阿妹,想食乜!同你介紹返咩係菜!
亂鳩咁黎系列,啊,應該係全職炒散系列話做就做,今日,我係菜檔陪同店主賣左半日菜,真係眼界大開,唔講太多,去點!
1)是日任務,賣菜!地點,屯門新墟街市,下午時段
2)政府街市,非領匯,檔口係兩個連位,目測菜品種類超過三十款,每款都唔算多
3)第一單生意,菜芯,一斤,廿蚊(覺得貴?咁要睇埋落去)
4)首先介紹返店主先,八十後,用五百蚊入行,零晨五點係街市前走鬼,然後投標入左街市擺檔,新墟檔口已經有八年歷史
5)店主只有一人,無請員工,返工時間,未發達前,凌晨四點幾五點,到晚上八點,幾乎你收工就要返屋企訓等聽日再開檔;發達後,朝早七點半,去到檔口叫早餐嘆,六點收檔走人
6)賣菜都會發達?一日搵幾多?黃金年代一日純利四五千走唔甩,今日就唔同講法,想知今日埋數賺幾多?慢慢睇到最後一點
7)如果想入行賣菜人工幾多?店主分享,你連菜芯同芥蘭都唔識分咁做,都一日700,當你熟手,甚至一手就可以精準拎到一斤菜時,就由一日900-1200不等,但你要搬菜,無體力請自重
8)有冇假放?你見街市有冇休息?幾乎只放新年,唔好講周末假期,長短周,連紅日你都要返工,店主聲稱只會去旅行時先會放假
9)付出咁多,你得到咩?養妻活兒,買樓唔太大既樓絕對無問題
10)睇到呢度,想入行做店主?請睇後面,會講晒所有條件比你聽
11)開始你問我答環節,咩季節食乜最好,低級問題,夏天食瓜果豆,冬天就菠菜豆苗西洋菜西芹粟米蘿蔔
12)菜芯公價係幾多?無所謂公價,唔同地方有唔同價錢,同樣係菜芯,由貴至平既排列大約如下:City Super,一田,大型連鎖超市,街市「執」菜檔,街市「唔執」菜檔,街邊大型菜店(夜晚會放晒出黎一份份平到五蚊有交易個種),而店主既菜芯係20蚊一斤
13)五蚊斤菜芯其實你都買到,點解店主會賣20蚊斤?上面講到一個「執」字,會執既菜檔普遍都貴,因為店主會將唔靚既菜頭菜尾都幫你處理好,唔好睇同壞既菜會丟左,你返到屋企只需要洗一洗就可以直接煮,有別於「唔執」檔,其實佢地有三分一都用唔到,佢貴係貴在個人工錢(其一)
14)有機菜合集,點去分辨有機菜?當你發現檔口有一大個「有機產品」Logo時,佢先「有機會」係有機菜,無Logo就一定唔係,想保證有機,請去大型超市就一定唔會呃你
15)有機菜係咪無農藥?錯,有機菜都有機會有農藥,只係係規管下你唔可以用多過幾多農藥,就算你食有機都「可能」有農藥使用過
16)有機菜係咪好食D,店主話根本難以分辨,味道口感同營養都唔係因為有機同無機而出現分別,你覺得有機菜好食既就食有機,開心就好
17)店主係咪賣有機菜?唔係,但店主主要係賣本地農場既菜,亦因為咁,呢個係佢貴過外面既原因之二
18)本地農場係咪好食D?唔一定,但一定會比進口菜新鮮,因為係運送過程會比進口菜短好多,本地菜由佢收割到街市,大約一兩日,店主話,大陸菜芯係寧夏過黎,唔通飛機空運咩,陸路過黎,又要車程又要過關,黎到香港去批發再派貨,自己計放左幾多日啦,當菜新鮮,自然就無咁老咁多渣
19)幾點前買菜最好?中午前啦,中午後就開始有野賣晒,當然你食大路野都會比較易買到
20)幾多錢先送蔥?店主話真話係,睇佢心情,我見佢有時送蔥有時送辣椒有時送蘑菇,靚女係有多D野送(以我觀察)
