{一個無纜車🚡嘅昂平}
講起昂平,大家都會好自然咁諗起大嶼山昂坪,有纜車有市集有大佛。但原來此👉🏻昂平👈🏻不同彼👉🏻昂坪👈🏻。今日要介紹嘅係馬鞍山昂平!😃
我地搭的士🚕上到去馬鞍山郊野公園先起步,如果你係好行得嘅,大可以由馬鞍山恆安邨起步,沿馬鞍山村路步行🚶🏻45分鐘到達郊野公園。
落車就見到馬鞍山郊遊徑路牌,跟住路牌方向行就得,假期亦都有其他遊人🧍🏻♀️🧍🏻,唔怕行錯。起步初頭沿路都係石屎路,非常易行,一般初級行山友都絕對無問題。
行到咁上下就會見到路牌🚏往「昂平」,無錯!繼續向前行就啱架啦!之後會開始係行泥路,同開始漸漸向上⬆️,之後你會見到一個涼亭,大家可以襯機會休息下。不過,距離昂平都仲有一般路程😬。
繼續跟住昂平營地路牌方向,行多幾個字,一望無際,🟢油油嘅大草地就會映入眼簾!昂平草原下面就係西貢,企係崖邊就可以睇到晒西貢村嘅景色,仲可以飽覽180度無敵大海景🌊!大家可以野餐、露營⛺️、打卡📷、做下文青、享受家庭樂👨👩👧👦。
草原隔離就係大金鐘山⛰,此山非常陡峭,需要手腳並用先可以上山落山🧗,如果你係初級人士,或者你無相應工具準備,就應該好似我咁,遠觀下就好啦😉!
🤨離開草地,你就會遇到一個分叉路,一個去茅坪,一個去大水井。經茅坪古道可以行到富安花園,經大水井就係出西貢。果日我地就揀咗往西貢方向。
由呢度開始,都係大石級同泥路,一路拾級而下⬇️,唔好以為好輕鬆,高高低低嘅石路,其實對膝頭哥都幾大負擔架,行完第二日,小腿同膝頭都有少少「冤冤」痛😅。
🕚大約一個小時左右啦,就行到出大水井,呢度係村屋地方,行多少少就會公廁,有需要就放低少少,或者洗個面洗個手。之後你會見到地面有油漆寫住往西貢路,跟住行就無錯架啦。
😃行到咁上下,跟住路牌「往西貢墟」,十分鐘左右,你就出到西貢市中心啦,係你對面係西貢地標寶齡球場。咁之後你地就自由選擇去邊啦。如果想去西貢食下野行下,就轉左行多十分鐘就到啦🤩!
#大人細路都啱行
#寵物好去處
#馬鞍山郊遊徑
#昂平 #行山 #郊遊
同時也有1部Youtube影片,追蹤數超過9萬的網紅David 大衛,也在其Youtube影片中提到,#行山 #郊遊 #山澗 #大衛 #行山路線 #Hiking 位置西貢北港古道有一處非常特別的竹林,種植了超多超密的竹林,有竹林隧道,小竹枝多得眼花瞭亂,而茅坪就有一棵特別的植物,稱為藤王,很多人都為而慕名而來。 加入會員支持大衛:https://www.youtube.com/channel/UC...
