[蛤蟆的油] 唔知係我謙定我冇進步。頭先話當年呢篇文寫得差,「真係睇返又唔覺得差」。當然當年最大問題係寫得慢,編輯都有同我講,呢啲文過兩日已經冇人睇,寫得好不如寫得快。結果今次我30分鐘已經寫崈2000字。呢啲咪進步。
又,如果將01博評啲文 ,加埋而家事後回想,或者同一題目寫多次,新曲加精選,出本書。有冇人買?梗係問你地買唔買啦! 有人買我就去馬。 而家聽講印一版書都係2000本啫。你唔係要我自資呀?唔係錢嘅問題(咪幾皮嘢!),但,面子嘛。
========================
世界上或者仲有童話,李斯特城都英超冠軍啦。但一個唔靚唱歌唔好演戲唔得才華冇乜嘅屋邨妹,可以紅得起,可以配上男神,可以俾人講足咁多日,應該好難再發生。而家個個十幾歲已經要整容夾胸外加無數潛規則,10 個小妹妹 7 個都話自己係「model」,甚至有話屋企冇錢唔好諗住入行做藝人。可見嗰 10 年前後,世界真係唔同咗。
十年前《獨家試愛》都收 800 萬。《紀念日》好似過 1,000 萬票房。我有理由相信,不少人係好似我咁,兩套戲都有睇。對,你估到了。不妨睇下自己身邊,當年陪你睇《獨家試愛》嗰位,十年後仲係咪同你睇埋《紀念日》?既然你側邊嗰位都唔同咗,銀幕上嗰兩位 keep 到十年,其實已經好難得。借題發揮寫文呃 like 請便,但扮愛情專家肚中迴蟲,就大可不必。
(我?十年前後我都係自己睇嘅。「最愛你的人永遠是你自己」。呢句就唔係葉念琛了。)
同時也有4部Youtube影片,追蹤數超過5萬的網紅Cosmopolitan HK,也在其Youtube影片中提到,對 #鄧麗欣 #Stephy 嚟講,#王子 定 #黃子華 好?!#葉念琛 定 #活地阿倫 ?! 好似有得揀又好似冇得揀,究竟 Stephy 會點揀?今日準備咗一系列嘅 #2選1 問題考考今期 #封面人物 Stephy。 每次提到有關男友嘅關鍵字,Stephy都笑到甜絲絲咁,睇嚟 #姊弟戀 ing 嘅...
「紀念日 葉念琛」的推薦目錄:
- 關於紀念日 葉念琛 在 Facebook 的最佳解答
- 關於紀念日 葉念琛 在 君子馬蘭頭 - Ivan Li 李聲揚 Facebook 的最佳解答
- 關於紀念日 葉念琛 在 自毀影評 Facebook 的最佳貼文
- 關於紀念日 葉念琛 在 Cosmopolitan HK Youtube 的最佳解答
- 關於紀念日 葉念琛 在 HowtinFlix Youtube 的精選貼文
- 關於紀念日 葉念琛 在 CapTV HK Youtube 的最佳解答
- 關於紀念日 葉念琛 在 唐寧Leila Kong - N年後終於再合作 #紀念日#葉念琛愛情電影 ... 的評價
- 關於紀念日 葉念琛 在 葉念琛齣《紀念日》睇唔睇得過? - YouTube 的評價
紀念日 葉念琛 在 君子馬蘭頭 - Ivan Li 李聲揚 Facebook 的最佳解答
[完了吧,如無意外]《我的筍盤男友》- 兼講葉念琛
1. 好,其實一路都想寫葉念琛,卒之有機會。今次細半講套戲,大半講葉念琛。可能更好,因為如果齋講葉念琛,可能就變咗流水帳由第一套講起,又長又悶。
2. 首先講結論,四大賀歲港片,黃子華葉念琛王晶黃百鳴,四套我都會睇。但寫呢篇文之時,只係睇咗黃子華葉念琛。但幾乎可以肯定,葉念琛呢套《我的筍盤男友》,係四套最正常嘅。留意我甚至唔講最好,我好難話你知呢套戲叫做好戲,甚至以葉念琛嘅戲本身都唔係(近年嘅全部唔係)。但只係鬥低,其他幾套更不堪。黃子華我寫咗 (http://bit.ly/3aRCMWC) ,王晶黃百鳴,怕且都唔使點講。但當然睇完先算。王晶黃百鳴即使畀人打入地獄後,其實都仲偶有OK的佳作。
