［勞蘇覺得好震憾！！！］我真係以為今日愚人節！唔好以為飛鹿兒島呀！飛機播片都冇呀！咪撚以為飛機餐有熊襲鍋食呀！上機前自己Facebook睇片咋！應該連自己夾個宮崎芒果（＃）上去都唔得。
TLDR：Matrix 咩大佬。至少畀個VR 眼罩我笠先啦，至少都叫啲空姐空少講日文啦下話。至少叫啲港B港媽咪撚嘈先啦，你話假裝在日本嘛，唔係返大陸下話？
1. 早排睇余家強寫文，講《風雲》（https://fbook.cc/3IGC）：拆穿了就是神仙獅子老虎狗遊戲，開局「南麟劍首」與「北寒雪飲」樂山大佛決鬥，殊不知只攔路惡犬，雄霸一插手，立即挾着尾巴逃。雄霸之後，輪到絕無神猛虎出柙，卻極忌憚其師兄拳道神，拳道神又一招之間敗於天皇……回頭看，當初南北兩大高手豈不幼稚得似井底之蛙？決鬥個啥呢？而主角像電玩般過關打大boss，永遠天外有天，層層疊疊，難怪寫足二十幾年。
2. 我都幾同意，雖然認為真係唔使咁認真。細個打機又好，睇動漫亦好，都有呢類問題。個個一場出場講到點樣勁點樣勁（聖鬥士星矢嘅白銀聖鬥士，或者足球小將嘅剃刀射球早田誠），但到後來全部都係流得很，真係做大後備都未夠（唔記得邊個講：呀早田，在歐洲呢，真係個個普通球員都識呢啲內彎波，很基本呀華生）
3. 亦即係，到大個少少，就發現呢啲真係全部拖長嚟做。永遠就係：靚坤死了，又有烏鴉。 烏鴉之後又有誰？ 浩南一生要挫敗多少強敵？ 將會如何面對未來的漫天風雨？
4. 講遠咗少少，但大家都知，以上種種，都係為咗拖時間。幾集畫完之後點算？電視台播乜？所以永遠都係不停天外有天，人外有人，為生活，我明白嘅。再加上以前好多係乜乜周刊，或者一個星期播一集，唔存在而家咁可以一次過煲。
5. 聽聞近年啲作品開始改善呢種毛病，話完就完，唔好搞到冨樫義博或者 FEEL 100% 咁（*）。見好就收。
6. 呢呢呢，之前都寫過，呢啲咁嘅香港飛香港，梗係滿啦，你開得嗰百幾人，實有大把飛機膠。但，一路玩落去，總有一日玩爛
7. 但明嘅，就係最好自己做玩爛佢嗰個嘛。香港人嘅嘢，梗係自己玩爛好過畀人玩爛。萄撻又好，芝士蛋糕又好，都係咁玩。
8. 事實，玩撚到爛為止，一向都係香港精神。有一套殭屍先生，就有殭屍翻生 殭屍叔叔 殭屍家族，名都費撚事改。正如有 鬼打鬼，就有 人嚇人 有 人嚇鬼 有人鬼神。不過其實而家荷里活都係咁上下，哈利波特之人在威爾斯，新哈利波特少年激鬥篇，友情歲月之榮恩故事，去吧！霍格華茲Fit人兵團等等都係咁拍。
9. 拿，今次幾有誠意的（https://bityl.co/4OCq）。等你事前上Facebook睇片！可以假裝在日本！第時大家可以叫另一半扑嘢（＊＊）前，開套片睇下，女嘅幻想對方係韓仔而唔係肥佬毒撚，男嘅幻想對方係李佳芯林嘉欣whatever。我特別啲，建議你開套《親密》嚟睇林嘉欣，仲可以聽住舒伯特嘅《鱒魚》（＊＊＊）。總好過睇男人四十聽《相愛很難》
10. 但，仲話嚟緊陸續有嚟，「除了日本，亦會與台灣、韓國、泰國、馬來西亞及澳洲等地旅遊觀光機構合作，在11月下旬及12月內推出不同主題Flycation航班，總共有21班主題航班」。真係玩到爛為止。
11. 陰功，我以為至少都在架機度播，原來只係叫你上機前自己上Facebook 睇！真係笠個面具扮湯告魯斯都慳返。
12. 講真，邊得架？如果係咁都得嘅，有錢人就唔會玩明星啦！播套《愛回家》或乜然後搞自己老婆，假裝在日本算啦。不過都只係3000人，都唔好低估香港航空愛好者（aka 飛機膠）嘅數量。
（＃）宮崎芒果係以前埃汾嘅文成日講嘅嘢，同「中村藤吉」一樣。咁由幾時開始唔講？咪由我去咗宮崎之後咪冇再講！正所謂 要戰勝恐懼必先成為恐懼本身。我去咗四國睇德島漩渦（鳴門漩渦，唔係隊波）後，就冇再寫「悲慘世界但去四國睇漩渦」了。來擁抱著我～～～鳴門漩渦（識唱一齊唱）
（＊）實情FEEL 100% 都完咗好耐，梁詠琪仔都生撚埋，古語有云，文藝女青年這種病， 生個孩子就好了。
（＊＊）扑嘢有幾粗俗有幾奇怪？老豆老母唔扑邊有你？
（＊＊＊）都話真係有入場睇！
==============================================
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7
==============================================
Instagram @ivanliresearch．七成金融（短打）兩成嘢食一成其他嘢。
==============================================
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145
荷魯斯之眼女主角 在 [正妹] 荷魯斯之眼女主角寇特妮依頓- 看板Beauty - 批踢踢實業坊 的推薦與評價
澳洲女演員也演過瘋狂邁斯，今年才20歲而已，非常青嫩！讓我想起我果然是個專一的男
人。
畫面是租片子回來看直接轉拍電視的，不清楚請見諒。
Courtney eaton
--
※ 發信站: 批踢踢實業坊(ptt.cc), 來自: 42.72.186.11
※ 文章網址: https://www.ptt.cc/bbs/Beauty/M.1466337631.A.311.html
... <看更多>
相關內容