茅坪古道昂平 在 有心無默 Facebook 的最佳解答
《無異之局》荒村異聞(一)
同好多香港人一樣,蘇子儀係一個非常鍾意行郊野公園嘅女仔。每逢放假得閒嘅時候,佢都總會約埋一班朋友周圍走,想喺香港嘅唔同位置留低自己嘅足跡。
而另一方面,佢亦都對香港行山界嘅都市傳說感到非常有興趣──例如Ocamp行山撞鬼、山魅、西貢結界之類嘅「故事」,佢都幾乎聽到識背。但即使係咁,佢都冇從冇諗過類似嘅事有一日會發生喺自己身上……
記得當日係十月八日(星期二)。因為正好係大學Day off,所以佢約咗兩位大學朋友即興行山──今次嘅目標係去睇黃竹山廢村。
「子儀,點解今次會揀呢度嘅?」坐小巴嘅時候,佢嘅其中一個朋友Lois一邊掃Instagram一邊問。
「係囉,廢村聽落咁得人驚。」坐喺旁邊嘅阿Yan接住講:「平時妳都唔會揀呢啲地方嘅。」
「吓?妳哋唔覺得好特別咩?一個大城市裡面有個荒廢咗成半個世紀嘅廢村。」子儀笑住回應:「何況妳哋兩個成日話想行短程嘅,呢個咪啱晒囉。」
「哈哈。」阿Yan聽完乾笑一聲。
對佢同Lois嚟講,行山最大嘅價值就係影一輯青春健康充滿陽光氣息嘅靚相然後擺上 instagram,本身景點背後有咩意義根本就唔在乎。
所以當佢哋見到其他人影落嘅相係名乎其實嘅「廢村」,多少係有啲失望……但既然口快快應承咗會嚟,留喺屋企又怕更無聊,結果最後都係選擇出嚟。
=========
《惡夢島》全集:
https://www.facebook.com/pg/Echo.of.Heart/photos/?tab=album&album_id=1861298627335278
《極樂謊園》全集:
https://www.facebook.com/pg/Echo.of.Heart/photos/?tab=album&album_id=1736011713197304
【廣告】《無異之初》、《無異之地》各大書局有售!
=========
佢哋三個照住網上嘅行程教學,由馬鞍山郊遊徑嘅水泥路開始行,經過昂平然後接上麥理浩徑第四段,再走一段路就轉入茅坪古道。
「幾時到㗎?」Lois停低落嚟抖氣,平時少做運動嘅佢行到呢度已經上氣唔接下氣。
「差唔多喇。」子儀望住電話回應,對成日周圍走嘅佢黎講呢段路根本係小兒科,「上面話見到矮牆再行就會有條小橋,過埋條橋就差唔多到。」
一直行,終於見到教學所指嘅小橋,橋下面係一條清澈嘅小溪。當刻橋上面正好有個年邁嘅伯伯喺度休息緊,等到三個少女行到過去嘅時候,伯伯好奇咁開口問:
「妳哋係咪想上去黃竹山村呀?」
「係呀。」子儀禮貌咁點點頭,「伯伯,我想問係咪行呢條路就啱?」
「冇錯冇錯,」伯伯轉身指向左手邊,「妳哋過完橋轉左就會有條路上去廢村。但要小心啲……條路本來就多青苔,尋晚仲要落完雨,所以應該會幾滑。」
「嗯,一定會。」見阿Yan同Lois都喺陰涼嘅小溪旁邊休息緊,子儀決定同伯伯講多兩句:「伯伯上山都係嚟睇廢村?」
「呵呵,都睇咗好幾年囉,話晒係咁有歷史嘅地方。」伯伯笑住回應:「記得當年日本仔打到嚟嘅時候,成日都會嚟呢邊搞掃蕩……所以後生嗰班都搵機會逃走,結果慢慢就冇晒人住。」
「原來係咁。」雖然上網已經睇過類似嘅歷史,但子儀都盡量表現到學到嘢咁。
「小妹妹,如果妳對廢村有興趣嘅話,其實香港仲有另一個當年都幾出名嘅……」
「仲有另一個?」
「嗯……叫做白湖村。」
子儀皺起眉,來來想追問下,但阿Yan同Lois正好抖完行到過嚟。
「行得啦!」阿Yan捉住子儀隻手講。
