最近好多減肥朋友自動去食譚仔三哥米線🤣
Mirror 威力真係十分強勁👍🏻
本身我想支持講譚仔話嘅花姐⋯⋯但糊麻湯芥末魚籽鱈魚滑豆卜實在太多油😂 豆卜雖然係豆製品,但係炸過㗎!只係「齋」豆卜,三粒已經等於半碗飯嘅熱量!
提提減肥朋友,想食light 啲,記住揀返酸辣湯、糊辣湯、蕃茄湯、清湯丫!低脂蛋白質有牛肉、豬肉、雞肉、豬潤,同埋最新我最鍾意嘅鮮魚片~ 加埋啲木耳芽菜等等嘅蔬菜就啱晒啦!👍🏻
#湯底好鹹記住唔好飲湯
#不過可能今日個個鏡粉走晒入屯門廣場
#要返工嘅我唯有去食譚仔三哥
花姐 住 屯 門 在 月巴氏 / Work Super Guy Facebook 的最佳貼文
浪漫月巴睇2000(159)
【娟姐,我們的日常需要】
我有諗過,是否需要睇醫生,因為我已經中毒太深——這種毒,名叫「蒙古姑娘的日常」。凡中毒者,漸漸分不清牛羊。
1.「蒙古姑娘的日常」,是Carmen姐參加《全民造星5》面試時的自選舞蹈——嚴格來說,這隻舞也是由她自創。Carmen姐,在地產公司任職行政助理,平生最愛,食嘢,所以我們平日只會看見她食嘢而不是做嘢,鏡頭影住她時,固然在食嘢,就算鏡頭影住其他人而她明顯處於Out Fo狀態時,依然在食嘢。食乜嘢?零食、薯片,甚至是雞髀。她唯一一次冇嘢食揸手時,就是在花姐肥仔面前,傾力演出自創的「蒙古姑娘的日常」。
2.還記得第一次看——亦即在《大叔的愛》第五集首次看到這隻舞時,真的,立即大笑勁笑狂笑,是那種因充分感受到表演者熱誠而Very開心的笑,無法制止的笑。好耐未試過睇電視睇到咁開心,開心而笑。
3.而不是恥笑冷笑苦笑陰陰嘴笑,以上各種笑,產生的原因,都不來自開心;「蒙古姑娘的日常」呢,卻令我發自內心地開心,是Carmen姐的忘我(以及那幾下亢奮的叫聲)令我開心。
4.實不相瞞,每當在現實生活遇上不快時,我就會回想「蒙古姑娘的日常」,喚起那個在蒙古草原揸牛奶的開心姑娘,讓她喚起潛藏在我內心的開心;如果情況容許的話,我甚至會立即翻睇這一幕「蒙古姑娘的日常」,看她表演時的熱誠,感受她對生命的熱情。
5.是演繹Carmen姐的娟姐令我如此開心。睇她化身蒙古姑娘,開心;睇她食雞髀,亦開心;睇她在Office做八婆,一樣開心——這個「八婆」,不含任何貶義,反而是種讚美;有些演員做八婆,就只是八婆,令人感到煩厭的八婆,娟姐演八婆,卻不止於八婆,更透出一份親切可愛。在過去,這類角色通常是被設計出來以供大家取笑,娟姐本人,卻有能耐改造這類先天負面的角色。
6.其實每個年代的電視台,都需要一個這樣親切可愛的八婆。上一個能夠給我有這種感受的,已經是盧巧音,她的聲線,可以用來唱好聽的歌,也可以用來扮演可愛的八婆。娟姐聲線,同樣特別,特別易記,記住那份開心,開心到想繼續聽落去,而不覺疲累。
7.所以她很適合做主持。主持《有酒今晚吹》,看著她邊飲邊吹,Relax;主持《造美人》,她的聲音提供一種知性能量,為那班參賽者提供能量勇敢走下去,而不是寸她們笑她們;主持《阿女又戀嚟》,聲線又能幫她立即融入那個由爸爸媽媽構成的世界,一點都不突兀,而你可能不知道,娟姐今年才不過31歲,她1990年出生。
8.娟姐,注定獨特。她不是一般你會在電視見到的典型靚女,永遠把自己置放於一個(所謂)靚的狀態,娟姐可以開懷地飲,可以認真地主持真人騷,可以不停地食雞髀,也可以忘我地化身蒙古姑娘——Even穿上泳衣影落的照片,一樣可以被歸入Google那個好易搜尋的「娟姐 J」Category。
