芋頭雪泥蛋土司 (NT$50)
.
———————————————-
🥪 花醬辣雞起司蛋土司 (NT$65)
———————————————-
.
之前喺台北食過Mr.Papa好出名嘅芋泥煉奶芝士蛋多士覺得無想像中咁好食，
而台中代表暮香都有呢款差唔多嘅芋泥多士，
但個人依然都係覺得芋泥同蛋呢個配搭
始終有少少風馬牛不相及🥱
.
多士烘得鬆脆但略嫌有少少太乾，
中間嘅煎蛋類似日式玉子燒一樣帶甜，
芋泥質感綿密滑順而且保留唔少芋頭顆粒，
不過本身甜度偏高所以芋頭香氣稍遜，
煎蛋、芋泥同多士每層之間都塗上一層煉奶，
然後上碟之後仲會再淋上煉奶，
雖然我自己本身好鍾意煉奶但都覺得所有材料夾埋實在過份甜膩，
甜到嗰時有隻烏蠅褸住份多士趕極都唔走LOL
.
另一份花醬辣雞起司蛋土司顧名思義係以花生醬、辣雞、芝士同炒蛋製作而成，
雞扒煎得皮脆肉嫩毫不乾韌，
不過事實上除咗辣味之外你係唔會食得出其他味，
啲辣油一路食一路滴滴到血流成河咁款，
花生醬同芝士味完全消失得無影無蹤，
整體感覺上台北嘅多士早餐好似比較出色🤓
.
———————————————
📍 暮香炭烤土司 (台中)
台中市北屯區太原路三段167號
———————————————
.
.
