多數人都估錯曬﹗我開估喇﹗到底以下邊個職業我冇做過？（睇到最後地球75億人都震驚了）
1. 跟車送貨員
我第一次做 part time ，係喺 14 歲暑假。因為天生牛高馬大，加上當時好多朋友都會做「童工」（各位小朋友唔好學啊﹗），所以拉朋友衫尾去跟車。雖然大件，但唔夠大力，所以搬得好慢，有一次要搬一盒盒鐵餐具，細細盒但重到我投降。仲記得有日中午時份，搬到身水身汗，但無錢買飯食，司機叔叔請我飲可樂。
2. 地盤工人
15 歲暑假被朋友拉去地盤，樓已經起好，我地負責將啲窗框一個一個咁裝上去。攞住啲工具由地面行上三十五樓，逐個單位裝，裝咗好多日。記得完成嗰日，朋友喺便利店買咗枝紅酒慶祝，喺後樓梯諗住開嚟飲先發覺冇開瓶器，於是求其搵舊磗扑開個樽嚟飲，飲完無入醫院都算好彩。
我心諗，第日邊個住就倒霉，我裝嗰啲窗邊應該會漏水。又好彩後來幢樓唔住得，因為係短樁嘅天水圍天頌苑，事隔多年復修才出售。最唔好彩係我，判頭未出糧走咗佬，無得追。
3. 超級市場理貨員
會考後悠長假期，喺樓下超級市場執貨，返夜班。只係負責將啲貨上架，有生以來做過最無聊的工作。
4. 超級市場跟單員
高考後的暑假，到一間小型街坊超級市場做跟單，是一份長工合約（因為唔清楚自己係咪有機會升大學），因為是一間非常「本土」的小公司，我竟然是英文最好嗰位同事，負責同海外供應商溝通。最記得我地午餐基本上係試食不同地方寄出的貨辦，有一次試食營多撈麵，驚為天人，極力要求老闆入貨，但我唔知我地係咪第一間賣營多嘅公司。
5. 電影臨時演員（無對白有飯盒嗰種）
由15歲開始間中會被叫到片場和廣告做臨時演員，都係啲行行企企嘅位置。作品有：《玻璃樽》、《熱血最強》等等。17歲暑假本來 cast 中咗某部戲的角色，但因為家事演唔到。
6. 私人補習老師
中學大學生最正路的兼職，但我真係好怕教小朋友做功課，所以從來冇做過。
7. 電視台記者
大家都知，冇補充。
8. 電視主持
大家亦都知，我只補充：請大家撐香港電台。
9. 專欄作者
高峰期每星期有三、四個欄目，目前只剩下少量月刊或約稿。
10. 電子商貿管理員
答 10 嗰啲朋友仔呢⋯我真係唔鬧你地都唔得﹗你地冇睇過我宣傳我個網站 FLUZBEAUTY 咩？﹗罰你地上去買嘢﹗不過真係好多好嘢㗎，除咗熱賣嘅美少女戰士香水，仲有最新上架嘅本土團隊＋日本製品牌 Petti5 ，運動有德國神襪 CEP ，電器有日本品牌 Balmuda 同 Bruno ，仲唔快啲去買？
（廣告完）
紅酒開瓶器英文 在 I.T. Wine Gallery - 陳年葡萄酒才需“醒” 醒酒器英文叫Decanter ... 的推薦與評價
陳年的優質葡萄酒，由於多年存放於封閉的環境，開瓶後使用醒酒器讓葡萄酒與氧氣混合，它真正的香味才會慢慢的“醒”過來。所以一般醒酒器的瓶底面積都比瓶頸大得多，讓葡萄酒 ... ... <看更多>