好文分享
——————————-
好多香港人形容香港警察既暴虐行為係－－「警暴」／Police Brutality，
但係，我覺得現階段重用「警暴」去形容香港既現況，絕對係好大程度上既簡化同輕視。
較早既時間，先後有兩位美國參議員發表過有關對於香港現況，以及警察既角色。
Senator Josh Hawley係10月既時候表示：香港正變成一個警察國家（Police State）
Senator Marsha Blackburn係11月11號之後亦發表針對香港警察既言論：
香港警察是打壓自由以及反民主的部隊（This is no police force, it is a freedom suppressing, anti-democracy squad）
早一日，連所羅門都指出：香港警察係聖誕節既所作所為係納粹行動。
警察國家、納粹行動、打壓自由以及反民主的部隊，都係極為嚴重既指控，
幹練謹慎既政客唔會輕率地使用呢一類既言詞去指控一個別國警察機關。
連美國人隔住個海，都感受到香港既真正現況，
但香港人重係成日警暴警暴，笑緊警察低學歷、蠢、唔識野，玩膠對警察心心。
「警暴」只係發生係我地屋企其中一件事，其中一個方面，唔係全部。
－－－－－－－－－－－－－－－－－－－－－－－－－－－－－－－－－－－－－－
與其話香港係一個「警察國家」，
我覺得香港更加似畀一班半軍事化既「匪徒佔領」，
只要有佢地既出現，就必定會發生騷亂。
呢班「匪徒」名義上係警察，但其實已經係掛羊頭賣狗肉，
實際上，721之後已經完全喪失作為警察既職能。
呢班「匪徒」係共產黨默許下，實然獨立於香港政府既體制，並凌駕香港政府本身，
香港一切已有既體制、法制、制度都冇辦法管束佢地。
呢班「匪徒」甚至騎劫香港入面所有既權力同專業，
醫療、法律、新聞、金融、商界，
幾乎香港各方面，先後受到呢班「匪徒」既衝擊同脅逼。
香港持續陷入暴亂，佢地先有存在價值，
香港持續陷入暴亂，佢地先可以榨取最大既利益，
香港持續陷入暴亂，佢地先可以當家作主。
－－－－－－－－－－－－－－－－－－－－－－－－－－－－－－－－－－－－－
我地必須承認，香港既現況比我地想像中更嚴峻。
美國最初覺得通過人權法，向政府施壓，警察既行為就會收歛，
但事實證明唔係，效用幾乎０，因為政府冇辦法監管「香港警察」，港共要依附係佢既暴力之下。
我地必須向外國要求更大力量既施壓同措施，
我地必須向外國說明及遊說：
1. 「香港警察」既罪行唔係「警暴」，係戰爭罪行，唔係Police Brutality，係Police Terrorism
2. 「香港警察」既警察職能已經完全喪失，70%以上行動都違規違法
2. 「香港警察」係共產黨直接授權既匪徒，佢地不受香港制度規範
3. 「香港警察」主動打壓人權、自由以及民主，佢地毫無底線，全世界既民主國家應該正視呢種新形式既軍政府模式
係國際戰線上面，我地既措詞必須更強硬，更準確，
我地要向美國政界爭取「香港警察」，係應該要作為獨立個體去制裁。
警暴，好多國家都有，你要佢地係呢個議題上面發聲唔容易，因為好容易回力標。
但香港警察呢種戰爭罪行，佢地可以發聲空間就相對大好大。
————————————
【請正視】香港面對既情況唔係「警暴」咁簡單
https://lih.kg/1798827
- 分享自 LIHKG 討論區
義遊lihkg 在 LIHKG.COM - فيسبوك - Facebook 的推薦與評價
LIHKG.COM. [純學術討論] 夢！遊！兵！法！— 陣地戰+中後排戰略. 本文為學術討論，純粹為保障手足夢遊時之安全而設計，以安全返屋企為首要目標，以下內容僅宣揚和平 ... ... <看更多>