前幾日，金毛強病咗。
一早起身就嘔咗一大鑊。
狗狗保姆帶佢出街大小二便，佢行咗兩步就攤咗喺地下，唔肯再行。嚇到個保姆即刻帶咗佢返屋企。
我埋去摸下佢，慘！仲發埋燒添。即刻打電話俾佢既獸醫。
姑娘：醫生今日已經fully booked。最快可以幫你約下個星期三。
我：吓！佢而家攤咗喺地下，發緊高燒，唔郁得喎！今日星期二，點等到下個星期三啊？佢會死㗎喎！
姑娘：我地幫你唔到，你試下打去寵物急救室啦。
我收線，馬上打俾急救室。
第一間：
姑娘：我地今日fully- booked。你試下第二間。
第二間：
姑娘：我地今日fully- booked。你試下第二間。
第三間：我地今日fully- booked。你試下第二間。
第四間：
姑娘：你可以即刻來。
我：（開心到想喊）好！我即刻來！
姑娘：好！啊！提提你：等侯時間4-5個鐘。
我：（想死）吓！4-5個鐘？！佢就來死㗎啦喎！
姑娘：咁你可以試第二間。
結果，我喺呢間急救室踎咗4粒鐘，個獸醫同金毛強又做超聲波，又做掃描，又抽血檢驗，搞咗一大倫，同金毛強打咗支針，俾咗啲消炎止痛藥叫我定時餵佢食，叫我返屋企等報告。承惠$1695美金。果一刻，我絕對有諗過擺低金毛強，借攞車偷走。
等咗2日，報告出來：金毛強對粟米敏感，導致急性腸胃發炎。
我搔晒頭。除咗狗糧同狗零食，我從來都唔俾我啲狗狗食其他垃雜嘢，金毛強點會食到粟米呢？
各位網友，有冇頭緒呢？
#狗糧 #狗零食 #急症室 #腸胃炎 #獸醫 #寵物急診室
腸胃炎止痛藥 在 急性腸胃炎自救的方法｜李宜霖醫師｜ - YouTube 的推薦與評價
2021.05.25 急性 腸胃炎 的症狀○腹絞痛○噁心，嘔吐○腹瀉○脹氣○發燒，畏寒○全身無力， ... ... <看更多>