21)超甜粟係咪真係甜?係,但你要確認到佢真係超甜粟,最簡單分辨係粟米粒有黃有白,如果粟米鬚呈銀色就係極品(我打開粟米見到有條死蟲,店主話呢種通常都會捐去食物銀行,黑心店就會切走照賣)
22)讀者你問我答環節,有部份我都答左係上面,蕃茄係咪個底有粒星就甜?唔係,最緊要紅同軟,因為熟到軟既先代表甜
23)有機菜係咪會多d蟲,係,因為用少左農藥,整體會「樣衰」過無機菜
24)點樣洗菜最好?浸,然後洗兩轉都夠晒
25)入貨有冇MOQ,你一百蚊都可以買,有錢就得,有機菜要買唔難,但你要再轉賣有機菜就要有牌
26)菜係咪一定要噴水,係咪呃秤?店主即時展示佢既霧化噴壺,噴完之後佢問我,你覺得重左幾多?點解要噴水,店主有兩個解釋,一,依家街市有冷氣,比冷氣吹到菜乾左會唔好睇同老,所以冷氣位一定會噴水;二,因為大家都理解有水既菜先新鮮,為左滿足大家既心態,佢噴比大家開心下
27)菜有水係咪好快爛?唔係,店主話,你條菜乾到無晒水份,你放幾耐佢都係咁,但一定唔係好事,水係有助保存
28)如果買左菜食唔晒點保存?浸冰水,溫度會令菜保鮮;想放雪櫃點好?浸完水,飛水,唔好滴住咁放入雪櫃,唔駛乜報紙啊保鮮袋等等,其實都差唔多,因為家用雪櫃有抽濕功能,所以放保鮮格係會有助菜保留水份
29)菜係咪海鮮價?可以話係又可以話唔係,之前講到,有機、無機、本地、進口、地點、有冇執過都會影響價錢,當一棵菜芯係你眼中只係菜芯,咁就係海鮮,但你知道佢係一條本地有機執過既菜芯時,就係物有所值
30)冰菜上面既冰係咩?鹽份,所以冰菜有咸味
31)點氹師奶?店主教路,男既全部叫老闆,女既全部叫阿妹,呢個問題係我聽到佢叫緊一個六字頭既阿嬸「阿妹」後問……
32)點打敗家農呢類菜品店?有錢,你有一百億既可以同佢鬥過,但店主表示自己有一百億不如收息嘆世界,點解仲要賣菜?
33)仲請唔請Partner?店主無意開分店,依家佢賣菜係興趣(從佢撩阿姐既行為中,我信佢係真心喜歡賣菜)
34)點解每種菜唔同價錢但收幾錢就咁快計到?店主話當你日日都計,計足十年,你都可以
35)芫茜同蒽點樣可以放得耐啲?店主無奈表示,食左佢啦,真係要放,冰水,曾經有客問佢菜可唔可以放兩個月,店主指左對面間菜乾店叫佢買菜乾
36)每日賣淨既菜會點處理?一,食物銀行;二,賣比餐廳,通常都唔會掉,收檔時我見佢薯仔、薑、蒜頭呢類貨會留之外,其他全部入膠袋,夜少少會有人收走送去餐廳
37)平均一斤菜有幾多利潤?唔定,愈大路既菜利潤愈少
38)有冇人收陀地?無,最多都係舞獅派財神,十蚊打發走個種(佢係政府街市)
39)老老實實賣菜係咪生存唔到?係,答案太長,下回分解
40)如果你想入行,可以點?店主表示,如果你可以申請到政府街市,一個月租金平到你唔信,只要你開舖都唔會憂,領匯就唔好諗,原因太長,下回分解;以佢舖位做例子,起動成本只係兩萬以內,是日入貨1052,本真係唔算多
41)如果聽日係世界末日,店主只可以食三種蔬果,佢會食乜?非本地系列:日本產香菜、法國番薯、荷蘭甜椒;本地系列:香港椰菜、荷蘭豆、扁豆(原來兩種豆係唔同)
42)有關點揀菜……篇章太長,我會之後再解釋,今日記野都記到我頭都暈
43)是日進貨成本,1052;是日銷售額(只計紙幣)3800
44)是日本人收獲,老細請左我食外賣,一條老細精心挑選既蘿蔔同粟米,同埋一堆聽極都唔厭既賣菜知識趣事,請容我叫老細一聲,師傅!!!!
