[今日寫呢啲]係喎,完全唔寫大市,甚至港股美股都冇寫。唔通叫你撈恒大或者澳門股咩。雖然我個人覺得後者可能有得諗,但都唔會寫啦。中咗又唔會有人感激,輸咗仲要畀你鬧仆街死財演嘛。係寫都唔會公開寫啦。
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
唔玩Click Bait啦,唔幫啲股票名打格仔,反正我都未買。日本嗰兩次就等有錢先買(已經糧尾,等下個月啦)。美股就再遲下先。
先講Asics同Mizuno,古語有云,富貴不還鄉 如錦衣夜行。自從有咗Facebook Instagram,係多咗好多人跑馬拉松嘅。
不過我睇呢兩隻,只係巧合,並唔係因為咩奧運(奧完啦)。更唔係因為咩健康潮流.亦唔係啲鞋好著或好靚(雖然我都有,係喎,唔跑步都可以有鞋,正如唔踢波都幾廿件波衫啦)。
講啲鞋得唔得呀 型唔型呀,留畀其他專家。但應該知道唔係睇啲鞋嘅質素,麥當勞都係賣垃圾,但就係最垃圾嘅嘢食做到佢市值最大。咁講到尾,好大程度都係marketing,你老哥著去打奧運咩,定齋靠啲運動員買?個重點係,你啲肥仔(?)買咗就自覺自己都係世界級運動員嘛。Nike就最出神入化,哪怕你話佢左膠又好乜都好,收入同股價唔呃人。
咁點解我仲覺得抵買?就要睇Patreon了
下半場,又係體育嘢,不過開正我嗰瓣(?),體育(大)數據。
要搞清楚,呢啲唔係賭波公司,係數據公司。賭波公司係佢地嘅客。至於呢啲公司最大成本,就係向賽會(NFL呀英超呀之類)買數據。好貴的說,嚇死你。
呢兩間公司都係今年在美國上市(但一間瑞士公司一間英國公司)。鬥到難分難解。GENI同英超有獨家合約,然後SRAD走去搵人入場即場數! (所以你咪見有啲友入場唔睇波只係篤電腦)。但GENI直頭唔畀佢啲友入場 (實際點執行?我都唔知,可能係見到啲人篤電腦嘅就去逗佢),結果搞到上法庭。
唔止,之前SRAD同NFL又係獨家合約。「但又走去告人?」。係喎,公司話NFL同英超唔同。有乜唔同?就Patreon講
誰是誰非,等律師講。但我傾向覺得(即係亂估),獨家數據合約,應該冇任何問題,你電視轉播都可以係獨家。但你唔畀對家啲人入場自己數,就似乎有啲問題。
咁到底,商機何在?邊隻抵玩啲?文入面有講。
不過順手提埋你,GENI 都40億美金市值,SRAD直頭80億美金。聽落唔係好多?但呢啲公司,已經值錢過任何一間球會。NBA又好 NFL又好 乜都好。值得你思考下
你可以十分情緒化地講,嘩啲球員打生打死頂住咁大壓力(講到冇糧出咁)
,反而間嘢不及你啲坐冷氣房嘅數據L公司?好唔公平。
Er…….首先,上市嘅唔係球員嘛,係球會!咪就係因為球員打生打死我地出好多糧,球會咪唔值錢。第二,個世界始終係講稀缺性,scarcity,bargaining power,邊個賺錢咪邊個市值大咯。有幾難明?球王潮起潮落,冇咗球王嘅球都係咁生存。球會都係,今日你巴閉,但光輝唔係永恒。但大嘅體育數據公司,就真係得呢兩間,咁你話值唔值錢?
