好想同大家分享一下劻霖整親頭呢單嘢！初七嗰日好黑仔，平時好鐘意噤電話嘅我，嗰日我唔係噤緊電話，我係去咗洗手間，嫲嫲係廳睇住，我一出嚟，個仔就跌咗落地！佢係食飯枱想落地，太高落唔到，佢跌咗落嚟，手拎住㗎玩具車，㗎車仔界咗落額頭，係咁洗血！
嫲嫲第一時間噤住傷口，再拎紗布出嚟止血，好驚，但叫劻霖唔洗驚，因為怕佢係咁喊會係咁出血，之後即刻落咗去診所，醫生即時幫佢處理傷口，再分析情況，最後建議要聯一針，幫助佢埋口，醫生仲話，小朋友聯針一定要去醫院，寫信比我地去 QE 聯。佢叫我地食飽飯再帶佢去，因為怕等好耐！
我地去到 QE 急症室，見咗分流姑娘，就比咗張嘢叫我地去美好診所，結束係嗰到等咗個半鐘先見到醫生，醫院都係話要聯一針，我地就照住做。去到小手術房，我就係門外等，爸爸陪住劻霖，佢話要將劻霖綁係床上面，再噤住佢手，再聯針。我係出面聽到佢喊住搵我勁心痛，爸爸都話忍唔住想喊😭不過好快搞掂，出到嚟食粒糖就冇再喊！
💡因為佢唔係撞到頭落地，我地冇即時去醫院，而且嗰陣個人好驚，只諗到即時去私家診所，最後私家醫生檢查完流咗傷口，個人即刻冇咁驚！如果叫救護車🚑，好大機會去到要係分流站等，我估我地睇咗私家醫生，有轉介信，所以先分流去到美好診所。
❤️最後，我地有買保險，即使冇入院，都可以 claim 到，因為我地買嗰份保險，係包埋意外保，所以今次嘅意外費用都有得 claim。
#年初七 #劻霖整親頭 #流好多血 #嚇死媽媽 #有買保險都唔一定要即刻去私家醫院 #聯咗針之後要隔兩日洗一次傷口 #星期六去拆線 #芊嶠與劻霖成長日記
