關於 苟且偷安相似 ，我們在網路上蒐集到這些相關的討論、資訊與評價

《波斯密語》Persian Lessons (2020, dir: Vadim Perelman)

電影《波斯密語》震憾場面很多，但揮之不去，讓我反覆思量的卻是出自軍官Klaus 口中的一句話。

「只要你繼續幫我辦事，你就不用害怕。」

主角Gilles是一名被德軍捉入集中營工作的猶太人。他本應就在運送途中被德軍亂槍掃射下殺掉了，但他情急生智，欺騙德軍自己根本不是猶太人，而是波斯人。半信半疑的士兵便留了這一活口，把他帶給一直想學習波斯語的集中營軍官Klaus。到了Klaus 考核Gilles時，問他一些波斯語生字，Gilles 竟成功靠自創的假波斯語過關。自此之後Klaus 便把Gilles留在身旁，當自己的「波斯語」導師。故事發展到中後段，當時的軍事局勢越見緊張。Gilles看到自己的同胞被送離集中營，前往另一個未知的地方，恐怕九死一生時，他感到驚恐、傍惶、自責、憤慨。然而此時，Klaus見狀，則這樣向他派定心丸：「只要你繼續幫我辦事，你就不用害怕。」

這句話對Gilles （以及我們觀眾）來說「難聽過粗口」，令Gilles 增加他的罪疚感之餘，也看到Klaus 這個人的無恥。為甚麼Klaus 會說得出這樣一句話？這要由他的個性和背景說起。Klaus是一個性格強烈的人，作為集中營的負責人，他非常嚴厲、殘暴而冷酷，平常不苟言笑。後來從劇情上得知，原來Klaus的弟弟早在納粹掌權前就逃離了德國，居住在伊朗。聽他語氣他應該跟弟弟交惡，可能是因為政見不同，或是他弟弟鄙視自己為虎作倀，我們未能肯定。但他的願望卻是在戰後離開德國，前往伊朗開餐廳，可見心底裏Klaus也認同弟弟的見解，懂分善惡；他更知道自己一直在為虎作倀，即使他不會（亦不可能）承認。Klaus做的所有事，不論如何兇殘缺德他都不在乎，全因他只為求保命。他對（觀眾很同情的）Gilles的態度較好，後來把Gilles 當成朋友。有一刻我們或會想，是否Klaus 改變了，是否因為交到朋友而令Klaus 的心腸變了？但那句話卻讓我們失望，印證了他從來未有改變。即使那句話是出於Klaus真心，站在他的立場而言可能是最能安撫Gilles 的話，因為Klaus 保證了Gilles 的人身安全。正如他的一直以來的心態：在這亂世下，有甚麼東西比性命還緊要?

是有的，Gilles告訴了我們。當初，Gilles能夠在集中營掙扎求存算是僥倖，他的謊言不但救了他一命，更因他的虛假身份得到Klaus的賞識。雖然他跟其他猶太人一樣要生活在惡劣環境底下，但不論是工作性質（他不用做勞役苦差，而是負責膳食工作），還是日常待遇，總比他的同胞來得好。在這個高壓管治的環境下求存，Gilles既試過逃跑，亦試過盡力配合Klaus；他運用小聰明，以各種方法創造和記住更多生字，把謊言包裝得完美無暇以保命。某程度上，Gilles 和Klaus 的處境也有相似之處，使得兩人皆以保命為首要目標。（但需說明：有異於Klaus，Gilles從頭到尾都沒有做錯事)。只是置身於集中營，久而久之，Gilles看到自己的同胞每日承受著苦難，自己卻無能力幫助他們，甚至到後來自己身陷險境，有些在營中認識的朋友竟選擇捨身拯救(這一幕實在非常悲憤)，Gilles 因此受到影響，萌生了良知。當Klaus 向他派定心丸時，Klaus 還以為保命就安撫到Gilles，誰想到一直蠶食住Gilles而令他恐懼的，並不是生命受到要脅時所承受的恐懼，而是良知被埋沒時的不安。Gilles選擇不理會可能要面對的危機，還是要調包，與同胞共同進退，執意擺脫極權的庇蔭、惡魔的誘惑，不再當一個苟且偷生的獄中囚。在亂世下，Gilles 的情操更顯人性光芒。

有人會覺得，又是以公義、良知為主題的電影，不沉悶嗎？我只能回答，既是有意義好片，就見一套睇一套吧。

P.S. Gilles 由阿根廷演員Nahuel Perez Biscayart 飾演。有印象哪裏看過這臉孔，原來是數年前一套頗為好看的法國電影《心動120》的其中一名男主角。

首先要強調，我從來認為社交平台係跟人走，我自己都親身經歷由ICQ、MSN再轉去Whatsapp嘅時代；過去我曾經好長一段時間堅持響自己架構嘅網站寫Blog，但而家亦已完全放棄；另外我明白有唔少人轉去MEWE、Signal係一種對社交媒體霸權壟斷嘅一種抗爭，亦支持認同呢種理念──尤其係文匯大公已認證MEWE做「亂港」平台之後。