作者的話,今日真係獲益良多……我對菜真係一無所知,比佢笑左我好多次,對於一個完全無架子,願意分享成行所有情報同潛規則既店主,仲完全不求回報,佢話唔好開佢名,以免比人點錯相!我代讀者們再一次多謝佢,而我都同佢講,我仲有好多問題想知,一定會定期再搵佢!
所以讀者們如果有問題想再問既,請留言!!!!!!!!!
如果喜歡呢個系列,同埋想感謝店主既分享,請比Like Comment and Share!!!!!店主有偷偷睇Post!
賣菜系列將會下周再來!而我亦準備做圖文版本,需要較長,敬請留意我既更新
同時也有1部Youtube影片,追蹤數超過55萬的網紅職人吹水,也在其Youtube影片中提到,2020 #職人吹水香港十大 新進 youtube頻道 成為這個頻道的會員並獲得獎勵: https://www.youtube.com/channel/UCZVmFDfn5WnixrHNf25MeJQ/join 商務合作 www. chowsingsing08@gmail. com 歡迎加入 ...
「職人吹水香港十大」的推薦目錄:
- 關於職人吹水香港十大 在 Facebook 的最佳解答
- 關於職人吹水香港十大 在 Facebook 的最佳貼文
- 關於職人吹水香港十大 在 Facebook 的最佳解答
- 關於職人吹水香港十大 在 職人吹水 Youtube 的最佳貼文
- 關於職人吹水香港十大 在 職人吹水香港十大 - YouTube 的評價
- 關於職人吹水香港十大 在 〈職人吹水〉@SingSingKitchen - YouTube 的評價
- 關於職人吹水香港十大 在 職人吹水 的評價
- 關於職人吹水香港十大 在 YouTube 2020新晉頻道Top10 比微辣/職人吹水更強肥仔傑是誰? 的評價
- 關於職人吹水香港十大 在 退休廚師大病重生獲啟發YouTube拍片免費分享入廚心得 - 報章 的評價
- 關於職人吹水香港十大 在 香港10大YouTube頻道廣告收入/ 訂閱人數排行榜 ... - ETNet 的評價
- 關於職人吹水香港十大 在 香港YouTuber排名2022 - 全港20大訂閲數Youtuber 的評價
- 關於職人吹水香港十大 在 香港YouTuber Top 20 排名大公開,正妹網紅訂閲數稱霸! 的評價
- 關於職人吹水香港十大 在 訂閱多不代表收入高!盤點20位香港YouTuber最高收入單靠 ... 的評價
- 關於職人吹水香港十大 在 香港YouTube頻道訂閱人數排行榜 - 维基百科 的評價
- 關於職人吹水香港十大 在 職人吹水的推薦與評價,YOUTUBE - 台灣好玩景點推薦 的評價
- 關於職人吹水香港十大 在 〈職人吹水〉 長洲兩天遊/ 華威酒店/海景露台房包早餐/ 隱世茶 ... 的評價
- 關於職人吹水香港十大 在 香港Youtuber訂閱數排行榜!Top 20廣告收入大公開!多人 ... 的評價
- 關於職人吹水香港十大 在 香港YouTuber廣告收入大公開2021年版!某人氣 ... - 新Monday 的評價
- 關於職人吹水香港十大 在 〈職人吹水〉@SingSingKitchen YouTube網紅頻道詳情與完整 ... 的評價
