【芬蘭航空換機票攻略】
早前有幸利用到Asiamiles換到聖誕節25/12由香港去赫爾辛基(經濟艙) + 28/12由赫爾辛基去南京(商務艙) 喺一個混合艙既假單程行程!今次就想出post講講換呢張機票值得大家留意既幾樣小事!
1) 自己於6/11先至換左3套機票!6/11離聖誕節都只係得6個星期,竟然都仲有位,而且聖誕節正日都有香港去赫爾辛基既機票,正!其實有不少人都發現,有時越接近出發時間,為左避免有機位淨,航空公司都會放位出黎比人兌換,所以大家有時換機票都可以留意!
2) 大家兌換機票時要留意稅項及附加費,有時某些地點(例如英國)或航空公司(例如國泰) 都會收好貴既稅項及附加費!但喺,自己呢個行程既稅項喺低到你唔信,一程經濟艙及一程商務艙稅項每人只需HK$460,而且芬蘭航空由香法出發既航班係冇附加費!相比你換個國泰去台北來回都要HK$622啦!因此呢個都可以話好抵喇!
3) 今次呢個喺假單程行程,芬蘭航空於亞洲有多個航點(包括:札幌、東京、名古屋、大阪、福岡、首爾、北京、西安、南京、上海、廣州、胡志明市、曼谷、布吉島、新加坡、新德里),十分方便大家出假單程行程,如果有時間想玩多個地方,或者想平少少咁換商務艙既話,芬蘭航空假單程都可以留意一下!
4) 呢個行程亦喺混合艙行程,大家都知道出單程停留的行程時,前後段行程可以搭乘不同的客艙,而所需里數就會按飛行距離及艙等計算!今次呢個一程經濟艙及一程商務艙所需里數就喺67,600里數!
5) 大家所見聖誕節由香港去赫爾辛基只係坐經濟艙,但如果大家想坐好D,芬蘭航空有個叫comfort economy seat比大家選擇,座位前後距離會多D、有1小時Wifi、優先上落機等,價錢為HK$821!咁大家喺稅方面平咁多,想坐好D都喺加HK$821,咁都喺合理既!
Search