「哈,咁伯伯都唔阻妳哋喇,拜拜。」伯伯揮揮手,然後就從佢哋嚟嘅方向離開。
「其實妳一早知點行啦,仲洗咩問人喎。」阿Yan細細聲咁講。
「咁難得見到有人,出於禮貌都應該講兩句嘅。」子儀回應。
穿過小橋後,佢哋一直沿住台階上,轉眼間就到達廢村範圍。映入眼簾嘅係一個仿如古代遺跡嘅景象──可以見到大部份嘅石屋都已經倒塌,剩低斷壁殘垣,而周圍都長滿綠草,感覺充滿生機……
「只要冇咗人類嘅干擾……大自然就會係咁樣發展。」子儀感嘆咁講:「呢刻感覺就好似睇緊未來地球嘅縮影咁。」
「做乜妳今日講嘢咁奇怪嘅。」Lois講,阿Yan聽完即刻偷笑一聲。
同子儀唔一樣,佢兩位朋友明顯對呢度冇太大感覺。當刻又正好天有厚雲,喺冇咗陽光嘅狀況下想搵個好位置影相都變得困難。而且成個廢村其實相當寧靜,假如唔係一直有人講嘢嘅話,大概真係會覺得陰森恐怖。
結果佢哋行咗一轉後,最後揀咗一個廢窗嘅位置影相。
「麻麻地……」阿Yan睇完啲相之後講:「不過執下可能都得嘅……子儀,一陣係咪睇完呢度就落山架啦?」
「嗯。」子儀回應嘅時候一直盯住平台下方,即係佢哋頭先上嚟嘅道路。
「咁一陣Lunch食乜嘢?係咪出返市區先?」
「更係出去先!」Lois率先讚成,「我記得觀塘新開咗間甜品店……」
「喂。」子儀打斷咗佢,「我好似見到下邊有人……」
「係咪頭先個阿伯?」阿Yan問。
「唔係,著嘅衫唔一樣……而且……」子儀講講下停咗,轉身望向阿Yan佢哋,壓低聲講:「佢上到嚟了。」
下一秒,有一位著住黑衫黑褲、戴住黑帽嘅男人嚟到廢村平台,本來一身都勉強算係標準嘅運動打扮。但最奇怪嘅係佢居然戴住黑色口罩。
好地地邊有人行山係會戴口罩?再加埋佢銳利嘅眼神,所以第一印象自然係偏向壞嗰方面……係賊上山打劫?抑或係遇上偷渡人士?
「不如走囉?」Lois神情不安咁提議,阿Yan即刻點頭同意,「子儀……係咪另一邊都有路走到?」
「有……」子儀都唔敢望返過去,「網上面話有兩條路,行右邊就可以出返去麥理浩徑……」
三名少女即刻動身,但只係行咗幾步,背後嘅黑衫男子突然開聲講:
「喂,妳哋三個。」
一聽完,佢哋即刻停低腳步。子儀感覺到旁邊嘅阿Yan全身震咗一下,而Lois差少少就會驚到尖叫出聲……當然佢哋可以選擇唔理拔腿就跑,但子儀卻鼓起勇氣轉身望過去。
「你……到底想點?」子儀盯住黑衫男子嘅雙手,見唔到有武器之類嘅危險物件,「如果係想打劫嘅話……」
「打劫?」男子聽完冷笑一聲,「我要打劫會唔會揀荒山野嶺?」
「嗚……」Lois聽完更加驚,「咁即係劫色……」
「假如係劫色嘅話,妳都可以放心,三個入面我都一定唔會揀妳。」明明已經講得好細聲,但男子依然聽得好清楚,「聽住……妳哋而家腦海裡面諗嘅嘢全部都係錯嘅,我只係想提醒妳哋。」
「提醒?」子儀皺起眉頭。
「妳哋揀錯日子上山喇。」男子接住講:「一陣落山嘅時候,記住無論發生咩事,遇到咩人都好,千祈唔好回應……要一直行、死命咁行、唔好停低、唔好回頭……直至翻出市區為止。」
「點解要咁做?」
「與其要我慢慢解釋,不如妳哋快啲行動。」男子轉身,「趁仲有機會離開呢度。」說罷,佢就沿住石階落返下面。
「喂!」子儀本來想追問,但阿Yan即刻拉住佢。
「條友明顯痴線㗎,妳仲理佢!我哋快啲走喇!」
見佢兩位朋友嚇到面都青晒,子儀當然都唔敢亂做決定,而係照原定嘅路徑離開廢村開始落山。
「我今日真係唔應該嚟……早知就留喺屋企追劇……」阿Yan邊行邊抱怨。
「對唔住。」子儀道歉。
