Search
為咗未來嘅幸福，就要好好關注自己嘅健康，定期檢驗血糖！
「糖尿病前期」定義：糖化血紅素(HbA1c)達5.7-6.4%
呢個網站有更多關於糖尿病前期的資訊，仲可以畀大家做糖尿病風險測試，有時間不妨一試~
網址: http://www.diabetesprevention.hk/
#糖尿病前期
#糖尿病前期風險評估
#糖線
#糖尿病
#請勿超越糖線
#定期驗血糖
#Glu仔
#糖尿病前期大使
有日一位小姐嚟到診所。
佢行埋嚟登記處，指住張紙問：「咁樣要唔要睇醫生呀？」
我望望張紙係身體檢查嘅報告：「你要唔要醫生同你講解份body check報告？要嘅話我同你登記入去睇醫生呀」
佢：「唔駛呀，佢呢度都有晒數字睇㗎啦，代表踩界呀嘛，我識睇喎，糖尿病前期呀嘛？我上網睇埋啦，呢個糖化血紅素(HbA1c)去到5.7-6.4%就係啦嘛」
既然你都識睇，點解又問要唔要睇醫生嘅？
我：「嗯，你想醫生教你點做？點整返靚個數字？」
佢：「呢個我識呀，咪又係改善飲食，食少啲甜嘢呀，做多啲運動之類，走唔甩呢啲㗎啦，真係講嚟講去都係嗰幾味㗎啫」
醫生，有人踢館呀！
我：「咁你嚟診所係睇醫生嘅？」
佢：「可以咁講啦，想聽吓有冇啲咩新鮮嘢咁囉」
我：「你俾身分證我呀，我同你登記呀」
佢：「醫生唔會都係講我頭先講嘅嘢㗎可？如果係嘅，我唔俾錢㗎！」
門口嗰邊，好行夾唔送。
我：「入得去見醫生嘅就要俾診金㗎啦，冇得話你唔鍾意唔啱聽嘅就唔俾啊」
佢：「講嚟講去都係嗰幾味嘅我駛咩睇醫生啫，我夠識做啦」
我：「咁你又唔做嘅？」
佢：「…懶…呀嘛」
俾啲掙扎！
我：「明知有問題嘅都唔去解決嘅話，身體係你自己，健康又係你自己，你唔肯做冇人幫到你㗎喎，唔係睇次醫生俾次診金就會變到即刻冇事㗎嘛」
佢：「而家先係踩界啫」
我遙望遠方：「唉，就係趁未入晒骨先好拿拿聲整返靚佢，條路先冇咁難行冇咁痛苦，如果可以…我都會喺120磅嗰時開始戒口減肥…」
佢急急腳離開診所，做咩唔聽吓我想當年呀？
為你好咋，趁仲係踩界嗰時就認真逆轉佢啦，到真係糖尿病要食藥嗰時就真係盞搞啦！
大家不要超越糖線呀！
呢個網站有更多關於糖尿病前期的資訊，仲可以畀大家做糖尿病風險測試，有時間不妨一試～
網址: http://www.diabetesprevention.hk/
#糖尿病前期 #糖尿病前期風險評估 #糖線 #糖尿病 #請勿超越糖線 #定期驗血糖 #Glu仔 #糖尿病前期大使
