《黃店桔梗姊妹店💛環境開揚空間感高》
呢間係旺角出名黃店桔梗嘅姊妹店💛，觀塘呢間店開咗冇幾耐，空間感非常足夠而且又分為室外同室內。室外環境開揚，加上梳化椅感覺舒適，擁有咁大空間感嘅餐廳其實真係唔多😌。
.
點餐後先送上麵包🍞。估唔到係橄欖包🫒，氣孔好大而且香味濃郁，點埋個香草牛油好好食🧈🌿，超讚。
.
📍台灣風味牛肉千層麵（$148）
Taipei Beef Stew Lasagna
千層麵新鮮焗出表面芝士焗到脆卜卜🧀，落咗茄膏味道偏酸，如果用真蕃茄去煮味道會豐富啲🍅。而家味道好強烈，但就單調咗少少🤏。麵皮夠腍，中間夾咗芝士同肉醬，但仲有改善嘅空間，味道同口感可以更融和。
.
📍干貝燻鮭蘆筍燉飯（$178）
Scallop, Smoked Salmon Risotto
燉飯口感飯粒腍身漿口，有啲似食杰身嘅粥，未必個個鍾意食呢種質感，但我哋幾中意。味道溫和醬汁creamy。配上溫泉蛋🐣更加濕潤，另外配以蘆筍、翠玉瓜薄片🥒，三文魚🐟同帶子做配料。帶子有3粒但煎得較熟，所以只係不過不失。而三文魚雖然只有一片但可以話係靈魂所在，鹹香味令味道食落冇咁單調。
.
📍日落後貝莉絲的誘惑（$88）
Balieys Chocolate：全脂牛奶,Espresso,Earl Grey Tea,Rose,Chocolate,Balieys
飲品上層係Balieys甜酒，下層係朱古力奶🍫，第一啖飲到Balieys嘅甘香，再飲落去朱古力味就會蓋過酒味，唔會過甜味道都唔錯。
.
📍（熱)波納香料茶鮮奶（$ 48）
Prana Chai Latte
嘢飲的確係幾大杯，聞落好香玉桂味，飲落係淡淡的鮮奶🥛，味道溫和。
.
📍Hojicha Cheese Cake （$52）
芝士蛋糕非常幼滑🍰，芝士味同焙茶味都好香濃🍃，最後淋上焙茶醬，超好食。推薦啊❤️！
.
食物水準正常，未見係特別突出，價錢方面就比較貴，食物味道上個人嚟講較中意桔梗😗，不過以環境嚟講的確喺唔錯！
.
Lagom Kaffe (觀塘)
觀塘偉業街180號Two Harbour Square1樓 @ Lagom Kaffe 樂感｜Not too Much Just Enough
翠玉瓜煮幾耐 在 【食譜】簡易韓式- 翠玉瓜煎餅- 成波之路 的推薦與評價
把翠玉瓜洗淨印乾，切成約1 厘米厚片，兩面平均灑上鹽備用。 把醬汁材料拌勻至糖溶成醬汁，備用。 取出辣椒圈，隔水，以廚紙印乾備用。麵粉 ... ... <看更多>