Patreon入面會詳細講。但記住個生意模式:賽會啲數據錢貴啲,呢啲公司咪收賭波公司貴咯。咁賭波公司,咪在你個賠率度調返低咯。而你閣下覺得自己神算天下無敵嘛。呀邊個(畢菲特?)話頭,坐低打幾圈,你都唔知邊個係水魚嘅,你咪係咯 — 然後賽會咪拎啲錢去幫你戒賭。
最後,直係直入廣告,你又有錢賺我又有錢賺。Mox 嘅referral 嘛,之前都貼過.未開嘅記住開。本人邀請碼係29CGWB。你要做嘅嘢:download個app開個戶口,申請埋Mox Credit,填埋我個邀請碼,然後30日內消費滿200蚊,真金白銀回購的。記住9月30日前做。
==============
已經2000人訂!多謝大家!Two thousand people can't be wrong!(扯,幾百萬人冇訂添!).下一個目標當然係攞你命3000!
==============
月頭訂最抵!一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100. 畀年費仲有85折,20/40年費VIP 送本人著作一本。
同時也有3部Youtube影片,追蹤數超過1萬的網紅FanPiece Football,也在其Youtube影片中提到,【足金勁喉ep 109】 《球壇Hot Dog》: 「雙紅會」賽後分析 《主打菜式》: 論「神鋒」 英超嘅「雙紅會」永遠都係全世界球迷最關注同期待嘅焦點大戰之一,雖然尋晚嘅較量就肯定未去到經典嘅地步,但都值得喺今晚節目同大家茶餘飯後傾一傾。另外,今個禮拜嘅另一個焦點係來自挪威神童艾寧夏蘭特 (E...
英超球員數據 在 Facebook 的最讚貼文
【 睇波先啦!/傑志 ╳ 理文決戰旺角】
_
香港運動員繼「東京奧運」奪得一金、兩銀、三銅的歷史佳績後,又在隨後舉行的「東京帕奧」(又名東京殘奧)勇奪兩銀三銅,總計兩項大賽,合共獲得11面獎牌,為本地體壇寫下光輝一頁,全港觀眾親眼見證運動員博到盡,在此興奮情緒帶動下,很自然會覺得「身痕」,加上快將揭幕的「全運會」,以及2022年舉行的「世界盃」和「亞運會」,相信這股近年難得一見的「全民做運動」熱潮會持續一段時間 ── ViuTV覷準時機製作大型運動綜藝節目《力圖打排球》(節目已於9月4日播出)、梁朝偉因電影《尚氣與十環幫傳奇》(Shang-Chi and the Legend of the Ten Rings)接受「Do姐」鄭裕玲訪問時提到自己「每天都做兩小時運動」引起網民討論,已足證上述見解。運動項目跟電視節目一樣有好多種,這邊廂觀眾為「劍擊F4」、「鄧謝配」打氣尖叫,照道理,當下是推廣港足的最佳時機,何解球壇仍然「靜過太空」?
_
參考「香港足球總會」網站公開的「香港超級聯賽」(港超)數據,2018年至2020年賽季(2020至2021年暫沒數據),除了部份較矚目的賽事,例如2018/2019賽季,傑志對東方龍獅,吸引幾千人入場,但更多情況是冷清得只有二、三百人買飛睇波,埋單計數,平均每場大概只有700至900名觀眾,每月門票收入總額只得40至50多萬(港幣,下同)。以小學程度的乘除數去平均計算,8支港超球隊,即每隊每月能夠帶來約5萬至6.3萬門票收入(未扣除成本和開支)。
_
但原來未算最殘酷。「足總」數據顯示,2019年9月10日香港大球場舉行了「世界盃外圍賽 ─ 香港對伊朗」賽事(伊朗世界排名26,香港排名147),當日的總入場人數有13,942人,淨門票收入總共有198萬多,相當於大約4至5個月「港超」賽事門票銷售的總收入。
_
「世界盃嘛,梗係要支持啦!」「輸梗㗎喎!」「輸都要踢,呢啲咪體育精神囉!」
_
