【#熊本縣八代市・二日目】自製 #熊本熊布袋 搭 #熊本熊火車
嚟到 #八代市 第二日，繼續響市內找尋 #營業部長 #Kumamon 蹤跡。
（#所有店鋪地址請響留言到搵啦！）
先嚟到熊本熊精品專賣店 #UNiX，聽講香港 #一田百貨 都有賣呢度嘅精品，不過講到熊本熊T恤同Polo恤，一定係原店至齊全。響度我哋見到2010年原版部長公仔（仲意外地遇到曬到小麥色嘅外國風Kumamon），仲可以親自設計自己嘅熊本熊布袋，短短30分鐘就完成，布袋仲有埋熊本熊精品嘅tag㗎！你哋睇下聲些嘅設計都唔舒蝕呱？老闆娘仲讚聲些可以拎出嚟商品化添㗎～wwww
整完手袋，戴住熊本熊Cap帽，嚟到 #肥薩Orange鐵道八代站，齊齊踏部長花樣列車 #くまモンラッピング列車。呢架列車每日有3班，除咗外面有 #くまモン 花款，入面仲有部長嘅雕像陪你搭車。輕輕鬆鬆搭到嚟 #肥薩Orange鐵道日奈久站，就嚟到著名溫泉區 #日奈久，先嚟呢間樓高3層，全木造溫泉旅館 #金波樓，呢度已經有成600年歷史，係全個 #熊本縣 歷史最悠久溫泉旅館！唔止有 #檜木風呂，仲用埋最出名嘅晚白柚浸溫泉水。充滿橘子香氣嘅風呂，加埋 #國際巨星 #和泉素行 一副健碩身材，聲些真係暈得一陣陣啦～
浸完溫泉食慾大增，嚟到同樣係老字號嘅鏡屋旅館。上年4月重新裝修之後，仲開咗靚靚餐廳 #Cafe百年通，呢度嘅洋式午餐由老闆娘親自打理，好食唔在講，用料烹調健康仲相當抵食，1500円有溫野菜、豆腐漢堡扒、蜆肉味噌湯，仲有飯後蛋糕加咖啡或果汁，身心充哂電，當堂成個醒哂！
飯後繼續響溫泉區閒逛，去附近物產館食完酸酸甜甜 #晚白柚軟雪糕 又有啲口痕，咁啱途徑勁出名 #竹輪 專門店 #とらや，試試熊本限定版 #ちくわサラダ，竹輪入面塞滿薯仔沙律 真係第一次試，聽講佢仲係熊本人必食嘅SoulFood，唔知 #尾田榮一郎 細個係咪都成日食嘅呢？wwwwww
今次聲些會送出呢個世上獨一無二嘅熊本熊布袋（Facebook + IG同時舉行）想得到嘅同學，請先like此post，然後留言講出鍾意部長大人嘅理由，聲些會揀出最有愛嘅一位，就可以擁有呢個布袋啦～
結果將於下星期二（3月26日）公佈，想拎袋嘅同學請踴躍支持喔。
至於想知聲些響八代市同部長仲有乜嘢奇遇，就要繼續留意呢度啦～
#除咗布袋仲可以嚟印部長T恤
#想整T恤要預約喔
#搭部長火車要check定時間表
#peggysensei
#peggy先生
肥薩orange鐵道八代站 在 日本自助旅遊中毒者- 觀光列車【おれんじ食堂】 肥 ... - Facebook 的推薦與評價
Day 2-1 JR九州新幹線800系/出水鶴觀測中心/出水麓武家屋敷群竹添邸/肥薩Orange鐵道おれんじ食堂. 南九州的行程第二天行程如下： Day 2 熊本鹿兒島中央站買土產–>鹿児島坐 ... ... <看更多>