是日令我好心噏嘅一張相。
自己一早出做嘢，餓到三點幾都叫可以返公司，買個外賣坐定定食個late lunch。我哋呢班雖叫坐office，但經常都外出工作見客嘅人，唔通攞住個飯見客，然後問佢哋：可否借個pantry叮飯？
辛苦搵嚟志在食，有時返工壓力太大，打工仔最期望除咗放工出糧，就係食lunch。公關公司返工無日無夜，好多時「放飯」就係我哋唯一嘅樂趣，每日嘅小期待。
下晝已係個page大家激烈討其實無得出街食飯，一啲都唔難。即使我都係餓多幾粒鐘，晏啲食啫，其實一啲都未算慘。但必須外勤嘅人，佢哋就慘囉！下晝有人攪笑地留言：「佢哋一向都係咁喺街食飯架啦！」喂，佢哋平日都有選擇，依家係無呀！鬧個仆街政府就梗架啦，但我更憎果啲：「我做到呀，我無問題呀，點解你唔得？」你得，恭喜你；但唔係個個得，只係呢刻受緊苦嘅未係你。
明明全城一早同政府講：封關救港！要檢疫！政府呢？等到第三波日日百幾人確診，甚至日日都有人死，先至話會正視問題。
為兩餐乜都肯制，醫飽個肚開工，差不多係基本需要。大熱天時，邊個想喺沙塵滾滾嘅街度食飯，何況今日仲落大雨添。平日外勤帶飯喺工作崗位度食，已經唔啱，政府一直無正視解決；依家大家係被迫坐街狼狽食飯，更加無能無理。
喺街真係乾淨過餐廳咩？餐廳出入量體溫，隔返板同適當距離囉！
乜Q都封，就係唔封關。
廁所爆渠，你封晒廚房大廳睡房都無用，啲屎咪又係咁湧入屋！仲要不斷俾肚痾嘅人係屋，點會唔成屋米田共？！
我唔期望政府俾飯我食，我只有絕望的指出，政府連俾我有尊嚴地自食其力都做唔到。
即使啖飯食得落，啖氣都吞唔落。
#自以為事的粉皮你咪又嚟 #呢度我主場心情唔好真係block9你架 #返返你最貼地最有智慧果度玩呢度唔啱你 #請對號入座 #全日條氣唔順咪惹我
