【龔成問答信箱】(Q21921-21940)
Q21921:
老師,上完最後一堂,多謝你既分享同教導。
我follow左你個page好耐,但都係今年先開始認真學投資理財,以前以為只要儲錢叻就ok.
自問儲錢唔算差(當然無老師勁), 以前一個月揾一萬左右都儲到7至8000左右,因為細個開始就想收租退休
(大學個時我靠幫人補習都儲到10萬畢業)不過總係儲唔到大錢,次次一儲到一筆仔,就會係無厘頭既情況就會用左
直至認真睇投資書,認真睇致富心理先發現原來我方法算ok, 但心態唔好
老師,尋晚你話俾個終極目標自己,我好認同。收租退休都仲係我終極目標,但係依家學識要set short term goals
話說我買左樓,唔係最理想既,但都係我心水地方之一。新界藍籌屋苑,希望會係我第一間有既樓,之後會再換大啲/買多層收租,希望一步一步向目標前進。
多謝你過去8堂授課。雖然我未明得晒,不過都照報左進階班!希望可以學多啲野!
暫時我都只係做緊月供,見次次你講親既優質股都偏貴。同埋啱啱買完樓要少少時間回氣,差不多差左袋。
不過我會留意多啲股票市場,等自己既投資唔好集中晒係層樓度,雖然依家有mortgage link account, 但我諗揀啱股票既回報會更高,更快可以幫我買第二層樓然後開始收租。
Sor for 太長氣
龔成老師︰
其實你未掌握晒,係正常。但只要你努力溫書,再去實踐。好多你唔明的知識,就會慢慢變得明白。
因課堂教你們的,只是一些知識、技巧和經驗分享。你必需要去實踐,去累積經驗,我教的知識才會有用。
你現時投資想法,大致都正確。由於你財富組合,偏重係物業類。現時你應用新資金,先集中投資優質股。而你未對平貴太有把握前,可維持月供模式去做。
而第二個物業,你唔洗太急,最好隔長少少時間,先再考慮,以減低週期性價格風險。
至於進階班,其實你掌握到初班的7成知識,你就應該應付到。如果你覺得自己未到7成,你就在此期間,比心機溫,為進階班好好準備。
進階班見!
------------------------------------------------
Q21922:
你好啊,想請教下因為計劃緊買樓。
1. 你覺得應該放哂全部股票去比多啲首期好,定係留返部分股票唔放之後比少啲首期較好?
2. 另外,如果諗住可能半年-2年內買樓,係咪唔應該再做月供?
因為我同男朋友現時月供我:$5000 / 男朋友:$8000
龔成老師︰
1) 現時按息不高,我建議你借多D,空出來資金,用來投資增值,效益會較高。
而且,我地投資都會講求一個組合平衡性。如果你買樓,而要盡固股票,令成個財富組合,完全偏晒去一邊,其實係唔理想。
2) 要視乎你月供資金,係唔係需要用來置業。如果不用,你維持月供係無問題。
若要動用,你就要睇有多久,才會動用。若只有半年至1年,最好就不要月供,直接現金持有。
如果長少少,可以去到2年,你都可以維持月供。但選股上,就唔可以太進取,盈富(2800)係可以。
但比亞迪(1211)和小米(1810)這類潛力股,波動性太大,我唔建議。
另外,你可以考慮收息股,佢地增長力不高,但勝在股價波動較細,又有一定股息,都值得你考慮。
收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
------------------------------------------------
Q21923:
老師,我係你股票班學生,上年上你堂,真係獲益良多,感謝你一直既分享,同發放正能量,令我覺得自己都有機會做到。
但可惜我剛上完堂,婚姻出現問題,呢半年我經歷情緒問題,好想自己慢慢放下件事,好想向前行
想為自己打算,要靠自己係香港置業,決定自己生活,但睇過好多小單位,一個人供真係好吃力,供得樓黎,又無多餘錢投資,令我覺得無希望一樣。
睇住自己之前建立既股票組合,阿里同中煙都跌好多,而令到心情更差,好似已經努力存資金,但覺得唔會達到財務目標一樣,好灰心。
想多謝你的正能量分享,有時令我覺得仲有希望。另一方面我對唔住你,發生件事後,我無好好溫習,可能課程內容已經俾反晒老師你了。
但我呢排情緒好轉,我亦打算抽時間溫習,希望會pick up 反。感謝
龔成老師︰
每個人一生中,難免都會經歷一些人生起跌。在不順境時,會覺得做什麼事都很困難,有一種無形的無力感。
但你要明白,這個世界,唔會永遠只係給你不如意的事。就好似大雨過後,你是總會看得到晴朗的藍天一樣。
你可以給自己一個時間,去慢慢調整自己心情。有需要時,你可以尋找專業人士意見(如社工、醫生)。之後,你再調整投資和置業計劃都未遲。
中煙國際香港(6055)和阿里巴巴(9988)都有質素,中短期波動總會有,但佢地質素無明顯變差,你照長持有就可以。
月供方面,如果你係用我之前建議,你就照進行,就可以。
記住,你要先照顧好自已,才進一步去計劃其他的事。只要我地要按部就班,一步步去處理眼前問題,總會找到方向。
------------------------------------------------
Q21924:
龔成老師,我最近買了一些股票,比亞迪1211,恆大汽車708,中國平安2318,信義光能968,中芯國際981,工商1398,粵海270,這些股可以長期持有嗎?需要set止蝕嗎?
另想問問中國有贊8083有潛力嗎?想買黎長線投資,值博率高嗎?
另完美醫療最近兩日回了不少,現價8蚊左右可買入嗎?還是等待合理價4~6蚊再買?
VESYNC 2148我12蚊買,依家跌到10蚊想問需要止蝕嗎?佢係小家電龍頭,但由於之前有部份股權有禁售期,黎緊18號解禁,我怕會再大跌,請問需要止蝕嗎?但看佢基本面是強的,唔該哂。
補充一下買價︰
比亞迪1211:$171{佔比10%}
恆大汽車708:$36・35{佔比10%}
中國平安2318 :$83 {佔比20%}
信義光能968 :$13・93{佔比10%}
中芯國際981:$24・75,{佔比10%}
工商1398:$5・02{佔比20%}
粵海270:$11・5 {佔比10%}
阿里巴巴9988:$217・8 {佔比10%}
龔成老師︰
這些股票都有質素,係一個偏向進取的組合。若你係年青至中年人士,這個組合係可以。
但比亞迪(1211)現價係貴,現貨可持有,但加注最少等到$135以下,才好考慮。
另外,恆大汽車(0708)雖然可能有潛力,但風險高,佢資金投入的確強,大力發展新能源車,但這些仍未有賣產品真正的實力,長遠能帶動多少收入,未知。
由於仍有好多未知數,而股價已經大升左好多(比半年前),因此,這刻要自己衡量風險。
可能佢真的有潛力,但連基本的銷售銷售都未有,我地作為投資者,就好難分析,只可以話佢股價會大上大落。
我唔係話佢無投資價值,只係不確定性較高。投資時,必需控制注碼,不能太大注。
中國有贊(8083)集團主要於中國從事經營電商業務及支付服務業務,業務分類如下:
(1)電子商貿:透過電商品牌「有贊」提供各種有關虛擬批發及零售之線上及線下解決方案及服務,如「有贊微商城」
以有「有贊零售」等SaaS軟體產品及人才服務、面向開發者的「有贊雲」PaaS雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。
(2)第三方支付服務。
(3)一鳴神州:提供第三方支付系統解決方案及銷售綜合智能銷售點裝置。
(4)一般貿易。
近年業務發展快速,生意增長力,不過,現時估值高,業務變化較大,整體有好大的不確定性。加上佢過往在核數師報告出現過「保留意見」,盤數可能有古怪,雖然已是數年前的事,但都會扣分。
佢不是無潛力,但風險較高,這刻投資值博率不高。
完美醫療(1830)現價依然唔平,你最好等佢有明顯回調,才慢慢小注儲貨。
VESYNC(2148)有少少潛力的。佢係美國小家電線上市場的市場參與者。根據報告,在小家電零售商中,佢係美國就通過亞馬遜產生的零售額而言排名第三及通過所有線上渠道產生的零售額而言排名第五。
業務不算差,發展有潛力,但企業規模始終較細,業務未穩定,整體都有風險。若你只係小注,持有無問題,但就要明白當中的風險。
至於解禁,解禁唔代表股東一定沽貨。而且與企業質素無關,你係唔應該考慮。
------------------------------------------------
Q21925:
龔sir, 最近我睇完你一篇關於現金貶值的文章,這樣
你讚不讚成加按物業去做投資,例如股票、基金或年金?
龔成老師︰
現金長線都只會係貶值,我地今天借錢,明天雖然要回歸還同等金額的現金,但當中價值,其實已經係貶值了。
在現時低息環境,加按物業去投資,係可以考慮。
但大前題係你有無個明確的投資目標,可以確保你有效運用這筆資金,去增值自己的財富。優質股、基金或年金都可以考慮。前2者,你可以比較翻個回報,邊個較理想。
而年金,由於本身回報唔算十分高,若按息增加,有機會令你賺取的息差收窄,甚至消失,你要明白這個風險。
之後,我地就要因應你年紀,去睇翻自己現時負債水平,係唔係適合再加重負債。
若你係30歲,總負債相對總資產去到90%,都可以。但若年紀較大,到50歲時,就最多只可以50%。
------------------------------------------------
Q21926:
龔sir. 我現有的股票組合ok嗎?
恒生 16.97%
中國銀行 4.08%
領展 26.87%
中國人壽 11.28%
港鐵公司 15.38%
阿里巴巴 14.93%
小米 10.49%
月供組合ok? 已供1年
盈富基金 53.14% ($4000)
恆地地產 21.99% ($1000)想停供,供左1年都未供到一手...
小米 21.99% ($1500)
香港電訊 2.88%(供左1個月停供左,因為你說要先增值才再現金流)
想放左恆基轉投2800,想利用沽左既錢每月加大供2800月供金額到5000元,龔sir,請問你的睇法,謝謝
龔成老師︰
先講現有持股,質素上係可以。以你41歲年紀計,都適合你。
中國人壽(2628)質素只算中等,不宜持有太多。
另外,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
但要留意,銀行業營運模式較特別,風險會比一般行業為高。必需堅守30%這個準則,如果可控制在20%以內,會更好。
另外,盈富(2800)係不受此限,因為它是一個包含58間優質企業的基金,這些企業來自不同行業。因此,盈富(2800)就算在組合中佔較大比重,都唔會造成過度集中性風險。
你現時恆生(0011)、港鐵(0066)和領展(0823)係超標,但由於佢地都質素,因此你不用沽出,只要利用新資金,去慢慢拉翻平衡,咁就可以。
月供方面,無問題。如果你想集中供盈富(2800)係可以,但唔建議沽恆基(0012)現貨,因為此股係有質素,碎股唔應該係你持有一隻股票與否的考量。
現時大市只在合理區,每月資金唔好盡用。最好留有部份,等大跌市出現時,可以用來掃貨。
------------------------------------------------
Q21927:
龔老師想請教一下,早前以26蚊入左2手 0241 阿里健康,今日跌到18蚊,請問如呢幾日以18蚊入番1至2手,呢隻股下半年,有無上升既潛力?
^_^感激不盡!
龔成老師︰
我地投資股票,其實等同投資一間企業。希望透過其自然增長,以達至財富增值的目的。
所以,我地投資一定係長線,而唔係短期炒賣,去賺差價。
阿里健康(0241)這是潛力股,佢營運醫藥電商、互聯網醫療等業務。
「醫藥電商業務」,這業務主要有兩種業務模式,由自營電商和天貓代運營,涉及非處方藥品、醫療器械、計生用品等。
另外,就是「互聯網醫療業務」,阿里健康與國內多家二三級醫院建立合作關係,患者可以通過阿裡健康、支付寶等平台,做到線上掛號、問診、諮詢用藥等等的服務。
阿里健康利用醫療AI系統「DoctorYou」去進行營運,該系統包括臨床醫學科研診斷平臺、醫療輔助檢測引擎、醫師能力培訓系統等,輔助醫生睇病。
業務上,有好大的潛力,不過,本質波動,股價上落大,消息多,市場炒作多,這類股風險都不少。最大問題是無人能正確估值,市場現時只是估估下,推將唔到佢將來的價值。
我唔知道佢下半年會升定跌,但以長線潛力計,這股有投資價值。但由於不確定性較高,這類股只建議小注持有,但你預佢股價上落大。
若你資金非常充裕,就算再加1,2手,都只係佔你組合比重好少,否則不建議加注。
------------------------------------------------
Q21928:
龔sir, 你好! 有問題想請教你意見,本人43歲,而家住緊一層已供完既未補地價居屋,先生剛剛又買了一層新樓大約明年底可收樓,之後打算住新屋。問題是我層居屋可以點處理好呢?
