[經濟解釋]怪事。戲飛60蚊,但戲飛加埋爆谷嘢飲先46蚊。冇其他條件。Holding Company discount?
TLDR:Megan Fox晒演技真係冇人睇
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
1. 去買「長相屍手」,阿姐問我要唔要套票(!),有嘢送,我心諗澳門咩(有邊位在澳門睇過戲?我就睇過),話唔使。但正價飛$60,咁問多次套票幾錢有乜,原來爆谷加「清肝明目飲」(而我不知道)兩枝加埋戲飛先$46。咁我梗係要套票!
2. 但,我係唔食爆谷亦唔飲甚麼「清肝明目飲」。「嘥嘢?」。錯,我可以畀埃汾太,或者送畀其他人。實務上我係選擇有得佢lapse,唔去換。Joe Chan (冇錯係張五常嗰個)話齋,你只係買咗個使用權,你可以入去瞓覺,轉讓,或者唔入場都得
3. 啟示當然係:冇撚人睇Megan Fox。另外,對戲院嚟講,多一個觀眾嘅marginal cost 近乎零(留意酒店 Airline 寫Patreon都差不多)。但戲飛收入要再分,小食部就自己拎晒
4. 所以,其實係送飛。當然重點都係Megan Fox 冇人睇。
5. 「幾時下海拍AV?」。又,有冇發現,鬼妹好少出現啲有名氣嘅明星奀星去拍AV?唔會有咩中西里菜 橘梨紗之類,產業不同,這也是經濟。
6. 當然而家連AV都難撈,大家都知玩法,冇護城河,大陸都識拍,而同大陸N咁多嘢一樣,你即管咪話得人地原本一半都冇,但我賣你一成價錢。更唔好講美國亦都係將佢產業化,正如美國所有嘢一樣,吸晒全球人材。然後就係消費者嘅慾望無盡,個個三歲已經乜都睇過,記得飯島松島都已見過面,點創新?這也是經濟。
7. 惡性循環就係冇咁好搵,仲要少子化,冇咁多女仔入行。另外資訊發達,以前都仲可以鄉下女仔去東京拍套戲,然後鄉間老豆老母唔知,仲可以返去扮純情嫁返個青梅竹馬嘅鄉下仔。而家?未拍都全世界知。這也是經濟。
8. 但最致命當然係去中介化。媒體係中介,唱片公司經理人電視台星探全部都係。以前星探唱片公司之類隻手遮天(所以,食好多女),佢要捧嘅真係垃圾都捧得紅,佢唔捧你嘅,話知你幾咁有才華。但而家已經扁平咗好多。這也是經濟。
9. 仲有,以前你買份報紙專欄,明明只係想睇陶傑,就質埋屈穎妍畀你(或者掉轉),但而家完全唔使,我支持邊個就直接課金,你冇得幫我budling.當然啲人亦越嚟越偏食,此乃後話。這也是經濟。
10. 而家去中介化,啲女Patreon或Only Fans 賣相,手仔都唔使畀人掂發過你去做analyst,甚至叫條仔影相,連畀啲鹹濕龍友睇嘅機會都慳返。這也是經濟。
11. 想出位嘅,同條仔做愛然後後拍片賣。唔係要你畀何俊仁搞,做返平時嘅嘢之嘛。If you are good at something , never do it for free 。《空手道》Dada陳靜話齋,「打得咁叻,點解唔打?」(*)。這也是經濟。
12. 當然仲有係碎片化。巴爾幹化。長尾。Niche market 。(一大堆buzz word又好似好pro)。大家都仲想要星,全城捧,大家有話題。但多得科技,creator economy 先係王道。
13. 好出名嘅一篇文,1000 True Fans, Wired嘅 editor Kevin Kelly 。長尾,你以前人人睇嗰啲嘢,而家碎片化,人人都係食神。我有1000個忠粉,一年畀100美金,我就一年搵10萬美金—好過絶大多數打工仔。of note,呢個數已經係香港top 5%左右,當然你可以繼續講「好多人搞生意」「好多人靠收租」,隨你。不過你下次講香港人買唔起樓時記得唔好搬龍門又用返收入中位數。
14. 你可以話,扯,1000 True Fans有乜特別,我都識講。但Kevin Kelly係10年前講!先知就係早你少少。
15. 我記得好似四五年前,香港份份報紙都搞start up beat,潮流大勢嘛。不過而家鬼媒全部都有creator economy beat,香港就大落後,其他華媒都係好似咁上下。所以你只睇華語媒體,就真係死撚得。
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
美幹拎梗圖 在 Facebook 的最佳貼文
