香港醫護係全球表現最好，其中有很多關鍵重點：
一，汲取沙士教訓，對防護有極高意識。
二，非常重要，當初醫護罷工，要求封關，政府雖然只係用半封關回應，但全靠罷工醫護嘅努力，成功阻止不少源頭。
三，醫護向傳媒報料，逼使醫管局提高 PPE 儲存量。
四，全民對政府不信任，防疫意識極高。政府高官強調不用戴口罩，大多香港人即時明白必須戴口罩。
五，香港跟疫區如此之近，無論感染人數，死亡率及康復率都是全球最優秀，全賴醫護、負責衛生的清潔工、全香港人嘅努力。
然後，當疫情仍然未過，政府及其爪牙，卻一直放風，計劃清算罷工醫護。😡😡😡
【 香港醫護係世紀大疫症中既表現 】
讓數字說話，究竟香港係武漢肺炎呢場席捲全球既世紀大疫症中表現如何：
一）病死率 （case-fatality rate）
• 香港1037宗確診武肺個案中，4人死亡，病死率為0.39%
• 全球2,971,669確診，206,544人死亡，病死率為6.95%
• 其他國家數字：美國5.62%，中國5.59%，西班牙11.17%，意大利13.48%，英國13.56%
二）康復率
• 香港1037宗確診武肺個案中，787人康復出院，康復率為75.89%
• 全球2,971,669確診，865,733人康復，康復率為29.13%
• 其他國家數字：美國11.09%，意大利32.85%，法國36.04%，西班牙47.55%，中國93.53%，
（以上數字均截於2020/04/27）
——————————
當然，係疫症依然發展中既時候去判斷病死率／康復率絕對唔係一個好準確既計算方法。現實亦都有好多因素影響以上數字（例如香港可能比較多年輕留學生患者，佢地染病後病情可能相對會比較輕）。即使如此，相信以上數字都可以比大家一個簡單概念，香港醫護界係2020武肺疫情既世紀挑戰下，係交出緊一張如何亮麗既成績表。疫症初期，香港醫護界多次強調唔可以比沙士係香港重演，一直以黎透過向公眾教育防疫知識、罷工行動迫令政府局部封關、以至更重要既每日鎂光燈外既前線工作，去守護香港人既性命健康。
儘管疫情遠遠未完，亦唔係鬆懈或自滿既時候，但相信大家望住以上數字都會同意，香港前線醫護既努力同付出，絕對值得每一位香港人既認同同肯定。偏偏醫管局總監范鴻齡先生（唔係范鴻齡醫生）卻係前線打仗時候唔係認可佢地既努力，而係磨刀霍霍日日盤數如何清算醫護。范生早幾日先向傳媒大打開口牌，指醫護罷工「唔可以就咁算數」，指佢地管理層係「懲罰方法上有絕對權力」。可以預算，前線醫護腹背受敵，係尚未對抗完疫情時，就要準備面臨高層既清算。希望各位香港人，係未來既日子，可以換過黎到你地用一切既方法去保護返前線醫護，反對醫管局及政府一切秋後算帳既行動。