我唔會補地價放租,亦唔想冒險放租。咁樣應唔應該賣左層樓佢呢?
層樓大約可放到450萬左右,加上我有130萬現金,可否用500萬買一啲收息股來用作生活費。理想係有每月2萬5,我今年開始冇做野,家中無小朋友,先生亦都唔想我再工作。
新樓方面先生可以自己供無問題及支付到大家既生活費。先生亦提出話如果賣左層樓之後10年股票收入會唔會追唔到通脹?
如果真係賣樓轉買股票請問邊啲會合適?(是否銀行股和公用股好)麻煩龔sir比啲意見我呀。唔該晒你。
龔成老師︰
你個情況,比較複雜。我一般會建議,最好將空置物業放租,避免浪費了收取現金流機會。
但你不考慮去補地價放租,我建議可以的話,你們先住居屋。新樓則放租出去,用以租養樓的策略。變相,你先生每月都可以空出一些資金,去用作生活開支。
如果你地都係希望賣樓,去買收息股,都可以。只要你選擇的股票係有質素,長線必然係跑嬴通漲。
但由於收息股作用,主要係提供穏定現金流,去支援你生活開支。因此,你唔好預佢有明顯增長力,只會係收下股息而已。
若你希望每月有2.5萬蚊現金流,以股息率6%計,你需要本金500萬,故你賣樓後,資金係足夠的。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)等(記住,股價略波動,只能小注)。
(你可睇下我本《50穩健收息股》當中仲有好多)
現時大市只在合理區,你可以先用一半資金,慢慢咁分注入市。餘下就等大跌市,才出手入平貨。
但你要緊記,唔好太集中係個別企業或行業,成個組合要平衡。相同行業不可佔組合多於30%,而單一企業不要高過15%,否則會有過度集中性風險。
------------------------------------------------
Q21929:
龔成老師,你好。手上有幾隻股我列為灰色股,已持有好幾年,已經跌到一個點,現在想重組下,我應該放哂佢,還是那些可以繼續持有,搏翻身?希望你可以給我意見,萬分感謝
1)1165,順風潔能,均價1.3,持有30000股
2)1848,中國飛機,均價9, 持2000股
3)6136康達環保,均價1.75,持23000股
4)1668華南城,均價1.65,持14000股
5)1800 中交建,均價7持6000股
6)1186中鐵建,均價7.6,持3500股
7)665海通,均價3.7,持30000股
希望你能抽空看一下
龔成老師︰
順風清潔能源(1165)睇唔到有明顯投資價值,你最好係沽出。
康達環保(6136)質素好一般,長線建議你換至其他優質股,會對你較有利。
華南城(1668)、中交建(1800)、中鐵建(1186)、海通國際(0665)質素只算不過不失,這些股唔建議持有太多。
中國飛機租賃(1848)本身質素不算差,但又未到好好,主要原因是負債太高。佢利用高槓杆的模式,進行飛機租賃等業務。
其實佢業務有獨特性,在行內有規模,有長線投資價值。
最大的風險來自佢高負債,佢業務原理是借錢,買飛機,再租出給飛機公司。
航空業不確定性較大,對佢有影響,加上佢利用槓杆,風險點都會有。不過,這只是中短期情況,長遠仍是不差的。
現貨可持有,但總投資注碼不能多。
我相信你投資,存在不少核心性問題,例如選股、定價、理財概念等等。
見你持有股票,不單係質素較弱,而且好多時都係買貴貨。你要明白,買股票就同買企業,你必需要了解企業架優勢,點賺錢、行情有無發展,財務狀況等。
唔好聽消息,或者只係知個號碼,就去投資。另外,你要學識點樣去做估值,點去定平貴。
唔好受大市氣氛,影響你判斷。大市好狂熱,人人買股票,你就要小心。因為個價好易被炒高晒,影響你長線回報。
在你再投資前,我建議你先睇我寫架《80後百萬富翁》、《財務自由行》和《股票勝經》,相信可以幫助到你,去認識正確的理財概念。
之後你再重新計劃,你往後投資之路。
------------------------------------------------
Q21930:
早晨龔成老師 我想問一問關於6666恆大物業 自從我係16.4入左4手之後就一直跌到依家 跌左差唔多一半
我買之前都有做功課見佢持現金比例都好高 賺錢能力又唔錯 見佢管理物業嘅面積都增加緊 但預計嚟到佢9.8配股 佢母公司3333恆大又出債務等壞消息
想請問老師對6666前景睇法點 現價算唔算平 同埋如果母公司出事對佢有幾大影響 唔該晒老師
龔成老師︰
恒大物業(6666)其實都有質素,有長線投資價值。
佢係物業管理服務運營商,佢係中國物業服務百強企業中,以項目所覆蓋城市數目計,佢排名第二,如果以總收入、總毛利及總淨利潤計,排名第三。
類別為中高端住宅物業、寫字樓及商用物業,並已訂約管理其他物業類型如主題樂園、產業園、康養項目、特色小鎮及學校等。
佢絕大部分物業管理服務收入,來自集團控股股東恒大集(3333)所開發物業提供的服務。
至於配售,暫時只係預測,而且2.7億佔已發行股數,係一個好少的比例,影響不大。我地投資與否,應集中翻係企業質素本身。
恆大(3333)和恒大物業(6666)是2間獨立公司,就算恆大(3333)出事,財務上都唔會直接影響到恒大物業(6666)。
但恒大物業(6666)不少收入,是來自母公司提供之物業。若母公司恆大(3333)出現債務問題,影響其物業發展速度,將有機會出現負面影響。
你買入價略貴,近期股價回調不少,但都只算係合理區頂部。若你持貨不多,可以守。但持貨較多,最好沽出部份,去平衡風險。
------------------------------------------------
Q21931:
老師,好鍾意你本新書,教左我一樣好重要的事,失敗係必然,有機會去錯係好事。。。。但我都想問一樣你無咁專的事,就係我到30歲先知自己過度活躍症加d亞斯保加。。。
越來越覺得自己好難打工,因為唔鍾意跟大隊,唔明老闆的暗示,無法一心二用,易得眾人,短期記憶差。。。。。。
但我睇野好通透,危急時好應變到,長期記憶好好,觀察力好強,數理好好,英文好<<<其實都比較係這兩個病常見的特質
你所講那5條路,邊條你覺得我行好?
謝謝阿sir
龔成老師︰
首先,多謝你支持我的新書。
你的健康問題,可以先請教醫生意見。以我理解,係可以透過藥物和一些訓練去治療的。
至於5條路點選擇,其實好睇你個人意向、興趣和專長。你現時健康上的問題,我相信唔會明顯影響到你行任何一條路。
「經紀團隊」、「專家」你可試下。其實「生意」都可以,但你可以試左「經紀團隊」、「專家」先,在這兩個類別,有好多你這些無法明老板想甚麼的人,反而更成功。
其實,行這些路重點唔係你當下能力。而係你是否願意投放時間,將自己磨鍊成一位專家。
當中會經歷無數次失敗,你覺得自己有否能力堅持下去,才是成功與否的重點。
------------------------------------------------
Q21932:
龔sir,有財務上嘅嘢想你幫手分析
本人30歲,已婚,暫時未有子女,但將會計劃生小朋友,與太太收入共50k左右嘅穩定收入。
資產:
1)約100萬現金
2)60萬基金保險儲蓄
3)一隻價值約30萬手錶(非必要不會變賣)
4)一層300呎一房單位,價值500萬左右,位於新界元朗區,於2018年做9成按揭上會,月供15000左右
現時與太太居住於家人嘅住所,每個月會俾番$5000家人作租用
有2個問題:
1)我應該作出投資嗎?因為驚拎錢出嚟投資,將會有小朋友需要用錢時,擔心未能即時調動
2)我應唔應該賣咗現時擁有嘅物業,因為我想買番近少少自己現時住嘅地方,當初置業係一時衝動,現時想平手賣出現時物業,並以9成按揭買另一較大嘅物業。
龔sir,我應唔應該賣出現時嘅物業再買入另一較大,樓齡較舊嘅物業?求解答,好困擾
龔成老師︰
1) 現金長線只會一直貶值,不作投資,變相你的實際財富,其實一直在減少。當然,我地都要因應實際情況,去預留一些現金,作日常交易和應急之用。
所以,你要睇翻你自己人生規劃,去調整投資大計。若你短期內,例如1-2年就打算生小朋友,時間較短,故這部份資金,最好以現金儲起備用。
但餘下的資金,我建議你進行投資增值,咁會較好。
你現時財富組合,已經有物業類。將來投資,我會較建議用優質股進行增值,這樣財富組合平衡會較好。
以你30歲,可以選擇一些「平穩增值股」+「潛力股」作投資目標。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
由於你投資知識不高,因此可較集中在平穩增長類股,至於潛力股,只宜小小注。此期間,你最好是努力提高投資知識,才慢慢增加翻潛力股比例。
大市現處於合理水平,那100萬資金(要先扣除,有需要預留的資金),你可以先用一半,以"分注"形式慢慢入貨。餘下一半和每月儲蓄,就等大跌市機會出現,才大力度掃貨,並長線投資。
2) 至於換樓,你要先想清楚。因為香港買賣樓宇成本,其實唔細,一買一賣你當中會無左唔少錢。
作為自住樓,除非佢好唔適合你"長線"生活所需。或者投資價值好弱,否則我唔建議作出變動。
若你真係有實際需要,要轉換自住物業。你可以有2個方法,一個當然是沽出現貨,再換另一間。
另一個就係將而有物業放租,自己另租自住物業。這樣做,就可以保留你這個物業資產,同時也可以滿足你生活需要。
但大前題,係你這個物業要有投資價值,最少有能力跟大市同步,否則就無投資意義。
------------------------------------------------
Q21933:
你好,我買了2618(京東物流),現在我心態放寬,等盈富再跌,再入
京東9618 我也賺了少少時放了,把錢集中在剩下中
都是因為龔sir 建議,已留名你澳門班
龔成老師︰
京東物流(2618)都有質素的。
京東物流係中國領先的技術驅動的供應鏈解決方案及物流服務商。通過科技賦能提供全方位的覆蓋各個業務領域的供應鏈解決方案和優質物流服務,從倉儲到配送,從製造端到終端客戶,涵蓋普通和特殊物品。
根據一些調查報告,按總收入計,這企業係中國最大的一體化供應鏈物流服務商。
2018、2019 及 2020 年,京東物流營收分別為人民幣 379 億元、人民幣 498 億元和人民幣 734 億元。
京東物流於 2018、2019 及 2020 年產生的虧損淨額分別為人民幣 28 億元,人民幣 22 億元及人民幣 40 億元,不過,如果扣除一些非現金流的開支,又未算太差。
佢表示,上市集資所得,部分將用於升級和擴展該企業的物流網絡;部分將用於開發與供應鏈解決方案和物流服務相關的先進技術。
企業有優勢的,長遠發展正面,但中短期股價未必有好強的表現,這股都有投資價值,但現階段未必值得大額投資,小注投資係無問題。
至於沽出京東(9618),若你係因為風險承受能力,而作出的調整,係可以。
但從財富增值角度,緊記優質股係一定要長線持有,才會有理想效果,唔好升少少就沽,目標要放遠少少。
希望疫情盡快受控,可以早點,可以回澳門跟大家見面,澳門班見!
------------------------------------------------
Q21934:
老師,買了你的書看,學到不少價值投資法。本身持有自住物業,打算月供股票計劃約行2年左右,我都比較保守,想上落較少+慢慢增長,以下組合可行嗎?
