陀緊小芊羽嘅時候，Wilma媽就已經有打算第時要同佢去玩BB Spa玩（雖然有覺得係滿足大人多D），但佢出世之後，因為都怕條頸仔未夠力，一直都未去實行。
直至上星期，我地終於去咗西環西寶城商場嘅Kidstival Baby Spa & Workshop 試玩Baby Spa喇😍
大家可能都想知道個服務其實有咩玩，下面等我逐Step介紹啦！
💫去到首先要填張form，確實寶寶身體狀況適宜暢泳💁🏻
💫OK就可以抱BB去換片檯果邊換防水片片同除衫仔喇
**果個area好暖，唔怕BB除衫冷親架
**有安撫床鈴，分散BB去到陌生環境嘅不安
💫除咗衫仔就Cool水泡，落水水喇👶🏻
💫初頭寶寶浮浮下目無表情，但慢慢適應咗就會神色輕鬆，仲會笑得好開心，媽咪們呢個時候就要拎起電話相機狂影喇，真係好可愛唔捨得抱返佢上水架！你地仲可以拎池邊嘅玩具同佢地玩，絕對係一個好治療嘅親子活動🤗
💫大約10-15分鐘，BB就要上返水，唔係佢地會好攰D皮膚泡得太耐水都唔好呀。咁專業嘅姐姐就會幫BB著返條片片，再用有機嘅嬰兒修護潤膚霜進行10分鐘倒嘅按摩，呢Part好正，芊羽鬆大腿嘅時候開心到笑笑笑🤡
💫按摩完姐姐會同寶寶洗白白，咁就大功告成喇！
💫舖頭入面設有餵奶房，雖然個服務已經完咗，但體貼嘅姐姐們會提提你BB郁完一大輪會餓豬，媽咪們可以去餵奶房安心餵埋BB先走呀～
**游水水之前大約個半鐘要俾BB食一餐先，同食奶後唔好即刻沖涼嘅道理一樣，唔係頂胃又未落格！
**可以自備沖涼毛巾---唔係舖頭嘅毛巾唔乾淨，不過因為個個BB敏感情況不一，而且有自己屋企嘅氣味，安全感都大增🤓
因為好多時候玩Baby Spa都係得幾個月大人仔，媽咪們對用喺寶寶身上嘅野當然要份外小心，Kidstival Baby Spa用上有國際有機認證而且選用低敏配方嘅法國品牌Fleurance Nature HK☀
呢個有45年歷史嘅牌子99.7%採用多種有機天然植物成分，不含致敏原啦、類雌激素啦、 Paraben 啦、 防腐劑等等等等有害物，安全方面唔需要擔心。
而且佢仲有天然金盞花、乳木果及蘆薈成分，夠滋潤保濕。
芊羽用完香噴噴其實本來Wilma媽有怕產品有香料，但後黎做research見到佢原來因為天然萃取，所以佢嘅香味都係有認證嘅百份百天然架❤
呢排開始凍喇，寶寶皮胭腺未發育好易因皮膚過敏乾燥泛紅，所以都要用夠潤嘅沖涼同護膚產品黎紓緩同滋潤保濕黎保護BB😳
如果大家去完Baby Spa覺得正都可以買佢D product試下。
產品售賣點：
Fleurance nature 網上商店👇🏻
https://goo.gl/JH1xu2
各大屈臣氏
全線EUGENE Baby荷花
AEONBODY
HKTVMall
下次再介紹其他好活動同產品俾大家喇～
#fleurancenature #Wilma媽活動分享 #BabySpa #好想下次再玩過 #約埋其他BB一齊去 #返黎瞓到豬豬咁
