【 #他們的愛情故事 - 以前嘅人 用盡成世都只夠愛一個人】
而家嘅人，有時會擔心成世人無談過好多次戀愛；以前嘅人，更擔心用盡成世，都唔夠時間好好愛一個人。
.
Netflix最近推出咗套愛情紀錄片，個名叫做《我的愛人：六個真愛故事》（My love: Six Stories of True Love），開頭小編見個片名咁老套，差啲就咁skip咗...... 但又見佢有成8分超高評分，題材係記錄嚟自世界各地，六對相愛咗半世紀嘅公公婆婆，屬於佢哋、獨一無二嘅愛情故事。然後小編就用咗一晚時間，喺電腦面前又喊又笑，睇晒呢六對大齡情侶嘅故事。
.
「畀你愛一個人，你有信心愛佢幾耐？」
喺呢六對老人家入面，有性格內斂、好少主動同老伴講愛嘅；亦有份人較「生鬼」，幾十歲人仲成日要求錫啖先准走嘅。不過佢哋都有一個共通點，就係都認為愛一個人，由你拖起佢隻手嗰刻，就應承咗要愛佢一世、餘生都會盡力對佢好。我可能不善辭令，但會因為心痛你做嘢辛苦，堅持唔畀你落田工作；我哋可能成日鬧交，但我一定會氹返你，喺你喊之前就主動攬住你。因為喺我嗰個年代，愛一個人，係成世人嘅事。
.
「在一起半世紀，每天都還像在談戀愛。」
雖然公公婆婆因為年紀大，或多或少都有啲身體毛病，但佢哋仍然有屬於佢哋嘅浪漫。有爺爺聖誕節堅持要拖棵聖誕樹返屋企，然後畀老婆鬧咗餐，但原來只係因為想保留返喺樹下交換禮物呢個傳統。有公公婆婆趁暑假去海灘，雖然已經唔可以好似後生咁游水，但兩個人仲可以扶住大家隻手，用對腳feel下啲海浪（順便笑下對方細膽）。又有一對老人家去返以前後生去嘅嘉年華，機動遊戲就坐唔到，但仍然可以好似當年咁贏隻公仔返嚟畀你，再碌大隻眼要你讚我。
每朝同你講早晨，夜晚錫啖再講早抖。半世紀可以改變好多嘢，但有啲嘢，又好似從來都無改變過。
.
「你要一直陪著我，走的時候，也記得帶上我」
紀錄片中都無可避免地講到過身呢個問題，有老人家為免啲仔女煩惱，一早安排好身後事，然後就故作輕鬆同另一半講：「如果你走咗，我一定搵過第個啊！」但一聽到老伴身體有事，面上又彷彿寫滿擔心兩個字。原來走過大半世，最放唔低都係身邊個懵炳，驚有日唔喺度，就無人照顧佢，又怕佢走先，留低我自己一個唔知點算。
最記得片中有對老夫婦決定將來要葬喺唔同地方，一個決定葬喺細個住過嘅農場，一個決定同父母一齊葬喺家族墓園。然後婆婆就同公公約定：「吹起北風嗰陣，你要隨風飄起，嚟呢度探我；當風吹反方向陣，就輪到我隨風去睇你。」約定好，即使有日有個人行先，都唔會因為走散，搵唔返對方。
.
以前所有嘢都慢啲，成世人只夠愛一個人。我哋之所以覺得公公婆婆嘅愛特別浪漫，係因為佢哋相愛咗成世。但當問到有咩秘訣，佢哋竟然話：「無㗎！攬下錫下，就發覺原來已經一齊咗咁耐。」
原來當你真係愛一個人，到老咗就發覺，就算一齊咗好耐，都好似未一齊得夠。多謝你哋，令大家再次相信愛情。
.
#爺爺話感建攬 #又學到嘢 #從前的日色變得慢 #車馬郵件都慢
#一生只夠愛一個人 #老咗都仲要拖住你周圍去 #愛 #愛情 #語錄 #拍拖 #香港 #搞笑 #hongkong #浪漫 #回憶 #netflix #電影 #影評
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
老咗都仲要拖住你周圍去 在 陳倩揚Skye Chan - 有一日細佬見到有一長者撐住拐杖行動緩慢「媽咪 ... 的推薦與評價
「媽咪，點解人老咗就會行得慢嘅？」 ... 「媽咪，你係咪都會老㗎？係咪都會行得好慢㗎？」 「會㗎，每個人都會老，但媽咪而家希望把握時間鍛鍊好d 嘅身體，咁就可以陪你哋耐 ... ... <看更多>