3. 講返葉大導,我在好多地盤嘅個人介紹都提過鍾意佢。好多人都不能置信。雖然我唔係咩咁巴閉,但佢地都不能接受原來我係鍾意「MK活地亞倫」。我得承認,呢個半恥笑嘅花名,改得極好,唔知邊個發明。
4. 亦都有人懷疑我係扮鍾意葉大導,或者特登鍾意葉大導。好似own咗呢壇嘢咁,提起葉念琛就諗起我(佢未去到咁霉),又或者扮與眾不同。甚至係有啲自虐傾向,例如好多明知好爛嘅港片我都入去睇。當然唔只係為咗支持港片咁偉大,亦純粹係為放空。所以你明點解TVB劇咁受歡迎,因為好多人只係想放空
5.但我鍾意葉念琛,絶對係真心嘅。你問同我睇過葉念琛嘅女(都好多條,喂,佢拍咗好多戲,十幾年喎),應該feel 到,我係真心投入,甚至真心被感動嘅。
6. 喂大佬,我第一套睇嘅係2006年嘅《獨家試愛》,仲記得係在美孚影都戲院(但我明明唔係住美孚,又唔係嗰度返工,嗰時就係咁無聊)。唔可以話驚為天人,但真係深受打動。呢啲係就係拍畀我睇嘅!
7.《獨家試愛》係葉念琛嘅第二套戲。而之後咁多套,我全撚部都睇晒。咁我梗係講入場睇啦!幾時都係入場睇先計。《人約離婚後》我睇咗三次!(好八掛嘅應該發現,當時係我結婚前冇耐),《紀念日》我睇咗兩次。
8. 就連我在香港01嘅第一篇文,都係寫Stephy.篇文寫得唔好,費事貼(但要搵仲搵到)。重點係,我同01傾咗一排,但仲未嘔到文,就係到Stephy同万刀甲分手,先觸發到我覺得一定要寫啲嘢。某程度上係因為香港01我先真係變成一個「寫文」嘅人,亦都因為咁我先有個Facebook Page。而與其話我鍾意Stephy,不如話我係鍾意葉念琛鏡頭下呢個港女.
9. 所以你話影響大唔大?
10. 坊間對葉念琛好多批評好多恥笑,你一定聽過,我亦唔使一一駁斥或乜。我甚至覺得,我同葉大導合照時,佢都有啲懷疑我係想去抽水笑佢。(BTW,呢張相好經典,係我睇《獨家試愛》時捕獲佢影。你話,喂,又話在影都睇?呢張相點都唔係影都,況且2006年埃汾邊有咁老?答案係:張相係《獨家試愛》重映(!)嗰時影的,亦因為咁葉大導有出現)
11. 我只講兩樣嘢。第一,你話葉念琛啲戲凈係情情塔塔,係丫,「活地亞倫都係」。但情情塔塔咪就係嗰時嘅我生活嘅大部份。留意葉念琛拍嘅,一般唔係校園故事,又唔係豪門恩怨,就係普通職場男女嘅故事,你同(當年嘅)我。你話呵欠嘅,唔知有乜好睇嘅,我只能好武斷咁話:你根本唔識愛情。或者話:你愛情經驗唔夠。
12.同樣地,又話葉念琛啲戲全部都係偷食三角變—我想講,現實都係咁上下。你嘅現實唔係?恭喜你。咁你好幸福。但我嘅現實係。唔講太多自己嘢(唔係介意,係唔想失焦),但應該好多人知,當年我囡囡就係sort of (不知情嘅)小三,我背住當時正印女友偷食,後來仲有啲轉折,但最後我都係同囡囡結埋婚。呢個小三炮友(唔通一男一女去釣魚?)變埋正室嫁埋嘅故事,好多人都覺得好勵志,勵志過華潤勵致。你可以話因為我係啲咁嘅賤人所以我睇葉念琛,亦可以話因為我睇葉念琛所以我係咁嘅賤人(但明顯係前者居多)。但又係嗰句,唔好咁虛偽啦,你冇做過人第三者?冇搶過人男女朋友?你自己冇,朋友都有啦。我當都係冇,都總有其他人想嚟搞你或你另一半掛。根本現實就係咁,葉大導話齋,情場如戰場 要愛就要搶。你冇畀女人摑過,冇畀人狠狠咁恨過,可能代愛你根本冇真正戀愛過。正如冇跌親過即係你踩得唔夠快,冇飲過海水泳池水即係游得唔夠深(?)
