【後台的禮貌】
對唔治，成個聖誕一直都無update。公關仔嘅聖誕當然係貢獻咗俾阿客啦，係痾屎都唔得閒嘅情況之下，無update同無屎係好合情合理。(well，無咩所謂啦我又唔係專欄作家)
.
話說間唔時活動都會搵下啲明星參加，而今次當然又係因為我喺後台受咗氣要發洩啦！不過今次唔係個星俾氣我受，而係他親愛的影迷哦！
.
其實影迷追星公關仔梗係歡迎啦，叫個星都係想攪旺個場之嘛，唔係叫個星嚟托咩！影迷見到星要影相尖叫失禁都好正常，但請緊記時刻保持禮貌是非常重要的。
.
話說聖誕期間有位影迷瘋狂拍照，然後追星入後台。當然去到後台邊就俾公關仔攔住咗啦，影迷就大叫啦：「佢話俾我入去架！」
「唔好意思，後台非工作人員係唔可以入去。或者你係度等等啦，一陣佢會再出嚟架。」
然後影迷西面講粗口俾說話你聽就乜都有啦，仲要再向公關仔大叫：「佢明明話俾我入去架！」
雖知道，明星話俾又點呢？個後台並不屬於佢架，係屬於我哋呢啲你睇唔起但現場我的確係操控住你個皇子公主行去邊忽嘅茂利手中呀！
.
其實你有你追星，我有我返工，大家互相尊重好好地，其實有啲野堅係可以隻眼開隻眼閉，咪大家happy囉！你估我真係好鍾意返工成日有人睥Q住我，殺佢全家咁咩！
.
但好啦，你對我唔禮貌，你就無運行啦！明明個星可以係你前面行過，我都迫佢運路行呀BB！.
.
來互相傷害吧！
#寧得罪小人莫得罪公關系列
