#肥仔下午茶
肥圍咖啡室 Patio Do Gordo Cafe
路環肥圍咖啡
路環肥圍咖啡，對比平時大家熟悉的漢記等等大路鋪頭，肥圍個位置相對唔就腳，搵左一陣先轉到入去。肥圍簡單大雅的裝修佈局，整體鋪頭地面大台細台加埋有6張左右，伙記就一個人唔係好夠，有時兩台同時落單有台就掛左係度等。肥仔總共去左3次，今次係第4次去，喱排撞正煙花匯演，路環市區旅遊流量比平曰多，期間路過橋記，漢記等等都爆左場，相反肥圍並無爆場，雖然無爆場，不過佢標磅係咖啡室但係並無茶記逼爆嘅感覺，略為偏帶有休閒嘅感覺，個人感覺幾好，襯托出路環悠閒嘅格調，遠離半島的鬧市人煙。
🍜吉烈豬扒拉面☕凍檸茶
環境🌝🌝🌝🌝🌚
服務🌝🌝🌝🌚🌚
味道🌝🌝🌝🌝🌚
價錢🌝🌝🌝🌝🌚
回頭度🌝🌝🌝🌝🌚
揣出黎拉面都係新鮮滾熱辣，吉烈豬扒都無出現低級錯誤直接連浸面上，分開兩個碟上。拉麵豬骨味湯底，顏色可以，湯底味唔夠濃，吉烈豬排顏色夠剛烈，齋睇都feel到又硬又乾，不過一入口就有驚喜，完全同想像唔一樣，並唔係又乾又柴，入口係脆口同鬆軟，即刻有加分，唯獨差左少少醬汁。不過炸物始終都係食完比較口乾，都要配杯飲野，咁就順路跟杯醉愛凍檸茶，份量算中大杯，茶底夠味，飲落唔覺有溝水之嫌，檸檬厚切四大塊，唯獨檸檬顏色偏白色唔夠黃有啲問題，整體價錢親民唔貴，路過路環嘅朋友，建議可以過黎坐下抖抖，嘆個悠閒下午茶時光。
肥圍咖啡
地址：澳門路環肥胖圍3號翠苑大廈地下A
肥仔下午茶 在 Fatty Ho - #肥仔下午茶肥圍咖啡室Patio Do Gordo Cafe 路環肥 ... 的推薦與評價
肥仔下午茶 · 肥圍咖啡室Patio Do Gordo Cafe · 路環肥圍咖啡 路環肥圍咖啡，對比平時大家熟悉的漢記等等大路鋪頭，肥圍個位置相對唔就腳，搵左一陣先轉到入去。 ... <看更多>