無敵金剛
好耐之前，電視台有套美劇「無敵金剛」，The Six Million Dollar Man，主角太空人岳史迪，失事之後受咗重傷，經醫生診斷，認為可以進行改造，將佢變成一個左眼右手雙腳，都與別不同嘅超人，呢次改造，卒之成功，𠵱家岳史迪，堅強敏捷智勇雙全。
香港有條茂利，唔計拗柴磨薑流蚊飯損手爛腳，佢都不遑多讓：
右手腕骨骨折 左大腿筋扭傷
左腳踭筋斷裂 慢性盲腸炎
右眼視網膜剝離 右眼瞳孔破裂
左眼視網膜破裂 第三節脊骨移位
急性心肌梗塞 右眼慢性青光眼
名副其實「廢佬」一個，用「廢」字形容我，太開心囉。皆因右手受傷，唔可以做功課；右眼擺咗隆胸矽膠，左眼穿窿做咗激光修補手術，唔可以再踢波；心臟爭啲聞到棺材香，唔可以再操勞囉，最適合懶過鬼嘅我；經過多次改造，卒之成功，𠵱家呢條茂利，唔敏捷，唔智勇雙全，但堅傻傻地，開心到死。
正所謂，天將降大任於斯人也，必先苦其心志，勞其筋骨，餓其體膚，空乏其身。揸住中指或宗旨做人：「天有不測風雲，人有旦夕禍福，塞翁失馬焉知非福，塞翁得馬焉知非禍，禍兮福之所倚，福兮禍之所伏。」咁就very good喇。
做人嘅嘢，今日唔知聽日事，有時啞仔吃黃蓮，有苦自己知，又或者自我安慰，開心一日，唔開心又一日，梗係要苦中作樂，逆境求生。
何況，知我莫若妻，老婆大人咁精明，結婚嗰時，同我買哂各類形式保險，七除八扣之後，仲有錢落袋，繼「開心足球」後，開創「愉快受傷」，除笨有精喎，如果唔係，人在江湖無保障，對社會家人自己，實在幾唔妥。
脊骨移位 在 長期採香菇，脊椎移位寸步難行 - YouTube 的推薦與評價
隱忍多年庝痛，AIRO精準3D導航給她新「身」!57歲徐小姐為菇農，長期彎腰工作，腰痛腳麻症狀已有4年之久，經長安醫院神經外科副院長李漢忠醫師診斷 ... ... <看更多>