【 港劇LGBT Friendly新一頁/《大叔的愛》男男撞擊之吻拍足20次 】
_
相信周四晚(15/7)有很多人都給黃德斌着婚紗( https://bit.ly/3z2GGXP)一幕震撼再震撼吧,看看電視截圖在facebook瘋狂洗版的程度,便知觀眾選擇站在哪一邊,就在這一幕出現之前,其實《大叔的愛》裏有另一幕畫面,更加值得書寫。
_
那是周一晚(12/7)播出的第11集〈KK愛之反擊〉其中一場戲,凌少牧(盧瀚霆飾)約會剛剛從台灣公幹返港的田一雄(呂爵安飾),一起到大澳旅行,就在中環海濱集合之後,突然間阿牧向田田施展猛烈攻擊,用力抓住其頸項,將他拉過來身邊並強吻,而這一幕,導演更以「大頭Close Up」(近鏡)的方式處理(https://bit.ly/3z1Sd9Y) ,成為香港電視業建立64年以來,第一次將男男接吻鏡頭光明正大呈現在觀眾眼前的連續劇,而且更是在晚上黃金時段播出(日本版的《大叔的愛》只不過安排在深夜時段播放),衝擊之大,較2016年《瑪嘉烈與大衛系列 綠豆》第一集同志情侶在街頭相擁更強 (http://bit.ly/2oqccvw) ,揭開港劇LGBT Friendly的新一頁,絕對需要紀錄下來。
_
誠如歌手 藍奕邦 Pong Nan 今天(16/7)時份在個人facebook專頁發表的長文《點解我睇 #大叔的愛 睇得咁投入?》所言,「(對於LGBT和泛性戀)呢一種方式嘅Presentation,係我呢一輩嘅人等咗好耐先等到嘅奇蹟。」 (https://bit.ly/2TdlBKZ)
_
據報道,這幕「撞擊之吻」於今年一月底拍攝 (https://bit.ly/2UIyBIZ) ,而二月初出席在ViuTV總台舉行的《大叔的愛》記者會之後,跟Edan(呂爵安)與Anson Lo(盧瀚霆)訪問時亦有提到這件事,從他們的回應當中,可以讓讀者知道,到底這一幕男男吻戲是怎樣完成,他倆在拍攝之前又做了哪些準備?而當初知道可以參與這套劇集的心情又是如何呢?
_
******
改編日劇《大叔的愛》(おっさんずラブ)的香港史上首套同名BL連續劇,今天(8/2)下午於ViuTV九龍灣總台舉行記者會,包括三位男主角:MIRROR成員呂爵安和盧瀚霆以及黃德斌,連同其他演員一同亮相。談到今次參演BL劇,Edan與Anson Lo直言因為入行年資短,演出經驗尚淺,所以開鏡前各自面對不同壓力,至於粉絲最關心的接吻鏡頭,Edan承認沒有任何準備:「我知自己本身個口冇味呀嘛!」Anson Lo則說基於故事設定他需要強吻Edan,結果造成損傷:「搞到我個上唇腫咗!」
_
Edan透露,港版《大叔的愛》早於去年年中已決定開拍,「嗰陣時收到通知,知道可以做呢套劇嘅主角喎,梗係好開心好興奮啦,冇諗咁多,即刻答應,仲走去睇番日本版,因為我本身冇睇開呢類型嘅劇集。」隨着開鏡日期逼近,Edan的興奮心情漸漸消失,愈來愈變得緊張,「當然係緊張自己嘅表現啦,即係自己啲戲(演技),始終我哋真係好新,(演出)唔係好成熟,而日本原版又咁好睇,田中圭仲要拎埋視帝,成套劇口碑好好,我知道一定有比較,壓力其實係嚟自呢度。」
_
反而萬眾期待的男男接吻戲,Edan笑言並不困難,「因為我同Anson Lo真係好Friend,平時都同佢玩得好放,當然唔係玩到話會錫,但好在係同一位咁熟嘅朋友去演,成件事就一啲都唔覺得尷尬。」輕鬆到一個程度,當Edan知道很快就要拍那場咀嘴戲時,竟然完全沒有刷牙或漱口:「我知道自己本身個口冇味呀嘛!」而Anson Lo則指,清楚知道自己的口腔沒有異味,惟基於人與人之間的尊重,拍攝前先吃一些薄荷糖打底。如此說來,豈不是說Edan不尊重自己?Anson Lo笑謂:「佢不嬲都唔尊重我,我慣㗎喇!」
_
日本原裝版有7集,而港版則延長至15集,是否意味吻戲也會加碼?Edan指看過劇本,編劇沒有刻意「加料」,亦不知道監製和導演的意向,「如果係有需要嘅話,我哋唔介意,但我哋又會諗,如果錫得太多,咁就唔矜貴,嗰一幕出現嘅時候就唔夠Surprise喇!」現時《大叔的愛》只拍了大約三分之一,吻戲只拍了一場(在中環海濱天星碼頭附近取景),但遷就鏡頭之故,同一幕前後共拍了大約20次,Anson Lo認為自己已經相當叻仔,衝破兩大關口!「一來要衝破(Edan口腔)嗰種味道啦,同埋衝破嗰種撞擊感覺,因為佢棚牙比較外露,咁啱嗰場,阿牧係要好強悍咁錫落去,每次我個上唇都會撞落佢個嘴度,然後腫咗,嚟緊要拍的兩三個場口,又係我主動錫佢,我驚會再腫多次。」
