英國生活台（4） 英國有無八達通？
响英國比錢消費，當然可以比現金或者比card。但係如果問有無好似八達通咁當散紙包用黎買尐濕碎嘢，或者搭車，答案可以話有或者無。
原因係英國係一個有消費稅嘅國家（20%~!），逢親有消費稅嘅國家，所有嘢嘅價錢都好鬼零丁，好容易搞到周身散紙，日本就。就係最佳代表。但係英國有少少唔同，佢消費稅又高又咁齊頭，所以個問題小好多。
但係，英國同好多歐洲國家一樣，佢地嘅contactless payment 發展得好成熟。所以基本上只要有張Debit Card或者Credit Card，就已經可以好似香港八達通咁用。當然响London就有同八達通一樣只係攞黎搭車而要增值嘅Oyster Card，但係London Underground又可以用contactless payment架喎。
重要嘅係contactless payment嘅覆蓋面超高，同時差唔多只要有銀行戶口，就一定有張唔係Visa，就係Master嘅Debit Card（即係提款卡之餘又可以當Credit Card用，但係就戶口有幾多用幾多），所以用Debit Card或者Credit Card嘅使用率係超高。
咁大家又唔好意為下下Card fing fing就得，有時後都要入密碼嘅，就係比多個100磅或者食飯比錢嘅時後。前者因為保安，而後者就因為有時要入tips。
就因為contactless payment咁方便，所以Apple Pay同Android Pay登陸英國嘅時後，就無好似香港嗰時咁嘩嘩聲。
當然，總有時後係要用現金嘅，但係我勸大家如果响英國洗現金，盡量唔好用50磅紙（通用嘅最大額紙幣），因為一用，英國嘅任何收銀都驗屍咁驗，好鬼尷尬。
#英國八達通
#英國比錢
#比50磅
英國八達通 在 【語文知識】點解英國八達通叫Oyster？背後原因同 ... - YouTube 的推薦與評價
【語文知識】點解 英國八達通 叫Oyster？背後原因同英國文化有莫大關係（修訂版）. 與芬尼學英語Tiffany teaches English. ... <看更多>