結果,當天有接近1.4萬人親身入場睇波,由於香港佔主場之利,粗略估計觀眾席上逾八成都是現身撐「港隊」(斷估唔係支持伊朗啩?)。
_
同年11月19日,「世界盃外圍賽 ─ 香港對柬埔寨」在香港大球場上演(柬埔寨世界排名:179),當天約6500名觀眾入場,結果港隊以2:0擊敗柬埔寨,球迷情緒高漲,下半場84分鐘,中場球員羅拔圖(Roberto Orlando Affonso Júnior)在禁區頂起腳射入奠定勝利的第二個入球掀起了全場高潮,與在上半場較早時間入球的夏志明雙雙成為香港隊取得勝利的功臣。
由於世紀疫情關係,這一屆的世界盃外圍賽由2019年踢到今年,除了上文提及,兩場於大球場舉行的「香港對伊朗」和「香港對柬埔寨」之外,2021年6月3日另外有一場外圍賽在巴林上演,香港再一次對戰伊朗,港隊雖於半場落後一球,但港隊前鋒安永佳沒有放棄,終於在85分鐘以頭鎚破蛋建功。
_
回到「東京奧運」期間,若商場有直播賽事的話,都會迫滿人,就連平日不怎運動的三姑六婆,都忽然暫時放棄追劇,變成游泳、劍擊等賽事的小粉絲,約齊三五知己見證歷史時刻,就算單人匹馬走到商場睇直播也不會覺得尷尬,與陌生人分享喜悅,或互相安慰,因為「港隊」二字抵萬金。
_
「何詩蓓吖嘛,好叻女!係香港人嘅驕傲!」
_
但何詩蓓成為「香港人的驕傲」之前,只是「港隊游泳選手」;
_
夏志明和羅拔圖成為代表港隊,於國際賽事入球功臣之前,只是分別效力港超聯球會「冠忠南區」(擔任前鋒)和「R&F富力」(已於2021年加入「傑志」);至於安永佳,現時跟羅拔圖一樣都是效力「傑志」,擔任前鋒。冇錯,是過往幾年,每個月大約只帶來「幾皮嘢」門票收入的香港本地足球球會;他們都是有能力在國際賽事為港爭光的香港足球員,但普羅大眾對他們的了解其實一般。
_
換句話講,其實香港人極之撐「港隊」,只是那股力量不是用來撐「港足」。「足球」是一項非常講求團隊合作的運動,「香港隊」的成就亦倚仗本地足球的發展。兜咗咁大個圈,只係想講,要撐香港運動員,就要身體力行,唔好得個講字!今個星期六(9月11日),旺角大球場將會上演傑志(2020-2021年度港超冠軍)對理文(2020-2021年度港超季軍)戲碼,承接「東京奧運」的「撐港隊」餘溫,大家別只做「節慶球迷」或「勝利球迷」了,除了「英超」、「西甲」,「港超」更需要自己友支持。喂喂喂,畀啲「體育精神」,由撐本地波做起,球場見啦大家!
_
《Nike呈獻:傑志90週年挑戰盃 ─ 傑志對理文》
日期:2021年9月11日
時間:下午5點半
地點:旺角大球場
票價:$120(成人)#、$50(特惠票)#
網上直播收費:$50(on.cc直播)
*挑戰賽收入扣除成本後將全數撥捐「傑志慈善」用作舉辦公益活動
購票連結:https://bit.ly/2X6k1fZ
_
【 延伸閱讀 】
許賢 ╳ 劉榮業 ╳ 梁能仁 ── 足球自救企劃:
https://bit.ly/2WBuFLe
「橫睇掂睇」 ── 開電視直播奧運食糊之後:
https://bit.ly/3gny07k
「橫睇掂睇」 ── 無綫直播奧運以綜藝凌駕專業:
https://bit.ly/3itG5sX
開電視直播女單羽毛球決賽創開台收視新高:
https://bit.ly/3iiGhuM
開電視最大弱點變成直播奧運最強賣點
https://bit.ly/3zRKvzy
香港運動員IG足本名單跟住Follow :
https://bit.ly/3iLEs8F
_
緊貼「游大東影視筆記」最新資訊:
▇ facebook專頁: 游大東【鴻鵠志-影視筆記】
▇ instagram: instagram.com/yautaitung