- 關於職人吹水香港十大 在 【Moneyman財子】創業好想做YouTuber 香港TOP 10 ... 的評價
- 關於職人吹水香港十大 在 Видео статистике зкзкзк - YouTubers.me 的評價
職人吹水香港十大 在 Facebook 的最佳貼文
#Duck閒飲茶
是咁的,在英國、尤其是英國,人地講咩同人地真係咩意思,係兩回事黎。人地客氣你當真,唔通同你講treat yourself home,你行入人地廁所浸泡泡浴咩?屙埋督大💩啦笨 😂😂😂
職場上英國人又或是在英國浸耐左嘅人,係會好客氣咁「叫你走先」,而呢個時候,除非對方真係無野做,否則「team player」就係會回應返「唔好啦,你都未做完,我地一齊做啦」。
點知 #TA姐 義理值咁低,叫你「走啦,唔好救我啦」佢真係走甩尾,仲要係走甩尾去秘撈 #咖啡師 🤡🤡🤡
呢種人就係如此斤斤計較,#三不做 同事幫你頂晒啲粗重野,但同時間亦會按章工作準時收工,這樣的人在職場點可能會受歡迎?
#然後好快又會話俾人排擠俾人歧視
#難怪香港啲舊同事會PM我鬧爆呢條女
#完全唔識人情世故
#每一個同佢合作嘅人都會患上PTSD
#我做義工嗰時放十點結果陪同事陪到一點半
#成條team仲做緊你一個話我換衫先啦88你條尾
#就算我幫唔到手我都會做跑腿買下咖啡沖下茶同大家吹下水
#你都唔當人地係自己人
#人地點當你係自己友
#唔一齊捱過又邊會有團隊精神
職人吹水香港十大 在 Facebook 的最佳解答
《我做外賣仔的日子》
呼,尋日又做左半日外賣仔,比起第一次做,第二次做明顯有好多唔同既感受,就好似愛情咁,第一次約會總係令人感到新鮮,但新鮮過後,就需要面對現實了,同各位報告下感受,去點:
1)是日都係半日,六個小時,地點係尖沙咀區,南至海旁,北至窩打老道,東至尖東,西至柯士甸站
2)總單數,13單,收入,360蚊
3)當晚約左大學同學食飯,消費400……俾錢個一刻,我好想再打開個apps去補多一鐘,令當日收支平衡
4)極度懷疑系統係有新手優惠,派得特別多單,暗示你聽,好好搵啊,記得做多D!
5)上星期因為被退單,有蝦餃、薄餅、雞翼、肉醬意粉食,原來術語係叫福利餐,而今次我已經成長喇,所有派送成功,無任何福利……
6)是日來回柏麗大道三次,短期內我都唔會再想行呢條路……
7)尖沙咀區比起旺角區舒服好多,我指環境,明顯綠化同公園長椅都有唔少,整體無旺角咁壓抑,而且搵廁所係相對輕鬆好多
8)請叫我渡船街小霸王,呢個範圍,我送左五單,雖然每單既等待時間都有五至十分鐘,但送餐距離極短,短到點呢?就係間餐廳係樓下但客戶都唔想落街咁既距離,每單都有25蚊以上,當時我感覺原來賺錢就係咁簡單
9)距離短,錢好似好易搵,但計返數,原來重點係唔停手地做先係搵到錢,今次只有一次同時拎兩份外賣,比起上次連續3次搵住3個外賣比,感覺到付出幾多,收獲幾多
10)是日最遠派送,係尖沙咀I Square去佐敦永安,仲要係4人餐,果斷搭巴士,車費6.8,點知去到佐敦再次陷入漫長等待,早知慢慢行過去……
11)無單既時候,我企左係譚仔門口,希望譚仔可以賜單比我,點知旁邊有個南亞同事都係度等緊單,你無聽錯,自從成為外賣仔之後,我係街上面見到外賣仔都會心諗,又有同事開工,會給予佢地一個加油既微笑!
