「你瘦咗喎」。。。「你真係瘦咗喎」。。。我這個星期聽到取令人振奮的一句說話，多謝你哋話我知！因為連我自己都唔係太相信，以為年紀大咗冇咁容易減到，這個磅數是自(減)肥企劃以來的第三個星期！
Week 0 ~ 80.9kg
Week 2 ~ 78.7kg
Week 3 ~ 76.4kg
10磅呀～ 差唔多輕咗一包米啦！近10年聽到嘅都係「你肥咗喎」，但呢個星期聽到屋企人同朋友講「你瘦咗喎」感覺真係好爽，就連自己照鏡都見得番個下巴。我其實冇set 任何目標話要去到幾多磅，只係希望到生日之前檢查身體，有份靚仔報告送俾自己當生日禮物。
暫時我依家的作戰方式都係從飲食先着手，因為如果太重磅去做運動，都有機會整傷自己(更何況我超忙，都完全冇時間去做)，所以我只選擇朝早送完仔女番學就行番公司，我一定要繼續努力！10月中就要去照超聲波，一定要健康呀～
私人秘訣 第一話～ 開始Kick Start
其實最難係「開始」，因為通常想減肥嘅時侯，都係同自己講「食埋呢餐先」唔知點解次次想開始減嗰陣，就硬係嚟緊約約班Friend 食飯，再唔係就過時過節，總之一定有一餐喺你面前，令你有「食埋呢餐先減」嘅念頭，所以大家如果想減，首先係願意開始先，有咗開始先可以有下一步！
#自減肥企劃 #76.4kg #餐單稍後分享
自減肥企劃 在 減肥企劃！竟然一周就瘦了三公斤？！【黑羽營養師Ricky's ... 的推薦與評價
謝謝RickyQQ每週一到五下午5點更新，六日中午12點更新記得要開啟YouTube 鈴鐺唷！貓貓頻道快給我罐罐☛https://pse.is/S5EUP黑羽の粉絲 ... ... <看更多>