照道理,穿過古徑之後走一段路應該就會去返麥里活徑。但意外嘅係,呢段幽深嘅小路居然行咗足足大半個鐘都未出得返去,間唔中仲會有陰風吹過雜草,感覺就好似有人隨時會喺草叢裡面突然彈出嚟咁……
「嗚……」Lois終於忍唔住喊出嚟,「到底仲要行幾耐……」
「子儀……妳係咪記錯方向呀?」阿Yan一直拖住Lois隻手行,但睇得出佢都就快去到崩潰邊緣,「會唔會行左邊先啱?」
「唔係,個教學明明係寫呢條……妳哋望下前面!穿過埋草叢應該就係!」
彷彿見到曙光一樣,三人即刻加快腳步,然而……穿過草叢之後,眼前並唔係一條明確嘅山路,反而係熟悉嘅石道,而且……
不遠處仲有道小橋。
「呢度我哋頭先咪嚟過囉?」阿Yan即刻意識到唔妥,「就係呢度遇到嗰位伯伯……吖!?」
啞、啞、啞、啞、啞……
頭頂嘅烏鴉叫聲嚇到阿Yan尖叫一聲。子儀起初仲猶豫緊係咪應該走回頭路,但又諗返起頭先嗰個黑衫男人叫佢哋要一直行……「唔好停低、唔好回頭」。
「各位……」諗到呢度,佢本來想為兩位朋友打氣,但Lois卻突然捉住佢隻手……
「下、下面……嗚……」當刻Lois已經喊到妝都化埋,佢合埋雙眼,指住石道下面嘅河溪……
子儀望過去,呢刻有兩個小朋友喺溪邊彎低身,背對住佢哋喺度玩水,嘻嘻哈哈咁笑得非常開心。但此時此刻見到咁嘅景象,當然係更覺得毛骨悚然……然而更令人心寒嘅,係Lois接住嘅下一句……
「我頭先……嗚……見到佢哋……係冇眼耳口鼻……」
阿Yan聽完即刻驚到同Lois攬埋一齊。而子儀就一直盯住下方,直到背後響起一把熟悉嘅聲音……
「咦,妳哋幾個點解返轉頭嘅?係咪蕩失路?」
係頭先遇到嘅嗰一位伯伯。
子儀想擰轉身去望,但身體偏偏冇辦法作出回應。
「明嘅……伯伯我呀……當年都係一樣……走咗入嚟,走唔返出去。」
郁唔到、亦都冇辦法開聲,只係維持住同一個動作。下一刻,開始注意到周圍有「人」從唔同方向走出嚟……橋嗰邊有、下方溪間有、前方嘅石道亦都有。當中有男有女,全部人臉上嘅五官都模糊到好似消失咗一樣。
「我哋其實都唔想傷害妳哋……但冇得揀……」
子儀感覺到背後嘅寒意越嚟越重,但佢依然冇辦法掙扎開……
「我哋只有咁做……先可以搵到離開呢度嘅路……」
四周嘅「人」開始慢慢行近過嚟,下面小溪嘅兩個小朋友亦都一樣。當刻,三位少女全部動彈不能,只可以企定定任由周圍嘅「人」宰割。
但就喺下一刻……
「我就知道發展會係咁。」黑衫男子突然喺草叢間走出嚟,「提咗妳哋發生咩事都唔好停落嚟。」
意外嘅係,男子嘅出現瞬間驅散咗周圍嘅寒氣。本來仲包圍緊少女們嘅「人」都即刻倉惶而逃……下一瞬間,子儀終於郁得返了。
「唔好擰轉頭望。」黑衫男子再次提醒,「由我身後呢條路走,一直走,就算跌低都要即刻起身走……」
「……今次一定會搵到出口。」
(待續)
《無異之局》正式開始連載。預計頭半本書進度應該會係幾快,希望各位可以睇得盡興啦。下集暫定星期二或三出。
《無異之地》實體版出咗啦!記住支持下呀~
p.s. 留言有人物關係表。
----------------
【地方的無默媽資助計劃】(試行中)
近年作者生存空間越收越窄,大眾結業更加似係雪上加霜。所以推出資助計劃,希望各位可以直接課金支持。計劃並唔係強制性,一蚊可以,想繼續免費睇亦無妨,有心就可。
Payme 連結:
https://payme.hsbc/echoofheart
轉數快 FPS ID:6065460
計畫緣由及詳細內容:
https://bit.ly/39b5Fuw
Patreon 都開咗啦,八月中正式開始!
