7月16日 18:15 最新進展： https://www.facebook.com/234282496595142/posts/3236422173047811/
無言宣布取消：https://www.facebook.com/234282496595142/posts/3233973509959344/
香港歷史上沒有出現過全香港食肆都停止堂食供應, 相信外賣需求會激增, 好多朋友都擔心製造大量塑膠垃圾. 同時我亦少少擔心如果出現大量人群排隊等外賣，實在係有啲風險同埋太辛苦。所以我今日同團隊共識到一個全新嘅外賣體驗方式，將會在明天開始全線38間分店嘗試推行：
明天開始每天下午五時，開始全新的外賣自取體驗，所有到訪客人將會與平時一樣撳飛，然後我們會安排客人進入餐廳一人一檯安坐點選食品並等候外賣，善用店內空間增加社交距離。當然所有客人都會需要經過探熱，並且必須全程帶口罩 （抱歉真係茶水都唔會提供㗎啦）。我們提供額外折扣鼓勵客人自攜餐盒到店（折扣方式我們每一個品牌都唔同所以我就唔喺度詳細列出了，簡單講由一個小菜減一蚊到全單平10%都有），自攜餐盒方法非常簡單，其實會好似平時堂食咁，鍾意叫乜都得（不過唔收加一仲有折），我們又會好似平時一樣用返堂食嘅餐具送上枱面，客人慢慢將所有食物放入自己帶嚟嘅餐盒裏邊（記住帶多幾個要足夠），放好晒就走人，簡單方便又環保，舒舒服服坐低慢慢搞唔使門口排隊。
每日5pm-6pm我們讓孕婦、老人家、殘障人士優先點餐，當然其他客人都歡迎。
如果大家繼續選擇各大平台送餐（不過呢個方法沒有折扣），或者選擇我哋公司網上外賣自取平台訂好餐先至嚟攞，咁就會繼續使用正常的一次性外賣盒，大部份食品同套餐都有折頭只係冇自攜餐盒咁着數同埋環保。
#其他餐廳同業如果覺得呢個方法可行歡迎一齊支持環保♻️
#強調一下為咗確保衛生我們同事不會接觸客人自攜到店的餐盒亦不會協助放進去該些餐盒
#圖片全部都係今日講出嚟只係draft最後以官方網頁及餐廳現場提供為準希望大家明白