進行了約半年:
1)AIA $3000/月
2)HKEX $3000/月
3)建行 $3000/月
打算加:
4)新鴻基 或 領展 $3000/月
供完余下每月約$10000 cash flow作buffer,有其他投資推介嗎?
龔成老師︰
你現時打算月供的股票,都係有質素。當中港交所(0388)盈利較受大市波動影響,會係較高風險的一隻。但只要你長線持有,以上5隻都係無問題。
這個組合算係平穏增長型,若你係年青至中年人士,這個組合都係可以。
新地(0016)和領展(0823)都有質素,但增長潛力,領展會高少少。至於餘下$10000,我建議你先儲起,等大跌市機會,才出手掃平貨。
緊記月供係一個長線計劃,月供最少維持3年,並持有這些股票5年以上,才會有較理想效果。
你月供2年勉強都可以,但再優質的企業,都要時間去增長,所以你必需要用長線持有模式,去處理這些月供得來的股票,才會有好回報。
------------------------------------------------
Q21935:
龔sir你好,今次係第二次聯絡你,過去半年期間,我買晒你所有著作睇晒(除左買樓4部曲果本),亦閱讀左好多巴菲特同凱恩斯講價值投資既書,叫做開始慢慢理解股票係乜野一回事
我背景今年34歲,月入只有約18k,加埋太太都係只有約30k,上年買左層6m新樓,月供約15k,今年年尾亦會多個新生命,本黎以為一世人就要供樓供到60歲退休,
但自從睇左龔sir既經歷同著作,我深深相信只要有無窮既意志力同不斷增加知識,一樣可以改變人生,就係呢團火令我將所有非必要既支出cut晒,
放工/放假亦搵多份part time增加收入去投資(雖然真係好攰),所以我先多謝龔sir令我改變左人生態度!而我亦係呢幾個月開始建倉,詳情如下:
66@500 $45.75
175@1000 $24.75
270@2000 $13.16
1099@400 $17.7
1177@1000 $7.74
1928@400 $38.4
1972@200 $23.75
3067@200 $18.96
9988@100 $217.6
暫時仲有約$250k(全副身家)係morgate link
有幾個問題想請教龔sir:
1)你對我所持股票組合有無乜建議?如果我目標係以增長為主,有無邊隻應增持/減少?或加入邊隻股票?
2)現有組合算平衡嗎?
3)我理解龔sir所講,優質股如果股價下跌,反而有加注既機會,但有樣野唔明就係如果我買入一隻股後,股票從未跌穿買入價,咁應該如何去𧗾量加注與否呢?
因為對於資金唔多既小股民,如果只持有一兩手,財富增值一定有限,但如果高於買入價加注咪會拉低左回報囉?
4)我打算短期內最多只會動用多50k投入股票市場,因為要再增加收入/同儲蓄後先會再拎出黎投資,餘下200k就留低以備不時之需,
但現在是否未到時候?係咪應該留起呢50k,等大市有明顯回調先動用?
5)1810&1448我自己好想入,如果無貨幾錢入第一注好?還是起碼等到合理價先入貨?論增長力是否1810會比1448高?
再次多謝龔sir你改變左我人生觀!由於我現時做零售業,夾唔到時間上你堂,但我已決定過埋今年就轉工,希望到時可以夾到時間見到龔sir你真人
Thank you sir!
龔成老師︰
1) 你持有的股票都係有質素和增長力,是適合你的,你照持有就以。
2) 大致上都平衡,但留意一點,以你年紀,潛力股大約佔5成就好了。若你投資經驗較少,要再下調多1,2成。盡可能控制在這個範圍,以免組合中風險過高。
而且,你要隨著年紀增加,要慢慢將潛力股比重下調。去到50歲時,大約只宜佔2成。
3) 你要用買入價,作為入市標準。我地去制定入市策略時,應用企業平身估值平值,去做決定。只要在合理區,我地就可以有計畫地,慢慢分注入貨。但升越合理區,開始貴的時候,我地就要等時機。
若你可用注數不多,第一手是在合理區頂,我地另一注,最好等有較明顯回調,才出手。
若你注數較多,第一手是在合理區中間買入。但由於手上持貨不多,就算回升至合理區中上,你都可以再入小注,再增加持貨。
當然實際操作,我們除了可用注數外,都要考慮埋大市情況,此股質素和潛力等,去得出個最終方向。
你可以參考我<<股票勝經>> P.316-317 中的"金字塔式買入法"。我們分配資金模式,大致上就會用這個方法。
4) 這50K,我建議你儲起,因為現時大市只在合理區,不宜將全部可用資金入市。要留有部份,用來等大跌市機會。
5) 小米(1810)和福壽園(1448)都有好有質素的潛力股,增長潛力上,我會比小米高少少分數。
現價計,小米(1810)略貴,要回多1,2成才算合理。而福壽園(1448)算合理區頂至略貴,無貨先入一注都可以。
我的書本,只是給你一些投資知識、技巧和經驗。真正令你改變人生觀的,其實是你自己。
我有時都開星期六班,你可以留意。雖然你暫時夾唔到時間上堂,但唔好因為咁,就停左學習。要多睇財經新聞、年報、相關書籍,去提升自己技巧,長線投資才做得好,加油!
------------------------------------------------
Q21936:
龔成老師,你好: 上年才認識你, 開始爬文.
本人己是中年,現在份工已做了13年(有中年危機), 但一點都唔開心, 只是求生活, 月入3萬, 物業Mortage尚有300萬, 只有40-50萬現金,上年開始供股$4000 AIA & $4000 銀娛.
想請教:
1) 現在開始步會否太遲?
2) 如果想用儲蓄錢(40-50萬) 加碼在每月供股部份, 應該怎每月供幾多, 買邊隻比較安全?
3) 需要點做才有被動收入3萬達到財務自由?
每月可以儲多$2000現金
龔成老師︰
1) 現時起步雖然唔算係早,但只要你用正確方法和心態去投資增值,都可以做到一定效果出來。
2) 以中年人士而言,都有增值需要,但策略上要保守少少。你可以選擇一些「平穩增值股」,作為投資目標。
以現時大市合理區狀況,你手上50萬,我唔建議盡用。你大約可以20-25萬,分開3年,每個月加大$5500-7000去做月供。
平穏增長股:盈富(2800)、金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
你可以從中選擇多2隻,更好方法,就是全數加入盈富(2800),佢係包括55間質素不錯上市公司股票的組合,有助你平衡組合中的風險。到你有一定能力,才買其他我建議的股票。
餘下現金和每月多儲的$2000,就是等大跌市時才出手。如果你能在這段時間學好選股等技巧,到大跌市時就能把握機會,財富增值會更明顯。
3) 如果你希望每月有3萬蚊現金流,以股息率6%計,你需要本金600萬。
你要透過以上方法,去累積這筆資金。到有足夠數量時,就將佢換成收息資產,去創造現金流,支付你退休生活的開支。
我假設投資回報有10%(連股息再投資),你每月投資$10000 + 50萬本金,15年後大約會增值至590萬,故這樣安排相信很大機會達至你的財務自由目標。
------------------------------------------------
Q21937:
龔sir, 現為大學year3, 預計畢業後有20-25萬資產。暫為14萬資產,5萬由屋企人保管投資,2.5萬貴金屬, 4.7萬股票,其餘為現金。
今年內預計會再有5萬現金收入作為增長,暫時收入以補習教學為主,7-8、12為收入高峰。現為21歲,如果想5年內有100萬資產,應如何部署增加收入?
小妹在投資市場上曾入手港股1.06 元入手432及美股以64usd 入手Nio,而432已離開,仍手持nio, 但虧損波幅較大。
我可以承受中等風險的投資,但仍未搵到合適自己的投資組合
龔成老師︰
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
你現時大學year3,相信是十分年青的年紀,是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。
策略上,你應以增值為主。
貴金屬(如金銀、黃金),主要係用來對沖突發性事件。佢本身唔會創造現金流,不宜持有太多。佔組合3%左右,其實就足夠,最好以實貨持有。
蔚來(nio)有質素的。佢係中國高端電動汽車市場運營,生產電動汽車,同時間佢發展緊自動駕駛,以及人工智慧等下一代技術的創新項目。
例如型號EP9、ES8、ES6、EC6,通過佢自己的銷售網路銷售汽車。長遠發展正面,前景就無問題,現貨可持有。
但你預佢之後的股價上落仍大,投資一定不能太大注。可長線的,注意風險。
盈大地產(0432)過去多年都出現虧損,加上負債不輕,睇唔倒佢有投資價值,不要再投資。
由於你現時無投資知識和經驗,對企業估值,點去定平貴未必會太了解。所以你先利用月供模式,去做增值,可以減低買貴貨風險,對你而言會較理想。
你可以投資「平穏增長股」和「潛力股」。你每月5成儲蓄做月供。其餘先儲起,用一邊月供一邊儲蓄的策略。
你現時無太多投資經驗,潛力股這類風險較高的股票,你就不要持有過多,最多維持2-3成好了。你相再保守點,甚至先集中係平穏增長股類。
到你有一定投資經驗﹐潛力股比重可以相應調高,佔組合約3-5成,視乎你當時投資經驗多寡和了解這些股票程度而定。
現時大市只是合理區,你現有25萬資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
我假設投資回報有10%(連股息再投資),你每月投資$8000 + 25萬本金,5年後大約會增值至100萬。你可以就著這個預算,去計劃你的理財方案。
當然,這個金額只係一個參考。你還很年青,負擔相對較少,應該盡力儲蓄去做增值,儲蓄比例最少要達至收入一半,才算理想。
------------------------------------------------
Q21938:
龔成老師你好,我今年32歲,月入$45,000,每月可儲$20,000至$30,000。
1. 目前持有股票:盈富基金2800 5000股@24.5、希慎興業0014 500股@29.5、粵海投資0270 2000股@12.08,以上是希望可以長揸收息。
2. 另外還持有:偉易達303 1300股@89.30、易大宗1733 12000股@0.78、中國銀行3988 20000股@3.29、碧桂園2007 10000股@14.57、明源雲909 1000股@60,
雖然部份都有息收,但股價一直上不回家鄉價,要不要考慮止蝕。
3. 現有$300,000現金,考慮再買入以下股票:金沙中國有限公司1928,國藥控股1099,阿里巴巴9988,銀河娛樂0027,京東集團9618,中國平安2318,
請問以上推介那一隻呢?建議買入價是多少?
麻煩晒
龔成老師︰
1) 你個財富增值概念,唔係太正確。
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時32歲去計,應先做好增值部份,而唔係去諗點收息。你現時持有股票,其實都有一定增長力,係平穏增長股類,都適合你,你長線持有就可以。
2) 你唔好用買入價,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。
但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。
你上述持股有質素,但偉易達(0303)、中國銀行(3988)只係收息股,增長力好一般。碧桂園(2007)負債水平好高,風險唔細。
而明源雲(0909)不確定性較高,這4隻股票,你都不宜持有太多。
至於易大宗(1733),此股投資價值不高。最大的問題,就是核數師意見,過往多年都出現「保留意見」,反映核數師認為佢盤數「有古怪」,有些問題,這類股,沽出較好。
3) 這6隻股票,都係有質素的增長股,都適合你。阿里巴巴(9988)和京東集團(9618)偏向潛力股類型,風險會較高﹐故要控制注碼。
現時這些股票,都在合理區,現價可以入1注。但由於未算平,故資金不要盡用,最好多等每回調10-15%,才再考慮加注。
------------------------------------------------
Q21939:
成哥你好,想問下你隻1024快手,我330入,依家大概回到去204,見佢業績都麻麻,請問可唔可以長線持有,定升返d轉其他。
另外本身個組合想入返d實業類,蒙牛乳業同農夫山泉,想問下咩價位入比較合理。
謝謝你抽空幫忙。
龔成老師︰
快手(1024)係全球數一數二大的直播平台,絕對是一隻優質股,有獨特性,有客戶群,有潛力,長遠的發展力正面。這股有長線投資價值。
快手與業務夥伴合作提供了一系列產品和服務,於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。
快手科技已建立了穩定的用戶,在全球已佔據了重要的位置,企業有一定的優勢,以及獨特地位。加上用戶仍在快速增長,以及增長趨勢仍持續,預期有一定的發展。
雖然這刻盈利不多,甚至因加強發展業務而出現虧損,但這類股的分析特點是將來,等之後的收成期。
由於已擁有一定的優勢,以及仍增長中,企業要將用戶化成現金並不困難,只是時間問題,以及多少問題,預期2022年盈利模式已穩定,同時有一定的盈利。
簡單來說,企業有質素,有發展,你現貨可持有,但你預佢短期股仍會十分波動。
蒙牛乳業(2319)有質素。
佢於中國從事乳製品生產及經售業務,乃中國領先的乳製品生產商之一,以蒙牛為主要品牌提供多元化的產品,包括液體奶(乳飲料及酸奶)、冰淇淋及其他乳製品(如奶粉等)。
無論品牌、銷售網絡、發展,都不差,長遠正面。這股有長線投資價值,不過現價就唔算平,回翻10%先慢慢分注入,會較好。
農夫山泉(9633)有質素的。由於有一定的品牌價值,因此企業質素與發展正面,財務數據不差,生意與盈利都有理想增長。
不過上市不久,股價較波動,同時上市前數據可能執靚過,因此要注意風險度。現價合理區頂至略貴。
若想入貨,現價小注投資好了,這股適合長線的。
------------------------------------------------
Q21940:
您好龔成, 訂閱您Fb已多年, 以下有一問, 十分煩惱,未知閣下能否抽空賜教:
情況:媽有一個自住三房私人舊樓單位,樓齡32年, 估計如賣出約560萬。 因該樓舊需要夾錢換𨋢, 大約每戶比20萬, 暫時不知何時要付。
她已60+歲退休弄孫, 她除家用外無收入。我們3個子女現為搬出,但家姐租樓多年,有意和姊夫跟一細女回去同住,他們儲蓄20萬左右未夠錢買樓。
她有幾個選擇, 哪個是最好的財務安排?
