呢一刻心情好沉重，估唔到咁快感受到大陸醫生嘅垃圾，而受害者就係我。
今日返工嘅時候收到屋企人電話，話老豆入咗院，我哋成家人都好緊張好擔心（因為老豆係長期病患者）
隔咗一陣我屋企打畀我，好驚咁同我講，有醫生打畀佢話我老豆情況好差，個肺花哂，可能今晚或者聽朝就會死，叫我哋做好心理準備。
屋企人唔係做呢一行，聽到醫生咁直接自然就好驚，然後我打上病房問護士，收到嘅資訊就係情況的確好差，但根據醫生嘅documentation就話肺無花
令到我有啲混亂，究竟肺係有花定無花？(搞到我忍唔住問多咗幾次護士，其實肺有冇花，做咗煩膠唔好意思🥲）
然後最令我震驚嘅係，我從護士口中知道醫生話我哋同意咗DNACPR(不作心肺復甦法)。我第一時間問屋企人，有冇人醫生同你哋解釋過，而你哋又同意DNACPR，係完全無。
我一直都好同意DNACPR呢樣嘢，但事發太突然，呢一刻我哋全家暫時都未想住，而最重要係我深信我老豆唔會同意。
我問返最初同醫生傾電話嘅屋企人，佢話個醫生係一個廣東話唔正，句子之間夾雜住好多普通話嘅人，而我屋企人都唔係啲無知識理解能力差嘅人，但佢話其實唔係好明佢講乜，但都100%肯定無同意過唔幫老豆急救。
所以我再一次打上病房（估唔到我都有一日做咗麻煩家屬🥲）想問返清楚成件事係點。隔咗一陣醫生打咗畀我，的確係一個操普通話口音嘅醫生嚟，我第一樣想知嘅係，究竟我老豆個肺有冇花，我唔想考究係佢表達得差，還是佢documentation做得唔好，只係想知道答案。對話如下：
我：「我想知其實我爸個肺係有花定無花？」
佢：「喂？喂？」
我：「我想問呀 我爸個肺有花定無花？」
佢：「喂聽唔到」
我：「聽唔聽到呀？」
佢：「係 聽到」
我：「我想問呀 我爸個肺有花定無花？」
佢：「喂聽唔到」
我：「聽唔聽到呀？」
佢：「係 聽到」
Loop咗3次，我嗰一刻感覺係佢根本聽唔明我講乜，所以扮聽唔到，當然可能係我誤會咗佢，i dont know
最後雞同鴨講一輪，先知道我老豆個肺真係花哂（佢話）而我都解釋得好清楚，呢一刻我哋未接受DNACPR，我哋一家唔係固執嘅人，唔會希望增加醫護工作量，更加唔想屋企任何人受不必要嘅痛苦，假如最不幸嘅情況發生，我哋絕對願意放手，但我唔知點解個醫生可以喺溝通出現問題，而又完全無解釋DNACPR清楚嘅情況下，直接假定咗我哋同意佢心入面嘅決定，呢樣係令我最不滿。
我講呢個經驗出嚟其實已經有少少自爆嘅風險
但我想借我自己嘅經歷，反映出一啲問題，同埋touch wood遇到類似情況，一定要問清楚，有時溝通上嘅問題，或者文化上嘅差異，可以完全扭曲哂成件事。
最後，除咗呢位醫生，我今日遇到嘅全部嘅護士(全部講純正廣東話)全部都好helpful，我想用病人家屬嘅身份同佢哋講聲多謝 麻煩哂🙏🏻
肺花 在 子女確診新冠後見「肺花」家長擔心有後遺症醫生：留意2個徵狀 的推薦與評價
... <看更多>