_
原文刊於《香港01》──
標題:呂爵安經驗淺認緊張 盧瀚霆拍嘴戲前有準備:食薄荷糖
https://bit.ly/3B080HY
【 香港電視製作LGBT系列報道 】
*ViuTV《The Power of Love》:
https://bit.ly/3yYUnqI
*港台電視性小眾節目《彩虹交匯處》:
https://bit.ly/3wHVlpQ
*曾樂彤扮女同志榮膺「2017香港電視大獎」新人獎得主:http://bit.ly/2DysmOx
******
第一集劇情預告:
https://bit.ly/3qFrxsv
第二集劇情預告:
https://bit.ly/3juCxar
第三集劇情預告:
https://bit.ly/3wgUkVx
第四集劇情預告:
https://bit.ly/3hwXy1T
第五集劇情預告:
https://bit.ly/3jDXfVD
第六集劇情預告:
https://bit.ly/3r1O6rG
第七集劇情預告:
https://bit.ly/2SXpFyY
第八集劇情預告:
https://bit.ly/2UzUDxi
第九集劇情預告:
https://bit.ly/3edhnds
第十集劇情預告:
https://bit.ly/3r8fm7R
第十一集劇情預告:
https://bit.ly/3i8e3S2
第十二集劇情預告:
https://bit.ly/3xHkCSq
第十三集劇情預告:
https://bit.ly/3wFic5p
第十四集劇情預告:
https://bit.ly/3hEJwwn
《大叔的愛(香港版)》系列報道 ──
港版《大叔的愛》正式開鏡:
http://bit.ly/3ulwo3u
港版《大叔的愛》陣容落實:
http://bit.ly/3aI6X4z
「大表哥」邱士縉《大叔的愛》再演地產經紀:
https://bit.ly/35ixKAE
大叔的愛「阿卵」跟Asha演兩兄妹?
https://bit.ly/3glwtPW
《大叔的愛》記者會呂爵安造型有心思:
https://bit.ly/3eZO3bN
《大叔的愛》今秋反攻日本市場:
https://bit.ly/2T4WtWW
《大叔的愛》首播收視開紅盤:
https://bit.ly/2UP2dEF
《大叔的愛》首播與《蘋果娛樂》消失:
https://bit.ly/3hgimMf
「阿卵」跟Asha演兩兄妹?
https://bit.ly/3hL3Yur
90年代亞視小生羅頌華驚喜客串:
https://bit.ly/3xEv5xJ
練美娟演癲喪、為食Carmen姐彈起:
https://bit.ly/2U3Iq4p
(16072021)
#游大東 #游大東影視筆記 #大叔的愛 #練美娟 #呂爵安 #盧瀚霆 #陳子豐 #邱士縉 #楊偉倫 #簡慕華 #黃德斌 #港劇 #VIUTV
Edan Lui 呂爵安 Anson Lohonting Fansclub 盧瀚霆後援會 做乜膠睇電視 港女講劇 港人講電視 William on the way 浪遊旅人 快樂的 自己人 Big Love Alliance 大愛同盟 我老婆嫁左比Mirror導致婚姻破裂關注組 香港OL民 - 香港大叔的愛同好會 Ossan's Love Hong Kong Fan Club 潘小濤 譚蕙芸 香港彩虹 Rainbow of Hong Kong Gdottv G點電視 我讀德書少。 Anson Lo
美幹拎梗圖 在 Facebook 的最佳解答
[making of]呢篇係我寫畀Patreon讀者嘅號外,而家share 埋出嚟。入面講多咗啲 關於我本書嘅making of,仲有有關 「馬蘭頭獎學金」(搞緊)。放心,所有人都免費睇到
你亦可以睇返Patreon 原文(https://bityl.co/7oFK),所有人都免費睇到,我set 咗 Public,會有返啲相呀 link呀咁咯。
===================================
[號外]Ivan 出書了!