1. 賣出,媽出首期比家姐買較新的樓, 家姐供樓 ,然後:
1A: 4人(媽,姊,姊夫, 一細女即孫 )同住, 可能繼續住元朗/轉去東涌/青衣。媽每月比少少租家姐當幫手供。或
1B: 自己另外買細單位自住,其餘投資/買股票做每月收入 (唧種可推薦給她這些退休人士而是比較高收入,低風險?)
3. 繼續自住, 家姐搬回, 每月給媽家用
或有其他選擇, 但現時未想到。
十分感謝!
龔成老師︰
其實係財務層面,這3個選項都係可以。反而我覺得,選擇邊個方法的重點,應該是你媽媽自己的想法。
因為香港一買一賣的成本較高,因此,未有明確目標前,(3)是較好。
當然,另外兩個方案其實都可考慮,最重要是你地成家人的意願,因為現時影響多人。進行(1)的方案時,要大家傾好各自的權益,清清楚楚是最重要,大家要「先小人,後君子」。
如果你媽媽,係想和你姐一家同住。若現有自住樓係配合到佢地長線生活所需,咁就可以。
除非有好大生活上問題,否則不建議換樓,因為香港買賣樓宇成本唔細,一來一回,會唔見好多錢。
若你媽媽不想同住,佢可以沽出現時物業,換一間較細自住屋。再將餘下資金,投資一些收息股,去為自己創造現金流,支援自己退休生活上的開支。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
現時大市只係合理水平,資金不宜盡用,你可以先將部份,以分注形式買入上述股票。餘下資金,就等大跌市出現,才加大力度掃貨。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有1部Youtube影片,追蹤數超過79萬的網紅柴鼠兄弟 ZRBros,也在其Youtube影片中提到,🐱如果2317鴻海叫做國民股票,那0050應該可以叫「國民ETF」了吧😃 而且它還有一個常被拿來比較的同門師弟「0056台灣高股息」專收高殖利率的大公司🙈 但究竟是0050的大市值好,還是0056的高股息比較優?這一集柴鼠先從最重要的三個差異說給你聽🤓 ▶︎0050和0056選誰好?關鍵在這家公司...
股權金字塔 在 龔成 Facebook 的精選貼文
【龔成問答信箱】(Q20121-Q20140)
Q20121:
啊sir,幾年前剛大學畢業上你的股票班,當時用40蚊左右買比亞迪,$240時放左一半,賺左我人生第一桶金
由於我係文科生,一直以為股票要數學人先玩到,多謝你用簡單易明的理論教懂我價值投資
另外,我想分享我的夢想係做一個可以融合心理學、輔導學、專業塔羅諮詢師。因為我興趣係神秘學、身心靈,所以我好明白吸引力發則、秘密、財富金鑰呢幾本書係幾有用,好多謝啊sir你向我地推介呢幾本書,比更多人明白改變潛意識的威力
啊sir你係我心目中唔止係理財專家,都係發放正能量,叫人了解自己追夢的KOL!現在網絡負能量好多,KOL質素參差,呢幾年當我對自己有懷疑時,我睇你Facebook會鼓勵自己,心諗龔成做到自我實現,我都做到!
現在我正職做XXX,兼職做駐場塔羅師/線上塔羅諮詢,正職志在儲錢及吸收經驗,都在實現夢想的路途中,希望幾年後再inbox你,可以用一個非常專業的諮詢師身份與你分享!
龔成老師:
加油!
比亞迪(1211)呢個回報,你應得的!
現時你做好塔羅師/線上塔羅諮詢,我相信長遠有發展的,你要試不同的宣傳手法,要有人認識先產生更高價值。
加油!你已經行對了方向!
我要記住一點,你要幫人,要產生自己的價值,不要為講而講,為賣而賣。我一向的方向都是幫人,希望有正能量,我不會為宣傳而講一些誇張的野,這是大方向。
我都希望你明白這點,以「真心幫人」為中心。
------------------------------------------------
Q20122:
老師
感謝你的分享!
我都想跟你分享一下
原本我對投資幾乎完全沒有概念
最多只懂得跟風 月供股票
而我男朋友曾是「賭仔」
常期望一夜致富
以致常常「輸身家」
但自從他上過你的投資班
我發覺他的心態平實了很多
由以前「有錢就身痕」
到現在願意跟我一起慢慢累積財富
而我
亦透過他每次上完你的堂後的分享
對理財、投資概念提升了不少
以往,我常常很短視
會用生活費作投資
以致股價跌了一點點就會恐慌
最後手續費都蝕了
但現在
我聽你的話
投資應看公司的長遠發展
所以現在投資時
心裏踏實了很多
實在非常感謝你!
我在過去的一年
終於儲到人生的第一個六位數
由以往月月清
到現在變了儲錢是我其中一個主要嗜好
龔成老師:
太好了!
我地最好要學「理財」,不是「炒賣」,只要我地有正確的理財知識,知識與財富一定成正比的。
其實我自己,過往都有行錯路,之後就是輸得多,所以先慢慢學翻正確投資。
加上,我過往做銀行同證券行,都見到唔少人炒賣輸錢,與家人不和,所以我都想你地學正確的投資。
見到你財富增長,反映你已行在正確的路,理財是長期戰,加油!
------------------------------------------------
Q20123:
我現時的投資組合如下,有一些策略請龔sir比一點意見:
持有平穩增值股:
0066 有一手@$43.75
持有潛力股:
3067 有兩手@$18.19
1177 有一手@$6.99
1833 有兩手@$93
9988 有一手@$271
本人30歲,有家庭,一個小朋友,一直供緊樓,同埋有其他開支,不過可以儲到錢,打算之後嘅投資策略是:
1. 現金儲蓄有30萬會留4成現金不動用,咁有18萬分別是9萬在平穩增值、9萬在潛力股。
2. 0066 會每一季買一手(係用3個月出糧儲起的錢來買)
3. 加入0027 銀娛或其他平穩增值股,但我9萬在平穩增值股裡,如果買左0027銀娛之後我只剩下3萬左右,咁可以買咩入場費較低的平穩增值股好?或有其他建議?
4. 我持有的潛力股,打算3067是每三個月固定入幾手,慳返手續費,之後不斷儲貨長線持有
5.1177 再待跌8%就分注買(用金字塔式)
6. 1833 和9988 不知往後的策略如何?
7.其實我應唔應該買一些收息股如778/435、因我見有6%息率?點樣將啲錢再滾大啲,同平穩增長類一齊持有?不過我見股票勝經教嘅水桶投資法建議收息類都不適合我年紀。
謝謝。問題較長。
另外, 我自己&小朋友都有供緊3份保險.. 其實好想斷供….以前未識投資股票, 以為買保險一定好過放銀行, 但我由幾個月前認識龔SIR同埋睇你的書後, 我唔想再供以下3份保險了..每年開支都幾和味..同埋諗返個回報其實好少。
自己有一份人壽儲蓄保險,年供約$18,000,要供18年,已供5年,剩13年要供,
小朋友兩份: 一份年供約$18,000人壽儲蓄,要供18年,已供5年,剩13年要供,另一份是年供約$16,000,要供5年的純儲蓄,供左2年,剩3年要供,
8. 以上3份保險開支約$52,000/年, 龔SIR我想請教你的建議, 我現在斷供好嗎? (當然問過保險經紀人是一定沒可能攞返之前供的錢架啦), 如果我決心斷供,雖然會蝕左之前幾年的錢,但如果我用未來15年-20年時間將買保險的錢,用黎投資優質股更好吧?亦可幫財富增值, 建立平衡的財富組合, 請問我的方向咁樣正唔正確?
9. 接上題,敢問龔SIR如果我上述方向正確,真的斷供保險, 我用15年-20年時間投資優質股, 回報應該更加大,如果選股成功預計回報都想有10%-15%或以上,如果是, 我的方向應該投資哪幾隻平穩增值股是有這個回報?
我分注儲貨買入優質股既話,例如0066﹑0027這些優質股可以做到呢個回報嗎? 扣除供樓同其他開支可以每個月可到1萬蚊(但澳門月供手續費問題,我打算會分注投資,不會做月供股票)。
你是一個良師, 好希望獲得你的正確指導和意見支持, 感謝
龔成老師:
1)方向可以,你30歲,無問題。
2)可以。
3)如果可以,當然月供較好。你可以考慮領展(0823)。
4)可以,這是一個好方法。
5)得,但注意總投資金額不能過多。每入股上限15%好了。
6)最好月供,或慢慢分注入,潛力度是有的,但股價都波動,要慢慢分注投資,控制好總金額。
7)當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
所以,你唔買收息股都無問題。
8)其實保險在理財中,都有一定的作用,我地理財最重要是「攻守兼備」,你要有防守(即是保險類),同時有增增值。
除非你現時的財富比例,過多在保險,否則,不用斷供。但之後要加強翻股票,保險比例不用太多。
股票增長力較強,但風險度都會較高,你要平衡。
9)其實你照之前的方向已得。
平穩增長股你可以考慮盈富(2800)、銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:安碩恆生科技ETF(3067)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177),但就要明白波動性比上述會高左,同時風險大左,你要自己平衡。
如果你不月供,就分注買入。你單靠平穩增長股是較難有15%回報,同時要加入潛力股票。
------------------------------------------------
Q20124:
龔sir您好,我最近有需要套現大概HK$1m,正在煩惱應該賣出那些股份,希望你可以比d意見。如果係以下股票裡面賣出(全部有幾手),以股票質素同現價黎講
龔sir有無想法可以考慮先賣出邊d?
1)移卡(9923)
2)五礦資源(1208)
3)HKTV(1137)
4)Sands (1928)
5)1548
謝謝!
龔成老師:
最重要不是睇「賺蝕」,不是睇「買入價」,而是睇質素。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
五礦資源(1208)質素未算好強,金斯瑞生物科技(1548)近年業務增長力不算高。這兩股可以考慮較先賣出。
另外,你要分析你想建往後的組合,如果想增長,金沙(1928)就未算好適合。如果穩陣,移步(9923)、香港電視(1137)就未必適合。
------------------------------------------------
Q20125:
龔sir, 好想請教您,我對保費融資很有興趣,但我本身係穩陣派,見到介紹話係以槓桿形式進行保費融資的,有點怕……請問您覺得可取嗎?謝謝您!