13. 第二,我對葉大導嘅欽敬,正係在於佢啲戲咁多年都可以玩同一樣嘢(其實近年已經唔係):男男女女,偷食,三角戀。One trick pony.喂,你估易?洛賓的軌蹟咁,係呀,一樓都係呢招架啦,入波呀,吹咩?
14. 李小龍除咗講be water 外,仲有講過,練一萬招嘅人佢唔驚,但佢驚一招練一萬次嘅人(所以唔好睇咁多四仔,專心練好啲傳教士啦)。葉念琛就係呢個一招玩一萬次嘅人。
15. 悶?睇你點睇。正如我一樣(!),其實咩安雅會談呀 (http://bit.ly/2TVopKJ) ,失身記呀(http://bit.ly/2R6wzwZ),我在個人FB都講過好多次,現實生活更講過無數次。但我啲識咗廿幾三十年嘅朋友都係百聽不厭,因為好似次次都有新嘢—唔係我前言不對後語。而係可能手法唔同,舖排唔同,或者講返一啲我當時嘅諗法,或者一啲冇提嘅細節。
16. 同活地亞倫一樣(所以叫佢MK活地亞倫真係好正),葉念琛可能冇正版活地亞倫嘅智慧,但佢地有樣嘢好似,就係咁多年都係嗰啲主題!一招練一萬次。念念不忘,必有迴響。總好過啲學藝不精嘅人,行都未行好就學走。兩位活地亞倫都係,你擺明知佢會點,擺明係咁genre ,點丫?
17. 葉大導同正版仲有一個共通點,亦係我佩服佢嘅一點,覺得出面低估佢嘅原因:佢地,都係可以只係賣自己個名嘅編導!(另一個應該係彭浩翔)
18. 外國其實唔少見,但香港相對地幾少見。有邊個導編真係可以長期賣自己名?可能係杜琪峰,可能係王家衞嗰啲級數。但佢地都唔係拍死一個類型啦,係咪?
19. 更加堅嘅係,喂,杜琪峰唔多唔少都要靠劉青雲古天樂任達華,王家衞都係要靠梁朝偉。
20. 葉念琛呢?佢真係咩演員都唔使用!唔使特技,唔靠色情,唔使靠賣香港情懷(事實佢啲戲就最本土),甚至唔使點宣傳。難聽啲講你畀堆垃圾佢佢到交到嘢畀你。有金童玉女Stephy万刀甲固然好。但係咪冇咗佢地葉念琛就冇戲拍?唔係咯大佬。佢先係套戲嘅主角,男女主角呢啲只係過客。呢點好重要。佢係一個有好強勁個人風格,可以只賣自己招牌嘅導演。嘿。
21. 唔好恥笑或鬧,仲有一樣嘢。我地講緊商業片,係咪?我地唔係討論緊杜魯福小津安二郎下話?商業片最緊要係乜?賺錢。唔使套套大賺,甚至唔使套套賺,但最好封蝕本門,最好老細唔使輸到仆街。功夫嘅嘢,有票房咪叻仔,冇票房咪返去自己打文青飛機。
22. 葉念琛正係因為賣自己招牌(而我相信佢唔係拎好多錢),所以佢啲戲,全部都唔會高成本,我有理由相信多數都賺錢,至少唔會蝕。所以佢可以開戲長開長有。記唔記得舊文講過?只要不死,就是活著。你冇戲開,你有乜理想都係把撚。
23. 互為因果,葉念琛嘅戲,求其搵啲後生新人去拍就得,新人供應源源不絶,一定唔會貴,紅咗扭計嘅,貴嘅,咪換第個。再加埋班佢長期合作嘅綠葉班底(阿Bob,麥玲玲之類,唔係佢地做乜會上無線唱《好好戀愛》?)(http://bit.ly/2RK03AY) 。佢啲戲又唔使靚景,又唔使特技,仲可以搵贊助搞植入,封晒蝕本門,老細點會唔開心?