出書背後的故事
點解我要出呢本書?
點解你要買呢本書?本書講乜?
有關馬蘭頭獎學金
點買書?
1. Ivan要出書了。之前話忙到九彩,就係搞呢本嘢。7萬字,全部由零開始寫,128蚊。寫550字先值1蚊,陰功。仲有你可以估下128蚊我分到幾錢。
出書背後的故事
2. 一路都有人搵我出書,有時係啲細節傾唔埋,例如指定我寫乜,或者話我提議嘅主題唔吸引,又或者唔畀寫口語。亦好多時因為我唔會的起心肝寫,舊年去台灣,加埋返香港,隔離28日,話會寫書,一隻字都冇寫到。
3. 至於自資?我係拒絶的,唔係畀唔起幾皮嘢,而係自資畀人感覺差:你梗係冇人肯幫你出書,先要自high。
4. 但有時啲嘢就係咁,The Best Plan is no Plan.唔係所有人都係咁,但我可能係,至少我出書係。靠嘅唔係點計劃,點大綱,點試寫一個Chapter—而係一股狠勁:刁那媽頂硬上一take過搞掂佢。我大學做功課寫論文都係咁,返工寫報告都係咁,年青讀者唔好學。
5. 我知有啲人唔多鍾意HomeBlogger諗Sir,但冇佢冇呢本書。就係5月尾有一次同佢傾起,佢問我係咪想出書。佢完全畀晒自由度我,只係我地傾咗一次寫乜,然後就拍板一二三去馬。就係因為我同佢直接傾,唔係好似啲門高狗大傳統出版社咁搞一大輪,先火速搞掂本書。
點解我要出呢本書?
6. 但仲有個小問題:有冇諗過我出書為乜?對我講,絶對唔係為錢,一本書128蚊,一版印2000本,買晒已經幾難得。你話26萬?但你可以問下人,作者一般會收幾多%?絶對唔化算
7. 唔為錢,為乜?七成係為圓夢,achievement,即係自high。三成為傳承,之後解。咁為咗自high,當然係要搞個合照簽名會之類。就只係為咗呢啲虛榮。
8. 咁問題嚟啦,傾嗰時都5月尾,仲要趕書展。你想像到,本書我係極速寫起嘅。我14日寫咗7萬字,有幾日仲要冇寫,即係一日寫1萬字左右,你可以試下。留意我居然都仲係照寫Patreon同Facebook Page的
9. 留意啲文,係我全新由零開始寫的。固然你睇目錄發現有啲嘢會熟口熟面(不止賺也不止蝕),但,全部我都係由頭寫起,絶對冇copy and paste一隻字。
點解你要買呢本書?本書講乜?
主要就係支持我,但當然亦都會幫到你。本書講乜?睇目錄已經知,分為三部份。
10. 第一章我的求生指南,講我自己42年嘅故事。你心諗關我春事?我嚟搵發達秘笈的。咁你可以撕走佢唔睇(記得中學時啲女同學都會將本數學書咁拆咗好多份帶返學),不過冇得按比例回水。但,投資就係你性格嘅延續,你嘅職場生涯亦都睇你性格多過實力(由我去講,夠說服力啦)。咁你唔知我經歷過乜,就未必會明我嘅價值觀了。入面亦有講我當年點解揀讀精算,點解去咗英國,點解返嚟教書,點樣入咗銀行,點樣上位,點樣畀人炒之類。
11. 第二章職場求生指南,講我打工嘅故事,包埋我自己「創業」做Content Creator.好多人都係想跳去第三章,但,你冇錢,投乜資?而除非你有父幹或畀人包,否則你嘅錢,咪就係打工返嚟。教你點升職加人工,點跳草裙舞,點揀好老細,求職擇業,做邊行好之類。睇完後,應該對你升職加人工有啲幫助。
12. 第三章,股市求生術。可能好多人直接跳去呢部份。你見部份嘢可能我Patreon講過,但會畀個全新角度你。仲有,入面我寫咗個「阿煩的故事」,全天侯投資法,盡量 one size fit all,fit唔到all都盡量多人,畀咗個理財投資方法你。
13. 冧把?冇乜講喎,平時Patreon仲睇唔夠?