龔成老師:
我講當中的風險。
如果保單的派息,唔能夠與你借貸部分的利息同步上升,你得到的息差就會減。
原理是你借錢,要比息,現時借錢利息低,你有著數,賺息差,但當利率向上,你就有機會蝕息,這是你最大的風險。
------------------------------------------------
Q20126:
老師,想再次謝謝你,我得到人生第1個60萬了!我朋友常常說買美股賺錢,講到好叻咁,知道佢原來放晒美股後先賺左幾千蚊
我想講我三年前follow左老師你fb同上你堂後,暫時賺左20萬了!我相信未來繼續保持這種投資方法會賺更多~
但我因為年尾想買大約400萬樓,所以現在暫停月供(2018 年2月開始友邦,比亞迪,銀娛,中電,中銀香港,領展,港鐵各$1000)同有3手吉利(均價$14.5)2手中生製藥(均價$7.61)。
因年尾要用錢同怕市波動,現在每月淨儲現金約17000蚊無作投資,再慢慢放以上股票(但其實捨不得放晒,全部有質素)到時應有78-80萬
買樓後希望留返約20萬股票,再努力月供同儲現金等機會買潛力股,想問呢個方向有無問題呀?謝謝
龔成老師:
恭喜你!
如果你一年內要買樓,要資金,就要開始準備,如果這刻現金不足,要賣股票,就要開始過程,在一年內賣出股票套出相對應資金,不要等到時先賣,因為無人知到市大市升跌。
所以,你停供,賣股,是需要的。
最好當然是留翻部分優質股,但就要睇你的實際情況。
到你買樓後,完成按揭,到時有資金再慢慢買翻股票。
------------------------------------------------
Q20127:
龔sir,可以點樣了解一隻股適合持有?
龔成老師:
我地買股票就是買企業,因此,一定要優質企業。
另外,偵要睇翻是否適合自己的風險度,潛力股/收息股?
要睇翻這股在財富組合的角色。因為你現時是建立一個組合,長期持有的。
------------------------------------------------
Q20128:
咁其實對潛力股的分析,係咪好靠自己眼光對佢企業前景點睇?
如果想買股票,可以上完基礎班已經慢慢買,定上完7月進階班先?(手上有12萬可投資)
龔成老師:
潛力股有佢的指標的,例如產品、行業、大環境的特點,同時,有些財務數據都能睇到。當然,眼光都是其蠱一個因素。
你要有延伸分析的能力,唔好只集中在當刻的市場消息,要推斷到將來,以及尋找企業本質較好的企業。
股票基礎班,你上完後,已經可以買股票,足夠的。只是進階班會更深入去研究企業。
------------------------------------------------
Q20129:
你好呀 龔sir, 2129 我係0.45買,甘我應賣定長揸?
龔成老師:
LEGION CONSO(2129)質素只是一般般。佢主要在新加坡從事提供以下物流服務:
(一)貨車運輸服務:指港口與指定提貨/交貨地點的貨物(主要為集裝箱)拖運;另亦聘請獨立分包商提供
若干貨車運輸服務。
(二)貨運代理服務:乃一站式解決方案,集團擔當代理並為客戶安排和協調運輸,最終客戶通常來自零售和
製造業等行業,其裝運的起點或目的地通常在國外。
(三)增值運輸服務:包括露天倉儲服務、裝箱與卸貨服務,以及物流堆場與指定提貨或交貨地點的集裝箱拖
運。
其實規模不算大,加上賺錢能力不算強,整體只是一般。
如果你多貨,宜減。如果貨不多,可守下,上翻較多先賣,不過長線投資價值唔算高。
------------------------------------------------
Q20130:
龔sir您好,我岩岩睇財務自由行其中一part(放棄現時現金流,獲取將來更大現金流)
其中有提及「而投資科技股的策略應投資在潛力企業身上,即是要發掘下一隻騰訊、下一隻阿里巴巴,而不是購買現時的騰訊或阿里巴巴」
但是我見龔sir係潛力股推介list有包含呢倆隻,何解呢?係咪因為當時佢哋重未程現真正潛力呢?可以了解一下嗎?感謝
龔成老師:
簡單來說,700、9988是不差的股票,適合大部分投資者,所以對「一般」的投資者,我建議
但如果有知識,有實力,就應該尋找「未被市場發現」的潛力股,這樣才可以更高回報,這是我書希望投資者能到達的境界。
------------------------------------------------
Q20131:
你好呀 龔老師 本人30頭 現在有10萬左右流動資金 早排買左0799升到頂位放左 之後33蚊入左吉利0175 3手
想問下新能源汽車中的吉利 還有在上升趨勢嗎
我還仲想投資多一隻潛力股 京東 美團 阿里巴巴 請問三隻 中邊隻最大潛力推薦入手?
龔成老師:
我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
你這年齡,可投資平穩增長股+潛力股。
你可以考慮阿里(9988),吉利(0175)可長線,另外應同時加入一些平穩增長股到組合。建立一個平衡的組合。
當然,同時要留有一定的現金在手。
------------------------------------------------
Q20132:
你好,老師,我只係新手,近月開始睇你既書同網頁,看到同樣出生基層的你有今天的成就,令我十分鼓舞,加上我真係學到好多野,後悔無早早向你學習,希望老師現時可以指點一下我既儲蓄同選股方向,萬分感激!
年約30歲,已婚,家庭月入6萬8-7萬,供緊一層自住物業,現時每月淨儲蓄現金$15000,想於未來三年內換樓和生小朋友,長遠希望財務自由(不過好難!)
現時已買股約50萬,全都是平均少注:20萬舊經濟股(1373、1113、823、778、11)、30萬新經濟股(1211、1177、1833、9988、1448、1810、2382、3088),未知老師對以上組合分配和選股睇法如何呢?
謝謝老師的無私分享和教導
龔成老師:
換樓,最重要是供款方面問題,你可以定這個為計劃,但就不用急。你可以好好把握這幾年,努力儲蓄投資,到時最好有足夠資金換樓,同時不要賣晒所有股票,令你可以有股樓平衡的配置
現時你持有的,基本上都是有質素的,比例方面亦可以,由於現時新經濟股開始貴,因此你加新經濟股的力度,宜減慢。舊經濟股則無問題。
我見你所選的都是有質素的,都問題,方向已經正確。
但都要由有一定的現金,去等機會入市。
------------------------------------------------
Q20133:
Hello 龔成,本人正是80後,今年36歲,係一位單親媽媽。
由2020年開始,平均月入48000左右,月儲20000左右。
有個已購入既公屋單位與爸媽及仔仔同住,要供養父母。
目前有55萬積蓄,另外有兩手匯豐股票由64蚊持有至今
之前有兩手騰訊敵不過你所講既長線同信心,得到薄利就放左,當時仲係420蚊咁上下。
(本人對股票全不在行,只靠自己直覺同電視走勢分析去做判斷,所以我已報名你初階課程,希望可以學習到正確既理念,再重新出發)
我係一個月前開始留意到你既分享,真心令到我都好熱血,我自問本身都係一個極不認命既人,相信自己去改變命運。
我買左你幾本書去睇,睇完都令我有重新思考,過往既自己有想改善命運既心態,但無行動既勇氣。
我係2020年有留意賣盤,心態係樓價只會一直升值,能夠買完收租,係我其一既長遠打算,為將來收入做好準備。
但之後留意你話「乘法」,我就希望策略應該先用股票買賣,令本金推高才作其他工具投資。
畢竟首期本身都係預一成,其實能夠選擇到優質單位可以話無乜可能,純粹係覺得要快D入市。
我知道最近市況都開始有點熱哄哄既情況出現,所以股票方面,我無諗住宜家哩個情況下入市,你話要睇準時機,咁我寧願等撈底,好過宜家去衝。
故此都特意來郵問下閣下對我哩種情況,有咩建議
本人的確唔知應該從何入手好....
另外好多謝你寫書去分享你既經歷,我會繼續支持..仲有三本寄梗黎,你本百萬富翁仲等左成個星期先有,你都要繼續打不死。只要有目標,就算最後唔成功,過程都好重要。我一定會記住。謝謝!
龔成老師:
不如我講少少香港樓市分析,你可以睇下點配合。相信中短期有可能向下(但不會大跌),長遠會向上。
首先要睇經濟基本面,如果經濟持續地差,失業率上升,樓市終會向下,這會對樓市有中期性的影響,不過,就算跌,都不會大跌,最多只是小跌,如果經濟差的情況不是太大,甚至不跌,這是由於背後的需求大。
在長遠計,我仍相信樓市在長遠計,因供求關係,仍是向上多。因為現時香港買樓的需求仍大,而長期供應不足,加上政府往後施政只會更加困難,好多所謂的大計劃都未必能夠實行,又或最後規模細左。
另一方面,需求大,我見唔少適婚年齡的朋友,都正等機會買樓,但未買樓,這些是「潛在需求」,過往每年不斷累積,只要樓市跌少少,就會有需求走出來,這令樓市不能大跌。
另外,樓市另一作用是「投資」,現時的租金無大跌情況,以投資回報率的角度分析,樓價都不會大跌,因此樓市平穩。
長遠計,租金及樓價會平穩,有少少向上,但不是倍升,不會好似過往般倍升,而是平穩向上。
買樓最重要是睇「供得起」原則,如果這方面無問題,你已經可以開始慢慢睇下樓。
最理想就是「股樓平衡」,即是你買完樓後,仍有股票及現金在手,這是最理想的。加上現時新經濟股有點熱,你投資舊經濟股較好。
如果你打算中短期買樓,投資股票的資金不要太多,等你買完樓先正式買更多股票。
而股票方面,你長遠應建立一個平衡的財富組合,優質股要長線。
股票班見!
------------------------------------------------
Q20134:
龔sir, 想問下內房股基本都有負債,如果要選擇內房股投資應該選擇少負債既投資,但我有發現有d股佢負債唔高,現金流足夠,但股票既價值唔高係咩原因?
同樣3333恆大佢既負債極高,仲要成日用折賣樓,但佢又有咁多人投資?
如果股東權益大於負債,咁該股是否暫時沒有負債或債務危機,但是公司的發展與潛力就未知,只是知道沒有財務問題? 是否這樣理解 ?
想問下你對新能源股有咩睇法? 其實睇呢d版塊洗唔洗了解下國策或者拜登對能源政策既方向?
如果現價將2333既股票賣出再轉去175會唔會建議? 因為現狀感覺175既發展潛力比2333大,但不知道為何2333會比炒得如此高。相對2333,175現價是否較平?
Thx
龔成老師:
中國恒大(3333)這是一個高負債的例子,其實佢業務本身不算差,但負債太高。負債高其實有好有壞,當好景時,佢只是少少資金就可以賺好多錢,股價的上升可以好勁。
不過,當樓市逆轉,又或中央有時會出打擊樓市政策,加上佢本身負債極高,對佢有一定的影響。如果樓市有大少少的逆轉,可以對佢造成巨大影響,只是過往中國,多年來樓市整體向上,因此無事,但我地作為投資者,都不能無風險概念。
相反,一些低負債的內房,賺錢能力就會相對較低,不過在樓市逆轉時,佢地會較強。
所以,你要平衡風險與企業的賺錢能力。恆大不是不可投資,而是要明白風險,控制注碼。
至於吉利(0175),我相信長遠潛力度較長城(2333)好。吉利本身的質素不差,擁有一定的銷售網絡及品牌,不錯的市場策略及定位,而又能把握中國汽車市場增長的機遇。
長遠來講,佢的品牌與發展在中國仍理想,2018年,吉利透過旗下海外企業,動用超過$500億人民幣收購戴姆勒股份公司9.69%股份。由于戴姆勒股權結構分散,所以吉利已經成為了戴姆勒集團最大單一股東。這不單有利佢有中國發展,同時長遠,可能加快了海外發展速度。
現時價位在合理區頂,甚至有少少貴,股價波動,有貨可長線。最好回少少,或這刻小注等跌再加。
------------------------------------------------
Q20135:
老師, 你好。以往年少無知,成日聽人講號碼就買,以至蟹貨好多年。
可以請老師就以下的股俾啲意見嗎?