https://www.patreon.com/echoofheart?
-----------------
【廣告】《無異之初》、《無異之地》、《時間守衡者》、《絕命上映》、《絕望走廊》、《絕無轉機》各大書局有售!
-----------------
IG:echoofheart
茅坪古道昂平 在 香港山女 Mountain Girl HK Facebook 的最讚貼文
早晨!44條 #二星路綫 總覧
游走 #甲龍林徑 #扶輪公園賞維港
相片集: http://bit.ly/kaplungalbum
路綫詳情: http://bit.ly/kaplung
《晴報》揭頁版: http://bit.ly/kaplungflip
輕鬆逆走 #昂坪棧道
相片集: http://bit.ly/onpingalbum
路綫詳情: http://bit.ly/ngongpingtrail
《晴報》揭頁版: http://bit.ly/onpingflip
避暑之選 林中環繞 #田灣山
相片集: http://bit.ly/tinwanalbum
路綫詳情: http://bit.ly/TinWanShan
《晴報》揭頁版: http://bit.ly/tinwanflip
香港上水 #華山 零梯級登4山
相片集: http://bit.ly/washanalbum
路綫詳情: http://bit.ly/washanhk
《晴報》揭頁版: http://bit.ly/washanflip
走進 #慈沙古道 清涼避暑
相片集: http://bit.ly/shatinancienttrailalbum
路綫詳情: http://bit.ly/ShaTinAncientTrail
《晴報》揭頁版: http://bit.ly/shatinancienttrailflip
輕鬆走天梯 登 #鷓鴣山
相片集: http://bit.ly/razorhillalbum
路綫詳情: http://bit.ly/RazorHill
《晴報》揭頁版: http://bit.ly/razorhillflip
春花一落不回頭 青衣遊蹤
相片集: http://bit.ly/chunfalokalbum
路綫詳情: http://bit.ly/chunfalok
《晴報》揭頁版: http://bit.ly/chunfalokflip
#春花落
#懸空棧道 行 爬登 #渣甸山
相片集: http://bit.ly/mtjardinealbum
路綫詳情: http://bit.ly/mtjardine
《晴報》揭頁版: http://bit.ly/mtjardineflip
#大澳 #虎山 遊浪漫紅橋
相片集: http://bit.ly/fushanalbum
路綫詳情: http://bit.ly/FuShan
《晴報》揭頁版: http://bit.ly/fushansp
勇闖港版 #少女峰 秋遊 #鴨仔山
相片集: http://bit.ly/ApTsaiShanalbum
路綫詳情: http://bit.ly/ApTsaiShan
《晴報》揭頁版: http://bit.ly/ApTsaiShanflip
走入有機農場 #露營灣 消暑
相片集: http://bit.ly/paksuiwunalbum
路綫詳情: http://bit.ly/paksuiwun
《晴報》揭頁版: http://bit.ly/paksuiwunflip
走過「#屯門的彩虹」 探 #藍地水塘【晴報】
相片集: http://bit.ly/lamteireservoiralbum
路綫詳情: http://bit.ly/lamteireservoir
《晴報》揭頁版: http://bit.ly/lamteireservoirflip
#壽臣山 古迹遊 探軍火庫賞石刻
相片集: http://bit.ly/shousonpeakalbum
路綫詳情: http://bit.ly/shousonpeak
《晴報》揭頁版: http://bit.ly/shousonpeakflip
望住 #飛鵝山 走上觀塘後花園
相片集: http://bit.ly/shumwanshanalbum
路綫詳情: http://bit.ly/shumwanshan
《晴報》揭頁版: http://bit.ly/shumwanshanflip
快閃 #鴨洲 暢遊小島 #吉澳
相片集: 之前上載過但被fb刪除了,遲些有空再重新上載
路綫詳情: http://bit.ly/apchaukatohk
