Day 148 (11月6日) 約旦🇯🇴
| 不同國藉，相同態度🐰 |
獨遊其中一樣開心，係多咗機會認識唔同國藉嘅朋友。我、阿琪、比利、阿根，大家嘅背景其實都好唔同，但我哋都係一個人揹背囊隨意周圍去。
記得有晚我哋喺房度傾計（我哋四個都無網絡，hostel wifi 只有 lobby 有，喺房變咗我哋有機會傾吓計），無意中同佢哋講起香港呢個地方，突然嗰刻覺得自己有啲香港大使上身（用我唔鹹唔淡嘅英文🤗），令佢哋認識多少少香港依家嘅情況同轉變。
同時有趣嘅係，佢哋留意到我經常不自覺地做某手勢，例如每逢 say no 就「🙅🏻♀️」，而佢哋係唔會做呢個手勢，呢啲都係我無留意過嘅。
搞笑嘅係，有次問我「香港人 / 亞洲人係咪好鍾意影相舉✌🏻？」（其實我自己好少舉）後來唔知點解會演變成每逢影相就一齊✌🏻，漸漸起埋隊名「Bunny Group」（有夠隨意的🐰），所以別怪咁多團體相都整咗啲奇怪手勢，哈哈。
愈去得多旅行，就愈意識到自己「香港人」呢個身份。出面外國人對香港嘅認識，除咗媒體報導，最能深入認識就靠每一位出國嘅香港人去製造（仲有喺香港嘅人啦當然）。曾遇到位巴西遊客話「我遇到一位中國人有呢個反應，唔代表啲咩，但當我遇到十位中國人都有相同反應，就代表佢哋係會咁，而你相反。」我講緊對陌生人打招呼啦。
所以，每次我喺 flea market 講價成功，對方問我來自邊度，我都有點不好意思⁄(⁄ ⁄ ⁄ω⁄ ⁄ ⁄)⁄
#獨菇遊
#繼續寫埋最後半個月旅程
. . . . . . . . . IG有更多相🐒
www.instagram.com/unigoo
繼續寫埋最後半個月旅程 在 獨菇unigoo - Day 148 (11月6日) 約旦 - Facebook 的推薦與評價
Day 148 (11月6日) 約旦 | 佩特拉嘅驢仔| 喺佩特拉會見到好多貝都恩人做遊客生意，騎驢仔上山就係其中一樣。 ... 獨菇遊#petra #繼續寫埋最後半個月旅程. ... <看更多>