繼續持有/止蝕? 謝謝
338 上海石油化工股份 $5 X 20000
939 建設銀行 $6.54 X 15000
945 宏利金融 $151.5 X 300
2628 中國人壽 $30 X 2000
484 雲遊$44.2 X 600
1359 中國信達 $4.08 X 7000
6 電能 $67 X 1000
1826 旭通控股 $2.2 X10000
龔成老師:
首先你要明白一個概念,我地持有一隻股票與否,關鍵位是企業質素、前景,不要被買入價影響。買為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
上海石油化工(0338)、建行(0939)、中人壽(2628)、電能(0006)質素是有的,但增長力就唔算強,你要睇翻自己的投資目標,去決定這些股持有多少。
宏利金融(0945)有質素,可持有。
雲遊控股(0484)中國信達(1359)質素只是一般,增長力不強,宜減持。
旭通控股(1826)業務不太好,賣出較好。
------------------------------------------------
Q20136:
老師 想同你請教下
最近思考緊個問題
現時越來越多人知道價值投資 同時都越來越多人使用價值投資
咁嘅情況下 其實係唔係價值投資越來越難實現?
龔成老師:
如果愈來愈多人用價值投資法,的確我地賺錢會難左,因為好散再因為市場的無知而能夠買到平野。
不過,就算多人用,始終都是有限的,香港仍是短炒為主的市場,所以我地仍有一定的獲利機會。
睇翻巴菲特,同價值投資法70年,成為全球投資最賺錢人已經好多年,已經話比全世界聽,價值投資法最賺錢,不過,仍有好多人仍然是短炒,多年都是這樣,你打開電視就知,因此,只要仍有人短炒,我地憑價值投資法賺大錢的機會仍在。
------------------------------------------------
Q20137:
龔sir你覺得這樣的組合怎樣?
係潛力股中我想係組合樣樣有D,但銀碼唔會好大,這樣會不會散得滯,唔夠集中呢?
港鐵:$2000
領展:$2000
盈富:$2000(我見龔sir FB都經常比較建議月供呢隻)
安碩恒生科技:$1000
中生製藥:$1000
港交所:$1000
福壽園:$1000
月供總供1萬元
龔sir你覺得這樣的組合會唔會更好D嗎?感謝指點,非常感激,另外我已經報讀左基礎班, 期待期待
龔成老師:
你現時的股票,都是有質素的,投入金額及配置比例都適合,你可以進行。
由於ETF是一個組合,因此就算佔你股票組合比例較多,都無問題,例如盈富(2800)、恆生科技ETF(3067),當然,如果你有選股能力,就不用太多ETF。
現時你的組合無問題,配置正確,你保持進行就得,當然要同時留有一定的現金,等你在大跌市時可以把握到機會。
股票班見!
------------------------------------------------
Q20138:
Hello, 老師你好!本人43歳, 月入$33000, 單身, 與家人同住, 現持有以下股票:
0003 2000
0005 2000
823 500
1038 2500
2388 1000
2800 4000
1299 800
1177 10000
939 5000
現月供 0003 $1000, 1038 $1000, 2800 $2500, 2382 $2500
儲蓄互助社, 現月儲$7800
現持有30萬現金
1) 想問現在持有的股票和月供股票有需要調整嗎?有需要考慮其他類別的股票嗎
2)我本身沒有買保險及基金, 現考慮要不要參加自願性供款, 或自願醫保? 想問一問意見, 應該減少月供股票/月儲現金, 投放在自願性供款/醫保?
之前曾月供比亞迪, 在90元已經全部放了, 之後已經不能在低價買入, 很可惜!
感謝老師幫忙
龔成老師:
1)當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你現時較多在收息類股。
其實以你的年齡,並不是無增長力的,因此,你應該加強翻少少增長力(當然不是太進取)。
你可以考慮加入每月月供安碩恒生科技(3067),$1000-$1500。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
不過,現價都唔平,大約在合理區頂至略貴,因此,這刻不能大注投資。最好的策略,就是月供,或自行分注小注慢慢收貨(例如每月買一次、或2個月買可次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
2)我地理財,最重要是攻守兼備,你保險,是理財其中一部分,因此,是需要的。
不過,「足夠」就得,唔需要過多。所以,當你分析想買那些保險時,最重要是自己的需要,那些風險你不想承受,想轉嫁比保險公司?這就是你的思考方向。一般來說,危疾、人壽保險是需要的,而儲蓄成份,就不一定要。
------------------------------------------------
Q20139:
老師,因為股市高己放左手頭上大部新科技股, 現想買地產16,1997,1972 同14 請問如何選擇其一?
謝謝你
龔成老師:
其實幾隻都可考慮,都是有質素的,不過中短期未必強,但長遠會慢慢好轉。
如果較平穩,就新地(0016),如果增長力高少少,可考慮,希慎(0014),因為佢銅鑼灣較受影響,疫情過後好轉情況會較大。
------------------------------------------------
Q20140:
你好!想請問1971買唔買得過,見佢發盈喜 全年純利同比增長唔少過6成,又冇跌穿招股價,行緊三底上升軌
睇見公司兩位大股東12月以平均價4.8增持四次,可以嗎?
龔成老師:
無跌穿招股價、行緊三底上升軌,都不是分析因素,唔好信這些分析。
兩位大股東增持,只能說是一些加分位。
我地最重要是分析「企業的業務本質,長期發展」。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
股權金字塔 在 龔成 Facebook 的最佳解答
【龔成問答信箱】(Q16301-Q16320)
Q16301:
老師,我係股票班學生,希望請教一下你認為香港鐵的客運業務,看EBIT 還是EBITDa 比較有代表性
另外,我見 2017 兩條新鐵路綫通車使折 舊及攤銷費用大增,導致 EBIT 下跌 35.6% 至 16.56 億港元。
在看港鐵的年報看到這一段,這是否反映建設新鐵路的成本十分高,帶來的票價收入增幅不足以抵銷攤銷成本,反映新鐵路單看票價來看的成本效益不高?
龔成老師:
由於當中有一定的資產,所以我地在分析時,會偏向運用「EBITDA」,代表性會比較高,同時,如果要比較外國的同業時,可比較性會較強。
當然,我地在分析時,EBIT都有作用,配合其他財務數據分析時,往往有更立體的分析。
其實鐵路的折舊一向好大,當成本大時,每年的成本都大,過往佢票價的升幅不少,可抵消不少成本的增長,但近年的情況分析,佢將來加價的力度未必有過往般強。
港鐵(0066)長遠的增長力,的確無過往的強,但仍有質素,仍可以平穩增長的。
------------------------------------------------
Q16302:
老師你好 聽聞朋友分析 由於中華煤氣 由以前集團將沿用多年的10送1紅股改為20送1 咁既情況下 朋友分析話月供股票 供夠1手就好停 襲老師你點睇呢? 我個人認為就唔應該停 始終都係一隻優質股票
不過我係唔會賣左依隻股票 依加係到煩惱緊 究竟供緊1手 就係咪唔供 放係到算? 唔該
龔成老師:
其實煤氣(0003)仍是有質素的股票,但增長力弱左,而佢改為20送1,反映增長力可能減少左,但不算差。
香港業務不強,但中國部分不差,中短期雖然較一般,但見佢的長遠發展力仍在,但就要耐心點。
由於佢一向都穩定派「相同股息」,在這情況下,反映派息的增長會少左。但整體來說,這企業仍是有質素的。
我睇翻佢近年在中國的投資,仍是保持進行的,每年都有幾十億,這些投資不會好快就見到收成,但這企業就仍是發展中的。我對佢長遠發展仍是正面,只是增長力的問題。
你仍可以供,只要合理佔你財富比例不要過多就得。
------------------------------------------------
Q16303:
龔成老師,如果要建一個投資組合,請問大約要選多少隻股票組成一個收息組合;
另外分注投入是要等待股票價格一次比一次低時入場嗎;
因為都是近兩個月才開始留意及學習投資知識,也對老師的投資理念產生認同感,請問如果我想購入老師的書籍學習,應該按那個順序去閱讀,謝謝老師
龔成老師:
首先,我地要建立一個長期的投資組合,當中都是有質素的股票,同時考慮自己的風險承受能力,去決定點設計。在股票數目上,如果金額不算大,可以5-10隻,如果當中有盈富(2800),數目可以減D。
至於買入技巧,分注就是分開多次去入,例如你將一筆資金,分或3次,每隔2個月入一次(這叫時間平均法)。
如果用「價值平均法」,例如現價買入一次後,每跌10%再入多一次,但要預早設定金額上限。
書方面,你可以睇《股票勝經》、《80後百萬富翁》。
------------------------------------------------
Q16304:
龔sir:你好呀! 我是澳門住, 澳門月供股票係咪比較貴啲所以就唔好月供股票! 本人今年44歲, 結咗婚, 月入三萬幾蚊一個月, 有一個仔,一個女, 有參加補習社三千幾蚊一個月~
兩個人, 星期六日有其他 興趣班 舞蹈班, 英文班! 亦需要比錢!
本人而家供緊樓, 一個月供一萬蚊左右, 我唔係自己住層樓,層樓租咗出去每個月六千蚊, 我層樓係用嚟投資㗎! 有一個工人每月4000元, 其實一個家庭 消費都好犀利, 私家車每月租2000元
電單車700元, AIA保險公司每年儲蓄 七萬幾蚊, 共五年等到退休嘅時候用, 現在供左工作三年, 仔女保險加埋自己大約一年六萬蚊左右, 一個月柴米油鹽 燈油火蠟!
一個家庭開支必須用呀, 我現在手頭上現金大約係八至十萬左右啦! 其實我冇乜洗費呀!
啲洗費都係用係家庭開支呀! 我覺得有家庭都好難話 儲得多錢因為家庭開支係必需嘅! 我現在手頭上現金唔多點樣可以將啲現金 買股票滾大去! 本人工作做多十六年!
60歲要退休! 請龔sir比多啲寶貴嘅意見! 指導下小弟! 謝謝龔 sir的幫忙! Thank you so much
龔成老師:
有負擔的確在儲錢上會比較難,不過,你現時只是44歲,離60歲仍有一段時間,你仍可以把握。
由於你本身有物業,因此在財富配置上,應該投資股票,如果澳門月供股票較煩,你可以自行分注去入。例如,你每儲幾個月錢,然他就入一手盈富(2800),如同儲盈富的模式,之後,當現金去到較多的情況下,就買入部分優質股。
銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
你利用16年時間,去盡力儲積一些優質股。
當我地進行人生財富累積,會運用「先增值,後現金流」作方法,初期應投資較多增值類資產,而較年長的,則應投資較多保守類項目。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
其實,以你的年齡,財富仍有一定的增值力的,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16305:
成哥。請問
1)國泰有危機又面對破產時,香港政府出手救援,甘國泰會唔會似港鐵甘優質左,護城河又勁左。。現會唔會小注甘投資好?
2)巴菲特放棄航空,及現況以上處境,成哥你又點睇?
謝謝
龔成老師:
1)坦白講,國泰(0293)的質素只是一般,就算佢重組,得到新資金,只是比佢「捱過這一關」,並不是賺錢能力方面有改善,長期的質素仍是一般般。
這是一個長期的問題,航空業始終唔太好賺,加上風險不少,因此唔太建議,就算佢行業地位強左,行業本身唔賺錢,都無用。
2)我一向都唔睇好航突業,你見《50股》是無一隻航空股的。我相信巴菲特認為這行業的風險度增加,投資價值減少左。
------------------------------------------------
Q16306:
成哥:請你幫我睇一下。以下的股可以入嗎?1955莊臣控股,2822美高梅。0200新濠。本人有49萬。
龔成老師:
莊臣控股(1955),是香港的環境衞生服務供應商,主要提供以下類型的服務:(1)樓宇清潔服務、(2)公園及康樂中心清潔服務、(3)街道清潔服務、(4)院校清潔服務、(5)其他清潔服務。
睇翻佢的財務數據,生意增長力不強,盈利略有下跌的情況,獨特性不算好強,投資價值只是一般。
美高梅中國(2282)現價合理,有質素,可以投資,新濠(0200)都有質素,可投資。不過,你唔好將資金集中同一行業,一般來說,同一行業佔你組合3成已可以。
你可以再研究點分配資金,唔好急,資金要有效運用。
盈富(2800)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16307:
龔成老師,我早前買左9988阿里巴巴,買入價207蚊。請問老師覺得9988係優質股嗎?可長期持有?