《晴報》揭頁版: http://bit.ly/katoflip
#山頂 #盧吉道 俯瞰高清維港
相片集: http://bit.ly/lugardroadalbum
路綫詳情: http://bit.ly/lugardroad
《晴報》揭頁版: http://bit.ly/lugardroadflip
#梅窩 輕鬆走 #貝澳 睇水牛
相片集: http://bit.ly/muiwoalbum
路綫詳情: http://bit.ly/muiwopuio
《晴報》揭頁版: http://bit.ly/muiwopuioflip
#元朗 #大棠 賞楓 紅葉處處
相片集: http://bit.ly/taitongalbum
路綫詳情: http://bit.ly/taitonghk
《晴報》揭頁版: http://bit.ly/taitongflip
#青衣自然徑 大橋伴日落
相片集: http://bit.ly/tsingyialbum
路綫詳情: http://bit.ly/tsingyi
《晴報》揭頁版: http://bit.ly/tsingyiflip
#南丫島 漫遊 賞風車探古迹
相片集: http://bit.ly/lammaislandalbum
路綫詳情: http://bit.ly/lammaisland
《晴報》揭頁版: http://bit.ly/lammaislandflip
#麥徑二段 沙灘嚐美食
相片集: http://bit.ly/MacLehoseTrail2album
路綫詳情: http://bit.ly/MacLehoseTrail
《晴報》揭頁版:http://bit.ly/MacLehoseTrailflip
#獅子山 上 感受香港精神
相片集: http://bit.ly/LionRockhk
路綫詳情: http://bit.ly/lionrockhk2
《晴報》揭頁版: http://bit.ly/lionrockflip
兩小時快閃 #小西灣 #龍躍徑
相片集: http://bit.ly/dragonwalkalbum
路綫詳情: http://bit.ly/dragonwalk
《晴報》揭頁版: http://bit.ly/dragonwalkflip
#愉景灣 遊 #聖母院 梅窩食海鮮
相片集: http://bit.ly/discoverybayalbum
路綫詳情: http://bit.ly/discoverybayhk
《晴報》揭頁版: http://bit.ly/discoverybayflip
《Lonely Planet》推介路綫 #龍脊 遠足去
相片集: http://bit.ly/dragonbackalbum
路綫詳情: http://bit.ly/dragonbackhk
《晴報》揭頁版: http://bit.ly/dragonbackflip
#調景嶺 #茅湖山 新手遊廢堡
相片集: http://bit.ly/mauwushanalbum
路綫詳情: http://bit.ly/mauwushan
《晴報》揭頁版: http://bit.ly/mauwushanflip
#赤柱 炮台起步 探訪 #犀牛石
相片集: http://bit.ly/rhinorockalbum
路綫詳情: http://bit.ly/rhinorock
《晴報》揭頁版: http://bit.ly/rhinorockflip
#元朗 #髻山 遊 山脊觀魚塘
相片集: http://bit.ly/kaishanalbum
路綫詳情: http://bit.ly/kaishanhk
《晴報》揭頁版: http://bit.ly/kaishanflip
#大澳 起行 #萬丈布 消暑遊
相片集: http://bit.ly/mancheungpoalbum
路綫詳情: http://bit.ly/mancheungpo
《晴報》揭頁版: http://bit.ly/mancheungpoflip
港島 #西高山 煙霞中看維港
相片集: http://bit.ly/highwestalbum
路綫詳情: http://bit.ly/highwesthk
《晴報》揭頁版: http://bit.ly/highwestflip
1條路遊遍 #馬騮山 4水塘
相片集: http://bit.ly/kamshanalbum
路綫詳情: http://bit.ly/kamshan
《晴報》揭頁版: http://bit.ly/highwestflip
#流水響、#鶴藪水塘 照天空之鏡
