【有故事的旅人 / 迷．忘於澳洲360天 X 晞。觀影記事 首次讀者聚會詳情】
講咗幾年終於成事，老實講，見大家一直問咗我咁多次，而做咗幾次「意見調查」，大家真係有興趣搞我先至照搞咋，唔好搞完出嚟又得小貓三四隻，場面會好樣衰。個場都幾大吓，可以容納近一百人，不過有三四十人我已經滿足架喇。
其實，呢個題目我一直都好想講好耐，平時文字寫出嚟未必多人睇，但希望我口講加埋有相，同埋自己親身故事，大家會有興趣？
自己鐘意旅行亦鐘意睇戲，喺外國睇戲、搵電影場景、去電影主題樂園，都係每次旅行其中一部份，好多時，都因為電影帶我認識世界。好似之前去美國、去冰島，好大原因真係一場「電影朝聖」嚟，一邊旅行、一邊置身電影場景，其實絕無違和感。講真，假如一個地方唔係靚，又點會有電影公司去取景？
如果唔係《丹麥女孩》，我唔會去咗哥本哈根一條勁靚但Out-of-track嘅街；如果唔係《星際啟示錄》，我唔會睇到冰島咁靚冰川，都唔會喺附近睇到北極光；如果唔係無數套戲「滅城之戰」取景地，我唔會去芝加哥睇個靚到喊夜景；如果唔係鐘意恐怖片，我唔會迷上咗Universal Studios Halloween；如果唔係鐘意睇戲，我唔會見識到真正IMAX係有幾震撼。
內容或者有小部份可能有分享過，但都有啲未講過嘅，例如：
。已經消失、全球最大嘅Sydney Darling Harbour IMAX可以有幾大？
。已經消失、全球最古老放映菲林嘅露天戲院係點？
。已經消失、變成全球面積最大IMAX嘅Mann's Theatre睇戲有咩感覺？
。巴爾幹半島睇戲可以有幾平？
。大陸睇戲真係咁地獄？
。印度睇戲係咩玩法？
。Universal Studios到底有乜咁好玩令我年年都去？
。除咗紐約、芝加哥、洛杉磯等大城市，美國仲有乜正嘅電影場景？
。喺外國睇人生最癲嘅一場戲係點？
。喺美國首日睇大片氣氛可以有幾好？
。好多朋友都問，到底係點搵呢堆電影場景出嚟？
。有邊幾套戲令我決心要去某某地方？
。最鐘意嘅電影場景係邊幾個？
。。。諸如此類。
其實，重點都係，好多讀者傾咗好耐、講咗咁多年，都想同大家聚一聚、傾吓計嘅。睇吓最終有幾多人會到，我會再就一就個內容，如果到時真係得小貓三四隻，淨係想傾計唔聽我吹水嘅都得，不過錢都係要照俾嘅XD
如果大家有興趣參加，麻煩like呢個post兼Facebook Inbox小弟（「有故事的旅人」或「晞。觀影記事」皆可），告知全名、電話同人數，之後會再俾埋入數方法大家，一經入數確認後，恕不退款。
希望多多捧場啦，呢件事構思咗好耐（冇三年都有兩年），兼搵場地都搵得好辛苦架。呢個Post可能未必好多人睇到，不過我會狂谷架喇。如果有電影公司朋友，或者傳媒朋友有興趣，都歡迎參加！
芝加哥附近好玩的地方 在 芝加哥三日遊 好玩到瘋，這才是我印象中的美國！ - YouTube 的推薦與評價
芝加哥 #Chicago(可開CC字幕喔)這次的 芝加哥 三天兩夜真滴開心～ 芝加哥 真的是一個太 好玩 的城市了， 好玩 到旅行最後一天我把手機掉在公車上， ... ... <看更多>