有朋友話阿里巴巴早年私有化事件。如今再上市係老千股。老師又有咩睇法?謝謝。
龔成老師:
阿里(9988)有質素的,有增長力,當年佢私有化再上年,當然會扣分,但這類財技,最大的效果是高價格上市,低價私有化。
只要利用合理估值,不要在上市後立刻入,就無問題。這股的合理價在$180以下,你買入價略貴,但如果注碼不多,可以守住先。
之前我寫過在這股的分析文,你可以睇睇:
【阿里巴巴的投資價值】
簡單來講,阿里巴巴可以話有4大業務部分:
1)商業業務
2)雲計算
3)數字媒體及娛樂
4)創新業務
阿里巴巴不少業務都處於有優勢的地位,同時擁有一個超大龐大的客戶群,可說擁有很大的業務優勢。可說在不少範疇,處於一個壟斷的地位,這點令企業處於很大的優勢局面。
另外,業務仍處於一個增長階段,加上本身擁—個龐大的客戶基礎,這對於延伸業務的發展十分有利。
當手持龐大賬戶,就是擁有了巨大的客戶基礎,擁有了大數據,無論發展增值服務或其他服務,也有很強的優勢,而這些延伸的業務,正是價值所在。
--4大業務理想--
就阿里的4大業務來講,仍然處於一個增長階段,商業業務為企業的最大貢獻部分,而這部分擁有的客戶基礎及數據,則會為餘下的3大業務,產生持續的增長。
只要最核心業務保持優勢,其餘業務發展就理想。就過往的財務數據來分析,商業業務仍處於增長狀態,同時有一定的現金流,同時已建立一定的優勢,地位不會動搖。阿里的確有一定的優勢,同時仍有增長能力。
不少延伸部分仍有很大的潛力,而核心業務部分,相信會保持增長一段時間。因此,這企業是有潛力的企業,同時本身有質素。
--財務數據理想--
整體來說,阿里的財務數據不差,業務仍處高增長狀態,加上有實際的盈利,有理想的現金流。
整體來說,阿里都處於理想的增長狀態,收入、經營利潤、盈利,都保持理想增長,這點雖然利好,但投資者不能盲目認為企業會超高增長,同時要理性分析財務數據。
大家要留意,在招股書公布的第二季業績顯示,盈利十分強勁,比去年同期倍升,不過,當中包括左來自螞蟻金服33%股權的特殊收益近700億元人民幣。如果扣除了這些一次性後,盈利約為329億元人民幣,按年上升4成。
--投資策略--
整體來說,阿里的業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但在現價略貴的情況下,投資值博率只屬中等。
當然,這股增長力強,只要業務與盈利大增,之後就算股價不變,都會慢慢調整到合理的估值區域,所以,這刻不是全無值博率,只是值博率不算好高。
對於這類優質、有發展,但現價略貴的股票,小注投資是較好的方法,算是平衡了風險與增長的考慮。這股可以長線投資的。
------------------------------------------------
Q16308:
龔sir你好,我是投資新手,現持有3手金莎(1928),想選擇多一兩隻股票,再投資一兩手,現時以有升值潛力的收息股為選擇條件
打算最少持有兩至三年,想問一下以下股票哪些可以作考慮?謝謝解答!(0001,0012,1038,2800,0010)
龔成老師:
金沙(1928)你可以長線持有。
之後要再加股,你首先應該加入盈富(2800),因為這是一個組合,可以平衡你的風險。另外,你可以考慮加入恆基(0012),這是不差的收息,長遠有基本增長能力,相信是適合你的。
------------------------------------------------
Q16309:
老師你好,剛開始留意你的page
有問題想請教下
本人26歲 儲蓄約有8萬現金 月入約2萬多 一個月約儲9000$ 應該月供 定 一手手咁買呢?
本人希望於30歲時 儲到70萬(或更多) 去買樓及結婚。 買平穩股 還是 潛力股?
比例分配如何較好?
謝謝老師
龔成老師:
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。
如果你無乜投資經驗,做月供股票較好,較有分散風險的能力,每月$8000。而現金就唔好動用住。
你可以考慮盈富(2800)$4000。
另外再加2隻(每隻$2000):銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
如果你不懂股,就集中供盈富$8000。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16310:
老師,其實自從留意你的網站和睇你的書(除咗最新那本未買,不過50系列和年報勝經尚未睇),自己的而且確係對買股票安心咗,但當聽到滙控這大藍籌股的震撼消息,心真係痛。那些垃圾股輸了是抵死的,但有實力的都會這樣就好擔心,開始動搖自己的投資方向。
雖然我都有一定「股齡」,但每次都係聽朋友講number,結果合股⋯⋯全軍覆末。
舊年睇完老師的分享,開始買老師建議的股票,都是優質,心定。所以我見到低價時都入一手儲備,我相信將來一定有回報的。
我的朋友加按自住樓來炒股,佢話隻376 平平地係3-5元上落,好炒。我睇佢年報過去無業績,雖然評語無問題,但我話輸不起,不再考慮,因我知道佢係5X入咗滙控,近期唔開心。但我鼓勵佢睇老師的書,了解投資世界是要平穩保証才最見效。
我係進階班學生,最後一堂老師的心聲分享對我好大感觸,老師都是慢慢累積經驗來豐富自己的資產。我才鼓起勇氣臨走之前都要親自多謝老師,因為你不是在吹水,好多分析員講完就算。
我一定keep 住1177,再不會只賺一倍就放,我期待將來倍升的豐收。謝謝您。
龔成老師:
所有股票都有風險,點解我話要建立一個平衡的組合,每隻個股唔好多個過15%佔比,就是大企業都會出現我地難以預計的風險,只有建立平衡組合,先可以減少相關風險。
當然,都要學會選較優質的股票,建立強的組合。每個人都要不斷學習,不斷進步。
希望進階班可以幫到你,當中內容我用半年時間建立的,你要溫書先有效發揮到裡面的要點,並加以運用。這是一個不斷學習的過程,祝你不斷找到倍升股!
------------------------------------------------
Q16311:
背景資料:
23歲
40萬股票,10萬現金
每月儲8千
不想月供,只在合理價底部和便宜區買,有耐性
五年後可以有多少合理回報?
比亞迪: 平均37.5,6手
金沙: 平均31.3,5手
港鐵: 平均40.4,3手
領展: 平均68.1,3手
恆基: 平均35.1,1手
盈富: 平均25.2,2手
恒生: 平均160.1,1手
中銀: 平均24.8,1手
請阿Sir有時間幫手睇吓我嘅分配是否正確?
雖然學了很多,但落手實行的時候都是心態亂了點,雖然是合理價,但如果能在便宜價才入就更好,耐性不夠好。
銀行股和恆地不會再買,
因為恆基少了10送1,
不想把錢分太散,
所以不再買銀行股。
阿Sir可否給一些建議?
(正在儲錢再上堂)
龔成老師:
你23歲,可以進取少少。
上述的持股,基本上都是有質素,可以長線投資的股票,你長期持有就得,希望5年後有60%-100%的回報。你可以增加潛力股的比例,但就唔好只集中在比亞迪(1211)。
銀行股不是無質素,但增長力及賺錢能力不及過去,所以,不會持有太多。
恆基(0012)仍是有質素,當然,增長力減少左,預期佢中短期都是弱,不過,這股是睇長線及超長線的。
至於無左送股,其實對企業本質無影響,只是左手右與右手數的問題,不過,這反映佢增長力方面弱左。
這股不是無質素,單計佢手持農地是全港最多的發展商,就明有一定的價值,當然,農地要發展要好長時間,所以先話這股要好長線。
你現時持有$10萬現金,在比例上不算多,暫時入貨唔好急。
你唔月供股是可以的,但要懂得自行分注去入,同時留有一定的現金。
另外,以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16312:
成哥想問之前睇個本書,百萬富翁第一隻,書有一頁提及怎樣選股,有一條公式市盈率除唔記左係咩?
之後就細個一個數值同埋roe每年keep住20以上,想問可唔可講返條公式我睇下,我想搵定d有潛力股票又合符標準,因為我以下發掘過聯想, 蒙牛乳業,華潤置地呢3隻
指標大過1可以作參考?
龔成老師:
你最好睇一次《股票勝經》,當中會更詳細教你選股及一些基本的購務比率。
當我地選股時,ROE(股本回報率)是其中一個指標,這指標愈高,反映企業賺錢能力愈強,我地一般要求有12%,唔好止睇一年數字,要睇5年。
至於你所講的市盈率大過1,這個叫做「市盈增長率」(PEG)。
公式:市盈率÷每股盈利增長
例如市盈率是20倍,平均的每股盈利增長是10%,PEG=2
當指標大過1時,就是貴。
這公式有兩點要注意,第一,只適用於高增長股,第二,只是輔助的估值方法,只作參考,不是估值的核心,一定要同時用其他估值方法作核心。
------------------------------------------------
Q16313:
龔sir, 在你的著作股票勝經中,有提到主動式買入策略包括時間分注,在恐慌期分注及價格分注
1)請問時間分注除了以分,例如每三個月就買入一注,另外以月供分注(即將資金平均在12個月用月供的形式買入)可行嗎?
2)請問恐慌期分注的具體做法係點,與時間分注同價格分注有咩分別?
雖有書提到金莎例子,但請問買入的考量係咩?
3)你有提到金字塔式的買入,越平買越多手數,但有啲股票一手很大,應該買唔到咁多手,咁應該如何調整呢?
4)以現時市況,你的買入策略會係點?
5)你亦有提到股市週期,以你經驗,請問係咪每次都會完整經歷一次呢。即係熊一,二,三之後先會牛一,有冇可能熊一,二之後就轉牛一呢?謝謝!
龔成老師:
1)將原本一筆的資金,分成多次,每隔相同時間買一次,例如月供,又或自己每隔2個月入一次,都是時間分注法。目的是減少個人主觀的分析,將買入價平均,減少風險。
2)在正常時期,會一邊買股票,同時一邊留現金,又或唔買股票只留現金。
恐慌期,就是除了正常的買入股票外,還會動用「儲備」去入市,加大力度去掃貨。要睇翻到時的市況,自己的資金,簡單來說,就是加大力度去入,可能都會分注,但每一注的資金較大。
3)這類股要月供,利用控制金額先得。
如果唔月供,要利用這些方法分注較難,因此要等跌多少少先考慮。
4)現時大市處合理區,入貨的力度唔會好似之前咁大,慢慢分注入就得,但就要同時留有現金。
5)在過往,正常經濟運行年代,的確是熊一,二,三之後先會牛一。但到近代,情況已不同,因為人為的影響太大,例如政府的影響,所以,熊一,二之後就轉牛一,可以。
------------------------------------------------
Q16314:
你好老師!如果想要買一隻穩健的收息股,港燈和中電哪一個較好?股息率分別到多少才值得貨?
現在還有其他高息藍籌值得推介嗎?謝謝!
想要至少4-5%息率,謝謝!
龔成老師:
兩隻都是不差的收息股,中電(0002)增長力比港燈(2638)高,而港燈股息方面會較穩陣,所以要睇你要D乜。
如果要其他高股息,可以考慮:金沙(1928)、恆基(0012)、長建(1038)、置富(0778)、陽光(0435)、香港電訊(6823)等。
------------------------------------------------
Q16315:
龔成老師,你好....我係投資BB班,啱啱先開始睇你的<<股票勝經>>(未睇曬,去到Ch.5)....想趁呢次肺炎危機入市, 但嗰市好似開始升返,我怕等我睇完曬 你的<<股>>, 2本<<50>> 先開始入市會錯過咗今次機會, 請教點做好?
我想即使未讀都做住月供股票先...打算供2800, 435....我目前得5萬現金可用, 係咪好弊?
我簡介一下, 數年前我有一份月薪30000的工, 每個月儲到8k-10k...唔識投資,最多做定期1年收2-3厘息.....
本來都儲到50萬....點不知由於某些原因, 我失去9成我嘅儲蓄,而且屋漏兼逢夜雨, 連嗰分"優差"都失去埋, 而家份工月薪比嗰時足足少咗10k !
有冇方法可以喺短時間例如 (3,4年內)可以將我唔見咗嘅搵返返嚟?
可能好長,老師你未必有興趣了解..但我自己感到以上悲劇(失去積蓄,較高薪工作,年紀變大(30 going to 31)....我好想收復失地, 之後再攞嚟投資落去, 求你advise指教應該點做?
