶」的 #恐懼、有弟弟對開放自己內心的 #不安、也有公主對人與事的 #躁動,但劇本大約不只是希望我們感受這些情緒帶來的感覺,更似是希望讓讀者看到,透過人與人之間的平等互動(或稱:圍爐),每個人都可以有點成長,人可以走出困擾,但又保持自己。
我們也希望可以和你這樣。每天打開手機,不快樂的消息天天衝著我們而來,我們無意浪漫化情緒支援和現今社會政治困境,然後就簡單叫人「 #睇開D」、「 #開心D」、「#忘記佢」、「#諗多D正面既野」。我們知道過程可能是困難和漫長的,但我們相信,也確實是在過去一年,在網上平台試驗過,我們是可以走過創傷的。
我們誠邀每一個自覺想 #搵人傾下 的同路人,在Telegram上放心尋找我們,過程絕對 #匿名保密。但願有天你都可以:
雖然是 #無力感好重 但沒有關係、
雖然是 #唔捨得香港 但沒有關係、
雖然是 #好L嬲 #好L痛 #好L內疚 但沒有關係、
雖然是 #創傷 但沒有關係,
然後我們一齊繼續前行窄路,守護自己,守護香港。
————
計劃內容 Part 1
1對1輔導面談服務(約8-10節)
內容:與當值義工/社工接觸傾談,義工/社工初步了解你的情況,並按需要進一步安排合適而相對長遠的情緒支援服務(即由本計劃委託、理念相近的輔導員/註冊社工/心理學家或精神科醫生)
費用:免費(費用全由612人道支援基金以實報實銷資助)
對象:社會運動後,至今仍受情緒困擾的同路港人(身處地域不限 / 按需要決定優先次序)
登記尋求長遠的情緒支援:
https://forms.gle/28FAWAnoVbmevh6e9
查詢/尋找我們:@iwanttochat
計劃內容 Part 2
群體創傷互助工作坊
內容:為不同的民間團體、教會、組織,提供基本的創傷處理教學,讓即使沒有專業訓練的人士,仍然可以成為創傷者的同路人。
費用:免費(由本計劃義務社工主持)
時間:約三小時(可商議舉辦時間和日期)
人數:約15人
團體報名:
https://forms.gle/MYFYaF9AMHbjK2ui9
————
計劃資助:612人道支援基金
主辦單位:
香港基督徒學會、自己手足自己撐、「我想傾計」計劃
全力支持:「我要返工」良心平台
#理念相近輔導人員 #長期面談跟進 #走出創傷支援計劃 #地域不限 #創傷 #沒有關係 #同路人 #情緒支援
精神病 返工 在 果籽 Youtube 的精選貼文
適應障礙症 — 壓力大唔想返工係症狀之一? 醫生:非單純看病徵決定
每天返工上學面對種種壓力,似乎是香港人的生活日常,但原來因壓力而影響情緒,以致不想上班都可能是患有精神病?
精神科專科醫生歐陽國樑指因為壓力而引致的情緒反應,影響生活功能,可能是患上適應障礙症,雖然其在精神病列表中,但都屬於比較輕微的問題,理論上定義在壓力發生於三個月內的情緒問題以致影響生活,其壓力誘因可以是由工作、學業、失業、失戀等而引致,但當壓力消失後(通常半年內或之後),症狀都會相繼消失。但在現實情況下,情緒病與正常情緒之間是有一點灰色地帶的,即是當醫生不想斷診病人患有情緒病,但病人又自覺不認同為正常,在這時候醫學上就可能要給他們一個「標籤」。然而,事實上適應障礙症其實跟普通失眠一樣,很多時不會當它為精神病。歐陽醫生又指有時這些問題真的會比較主觀,即是失戀後哭了好幾天,可稱為明顯的情緒反應嗎?失戀以致你幾天洗澡洗得不清潔,請了兩天病假,又可稱為影響生活功能嗎?所以有時候醫生不是純粹看病徵,而是看須不須要給他一個「標籤」。
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
相關影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【尋找以色列 - 足本版】日日炮彈聲送飯 港夫婦耶路撒冷開麵店女兒當兵「呢度係全世界最安全地方!」 (果籽 Apple Daily) (https://youtu.be/cyfMJ1OOPKY)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【癌妻疑腫瘤增大再入院】林子博心力交瘁 感激汪阿姐報紙包錢相贈渡難關(壹週刊 Next)(https://youtu.be/gk83T58fTIs)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
【頭條動新聞】孕婦被拉跌 社會關注度不及細So與美斯《頭條動新聞》Ep.6 (蘋果日報 Apple Daily) (https://youtu.be/4MaqWS-XFEc)
#果籽 #壓力 #返工 #醫生 #病假 #適應障礙 #StayHome #WithMe #跟我一樣 #宅在家
![post-title](https://i.ytimg.com/vi/de-MvKMER6M/hqdefault.jpg)
精神病 返工 在 - BLAIR K. Youtube 的最佳解答
返工唔可怕,最怕跟錯人
唔知睇緊呢條片嘅你喺人生咩階段呢?
喺2019年10月23號我辭咗人生第一份全職工作
點解我咁specific要將年月日講晒出嚟呢?因為當我決定咗辭職之後,我先發覺原來我同男朋友嘅拍拖紀念日都忘記左。初初只係同佢傾好一定要食返餐好嘅來慶祝一下。諗翻起嗰日一夠鐘離開嗰個地方,我就即刻放下心頭大石,成個人放鬆曬。
個度啲人
一係自大
一係自戀狂
一係唔刷牙又打botox (臭撚到)
大佬
我又唔係自戀狂
又冇精神病
有冇打botox
唉 我太正常啦,
唔怪得知做咗幾年都唔啱傾
人生真係美好啊!
為咗呢份工我放棄自己既興趣,理想
我由一個怕怕醜醜,唔識同陌生人開口對話嘅女仔,變成踏入完全唔再掂畫畫嘅服務性行業!
打完呢份工我簡直就係對人性,人事變動呢啲野大開眼界!原來我可以唔開心到咁,嬲到咁重要嘅嘢都唔記得。我唔知道自己係呢個頻道仲有幾多個會繼續睇我嘅片,但係呢一排我就好有感而發去將我呢兩年零10個月嘅打工仔生涯分享出嚟喇~可能你會覺得唔係真嘅,邊有咁痴撚線嘅人啊,之類之類。唔緊要呀,你咪當我創造力好,想像力好囉~好快有片睇!bye!
![post-title](https://i.ytimg.com/vi/0ukEWcfFA1U/hqdefault.jpg?sqp=-oaymwEZCNACELwBSFXyq4qpAwsIARUAAIhCGAFwAQ==&rs=AOn4CLAhA4oJ2x1kAsLL2o6omMm0_38aDw)