有關馬蘭頭獎學金
14. 而呢本書嘅作者收益,全數會撥歸「馬蘭頭獎學金」(搞緊),幫我中學(https://bityl.co/7oFE)嘅師弟師妹,窮得嚟而又繼承到我思想嘅。
15. 點解有咁嘅念頭?冇公開講過。再早少少,我同啲中學同學已經講過類似idea,但你知呢啲嘢,人多未必好事,講講下就十個救火的少年,又有啲口爽荷包立,又或者你想畀個窮學生,我想只睇成績。又或者有啲覺得自己錢又出咗又冇份評審。總之,你估到了,以我性格當然就係自己搞算數,自己話晒事。
16. 至於真係扑槌,係舊年12月在台灣隔離時,當其時睇緊誠品書店創辦人吳清友嘅書。我就冇佢咁富貴,但都想「做啲嘢」。咁啱嗰時Patreon開始起飛,我有啲閒錢,就發財立品,自我感覺良好,貢獻下咁,等我末日審判時都有啲嘢寫。但之後大家知道,我畀人炒咗,咁所以都放埋一邊幾個月,到而家再鬆動返啲先再諗。
17. 因乜揀我中學嘅師弟師妹?並唔係我對我中學特別有感情(都有啲,但唔係好多)。而係,我都諗唔到更好嘅對象。唔通畀港大?唔使啦。
18. 況且,客觀地,而家社會流動性低咗好多,一個叻但窮嘅學生,真係唔似以前咁易上到位。我希望就係幫到啲窮但叻嘅學生,等佢地大學時,唔使因為冇錢而要花好多時間搵錢。我一生中冇乜好多後悔嘅事,但其中一樣就係覺得當年唔應該花咁多時間去幫人補習 — 你搵嘅只係細錢,但原本啲時間可以做其他嘢。睇下書,睇下戲,去下旅行都好。
19. 當然,亦同我冇小朋友又唔打算生有關。我呢幾年,開始諗下傳承。傳統上最簡單就係你個仔,如果收徒弟嘅就係徒弟。但我呢?除咗呢本書,就真係要搵個人繼承我嘅思想。所以最後我希望會係學校推薦幾件窮而又叻叻地嘅學生畀我,我逐個傾,可能食餐飯,睇下邊個最啱嘴型。我亦希望可以之後每年同佢地食一次飯咁,「馬蘭頭學人」。
20. 當我每年揀一個學生,一年就4萬蚊,四年就16萬(仆街三改四害人不淺呀)。咁即係我一年要拎16萬出嚟,所以你計到,賣書嘅錢真係微不足道。
21. 一年16萬話多唔多話少唔少咁咯,一個月萬三蚊,我希望第時在Patreon都搞捐款,保證全數去呢個獎學金。因為你地人多,例如當一人一半,你地6500我又6500,呢度1800人,咁你地每人每個月都只係畀多4蚊港紙咁大把。但當然,你會覺得,我啲師弟師妹關你乜事,我發財立品關你乜事,就係4蚊都唔會畀。但我都會照樣試下。
點買書?
22. 星期日7月18日夜晚會有個好快嘅新書發佈會,應該可以影相簽名之類,但只得45分鐘。問題係,簽名嗰樹買唔到書,書展入面我估都買唔到。即係你要預先買定。
23. 搞到咁趕,當然係我嘅問題。都話5月尾先開始寫,完成到已經係奇蹟。
24. 點買書?4個方法
25. 你可以去Homeblogger個網(https://bityl.co/7oEy),畀完錢,然後上去尖沙咀拎。又或者加多廿蚊,順豐送埋畀你。已經有唔少人訂咗,不過送唔送得切,我都有啲疑問。
26. 唔趕書展見面影相簽名嘅,仲簡單,遲下書局會有得賣
27. 至於海外讀者嘅,Homeblogger應該唔會寄(我試下叫佢哋研究),最簡單就係你搵我買,我寄畀你(但郵費當然你畀,至於點畀我都唔知,最好有香港銀行戶口),不過我分分鐘搞幾個月先會寄。
28. 最後嘅?所有20/40蚊年費會員(記住係年費!),都會送一本畀你。點送我未知,但我估最好係你自己買完,然後PM我,我過數畀你,大家最方便,講個信字。
29. 當然,你之前未係20/40年費,而家先去轉20/40年費都得的,仲有聲音版錄像版送埋,最好人人轉晒20/40年費我本書就賣斷市(初版2000本咋)。照舊年費係有85折的。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============