全香港最好玩嘅hotdog!
一講起熱狗，大家一定係諗起去戲院睇戲啦。其實熱狗係美國街頭小食，將德國國民美食香腸加個包，成為美國國民美食，而且傳統上係去carnival同market必食，所以對於美國人嚟講唔止係comfort food咁簡單，仲有玩樂呀、假期嘅感覺，童年回憶嚟㗎！
我哋一般喺香港食到嘅hotdog都係冇乜特別，腸加包加茄汁加芥辣咁，但其實可以有好多變化㗎！最近同大細B去咗荔枝角D2 Place Two PowerPlay Arena 入面嘅Line Up Hotdog，又食又玩真係有細個時去出奇老鼠嘅感覺。困咗咁耐佢哋有得食有得玩，真係唔願走呀！
Line Up Hotdog超多款選擇，Menu上除咗有經典熱狗Classic Hotdog(傳統熱狗、chilli dog之類)，仲有一批以世界各地美食為靈感嘅係頑皮熱狗Playful Hotdog，包括避風塘熱狗、墨西哥式牛油果番茄熱狗、德國式酸椰菜熱狗等。我最推介嘅係素熱狗，入面係冇腸，但用咗椰菜花同黑松露芝士醬，估佢唔到但好味到暈！所有hotdog配上各式自選配料同自家製醬料，花多眼亂真係一個星期日日去試都要試幾個禮拜！店內特設「自由添加配料吧」，提供新鮮洋葱碎、黑橄欖 、熱狗醬 、酸青瓜、醃甘筍及葱花，等客人自已想加乜就加乜，充分體驗「車仔熱狗」 文化。佢哋用料非常講究，所以無論你叫邊款，都係新鮮又高質素！
另外佢個薯條都好特別，係shake shake薯條，可根據個人 喜好選擇青花川椒鹽、紫菜、喇沙或咸檸七味粉，我D仔最愛個咸檸七味粉呀！飲品都絕對唔馬虎，有童年回憶點止冰冰Slushy (可樂口味沙冰）同自家製冷泡烏龍茶等，而雪糕更加係香港製造㗎！
熱狗售價只係HK$28 起，加HK$20更可升級至指定小食連飲品套餐，超抵！為慶祝Line Up Hotdog 正式營業，由2020年9月23日至10月28日、一連六個星期三將會推出指定熱狗半價優惠，打頭陣嘅有三重芝士熱狗，半價後只需 $24！Line Up Hotdog 將會每星期 喺社交平台上公佈半價熱狗款式，大家要check住呀！
Line Up Hotdog
地址:九龍長沙灣長順街15號D2 Place Two 2 樓 211A-214舖PowerPlay Arena內 (港鐵荔枝角站 D2 出口)
電話:6618 7012 營業時間:上午11:45至晚上20:00
Facebook/Instagram:@lineuphotdog
Line Up Hotdog PowerPlay Arena D2 Place
#lineuphotdog #排隊熱狗 #D2Place #powerplayarena
美國國民美食 在 #美國國民美食 - Jelajah | Facebook 的推薦與評價
explore #美國國民美食at Facebook. ... 這是之前在美國吃過就再也忘不了的美食. 沒想到竟然在台灣開了分店！ 我知道的隔天就立馬跑去買. 店很大但並沒有大排長龍… ... <看更多>