24. 仲有樣嘢,你班友成日強調港味嘛。葉念琛嘅戲正係好有港味(當然都用過台灣演員)。因為佢唔使點理大陸票房(雖然係有上的)。點解可以唔多理大陸票房?咪又係成本低,只做香港都夠。
25. 更加唔好講,因為葉念琛,製造咗幾多就業機會畀啲奀星。難聽講句,出面搵老細嫁才俊都靠呢啲叫高啲價。功德無量呀
________________________________________
26. 今次呢套《我的筍盤男友》,講真,冇乜好講。我話好好睇係講大話,你要講情節不合理係大把(但好似冇三角戀噃)。但我想講,至少係完完整整嘅一套戲。要求好低?你可以睇下其他幾套賀歲片。
27. 窮家女孩戀上富家子,屋企人反對,嘩,呢啲情節真係拍咗一百幾廿年。但至少在葉念琛手上都仲係正正常常(唔好咁高要求)。好彩冇出現吳家麗開張支票叫條女開個價嘅老撚土情節。「但食麵包(定鬆餅?)嗰下真係笑咗」。
28. 演員啲表現都算係恰如其份,綠葉配角嘅繼續綠葉配角,陳家樂個look就擺明係劉鳴煒個look,講嘢都差不多,有啲說服力的。
29. 然後到女主角,嗯,真係之前我都唔識,李靖筠Gladys。拿我是個膚淺嘅人,但我第一眼嘅感覺係:喂大佬,咁醜嘅女,還我Stephy呀。或者蔣家旻蘇麗珊都好丫。
30. OK,我知,唔好睇樣咁膚淺,身材都好重要。「但都好似冇」。OK,我明白,想睇女落夜總會嘛。人地係artist(e),唔係賣樣。聽聞好似其實主力係唱歌,咁當然OK,況且而家好似鍾意呢啲文青女神系(咩係文青女神?冇胸咪文青女神)。同埋,聽聞,其實最後跑出反而可能係呢啲女仔,就係夠型格,唔會睇咗都唔記得。
31. 但我是死士,我寧願相信,葉念琛都一早知佢唔靚(你睇佢咁多年拍過幾多女明星?倪晨曦連詩雅周秀娜鍾嘉欣喎),但正係睇中佢呢點,搵佢演呢個窮家平凡女孩。就係搵個唔靚嘅。雖然現實上Stephy周秀娜都係窮家女孩(窮家女唔可以靚同大胸?姿色改變命運嘛)。
32. 仲有樣嘢,budget.都要講,葉念琛啲戲,卡士係越嚟越弱嘅。嗰時Stephy 万刀甲未算一線明星,但好多人都識,之後仲有佘詩曼周秀娜之類。但到近年就變咗蔣家旻蘇麗珊甚至今次呢位。
33. 但,市道唔好嘛,加上而家葉大導啲戲都冇當年咁收得(互為因果)。自然樣樣慳。你咪理,我覺得一個成功嘅工匠(你唔係當葉念琛係藝術家呀?)理應如此,我都係咁(?!)。老細畀三皮嘢筆直,我咪同你請三皮嘢之中比較好又啱用嘅人。你畀兩皮嘢,我咪同你搵兩皮嘢之中冇咁甩皮甩骨嘅。你畀一皮嘢,我咪搵件甩皮甩骨但至少唔係炸咗你間公司嘅友咯。睇送食飯嘛
34. 除咗影員,仲有好多位睇到筆直係有限的。劇組似乎搵唔到豪宅(但,喂,英皇喎),安排呀幾十億富豪才俊都只係serviced apartment,又算數。但大佬,名流女士佢老母搞生日會,在六公館搞?Seriously?另外,啲佈景版嘅女,亦未免太MK太大陸太O靚模,唔係咩上流party見到嘅女咯。
35. 但,正係限米煮限飯嘛,都係嗰句,不死就是活著,冇戲開我話知你天才橫溢。點先長玩長有?就係唔好蝕錢。蝕都唔好蝕到仆街。你估導演咁易做?咁易做你做咗啦。
36. BTW,當年我在01有篇文,講賀歲片咁多年嘅轉變,然後反映返社會。嗰篇文都幾多人睇,雖則有啲長。可以畀你回下帶 (http://bit.ly/2RMqplL)