但點解我仍然（暫時）唔會搬去MEWE同Signal呢？呢度我想一次過同有問過我嘅網友解釋一下：

一、搬屋太費心力。雖然本Page係有超過一個作者參與營運，但實際行政人手卻係少得可憐，但卻係同時Run緊幾個平台。我唔似其他KOL可能係全職Run緊社交媒體靠佢搵食、又或者直頭有Team人養住專門處理呢啲嘢，本身實在太忙太多嘢做，每當費心神去搞搬遷事宜，就代表少咗時間寫文。

二、想睇定啲先。從Facebook同Whatsapp跳船，離不開三大原因：反壟斷、順應潮流同保障私隱。但當中MEWE同Signal係咪代表真係守護言論自由同私隱嘅燈塔？我覺得言之尚早。

當日Signal創辦人養大咗Whatsapp，就將成舊嘢賣咗比Facebook，有呢段往績實在令我相當遲疑；至於MEWE則已有唔止一個人表示，因為張貼支持特朗普相關內容而被刪文──Signal又好MEWE又好，佢地都係一盤生意，究竟佢地係開創咗新路，定只係另一個無咁多人用嘅FB同Whatsapp，我想睇再耐啲先。

三、缺乏搬屋動力。因為最近我又比班黃屍投訴，Facebook又出咗警告恐嚇我本Page隨時被收皮。老實講如果係響幾年前我因為王蟲事件多次被禁言果排有MEWE出現，可能已即刻跳撚咗去。但而家處於一個尷尬嘅局面就係BAN又未BAN到我，響FACEBOOK嘅人走又未走得哂。

Signal亦係同樣情況：好簡單，你老闆同事究竟走哂去Signal未？未咪即係仲要保留住個Whatsapp囉。而我一向係好少利用Whatsapp作為私人上嘅交流，離開嘅動力就更細。呢度我當然係佩服一早走咗去開荒嘅先行者，但響開拓新平台呢一方面，就請恕我決心唔係太大，真係要等緊一個衝擊性理由。

四、相比起轉場保護私隱，時刻警惕保障自己安全更加重要。我覺得好危險嘅一點就係，以為轉咗場，你講乜嘢就可以完全得到保障，反而令自己身陷險境。我身邊都唔止一次有勇武、抗爭義士被拉，然後成個TG群組比人起出黎啦──時刻保持警覺，響任何時候確保自己唔會因社交平台嘅資訊暴露自己不必要嘅行蹤，關鍵內容改用暗碼，學習反跟蹤、反追查嘅基本，係每個抗爭者嘅責任。

更甚者，我身邊已有人奉行「網絡天體主義」，即係保持一種「任何人執倒我部電話、解埋鎖，都唔會對我構成任何傷害」嘅狀態，無任何痛腳比人揸手，自然亦無必要大陣仗用啲乜嘢保障私隱程式。

五、留低都係一種抗爭。我覺得逃離Facebook、Whatsapp，同今時今日香港人響現實世界移民，其實有幾分相似。當然而家Facebook同Twitter等社交平台巨頭係非常仆街，但我就偏偏要留響度繼續屌七佢地，直頭班垃圾管理層再忍唔住，要將我全面封殺為止。

同果班飯民垃圾會議員唔同，我留響度並無收人錢，亦唔會為咗苟且偷生而自我審查。不過都唔駛解釋咁多，因為而家主催移民果班，咪個個都仲Keep住響Facebook同Whatsapp出Post，等佢地真係完全走哂先算。

六、社交媒體困局始終需要解決。其實好耐之前已有人計過數，如果Facebook真係要完全放棄取用用戶資料而維持盈利，大概每個月需要收40蚊美金月費。結果當日調查有六成用戶希望Facebook放棄取用自己私隱，但得不足兩成人願意比錢，呢個就係現實。

社交平台複雜嘅地方係，一定要多人用先有意思：你願意比錢加入一個保障私隱嘅平台係無用的，係要你所有朋友、觀眾同讀者都願意比錢先得。結果免費嘅平台終有一日可能搵你私隱去填數，收費平台卻唔多人願意用，呢個困局真係唔知幾時先搵倒解決方法。

七、最後亦係最重要一點，就係只要民智唔提升，就算走去邊度都無用。而家好多話轉去Mewe、Signal果班，有啲就係毫無理念，人去佢又去嘅普通人，又有一班混水摸魚諗住R著數嘅黃標KOL，更甚者，就係連果堆蠢撚黃屍都話要搬埋去──既然大家都識講，相比起社交平台，使用者係更加重要，如果過到去都係要面對同一班懵撚，咁搬唔搬對我黎講，其實真係無乜意思。

當然，搬去Mewe都仲有一個理由嘅，就係當果邊愈來愈多要比我屌嘅撚樣時，走去挑機就係最大動力。