▇ MeWe專頁: mewe.com/p/yautaitung
▇ Telegram:https://t.me/yautaitung
▇ Medium:https://yautaitung.medium.com
_
(09092021)
_
#游大東 #游大東影視筆記 #傑志 #KITCHEE #香港足球 #港足 #KITCHEE90ANNIVERSARY #旺角大球場 #理文足球 傑志 Kitchee #安永佳 #何振廷 #賓紀文 香港本地足球專區 足球周刊 香港版 Football Weekly 01體育 體路 Sportsroad 體壹 仙道彬手記 丹尼爾 vs 陳恩能 足球•看世界 Football Vision
英超球員數據 在 Facebook 的最佳解答
【 ACOO ╳ 許賢 ╳ 劉榮業 ╳ 梁能仁 ── 港足自救企劃 】
_
「東京奧運」香港代表隊狀態大勇,奪得一金、兩銀、三銅,創出港隊自1952年首度參加夏季奧運以來的最佳成績, #張家朗、#何詩蓓、#李慧詩、#劉慕裳、「港女乒團」的 #林凱琹、 #李皓晴、 #蘇慧音,還有 #謝影雪、 #鄧俊文 以及「劍擊F4」的 #張小倫、 #蔡俊彥 和 #吳諾弘 等運動員,統統成為體壇英雄、香港之光,霎時間,港九新界和離島都掀起運動熱,可以是單純參與,強身健體,亦可以深入探討(運動員薪酬待遇、退役後的職場出路、運動評述員專業培訓、體院發展資源、體壇宣傳方式等),劍擊、游泳、單車、羽毛球和單車尤其吃香,吸引不少家長鼓勵小朋友學習,加上向來熱門的籃球、足球,這種先由上而下再反過來由下而下的關注,前所未見。
_
且慢,剛才有說到足球嗎?問心,今時今日又有多少人仍然留意港足?又有多少人能夠說出擁有高人氣的本地足球員名字?就連無綫經典足球節目《球迷世界》都已經在大氣電波裏消失12年。仲講港足?Who Cares?
_
「作為一個足球員,錢你又搵唔到,名氣又冇,不如早啲轉行,搵份正經工作,未來仲有前途。冇偶像級(球員)出嚟,你永遠唔會有希望。」前香港足球先生劉榮業說。
_
近日,網上媒體「ACOO」以《衝擊300秒》的系列名義,製作一連兩集關於本地足球業的短片,邀請出名熱愛足球的「試當真」藝人許賢(2014年曾經拍過一條名為《我們都是大埔Lulu》的本地波短片,又不時在個人YouTube頻道上載練波片段),以及講波講到變「ViuTV一哥」的強尼齊齊參與,以重現《球迷世界》(1984-2009)當年介紹本地波的方式包裝,嘗試探討港足衰落與日後發展這個大議題。第一集(19/8上架),以風趣幽默的形式去評述香港小型足球賽事(2019東南海盃七人球賽),讓兩位主持「借講本地波講本地波」,分享對港足的看法,反思為何港足弄得如斯田地,愈踢愈霉。
_
來到周四(26/8)上架的第二集,許賢化身外景記者「腎仔」,跟兩位前香港足球先生劉榮業以及梁能仁切磋球技,又大談本地波發展,現時仍有參與小型足球賽事的兩位大前輩,一致認為港足未來發展難以看好。
_
講波前,先講數字。根據康文署數據,目前全香港共有83個草地足球場,撇除香港大球場及旺角大球場,整體使用率72%,而分布各區的小型硬地足球場(尺寸不一,落場人數沒有硬性規定,踢波的人懂得「睇餸食飯」)則有234個,因為是免費預約的公開場地,故使用率難以統計,但舉個朋友分享的真實例子,可以了解箇中變化:十幾年前,硬地場因為使用率高,年青人如果「落街踢波」,可以連波都不用帶,單人匹馬到球場邊「黐波踢」,都可以玩足一晚。每個場平均有3至6隊輪候,採用「黃金入球制」,一球定生死,勝者繼續留在場上迎接下一隊挑戰,敗方就到場邊休息排隊等待下次出場,如果等待期間波癮起,最多只能夠與隊友在場邊搓波,一不小心將足球踢入球場範圍,甚至會被在球場上比賽中的球員「問候」。如今?按小型足球要求5至7人為一隊的標準,約齊人已經非常困難,打算「落街跟隊」,不是沒有對手,就是有人跟你講已將球場「私有」:「唔好意思,Book咗場」,結果昔日「跟機踢波」的情況不再,非常冷清。