12)閒來無事同南亞同事吹開水,佢都係步兵,已經做左兩年,比起我呢個做左兩日既,佢絕對係大師兄,佢一日最少做12個鐘,鋼條既身型,比起我呢個行半日就去按腳既廢柴,我諗佢做完12個鐘都仲可以去兼職按腳多幾個鐘!送外賣用腳,手唔攰可以再用埋佢
13)南亞同事月入差唔多三萬,同幾個同鄉夾租,每月2500,佢夢想係搵到錢開間雜貨店!感覺就好似香港人移民硬係想開埋小食店賣雞蛋仔,文青總係夢想開間Cafe咁
14)問佢公餘有咩做,佢話打排球,剛好小弟年輕都係排球校隊打過學界,但我見佢差唔多一米八,壯碩既身型,強勁既臂彎,我婉拒左佢邀請我閒時打友誼波,我怕比佢打死
15)傾傾下系統派單比佢先,佢同我講,因為佢係老鬼,同地點有多過一個人都會派單比佢先,我當時心諗,頂,你唔早講,佢用一個朋友,你返印度食蕉既表情同我講,下次同到佢班南亞兄弟就記得唔好一齊等
16)佢工作好認真,真係當係職業,而我就係玩味性質,原因好簡單,因為佢係巴基斯坦搵幾千蚊都做到成隻狗咁,依家派外賣比起以前搵多成十倍,感覺好似當年我去澳洲工作假期比當地人問我點解咁鍾意返工,當時我答佢,香港做麥記20蚊一個鐘,澳洲做又係20蚊一個鐘,但係澳紙既分別
17)是日太無聊,所以我係七仔特登買d平時唔飲既冷門或者新飲品,林家謙代言既清。麥茶都唔錯,紅茶花傳既檸檬紅茶幾好飲,但原來成15.3g糖……
18)尖沙咀區送The Austin同Grand Austin最花時間,要落隧道來回,荒島黎,但大型屋苑既保安服務真係做得比較全面,拉門既都好有禮貌,同日送窩8,樓下阿姐真係有少少無禮貌,唔係對我,而係一個順豐哥哥佢拉住貨入黎,佢嘈左幾句,但順豐哥哥無理佢就入左lift
19)今次我比上次做多左樣野,想睇下分別,就係我今次拎到外賣,同送到樓下,我都會Msg客人同佢講我出發喇,我差唔多到喇,送到我都會msg佢地用餐愉快,到底呢個行為會唔會令我多左Tips呢!!??
20)答案係無既,可能我既服務仲未夠好,但我又覺得咁send個msg比客,都係認真對待呢份工作,令客人多左一份安心,自我感覺良好,下次我會再接再厲睇下點先有tips!
21)收到張單係送食材,蕃茄薯仔豬骨,應該係煲湯,平時我自己買只係50蚊左右,但有人用差唔多高一倍既價錢去享受服務
22)外賣呢樣野,真係一種時間同金錢既交換,有人分分鐘幾十萬上落,佢花費幾十蚊去慳返時間搵更多錢,或者休息,一路送我一路覺得係對整體社會發展係好事,因為人可以做更有價值既事
23)感覺到外賣都不斷升級緊,係外賣盒、外賣速度、包裝等等都感到比幾年前好太多,以前你食個麵要分湯?真係叫都未必有!依家分湯好多唔講明都會分比你,感覺外賣自取同埋派送對於一個人食飯都係一種趨勢
24)睇返譚仔上市資料,幾年前堂食外賣比重都係8:2,依家已經差唔多6:4,世界唔同左,仲記得當年沙士打開左網購既潮流,而上年疫情就改變左堂食習慣,有好多野唔迫到埋身真係唔會成長
25)是日趣事,我左手拎住電話,右手拎住外賣,個客開門之後我遞左電話比佢佢呆左;一個上身赤裸既男人拎外賣,我覺得睇到佢身體要加錢囉
26)暫時對我講,送外賣都係有趣既,而我分析過,因為我係兼職,又唔係靠佢養家,收工時我計一計數,360蚊,如果我等佢開飯既,我真係要加多半日做到夠數先可以收工,而唔係收工仲去食餐比今日搵既錢更多既飯,今次已經比起上星期無咁腳痛,唔駛按腳,但起左水泡,
27)興趣同職業,真係兩個層次,將興趣變成職業係一種漫長既過程,唔係人人做到,當你既興趣超過左一定既數量,就會量變引起質變,即時變質,需要一個覺悟!