紀念日 葉念琛 在 自毀影評 Facebook 的最佳貼文
葉念琛作品從來寫男女權力失衡,失去stephy,補上蘇麗珊,就變老少配:方力申玩妹。
小方是陀槍差人,才能重振雄風,小蘇是無能啤妹,做番小鳥依人。小蘇默默扶助小方事業,港男港女才能和解。而當葉氏背棄其犬儒(所謂世上無真愛),續寫猛男弱女愛情神話,自然跟現實香港脫離,變得無法忍受地膚淺及無聊。
葉氏其實從來用現實感吸引觀眾,如《獨家試愛》開場舌吻,中段Stephy傾意傾情嗌交戲,是最佳演出。
伊由無知少妻演化到《紀念日》的黑面中女,事實可信。她並非英治黃金時代,張曼玉,鄭裕玲那種顧盼自豪港女,而是出身低微,盲字唔識一隻,日做夜做打份牛工,飽受父母親戚,偷食老公折磨,揮劍斬情絲做不到,其得中低層港女觀眾共鳴並非偶然。
Stephy玩空手道勇闖新世界,葉氏則倒退玩弄虛假純愛,完全無心戀戰。票房失收,鬧都費事,亦屬自然。
紀念日 葉念琛 在 Cosmopolitan HK Youtube 的最佳解答
對 #鄧麗欣 #Stephy 嚟講,#王子 定 #黃子華 好?!#葉念琛 定 #活地阿倫 ?! 好似有得揀又好似冇得揀,究竟 Stephy 會點揀?今日準備咗一系列嘅 #2選1 問題考考今期 #封面人物 Stephy。 每次提到有關男友嘅關鍵字,Stephy都笑到甜絲絲咁,睇嚟 #姊弟戀 ing 嘅佢同王子都真係幾Sweet喎! 即刻去片~
Wardrobe by CALVIN KLEIN JEANS #CalvinKleinJeans CalvinKlein
立即訂閱 → https://bit.ly/SubscribeToCOSMOHK
Cosmopolitan HK: https://www.Cosmopolitan.com.hk
Facebook: http://fb.com/CosmoHK
Instagram: https://www.instagram.com/Cosmopolitan_HK
紀念日 葉念琛 在 HowtinFlix Youtube 的精選貼文
有人話很有共鳴, 故事很寫實. 但寫實都要好睇, 有故事追看性, 寫實唔係point嚟, 影住Stephy痾屎夠寫實啦, 反映靚女也痾屎的現況, 但唔會成為一齣好戲的.
最新消息請訂閱
http://facebook.com/howtindogs
紀念日 葉念琛 在 CapTV HK Youtube 的最佳解答
由MK活地亞倫孽念蔘親手操刀的星球大戰會是怎樣的呢?
是火星華麗地愛上木星,海王星當上第三者,然後冥王星背著地球出了軌的故事嗎?
紀念日 葉念琛 在 葉念琛齣《紀念日》睇唔睇得過? - YouTube 的推薦與評價
有人話很有共鳴, 故事很寫實. 但寫實都要好睇, 有故事追看性, 寫實唔係point嚟, 影住Stephy痾屎夠寫實啦, 反映靚女也痾屎的現況, 但唔會成為一齣好戲 ... ... <看更多>
紀念日 葉念琛 在 唐寧Leila Kong - N年後終於再合作 #紀念日#葉念琛愛情電影 ... 的推薦與評價
我跟你年纪差不多,细个果时当时看电视觉得你好靓,好想认识你啊. 8 yrs Report. Alice San, profile picture. Alice San. Audrey Yew 原来张继聪是童星!! ... <看更多>