_
事實上,香港仍有不少小型足球的賽事(5人至7人),例如有「Winning 7」,亦有由香港足球總會主辦的「賽馬會五人足球聯賽」等。正如節目中提及,有知名度高球員參加的球賽,甚至會有過百名「球迷」圍觀,相比在11人場觀眾分散在席上觀看熱鬧得多,不過總是無法走進主流,引起廣大市民注意。吊詭的是,香港人的世界裏並非沒有「足球」,只是大家關注的主要是香港以外的足球,自千禧年代開始,電視台爭相競投英超、西甲、德甲、法甲等國際級知名聯賽轉播權,睇波的風氣蓬勃至今,投得大型聯賽轉播權的收費電視頻道,貴一貴都有人買,對很多球迷來說,甚麼「有線電影一台」、「爆谷台」在不少人眼中已成為畀錢睇波的「沒用贈品」,走在街上,隨處可見的收費上台易拉架,還有一大堆支持曼聯、利物蒲、巴塞隆拿、皇馬的粉絲,有些甚至穿上印有球員名稱的波衫,無比自豪。
假如將港足套用在上述情況,敢問大家可曾見過在街上有人身穿2020-2021年度「香港足球先生」、來自黑山、現時效力傑志踢前鋒的「丹恩奴域」9號球衣?很大機會是:只有在球場上的 #丹恩奴域 自己而已。
2003年8月,香港政府正式將賭波合法化,此舉在當年是以「打擊外圍賭波」為名而實施,將睇波文化變成熱潮,就連強尼亦是在這段時間,加入有線球彩台成為「講波佬」(足球評述員)。賭波合法化轉眼已18年,發展至今,香港唯一合法投注的機構「香港賽馬會」不單開放世界大型聯賽例如 #英超、 #西甲 等,就連 #日本乙組聯賽、 #挪威超級聯賽、 #墨西哥超級聯賽 都加入可投注賽事,但跟香港人最貼身的「#香港超級聯賽」(簡稱 #港超聯)卻不在名單之內。近年曾有立法會議員質疑,為何「港超聯」不能賭?當時署理民政事務局局長陳積志表示,特區政府政策是不鼓勵賭博,並指看不見此舉對推動足球有幫助(甚麼答案?!)。反思一下,若果馬會沒有開放日乙或瑞超或墨超,香港人真的會對此類非主流的足球聯賽「有興趣」?
唔講賭錢,回到實際操作 ── 培育新人和相關配套又如何?誠如節目中許賢及兩位香港知名足球名宿提到的「青訓」計劃,根本難度甚高,因為要在香港中、小學開始培訓球員甚至球星,首先要擁有一個能夠長期使用的球場,其次是家長要陪同小朋友參加密集式訓練,然而香港教育制度出名功課和考試壓力大,坦白講,正如劉榮業所言「正正經經打份工」可能更符合香港人的需求。但曾經風光一時、大球場上人頭湧湧支持本地球員的光景,是否在今代香港人眼中經已「絕種」?又未必,畢竟特區政府在「東京奧運」後,公布五項支援本地體育發展措施,包括向立法會申請9.9億撥款,又會和馬會慈善信託基金成立3億元「能力提升基金」,說不定港足也會因而此受惠。
另一個更應帶出的重點,是如何宣傳港足。就如許賢在節目中所言:「作為YouTuber,可以拍多啲足球片,YouTube係可以製造到名氣。香港足球最大嘅障礙就係建立唔到名氣。」當年「陳七」陳肇麒、「門神」葉鴻輝曾經為香港球壇牽起過一番熱潮,可惜後繼無人,「香港足球先生」的頭銜過去四屆亦被非本地球員包攬。如今運動風潮熾熱,多名香港運動員的社交網絡平台粉絲人數急升,推動本地足球亦算合時宜。若然11人足球賽事難以發展,香港足球界是否可以轉投發展小型足球?始終全港還有那麼多小型硬地足球場,劉榮業和梁能仁亦是踢「硬地」出身,換個戰場或者更合香港人口味,第一步要做的,是有更多人願意「落街踢波」、「圍埋睇波」,球場見啦大家!