28)我會唔會繼續做?會啊,下星期六強勢回歸旺角區!每次有人問我都係咁答,依家每個星期有人比錢我做gym,真係唔做就蝕啦!
29)但同時我係送外賣既時候諗,其實全職炒散真係幾適合我,黎緊我會有新動向,試下其他唔同既工作,分享多少少大家平時成日見既職業,當真係做既時候係咩感受,如果你地有咩特別職業想我去破地獄既,歡迎留言!
30)兩次既步兵經驗,我升級喇!步兵將會轉職成騎兵,點樣升級得快d!比個like啦!like數就好似經驗值咁,令我有動力去冒險!!!!
職人吹水香港十大 在 職人吹水 Youtube 的最佳貼文
2020 #職人吹水香港十大 新進 youtube頻道
成為這個頻道的會員並獲得獎勵:
https://www.youtube.com/channel/UCZVmFDfn5WnixrHNf25MeJQ/join
商務合作
www. chowsingsing08@gmail. com
歡迎加入 #職人吹水頻道會員 ? http://www.youtube.com/channel/UCZVmFDfn5WnixrHNf25MeJQ/join
#職人吹水茶餐廳 ? https://www.youtube.com/playlist?list=PLAI3ipXgVAWZ_pb65AB5sIDuf2uZTM9vB
#職人吹水火鍋 ? http://www.youtube.com/watch?v=po0Uz8Nfivk&list=PLAI3ipXgVAWYGKU6wicIj2aJGsL9t6GUZ
#職人吹水賀年餸菜 ? http://www.youtube.com/playlist?list=PLAI3ipXgVAWbyEaFyXFuXS4QipC6ncFpN
#職人吹水湯水 ?http://www.youtube.com/playlist?list=PLAI3ipXgVAWZeuyG9NnmjxqzRkC2qbWT2
#職人吹水旅遊自助餐 ? http://www.youtube.com/playlist?list=PLAI3ipXgVAWYu2t3Ao6Qk0V7bKYeYTT2J
![post-title](https://i.ytimg.com/vi/YxE_oRkFeC0/hqdefault.jpg)
職人吹水香港十大 在 〈職人吹水〉@SingSingKitchen - YouTube 的推薦與評價
職人吹水 @SingSingKitchen由星星師博(職業廚師)創立,分享各種煮食、做菜、烹飪、食譜相關資訊,主要是中式菜肴,中菜;另外也提供吃喝玩樂美食,旅遊及想法分享。 ... <看更多>
職人吹水香港十大 在 職人吹水 的推薦與評價
職人吹水. . 加入群組. 關於這個群組. 歡迎分享跟旅遊, 美食,烹飪或踩單車有關的事物。 . 公開. 任何人都可以查看群組成員名單和他們發佈的帖子。 ... <看更多>
職人吹水香港十大 在 職人吹水香港十大 - YouTube 的推薦與評價
〈職人吹水〉 茶餐廳十大炒飯生炒牛肉飯是否真係生炒Beef fried rice ... 歡迎加入#職人吹水頻道會員http://www.youtube.com/channel/UCZVmFDfn5WnixrHNf25MeJQ/join #職人吹 ... ... <看更多>