Thanks for take time to read it.
龔成老師:
每個人都有唔同的經歷,你唔好太著重過去,要睇前面!
你30歲,仍是一個好黃金的年齡,我收好多讀者問題,佢地的情況遠比你差,但都會好努力做好理財,希望可以追翻時間!唔好停在過去,你只要而家努力,將來可以變得好強!
你先做月供股票,只要每月用部分資金,一邊月供,一邊儲現金就得,無人知大市之後會升翻定大跌,但現時做月供,是可以。只要你同時有一定的現金剩就得。
你現時現金$50000,唔好動用,大跌市先出手。
同時,你可以做月供股票,每月$7000。
你可以考慮盈富(2800)$2000。
另外再加2隻(每隻$2000):銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
如果你不懂股,就集中供盈富$7000。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16316:
老師我仲有7年退休,現有股票3号煤氣可惜17元入 另外有939, 1093三隻股票 ,想請教老師我現在月供股票可以嗎?
經常聽老師月供最少5年以上,我想在我退休之前可以增加我嘅財富 本人現金可動用4O萬,請老師指教我供那幾隻股票好,謝謝
龔成老師:
現時你持有的,都是有質素的類別,你長期持有就得。
由於你有7年就退休,這刻應該開始準備,你應該集中投資「收息股」。
你現時的$40萬,可以投資收息股,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、匯豐(0005)、置富(0778)、陽光(0435)都可以。
如果你無投資經驗,就可以用月供的方法,每月供$8000-$10000,原理是將你手上的$40萬,以月供模式分段去入市。
如果你對投資有基本知識,就可以自行將$40萬,自行分注去入。現時大市處合理區,可以一邊投資一邊留現金,而餘下現金的運用,就是等大跌市時出手。
------------------------------------------------
Q16317:
成兄,澳門股想入返啲長揸,睇左六大賭股嘅數字,揀左三隻金沙/銀河/新濠。
好多時見你推介金沙/銀河,但好少見係推介新濠。
我想買新濠,可否俾啲意見?
如果三揀一,買邊隻好?
龔成老師:
其實6大博彩企業,本身都有一定的質素,只是金沙(1928)、銀娛(0027)最睇好。無論是穩健度,風險,長遠的增長力,銀娛都是較好的。
至於新濠(0200),都是正面的,但增長力就唔算好強,現價仍是合理的,你都可以考慮。
------------------------------------------------
Q16318:
我今年29歲 其實我組合左個餅 我有150萬
我想月供10000元盈富
2000中生製藥
2000比亞迪
2000中國鐵塔
2000阿里巴巴
以上係我知道年輕時要較多增長資產
另外我亦想一手手入既平穩增值股 每2至3個月入一次 但有好多我都有興趣 吾知會吾會太分散全部股票
中銀香港、銀河娛樂、港交所、港鐵、粵海、煤氣、恆基、領展
以上所有都有想入 請問我呢個餅全部加埋有13隻股 會吾會太過分散?謝謝你
龔成老師:
上述都是有質素的,方向正確,而我會建議你優化少少。
第一,加入盈富(2800),這基金可助你組合平衡,要保持長期進供。另外,你29歲,進取少少都無問題,但你要明白當中的風險,你想加入的4隻股,都是有潛力的,如果每隻供$2000無問題。如果見到大跌時,可以一手手模式入。
至於其他股,你可以選3-5隻,恆基(0012)、銀娛(0027)、港鐵(0066)、港交所(0388)、領展(0823)都可以考慮。
另外,以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16319:
老師請問1708如何?
老師見你推薦1686現價5個幾可入?
2388同3968兩隻詳價入邊隻好d長持有
龔成老師:
三寶科技(1708)主要係中國為智能交通與海關物流等應用領域,提供基於視頻識別及射頻識別技術的解決方案。
業務不是差,但股價太過波動,之前估值太高,同時規模不是好大,怕佢的技術較易被取代。整體質素算是中等。
新意網集團(1586)$5是合理區的中上部,$5以上小注好了。
中銀(2388)現價可分注,招商銀行(3968)都是,兩隻都有質素,招商長遠增長力略高。
------------------------------------------------
Q16320:
老師,小弟以前不懂投資,過往經常炒一些窩輪,一心想炒到一筆首期,結果當然無啦。
雖然我現在43歲,但我有一個目標是能夠買樓,而且在60歲可以供滿層樓。
其實我怎樣才可以買樓呢?物業budget500萬,現在有10萬現金,好像有點難道,希望龔成老師能解答小弟的問題
龔成老師:
財不入急門,你之前太急,所以有反效果,現時都唔可以急,要一步步,合理地進行理財。
你可以由最基本的儲蓄開始,因為你這刻本金不多,要強行投資高風險產品滾大首期,並不是正確方法。
你只有想方法增加儲蓄,同時合理投資,建議你投資平穩增長股,例如盈富(2800)這類別。我反而建議你想方法「增加收入」,兼職、小生意、轉工等,都是你的方向,你43歲,事業仍有最後的突破機會,好好想清楚。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
股權金字塔 在 柴鼠兄弟 ZRBros Youtube 的最讚貼文
🐱如果2317鴻海叫做國民股票,那0050應該可以叫「國民ETF」了吧😃
而且它還有一個常被拿來比較的同門師弟「0056台灣高股息」專收高殖利率的大公司🙈
但究竟是0050的大市值好,還是0056的高股息比較優?這一集柴鼠先從最重要的三個差異說給你聽🤓
▶︎0050和0056選誰好?關鍵在這家公司(下半場)
https://youtu.be/UA_btOz4uho
▶︎期交所台股權值排名:
http://www.taifex.com.tw/chinese/9/9_7_1.asp
▶︎台灣股市資訊網(殖利率查詢):
https://goodinfo.tw/StockInfo/index.asp
▶︎投信公會(ETF週轉率查詢):
http://www.sitca.org.tw/ROC/Industry/IN2302.aspx?pid=IN2232_01
▶︎鉅亨網小資理財新手村-定存股(柴鼠直播)
https://www.youtube.com/watch?v=FShtIdhb-eM&t=1527s
夯翻鼠FQ ►ETF系列
【FQ11】ETF基礎篇-就是便當的一種https://youtu.be/HDz6xAbNQ70
【FQ12】ETF進階篇-槓桿型/反向型ETF https://youtu.be/y1WwEhg1fqk
【FQ15】0050 pk 0056選誰比較好?上集 https://youtu.be/I-D1GmzzRKc
【FQ16】0050 pk 0056選誰比較好?下集 https://youtu.be/UA_btOz4uho
【FQ17】從0056捕獲高股息不死鳥 https://youtu.be/hM3wemKQT-8
【FQ32】買反向ETF等黑天鵝?先聽鼠說完鬼故事再決定https://youtu.be/kKUjclzcurk
【FQ33】十大配息ETF排行~填息最快的不是0056 https://youtu.be/_j2HR9xUafY
【FQ37】0056最新成分股更新分析 新同學來了!
夯翻鼠FQ►台股基礎系列
【FQ30】股票怎麼買?600秒學完台股交易基礎 https://youtu.be/zEDJ7LBZO4M
【FQ31】股票1元不是你的1元~搞懂零股先從除權講起 https://youtu.be/R0NAdlmZ70s
【FQ2】存股一定打敗銀行定存?常被忽略的三個弱點和一個關鍵 https://youtu.be/kF6XomSRcUw
【FQ6】存股如何決定進場時機?2018台股萬點對新手的意義 https://youtu.be/9QxXoD3zTks
【FQ1】什麼是利率與殖利率? https://youtu.be/yd3fZRrjzGM
【FQ4】存股怎麼選?新手秒懂的放山雞選股法(基礎篇) https://youtu.be/854HH85QCdU
【FQ5】台股殖利率排行前三名是他們⋯放山雞選股法(網站實作篇) https://youtu.be/cY0P5fh-d9o
夯翻鼠FQ►儲蓄系列
【FQ29】從0%到5%保本儲蓄工具PK~(定存/外幣/儲蓄險/貨幣基金) https://youtu.be/H53540h21rA
【FQ23】利率明明一樣 定儲利息贏定存的原因~(正港懶人投資) https://youtu.be/W7k1TntmInk
【FQ3】匯率霧傻傻?先換起來放?錢被銀行默默吃掉的三個秘密 https://youtu.be/U8wLmL6PKnI
【FQ28】匯率表有隱藏數字@@” 高利外幣定存前先注意這三個率~ https://youtu.be/07NBkJNiHqs
【FQ21】投資理財必學的升息&降息~(央行vs美國聯準會FED) https://youtu.be/E64cTPnojWc
夯翻鼠FQ►理財系列
【FQ9】告別負身價~鼠先教你畫這張圖(理財起手式) https://youtu.be/W6Zq6dlolrE
【FQ10】再也沒失敗的~滿月記帳法 https://youtu.be/juLfUYkCVDI
【FQ20】理財先理信用卡~循環利息和最低應角算給你看 https://youtu.be/15s-TAyOssg
夯翻鼠FQ►基金系列
【FQ18】新手買基金學什麼?這三個能力最值得 (粽子投資法) https://youtu.be/MI3YjuXlr3c
【FQ8】定期定額超過二年就GG?因為很少人注意這二隻Bug https://youtu.be/U_A95yWC2eI
【FQ19】覺得基金很難選?讓AI來吧~(推薦新手) https://youtu.be/uxYrR-TFTVo
夯翻鼠FQ►台股進階系列
【FQ14】參加除權息可節稅?2018稅改股利申報二擇一制https://youtu.be/DDNZACHMDog
【FQ13】大牛不爽領股利?股票除權息的各種股民~https://youtu.be/Huyej6CHgFs
【FQ7】2018二月全球股災~黑天鵝是機器人? https://youtu.be/FlY7Ms53wyI
【FQ22】三大法人不是三個人啦XD~吻仔魚跟著鯨魚怎麼賺錢? https://youtu.be/2XOI0ipIML8
夯翻鼠FQ►股國四面系列
【FQ24】要聽懂股票國語言先學金字塔這四面(基本/籌碼/技術/消息) https://youtu.be/4jRM4Zze7Ng
【FQ25】股票怎麼選?基本面先問這三題 (股本/EPS) https://youtu.be/9Oew02e5uqg
【FQ26】新手學基本面二大指標 評估企業賺錢能力(ROE/ROA) https://youtu.be/VnYdpRMU8Y0
【FQ27】股票估值的基本面三大指標~(本益比/股價淨值比/殖利率) https://youtu.be/yUUO7dtFInk
【FQ34】徹底搞懂技術線圖七大元素~先從各種K線開始https://youtu.be/V__cjhFm0L8
【FQ35】判斷股價強弱的關鍵~先學會看均線https://youtu.be/ti8m7rJmB3E
【不用花錢也可以贊助柴鼠】
https://youtu.be/DGV964Fks2s
【訂閱柴鼠也是一種鼓勵】
https://ppt.cc/fUrThx
【柴鼠兄弟相關頻道】
YouTube頻道 https://www.youtube.com/c/柴鼠兄弟ZRBros
FB粉絲頁 https://www.facebook.com/zrbros
IG https://www.instagram.com/zrbros/
bilibili https://space.bilibili.com/130090309
愛奇藝 http://tw.iqiyi.com/u/1421309132
【聯絡柴鼠】
e-mail:[email protected]
#國民ETF #就是便當無誤
![post-title](https://i.ytimg.com/vi/I-D1GmzzRKc/hqdefault.jpg)
股權金字塔 在 埃及金字塔內部發掘大秘密千年歷史不看不行! 的推薦與評價
神秘的 金字塔 ,每看一次都要感嘆古埃及人的建造技術 #埃及# 金字塔 #卡拉夫- 影片授權:小红书刘小嘉暴走五十国完整 ... ... <看更多>
股權金字塔 在 3分鍾學投資】神秘金字塔股權-佛系教學篇陳飛龍feat.Momo 的推薦與評價
很多投資人喜歡用籌碼面去操作股票,但是看籌碼面也是有一些眉角要注意。這次還要介紹一個免費看籌碼的工具,免費又好用喔!1:00 籌碼的工具使用2:28 ... ... <看更多>