上集(ACOO ╳ 許賢 ╳ 強尼):https://bit.ly/3mFYgxP
下集(ACOO ╳ 許賢 ╳ 劉榮業 ╳ 梁能仁):https://bit.ly/3ynI9ar
【 延伸閱讀 】
「東京帕奧」各台播放安排:
https://bit.ly/3mvbOML
「橫睇掂睇」 ── 開電視直播奧運食糊之後:
https://bit.ly/3gny07k
「橫睇掂睇」 ── 無綫直播奧運以綜藝凌駕專業:
https://bit.ly/3itG5sX
開電視直播女單羽毛球決賽創開台收視新高:
https://bit.ly/3iiGhuM
開電視最大弱點變成直播奧運最強賣點
https://bit.ly/3zRKvzy
香港運動員IG足本名單跟住Follow :
https://bit.ly/3iLEs8F
緊貼「游大東影視筆記」最新資訊:
▇ facebook專頁: 游大東【鴻鵠志-影視筆記】
▇ instagram: instagram.com/yautaitung
▇ MeWe專頁: mewe.com/p/yautaitung
▇ Telegram:https://t.me/yautaitung
▇ Medium:https://yautaitung.medium.com
(29082021)
#游大東 #游大東影視筆記 #許賢 #強尼 #東京奧運 #港足 #香港足球 #梁能仁 #劉榮業 ACOO 許賢(海鹽) 強尼 #試當真 #衝擊300秒 #maketmrbetter #香港運動員 #東京殘奧 丹尼爾 vs 陳恩能 仙道彬手記 足球說故事 gregory wong 王宗堯 足球快報 FootballExp HKFA 香港足球總會 足球•看世界 Football Vision 李鴻彥專頁
英超球員數據 在 FanPiece Football Youtube 的精選貼文
【足金勁喉ep 109】
《球壇Hot Dog》: 「雙紅會」賽後分析
《主打菜式》: 論「神鋒」
英超嘅「雙紅會」永遠都係全世界球迷最關注同期待嘅焦點大戰之一,雖然尋晚嘅較量就肯定未去到經典嘅地步,但都值得喺今晚節目同大家茶餘飯後傾一傾。另外,今個禮拜嘅另一個焦點係來自挪威神童艾寧夏蘭特 (Erling Braut Håland) 嘅20分鐘「帽子戲法」,其實今季都有好多呢啲「神鋒」級數嘅球員不斷打破數據。今晚19:30,我哋一齊傾下仲有邊啲。
《估波》: 車路士 vs 阿仙奴 (英超第二十四輪)
《主持》:防中維、聰、哥頓
《幕後》:阿臣
![post-title](https://i.ytimg.com/vi/bWcyZqYg7P8/hqdefault.jpg)
英超球員數據 在 果籽 Youtube 的精選貼文
新英超球季本星期開鑼,打頭陣由阿仙奴對李斯特城,到底今年各英超球隊及球員實力如何?不少球迷都會用《FIFA》遊戲內的球員能力值作參考,甚至有球隊教練會以遊戲數據作備戰之用,到底遊戲內的球員數據是怎樣計算?《FIFA18》遊戲創意總監Matt Prior指遊戲本身有一班分佈在世界各地(主要來自德國科隆)的數據搜集專家幫手,「例如在中美及南美都有不少對足球非常狂熱的專家幫手搜集資料,他們會入場觀看球賽,跟球會及相關人士聯繫取得資料,遊戲內的球員能力直接反映到真實球員的真實能力。」他更笑稱每遇到球員時,都會被問起可否在遊戲中提升他們的能力。
=========
全新副刊,推動知識文化多元。培養品味,立足香港放眼世界。不畏高牆,我們站在雞蛋一方。
《果籽》 栽種品味,一籽了然。 https://hk.appledaily.com/realtime/lifestyle/
![post-title](https://i.ytimg.com/vi/EbiI9V8o9K0/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLAAKPiWLSsqMDnuve9Kzr_FTX6guA)
英超球員數據 在 Jackz Youtube 的最佳解答
【英超lag機】
樂視英超 LeSports HK 【阿仙奴 vs 利物浦】真實預告片,科拿有話兒!