相片集: http://bit.ly/LauShuiHeungReservoiralbum
路綫詳情: http://bit.ly/laushuiheungreservoir
《晴報》揭頁版: http://bit.ly/laushuiheungflip
#荃灣 #石龍拱 賞美景 廢校探秘
相片集: http://bit.ly/sheklungkungalbum
路綫詳情: http://bit.ly/sheklungkung
《晴報》揭頁版: http://bit.ly/sheklungkungflip
#大潭水塘 文物徑 路綫合家歡
相片集: http://bit.ly/taitamalbum
路綫詳情: http://bit.ly/taitamhk
《晴報》揭頁版: http://bit.ly/taitamflip
漫遊 #鰂魚涌 #康柏 賞英軍遺迹
相片集: http://bit.ly/hongpakalbum
路綫詳情: http://bit.ly/hongpak
新春推介 #太平山 頂 #8字行大運
相片集: http://bit.ly/victoriapeakalbum
路綫詳情: http://bit.ly/victoriapeakhk
《晴報》揭頁版: http://bit.ly/victoriapeakflip
#魔鬼山 炮台 遊軍事遺蹟
相片集: http://bit.ly/devilpeakalbum
路綫詳情: http://bit.ly/devilpeak
《晴報》揭頁版: http://bit.ly/devilpeakflip
#蒲台島 觀奇石 #香港南極
相片集: http://bit.ly/potoialbum
路綫詳情: http://bit.ly/potoi
《晴報》揭頁版: http://bit.ly/potoiflip
坐港鐵去 #黃竹坑 走上 #南朗山
相片集: http://bit.ly/namlongalbum
路綫詳情: http://bit.ly/namlongshan
《晴報》揭頁版: http://bit.ly/namlongshanflip
屯門「#港版大峽谷」
相片集: http://bit.ly/canyonhkalbum
路綫詳情: http://bit.ly/Canyonhk
#香港仔水塘 行山睇古蹟
相片集: http://bit.ly/aberdeenreservoiralbum
路綫詳情: http://bit.ly/aberdeenreservoir
《晴報》揭頁版: http://bit.ly/aberdeenreservoirflip
#大欖涌水塘 港版 #千島湖
相片集: http://bit.ly/tailamchungalbum
路綫詳情: http://bit.ly/tailamchung
《晴報》揭頁版: http://bit.ly/tailamchungflip
#城門水塘 草坪野餐樂
相片集: http://bit.ly/shingmunalbum
路綫詳情: http://bit.ly/shingmun
《晴報》揭頁版: http://bit.ly/shingmunflip
秋遊 #鶴咀 登香港最老燈塔
相片集: http://bit.ly/hoktsuialbum
路綫詳情: http://bit.ly/hoktsuihk
《晴報》揭頁版: http://bit.ly/hoktsuiflip
#香港山女
IG: mountaingirlhk
茅坪古道昂平 在 David 大衛 Youtube 的最佳解答
#行山 #郊遊 #山澗 #大衛 #行山路線 #Hiking
位置西貢北港古道有一處非常特別的竹林,種植了超多超密的竹林,有竹林隧道,小竹枝多得眼花瞭亂,而茅坪就有一棵特別的植物,稱為藤王,很多人都為而慕名而來。
加入會員支持大衛:https://www.youtube.com/channel/UCuXXWWJQcYNZ641hmejr_3Q/join
加入方式示範 : https://www.instagram.com/p/CFoynJXpnYZ/?igshid=1doq8algqavot
大衛 Facebook : https://www.facebook.com/DaiWaiChannel
大衛 Instagram:https://www.instagram.com/DavidYoutubeChannel/
![post-title](https://i.ytimg.com/vi/JeXTyxB_Ogc/hqdefault.jpg)