換床單時發現床褥上多咗幾個黃黃嘅水印,呢個時候先發現一直用緊嘅防水床墊都被洗到老化部份位置甩膠了。有時攬住B婆時聞聞佢,總會聞到一陣尿味,我仲以為係貓喺佢身上瀨咗幾滴尿,因為好多時都會見到頭頭或卷卷會趴喺B婆身上瞓。原來係B婆喺廳地上瞓覺時自己瀨咗尿,整濕咗自己個身唔知,再繼續瞓到左碌右碌...
我知道啦。B婆老了。
同佢沖涼時,見到毛底下嘅色斑比上次多了。是的,你老了。
洗到個頭時,你望住我好似知道自己因為瀨尿而要沖涼,見到你雙眼都變白了。是的,你老了。
我雙手捧住你臉同你講『唔緊要㗎,媽媽冇怪你,沖完涼又香噴噴啦B』,即使你已經聽覺退化,已經再聽唔到我講嘢再唔會好似以前咁俾反應我。是的,你老了。
你好似知道我喺度喊,乖乖企喺度等我幫你吹乾啲毛。
真係唔緊要㗎,媽媽都同你一樣一齊老了。
我哋都會老,都會離開,但我哋一直都係一齊嘛。
#B婆未死
#經期前荷爾蒙好唔穩定
Search