9.娟姐自有一種美。這種美,不是其他人能夠造出來,娟姐的美,無法複製,因為不純粹是一種經由視覺神經得出的外在結果,而是一種感受,感受是綜合的複雜的,當中包含了很多:她的八、她的豪爽、她的親切、她的知性、她的真摯,甚至是她拎在手中的酒杯,或雞髀。
10.睇見娟姐就開心。我不知道你需不需要這份開心,我,好需要。
(原文刊於am730)
(今日全世界聚焦生番哥原居地屯門,所以早啲Po文)
#浪漫月巴睇2000
花姐 住 屯 門 在 游大東【鴻鵠志-影視筆記】 Facebook 的最佳貼文
【 林海峰《叱咤》超高質Solo 】
游大東影視筆記Telegram頻道👉🏻👉🏻https://t.me/yautaitung
2020年元旦日,由商業電台主辦的「2019年度叱咤樂壇流行榜頒獎典禮」以預先錄製的方式,於港九新界不同地方頒發34個獎項,並安排在商業二台、商台YouTube頻道以及ViuTV同步播放。今時今日,頒獎禮本身已是電視節目,所以必需以電視製作的思維出發,奈何今年「冇大台」,撇開賽果不說,結果節目到頭來一字記之曰:悶/亂!
尤其是男歌手、女歌手、組合八大單位與DJ森美、小儀、細蘇、朱薰等圍住傾,用意雖好(本港嚴重缺乏這類節目),但欠缺畫面剪接,話題重點亦太偏重行內人才懂的事,似圍爐取暖,那怕訊息重要,仍難與觀眾接軌,而且這個環節長達半小時,自然悶到轉台,或瞓着,或打機,浪費了製作團隊的好點子。幸而許廷鏗、林二汶、陳柏宇、「小明」方皓玟與Rubberband演唱有水準,「小明」Rubberband獲獎後感言真摯動人,挽回不少分數。
論全晚最佳,還是林海峰,以一分半鐘的獨白,寸盡2019時政與流行文化大事,每句開頭都用「何以」二字串連,句句高質,句句有骨,直中紅心,毫不留情,令人拍案叫絕,盡顯林狗身價,有興趣可以上YouTube重溫(http://bit.ly/36i3e99),我就花時間將對白足本抄錄跟大家分享。
************
《何以》 — 林海峰
何以
何以你今晚會安坐家中睇叱咤?
何以今年嘅叱咤一個現場觀眾都冇?
何以過往嘅叱咤現場投票會變成今年嘅網上投票?
何以你每年實睇嘅頒獎禮,今年會冇咗個實體頒獎禮?
何以一人一票喺呢個地方係變得越來越矜貴?
何以明明千載不變嘅音樂肯定,最後個獎座會落喺一堆垃圾裏面?
何以今年有咁多場大大小小嘅演唱會都要一一取消?
何以有人話要放棄一代年青人,但係花姐就要一手湊大MIRROR一班年青人,仲要將佢哋培育到入圍我最喜愛組合?
何以屯門公園嘅娜娜歌精舞勁,肥媽首歌唱到街知巷聞,但係佢哋就冇入圍我最喜愛女歌手最後五強?
何以有人敢唱人話,但係就有人唔肯講人話?
何以今年去商場唱歌係流行過去K房唱歌?
何以一首廣東歌可以令你感動、安慰、鼓舞、落淚,甚至係會恐懼?
何以你可以將你曾經最喜愛歌手嘅唱片打爛變成碎片?
我哋嘅樂壇何以為繼?
2019,何以,完。
2020,和你最喜愛的男歌手,和你最喜愛的女歌手,和你最喜愛的組合,和你最喜愛的人,和你最喜愛的地方,和你一起,和你學習,和你祝福,和你祈求,和你投。
(02012020)
#游大東 #游大東影視筆記 #叱咤2019 #叱咤 #叱咤樂壇流行榜頒獎典禮 #林海峰 林海峰Jan Lamb my903.com 商業電台 MIRROR #花姐 #反修例 #反送中 #何已完 #rubberband #方皓玟 #人話 葉一知 快樂的 做乜膠睇電視 #viutv #廣東歌 廣東歌fans應援事件