#樂視英超 #LeSportsHK #睇英超 #送黑Mon #送Lag機 #超級緩衝組合
首輪英超賽事日前開鑼,不過獲得英超播放權的樂視,再次成為眾多用戶投訴的對象。有部份用戶聲稱無法開通收看英超賽事的賬戶,以及手機版的樂視體育應用程式無法播放外,部份熱門賽事亦有殘影甚至「窒機」(又稱lag機)情況。有業界人士估計,畫面質素或與樂視為控制數據流量,以令更多用戶能暢順收看比賽有關。
英超開鑼後,樂視體育香港的facebook專即被用戶「洗版」(見表),當中投訴最多的是其畫面不流暢以及窒機情況經常出現,有網民更直指樂視「個英超直播lag到離譜」,「真係眼到隻眼好攰,尤其專心睇個波轉動,真係睇到標眼水」。亦有部份用戶要求樂視提供比賽精華片段。
據本報記者測試觀看日前愛華頓對熱刺的賽事,下半場後段出現「窒機」,而當球員大腳傳球時,亦感覺球員動作連貫性並不流暢,有殘影出現,直播信號亦較電盈(008)旗下的Now TV有數秒延遲。
天開數碼創始人及行政總監袁耀輝指出,OTT電視平台一般只會播放每秒30格圖像的影片(frame per second, 簡稱fps),只有4K標準60fps的一半,所以球員高速傳球時觀眾會感覺到有殘影,亦無法向用戶提供慢動作重播。他又估計,樂視未有相應的畫面更新率,原因或是公司希望有更多人可以「睇住先」,若提高畫面更新率,或會令更多網速較低的用戶無法收看比賽,引起更多投訴。
袁耀輝表示,對比NowTV使用IPTV方式傳送節目,OTT企業無法控制用戶使用哪一網絡供應商,加上直播比賽無法分流用戶,大批用戶會同一時間收看賽事,故會出現延遲播放及降低畫質,令更多用戶能夠順暢收看。
本報就樂視用戶向公司投訴一事向樂視查詢,樂視回應指,公司以OTT技術播放賽事,故播放質素會因應不同網絡情況而異,惟未有提供樂視播放英超的畫質數據,以及日前收看英超的樂視用戶人數供外界參考。
樂視體育香港在上次歐國盃直播時,一開始十分賴嘢,好多人都話睇唔到。直至相當後期,才稍為恢復正常。原本以為樂視在英超開始前,已解決網絡問題。結果,英超剛開始了一兩天,網民仍然在網上罵爆,不少更直言「信第二次都繼續賴嘢,早知睇NOW」。
在樂視體育香港的Facebook中,可以看到尤如上一次歐國盃直播時的情況一樣,網民繼續狂罵。除了直播時狂窒外,也有人發現延遲時間相當長,在阿仙奴對利物浦一場賽事中,積分榜更搞錯曬,明明阿仙奴禾確特在31分鐘才打開記錄,但有網民發現竟顯示利物浦領先。
延伸閱讀:
蘋果日報 樂視被投訴窒機殘影 專家估或降質控流量
http://hk.apple.nextmedia.com/realtime/finance/20160814/55502329
Winandmac Media 樂視香港體育直播英超又賴 第二次重生機會都無埋?
https://www.winandmac.com/2016/08/lesports-hk-premier-league-error-and-delay/
樂視體育香港Facebook:
https://www.facebook.com/LeSportsHK/
Help us caption & translate this video!
http://amara.org/v/W8jp/
![post-title](https://i.ytimg.com/vi/CBGjTxxJ6rM/hqdefault.jpg)