跟女朋友兩週年時，我正處於赤貧時期，做了兩份兼職，加一份私人補習來應付四萬多元的大學學費。
「今年我未必可以送到好貴嘅禮物畀妳。」有點難開口，但我還是跟女朋友坦白了：「對唔住⋯⋯」
不敢望她的眼睛，怕見到她失望的神情。
她卻不以為然地說：「我幾時有話過要你送好貴嘅禮物？」
當時我們在她家樓下，那晚的約會毫不浪漫，只是匆匆地一人一碗雲吞麵，但她全程微笑著。
「心思同驚喜，從來都唔使好貴㗎！你慢慢準備畀我啦，我點都會鍾意！」
令女人感動，需要浪漫，但令男人感動，需要支持。愛情中，沒有甚麼比在低谷中仍願意陪著對方更感動。
我由心底感謝女朋友的體諒，緊緊的擁著她。
「我要預備一份完美、浪漫、令佢一睇到就感動到喊嘅禮物畀佢！」跟她告別後，我獨自回家，邊行邊跟自己承諾，要好好答謝她的體諒及明白事理。
思前想後，送甚麼好呢？她說過，喜歡我親手整的、獨一無二的禮物。
我希望，會有幾個原素：一，有回憶、二，由我一筆一劃去寫、三，有將來的憧憬。
曾經想過，寫本記事簿，但上年做過；寫份「結婚計劃書」，不夠震撼；唔⋯⋯不如寫情信？不夠特別⋯⋯
終於⋯⋯我想到了。
9月21日，紀念日真正到了，飯後我故作神秘帶她到我的家，我說，預備了禮物給妳。
「份禮物，就梗係唔係就係我自己啦！」入門口前，我叫她合起雙眼。
走進了我房間，我叫她張開眼。
牆上，貼滿了一張張報事貼®便條紙，是一棟心形的牆。
我解釋，粉紅色的心代表快樂，紅色的就代表承諾。
我希望記低快樂，記低承諾。
「每次望到，都會提自己同妳一齊係幾咁開心，要好好珍惜妳；同時提自己有咩應承過妳，要努力實現出嚟。」
她靠近看看其中一張：「結婚咁長遠都寫埋，係咪真係記得？」
「呢份禮物會唔會好老套呀⋯⋯」我問。
「我鍾意咪得囉！」
我拿出一張新的粉紅色報事貼®便條紙，在上面寫上：「2015年9月21日，兩週年快樂。」
一年後的今天，一張張報事貼®便條紙仍一張張貼上，從未跌過一張，每次遇上愛情的樽頸，我都會回看這棟牆，那些曾經記低過的快樂，記低過的承諾。
3M報事貼®便條紙： www.3M.com.hk/Post-it
------------------------
*最新出版：《最後一分鐘－愛情》各大書局現已有售
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
